Үндсэн Цэс

Ведийн зурхай

Статистик

0 0 9 9 3 0
Users Today : 8
Users Yesterday : 24
Total Users : 9930
Views Today : 8
Views Yesterday : 31
Калари-паяттуг газар дэлхий дээрхи нэн эртний тулааны  урлагуудын нэг гэж үздэг. Түүнийг ойролцоогоор 6000 орчим жилийн өмнө үүссэн гэж ч яригддаг. Түүний тухай дайн тулааны урлагийн дүрэм, хууль журмын талаар өгүүлдэг Дханур ведэд дурдсан нь бий. Чухамхүү энэ л урлагийг Дроначарья Пандавууд болон Кауравчуудад заан сургасан юм.

Калари-паятту нь тулааны урлаг төдийгүй амьдралын хэв маяг. Энэ урлаг нь Өмнөд Энэтхэгт одоо хүртэл хадгалагдан үлдсэн бөгөөд Калари-паяттугийн уламжлалд бүс олгох, зэрэг олгох, шагнал урамшил олгох, зэрэг дэв, хэргэм олгох дэг жаяг байдаггүй. Үндсэн зарчуудмынх нь нэг нь бие, ухаан, оюун ухааныхаа тэнцвэрт байдлыг маш тогтвортой барьж байх явдал. Үүрэг зорилго нь өрсөлдөгчөө ялах биш өөрийгөө ялахад оршдог.

Калари-паятту нь 8 янзын амьтны хөдөлгөөнийг ажигласны үндсэн дээр үүсэн бий болсон нь сонирхолтой. Эдгээр найман амьтан нь морь, тогос, могой, зодоонч тахиа, заан, бар, арслан, зэрлэг гахай юм.

Бэлтгэсэн: Балабхадра дас

 

Ухамсрын шинэ шат

Амьдралын жинхэнэ хөгжил дэвшил бидний ухамсар хөгжлийн шинэ шатанд өгсөн дээшлэх үед ирдэг. Энэ бол өсч хөгжих цорын ганц боломж. Ухамсрын хөгжил нь бусад хүмүүстэй харьцах, хандах хандлагын өөрчлөлтөөр хэмжигддэг. Чухамхүү ухамсрын хөгжил нь цорын ганц тохиолдолд л боломжтой. Энэ нь бид хариуцлагыг өөр дээрээ үүрч байна уу, үгүй юу гэдэг нь юм. Бусад хүмүүсийн өмнөөс хариуцлага үүрэх. Биднийг хүрээлж буй хүмүүсийн азгүй, жаргалгүй байгаагийн өмнөөс бид хариуцлага үүрдэг бил үү.

Амьдрал өөрөө бидний ухамсрыг нас ахих тусам хувьсан өөрчлөгдөхөөр төлөвлөсөн байдаг. Хэрэв бид өөрсдөө бие даан өөрчлөгдөхийг үл хүсэх аваас бидний амьдралд хямрал, гамшиг тохиодог. Ухамсрын хувьсал өөрчлөлт 7 жил тутамд болж байх ёстой. Энэ нь хүрсэндээ батжиж, дараагийн түвшиндээ бэлтгэх хангалттай хугацаа. Шилжилтийн насууд нь 7, 14, 21, 28, 35, 49 … зэрэг насууд юм. Хөгжлийн долоон жилийн систем нь хүмүүний чакрын үйл ажиллагаатай холбоотой.

Чакрууд

Орчин үеийн анагаах ухаан бүдүүн биеийн өвчин эмгэг эхлээд нарийн түвшинд үүсдэг гэдгийг дуртай дургүй хүлээн зөвшөөрч байна. Шинж тэмдэг дээр үндэслэгдсэн анагаах ухаан нь өвчин эмгэг, асуудал проблемын үндэс нь хүний эмоци буюу сэтгэл санааны түвшинд оршин байгааг үл анзааран зүгээр л өвчний гадаад илрэлийг арилгах гэж хичээдэг.

Бид сонсох, харах, амтлах, үнэрлэх, хүртэх гэх мэт таван мэдрэхүйг оролцуулаад бүдүүлэг физик бие махбодьтой. Ведийн үзлээр бол амьд бодгаль нь ухаан(сэтгэх болон сэтгэл хөдлөлийг хариуцдаг), оюун ухаан (оюун ухаан буюу бодлогоч, тунгаагч чанарыг хариуцдаг), эго буюу хуурмаг би (өөрийн сүнслэг жинхэнэ би-г материтай буюу биетэйгээ адилтгах)  хэмээсэн гурван элементээс тогтох нарийн биетэй. Нарийн ба бүдүүн биеийг хооронд нь холбох үүргийг чакранууд гүйцэтгэдэг. Сүнс нь чакруудын хаалтан цаана оршдог. Түүнд хүрэхийн тулд чакруудыг нээх замаар юм уу эсвэл тусгай мантрын тусламжтайгаар хүрч болно. Чакруудыг механикаар нээх нь хэзээ ямагт аажим бөгөөд ихээхэн хичээл чармайлтыг шаарддаг. Гэвч санскрит мантра нь  бүрэн хаагдсан чакруудын хаалтуудыг хялбархан давж сүнсэнд нэвтрэн хүрч чаддаг. Ийм учраас та мантра сонссоноор шуудхан амар амгалан, аз жаргалыг мэдрэх боломжтой.

Чакра буюу хүрдүүд нь энергийн дамжуулагчууд бөгөөд түүнийг биеийн янз бүрийн хэсгүүдэд тархаах үүрэгтэй. Чакра болгон хүний физик бие болон сэтгэл санааны төлөвт нөлөөлдөг.

Жишээ нь, эмэгтэй хүнд, бие организмаас уур хилэнг шахан гаргадаг онцгой хүрд буюу чакра хөлийн уланд байдаг. Энэ л шалттгааны улмаас дорно дахинд, эрчүүд эхнэрээ, охидуудаа дорнын сонгодог бүжиг сургахаар илгээдэг уламжлалтай байж. Энэ бүжгийг “эмэгтэйчүүдийн йог” гэж нэрлэх нь ч бий. Энэ бүжгүүдийн онцлог нь гэвэл эмэгтэйчүүдээс хөлийнхөө өлмийгөөр шалыг хүчтэй товшихыг шаарддаг. Ийм бүжиг хийсний дараа эмэгтэй хүний бүх уур хилэн биеэс гарч, тэрээр тайван, эелдэг болох агаад энэ байдал нь гэр бүлийн харилцаа, сэтгэл санааны төлөв байдалд эерэг нөлөө үзүүлдэг. Иймээс ийм  бүжиг хийгчид хөлийнхөө ул, гарынхаа алган дээр улаан өнгийн тойргууд зурсан байдаг…

Үргэлжлэл бий…

Патита Павана прабхугийн лекцээс

Орчуулж бэлдсэн: Балабхадра дас

Нэрт одон оронч Николай Коперник,  Дэлхийн хөдөлгөөнт мөн чанар болон бие даасан гариг эрхэслэг чанар, сансар огторгуйд ганцаар оршдоггүйн тухай өөрийн алдарт онолыг 1543 онд хэвлүүлж байжээ. Гэтэл үүнээс  1000 жилийн өмнө, ведийн эрдэмтэн Арьябхатта, Дэлхий нь Нарыг тойрон эргэдэг хэмээн бичиж байсан байна: “Завин дээр суун сэлж яваа хүнд эрэг дээрхи модод хөдлөж байгаа мэт харагддаг шиг Дэлхий дээр амьдарч байгаа хүмүүст Нар хөдлөж байгаа мэт харагддаг” хэмээгээд цааш нь тэрээр, Дэлхий бөөрөнхий ба өөрийн тэнхлэгийн дагуу Нарыг тойрон эргэж, сансар огторгуйд “өлгөгдсөн  мэт тогтож байдаг” гэж батлажээ.

Таталцлын онол ч эртний одон орон судлаачдад тодорхой зүйл байжээ. Ведийн орон орны томоохон бүтээлд тооцогддог “Сурья Сиддхантад”(манай эриний 487 онд)  их мэргэн Бхаскачарья бичихдээ: “Объектууд Дэлхий дээр унаж байгаа нь түүний татах хүчний улмаас болж буй юм. Дэлхий, Нар, Сар болон өөр бусад гаригууд мөн татах хүчний улмаас өөр өөрсдийн орбит, тойрог замууддаа тогтож байдаг” гэсэн байна. Гэтэл Исаак Ньютон таталцлын  хуулийг дөнгөж 1687 онд нээсэн билээ.

Бэлтгэсэн: Балабхадра дас

 

Нарада Муни, Брахма бурханаас асууруун: “Кали-юга буюу Төмөр эринд, доор унагсад хэрхэн яаж аврагдах вэ?”.

   Брахма хариулсан нь: “Үнэндээ энэ нь ведийн судар бичгүүдэд агуулагдаж байдаг нууц билээ. Үүнийг таньж ухаарсан хүн  Кали эриний зовлон  зүдгүүрийн далайг туулан гарч чадах ажгуу. Цэвэр ариуныг олохын тулд хүмүүн Дээд Бурханы Бодгаль Нараянагийн Ариун Нэрийг давтан унших хэрэгтэй”.

    Брахмын хариултыг сонсоод Нарада Муни асуув: “Тэдгээр Нэрүүд чухам ямар нэрүүд вэ?”.

    Брахма: “Харе Кришна, Харе Кришна, Кришна Кришна, Харе Харе / Харе Рама, Харе Рама, Рама Рама, Харе Харе. Энэхүү гучин хоёр үеэс тогтох арван зургаан үг нь Кали эриний устган сүйтгэх нөлөөг эсэрүүцэж чадах цорын ганц арга юм. Бүх Ведүүдийг судлаж үзээд би үүнээс өөр ямар ч аргыг олсонгүй. Энэхүү арван зургаан үгнээс тогтох маха-мантра нь жива буюу амьд бодгалиудын бүдүүн бөгөөд нарийн материаллаг бүрхүүлийг үгүй болгох чадалтай. Бүхний Дээд Эзэн, Шри Кришна үүлэн дундуур нэвт цухуйх гэрэлтэн цацрах нар лугаа адил Түүнийг дуудан буй сүнсний өмнө Өөрөө илрэн залрах болно”  хэмээн хариулав.

    Кали-сантарана Упанишад. 2.7

Орчуулж бэлтгэсэн: Балабхадра дас

Орчин үеийн материалист эрдэмтэд зүүд зэрэг байгалийн физик болон  онцгой үзэгдэлийн талаар мэдлэг хомс, баттай эх сурвалж бүхий мэдлэггүй байдаг. Энэ талаар Ведийн судар бичгээс олж, судалж болно.

Шримад Бхагаватамын 6.16.53-54, 7.7.25 болон 7.15.61 – д ухамсрын талаар гурван түвшинд хуваан тайлбарласан байдаг.

  1. Жаграта, сэрүүн үе /бета, 14-40 герц, альфа 7-14 герцэд/
  2. Свапна, зүүд нойрын үе /тхета, 4-7 герц/
  3. Сусупти, гүн нойрны үе /делта, 0.5 – 4 герц/

 Энэ гурваас гадна 4 дэх үе /туриа/ гэж байх ба энэ материаллаг биш юм. /ШБ. 6.5.12, 7.9.32, 7.15.54/. Энэ түвшинд Бурхантай харилцаж, түүнийг мэдрэх боломжтой. Багш шавийн гинжин хэлхээнд  мөн дараагийн 5 дах /турйатитах/ буюу бие даасан сүнс болон Бурхан Кришнагийн хоорондох хайрын харилцаа үүсч байдгийг дурдан тодорхойлсон байдаг.

Веданта Сударт зүүд нойрны талаар ийнхүү тайлбарласан байдаг.

  1. Зүүдийг Дээд сүнс тухайн бодгалийн үйлийн үрээс хамаарч үүсгэн бий болгож байдаг. /Ш.Б 6.16.55/
  2.  Дээд сүнс нь бидний сэрүүн ахуй үедээ хийхийг хүсэж байсан зүйлийг зүүд хэлбэрээр биелүүлж, толилуулдаг. /Ш.Б 11.13.32/
  3. Зүүд нь Бурханы хий хуурмаг эрчмийн нэг юм. /Ш.Б 11.13.33/
  4.  Судар бичигт мөн зарим зүүдийг зөн совин хэмээн тайлбарладаг. /Ш.Б 10.42.26-27/

 Асуулт: Хүн зүүднээсээ сэрэх үед тэр нь бодит биш гэдгийг мэддэг. Тийм учраас зүүдэнд ач холбогдол өгөх хэрэг байхгүй юм биш үү?

Хариулт: Амьд бодгалийн зүүдний түвшинд Бурхан нөлөөлж байдаг. Үүнтэй адилаар ангижрал хүлээс нь ч мөн Түүний эрхшээлд байдаг. /Ш.Б 3.7.10- 12/

Упанишадуудад мөн гүн нойрны талаар тайлбарлан бичжээ.

  1. Надис түвшин /биеийн түвшнээс зүрхний түвшинд хүргэх нарийн сувгаар дамжих/
  2. Зүрхний хавхлагаар дамжих
  3. Дээд сүнс – Бурханы дүртэй уулзах түвшин

Гэсэн 3 түвшин байх ба сүнс эхлээд нади сувгаар дамжин зүрхний хавхлагт орж Бурханы дүрийн орон дээр амрах гэж үзсэн байна.

Ш.Б 11.3.35, 1.10.21

  Бидний зүрхнээ орших сүнс нь үргэлжид гүн нойронд дарагдан байдаг. Дээд сүнс л түүнийг сэрээх чадвартай. Ш.Б 3.2.8

Үүний талаар Коран сударт өгүүлэхдээ “Шөнө таныг авч одох Тэрээр /унтуулах/, таны өдөр тутам юу хийж байдгийг чинь ч бас мэддэг” хэмээсэн байх юм.

            Харин зүүднээсээ сэрээд эргээд л эгэл нөгөө ХҮН болж хувирдаг. Үүнийг батлах 4 арга байдаг ба:

  1. Амьд бодгаль өөрийн үйлийн үрээ эдэлж дуусгах нь жам юм.
  2. Өөрийн талаархи дурсамж нь сэрэх үед даган сэргэдэг.
  3. Сударт тэрээр дахин өөрийн махан биедээ эргэж ирж буй хэрэг гэж үздэг.
  4. Мэдлэг дутуу учраас, /Бие даасан сүнс нь зүүд нойрны үедээ ангижралд хүрэх боломжгүй. Биеийн түвшнээс дээр дурдсан түвшинд хүрэх хэрэгтэй./  Ш.Б 11.3.39, 11.13.27- 28

 Мөн зарим зүүдийг хий үзэгдэл, сүгийн зүгээс бидэнд  харуулж мэдрүүлдэг. /Гаруда Пурана 2.23.1-12 /

 Гаруда  /Ханьгард ийнхүү асуув/:

  1. Хий үзэгдэл, сүг, төрлөө олоогүй сүнснүүд энэ хэлбэрт байхдаа юу хийдэг вэ? Тэд ярьдаг болов уу, Эрхэм Бурхан тэнгэр минь, Бурхадын эзэн минь надад хариулаач?

Бурхан хариулахдаа:

  1. Би чамд тэдний төрх, шинж тэмдэг болон хүсэл мөрөөдлийнх нь тухай айлдья. Тэд маш их өлсөж цангах тул өмнө нь амьдарч байсан гэр орондоо дахин очдог.
  2. Хий биед орших тэд хүмүүсийн зүүдэнд илэрч тодорч байдаг.
  3. Тэд гэр бүлийн гишүүд, эхнэр хүүхдүүдийнхээ зүүдэнд орж ирдэг.
  4. Хүн  зүүдэндээ нүүргүй эсвэл эвгүй төрхтэй морь, заан, шар үхэр болон хүн харах, мөн унтаж байхдаа өөрийнхөө дээрээс харах зэрэг нь бүгд сүгийн хийж буй үйлдэл байдаг.
  5. Хүн зүүдэндээ холбоотой гинж харах аваас түүний өвөг дээдэс нь өлсөж байна, хоол өргөхийг хүсч байна гэсэн үг юм.
  6. Мөн хэн нэгний хүү, эхнэр, эцэг, гэрийн тэжээвэр амьтад, ах зэрэг нь гэрээсээ гарч явж байвал энэ нь мөн хий үзэгдэл, сүгийн хийж буй үйлдэл юм.
  7. Зүүдэнд чинь хэн нэгэн танаас  идэж уух зүйлтэй холбоотой юм гуйгаад байвал буян үйлдэх хэрэгтэй гэсэн үг.

 Орчуулж бэлтгэсэн: Т.Цэвэлмаа (Туласи махарани деви даси)

Scroll to Top