1. Аль болох бага ярихыг хичээх. Өөрийн ажлыг л хийх, бусдын хэрэгт үл оролцох
2. Санал шүүмжийг талархалтайгаар, баяртайгаар хүлээх авах, бусдын алдаа дутагдлыг үл ажиглах
3. Гомдоолт, шударга бус байдлыг хариу үйлдэл үзүүлэлгүйгээр хүлээж авах
4. Таныг үл хайхарч байгаад, таныг мартсанд, таныг хайрлахгүй байгаад тайван хандах,
5. Бусдад таалагдах гэж хичээх хэрэггүй ба бусад хүмүүсийн гайхашралыг төрүүлэх гэж хичээх хэрэггүй. Цаг ямагт эелдэг, даруу байх. Тэр ч байтугай хэн нэг нь таны амар тайван байдлыг алдагдуулах гэж хичээж байсан ч. Нэр цол, алдар гавьяанд тэмүүлэх хэрэггүй. Маргаанд үргэлж бууж өгөх, тэр ч байтугай таны зөв байлаа ч.
6. Хамгийн тухгүй газар, хамгийн хүнд ажил, хамгийн хэцүү замыг сонгох\
7. Бардам хүн зөвхөн өөртөө найддаг бол хүлцэнгүй хүнийг Бурхан удирдаж байдаг. Бардамнал бол бүхий л болохгүй муу бүхний үндэс ба хүлцэнгүй чанар нь бүхий л сайн чанарын эх үндэс.
8. Бардам хүн ямагт гомдож байдаг. Хүлцэнгүй хүн хэзээ ч уурлан хилэгнэдэггүй. Яагаад гэвэл юу ч түүнийг доромжлон гутааж үл дийлмүй.
9. Бардам хүн өөрийгөө хайрлах онцгой хайрыг эрж хайж байдаг. Хүлцэнгүй хүн нь хариу юу ч горилолгүйгээр түүнийг өөрийг нь хайрлаж байдаг.
10. Бардам хүн хамгийн шилдэг байхыг хүсч байдаг. Хүлцэнгүй хүн хамгийн энгийн бөгөөд хамгийн эгэл үйлүүдийг үйлдэж үүндээ ханамжтай амьдарч байдаг.
11. Зөвхөн хүлцэнгүй чанарт л үнэн оршдог. Бидэнд оршин байгаа бүхий л зүйлсийг (авьяас, онцгой чадвар, гоо үзэсгэлэн гэх мэт) бид Бурханаас хүлээн авсан. Тийм байхад бидний хийсэн зүйлээр биш Түүний зүйлээр бид хэрхэн бардамнаж болох билээ?
12. Хэрэв та хүлцэнгүй бол юу ч таны толгойг эргүүлж чадахгүй. Хэн ч таныг гомдоож чадахгүй. Яагаад гэвэл та юу нь чухам юу вэ гэдгийг сайтар мэдэж байдаг. Хэрэв таныг бүх нүгэлд буруутгавал та гомдол цөхрөлд орохгүй, хэрэв таныг ариун гэгээнтэн гэж цолловол энэ нь таныг хөөргөхгүй. Хүмүүс таны тухай юу гэж бодож байгаа бол гэдэгт санаа зовох хэрэггүй.
13. Зөвхөн өөрийгөө хайрлаж байгаа, зөвхөн өөрийгөө хайрлах хайрыг хайгч нь үргэлж түгшүүр болон уйтгараар дүүрэн байдаг. Өөрийгөө ч умартан бүгдэд зөвхөн Бурханыг эрж хайгч нь өөрийн сэтгэл санаагаа амар тайван хадгалан барьж байж чаддаг.

Шрила Радханатха Свами 

Бэлтгэсэн: Балабхадра дас

Хүн өөрөө өөрийнхөө насыг нэг секундээр ч уртасгах боломжгүй. Энэ нь бидний хүч чадлаас давсан хэрэг юм. Харин бид өөрсдийгөө зөв авч явах аваас бид дахиад хэдэн нас нэмэгдэх боломжтой. Энэ нь таны дээд хүчнүүдтэй харьцах харьцаанаас шууд хамаарна.

Йогчид яагаад тийм урт наслаад байдаг юм бэ? Яагаад гэвэл тэд дотооддоо маш их ажилтай байдаг. Хэрэв хүмүүний дотоодод ажил өрнөж байх аваас ерөнхийдөө ихэвчлэн тийм хүмүүс нь урт насладаг. Харин зовох, шаналахын тулд зүгээр л амьдрах гэж биш… Жишээ нь нягтлан бодогч хүн байлаа гэе. Тэр амьдраад л, амьдраад л, дөчин жил, тавин жил нягтлан бодогч хийжээ. .. Хэрэв тэр таван зуу наславал яахав? Тэр таван зуун жил нягтлан бодогчоороо л байх байсан. Тэр юу ч өөрчлөхгүй. Юу ч үл өөрчилдөг хүмүүсийн амьдрал богино байдаг гэдгийг сана. Тэднийг шүүрч аваад л, хүчээр энэ биеэс нь гаргаад өөр бие рүү шилжүүлдэг. Эс тэгэх аваас тухайн сүнсний хувислын процесс зогсоно.

Ерөнхийдөө, амьдрал хувьсах хүслийн үр дүнд л уртасдаг!  Хэрэв сэтгэлдээ хувьсан өөрчлөгдөх аваас амьдрах хугацаа тань бодитоор нэмэгдэх болно. Тэр ч байтугай тийм тохиолдолд тухайн хүн нас нөгчлөө ч клиник үхэлд орох бөгөөд түүн рүү дээд хүчнүүд хүрэлцэн ирээд, “Чи өөрийн амьдралаа эерэг тийш нь өөрчлөж эхлэсэн байна. Тийм болохоор чамайг авч явах нь утга учиргүй. Дахиад хэдэн жил амьдар” хэмээдэг. Энэ тухай олон хүмүүс ярьж байсан. Гэвч энэ бол маш нухацтай ажил юм шүү.

Ведийн зурхайч, сэтгэл зүйч Сергей Серебряковын лекцээс орчуулсан: Балабхадра дас

Хүмүүс, хайрын төгс объектыг олох гэж хичээн хичээсээр авч  эцэст нь тэд урам хугаралд автдаг. Бид ахыгаа, эгчийгээ, эхийгээ, эцгийгээ, эхнэрээ, эр нөхрөө, найзуудаа, нийгмээ, үндэстнээ, олон улсын нийгэмлэгээ тэр ч байтугай  бүх хүн төрөлхтөнийг хайрлаж болох ч бидний хайр ялгаагүй төгс бус үлддэг. Шалтгаан нь гэвэл энэ бүх хайрын хэлбэрүүд нь бүхнийг хамарч чаддаггүйд оршино. Жишээ нь, дурын улс оронд иргэд нь зөвхөн хүмүүс байдаг. Адгуус амьтдыг иргэн гэж үл тооцдог. Гэвч иргэн хэмээх үг нь тухайн улс оронд төрсөн бүхэнд хамаардаг. Энэ үгийн санскрит үндэс нь пража. Утга нь “төрөгч”. Энэ улс орны удирдагчдын үүрэг нь улс орондоо оршин байгаа хүн төдийгүй бүх пража нарыг хамгаалах явдал байдаг. Гэтэл өнөөдөр үхэр, гахай, нугас гэх мэт амьтад хэдий пража мөн ч тэднийг нядлах газар руу илгээдэг.

Харин хүн өөртөө Кришна ухамсрыг хөгжүүлснээр бүхий л амьд бодгалиудыг хайрлаж эхлэдэг. Учир нь тэр бүх амьтад бүгд Кришнатай холбоотой. Кришна айлдахдаа, сарва –йонишу каунтейа муртайах самбхаванти йах буюу “Материаллаг байгаль бол бүхий амьдралын хэлбэрүүдийн эх нь, харин Би бол үрээ өгсөн эцэг нь билээ” (Бхагавад-гита, 14.4) хэмээсэн. Жинхэнэ адил тэгш байдал, ах дүүслэг харилцаа бол бид бүх амьд бодгалиудыг Бурханы хүүхэд хэмээн харж эхлэсэн цагт л боломжтой.  Тийм харааг шингээсэн хүмүүнийг пандит буюу мэргэн ухаантан гэж нэрлэдэг. Пандит хүн хэзээ ч, “Зөвхөн миний эцэг, миний ах л сайн хүмүүс, бусад бүгд нь муу хүмүүс” гэж хэлдэггүй. Ингэх нь сектлэх үзэл болно… Кришнагийн чин бишрэлтэн хүмүүс нь аливаа зүйлийг үүнээс өөр байдлаар хардаг. Тэр ч байтугай тэд шоргоолжийг ч хөнөөхийг хүсдэггүй. Эрт нэгэн цагт Мригари нэрт нүгэлт анчин амьдардаг байжээ. Тэрээр адгуус амьтдыг шуудхан алчихдаггүй нэвт харваад орхидог, нөгөөдүүл нь удаан хугацааны туршид шаналж зовж үхдэг байжээ. Гэвч тэрээр аугаа мэргэн Нарадатай учраад Кришнагийн чин бишрэлтэн болсныхоо дараа шоргоолжин дээр ч гишгэж чадахгүй энэрэнгүй болсон. Кришнагийн чин бишрэлтэн вайшнав хүн нь амьд бодгалиудын хооронд ямар нэг ялгаваралыг гаргадаггүй. Тэрээр Дээд Эзэн шиг л амьд болгоны найз нөхөр. Кришна, бүх унасан сүнснүүдийг гэр рүү нь, Бурхан зүгт буцаахын тулд энэ ертөнцөд илрэн залардаг шиг Түүний төлөөлөгч, чин бишрэлтэн нь мөн л бүгдийг гэр рүүгээ, Бурхан зүгт буцахад нь туслахыг хичээн тэмцэж байдаг.

Бурханы адислалт А.Ч.Бхактиведанта Свами Прабхупада, “Гэгээрэхүйн эрэлд” номоос орчуулсан Балабхадра дас

Ведийн зурхайч Рами Блектийн зөвлөдөг шилдэг аргуудын нэг нь дараахь үгийг өдөрт 10 минут давтан хэлэх явдал байдаг.

“Өдөр бүр миний амьдрал бүхий л талаараа улам улам сайжирч байна”.

Энэхүү үгийг та дэвтэр дээр бичиж болох ба мөн өглөө дөнгөж сэрмэгцээ нүдээ нээлгүйгээр дээрхи үгийг өөртөө сонсогдохоор зөөлхөн дуудаарай. Энэ арга нь сэтгэл гутралаас салахад туслах ба бүхий л өдрийн турш сэтгэл зүйн эерэг төлөвтэй байхад тусладаг.

Энэ үгийг хэлэхдээ та үг тус бүр дээр өргөлт авч хэлж болно. Жишээ нь,

“Өдөр БҮР миний амьдрал бүхий л талаараа улам улам сайжирч байна”.

“ӨДӨР бүр миний амьдрал бүхий л талаараа улам улам сайжирч байна”.

“Өдөр бүр МИНИЙ АМЬДРАЛ амьдрал бүхий л талаараа улам улам сайжирч байна”.

“Өдөр бүр миний амьдрал бүхий л талаараа улам улам САЙЖИРЧ БАЙНА”.

“Өдөр бүр миний амьдрал бүхий л талаараа УЛАМ УЛАМ сайжирч байна”.

“Өдөр бүр миний амьдрал БҮХИЙ Л ТАЛААРАА улам улам сайжирч байна”.

Өөрөөр хэлбэл та хэмнэлийг өөрчилснөөр тухайн үгийг  илүү ухамсарлалтайгаар хэлэх болно.

***

Амьдралаас баяр баяслыг олж сур. Энэ нь аз жаргалыг урин дуудах хамгийн шилдэг арга юм.

Бенжамин Франклин

Орчуулж бэлдсэн: Балабхадра дас