Үндсэн Цэс

Ведийн зурхай

Статистик

0 0 9 0 7 9
Users Today : 10
Users Yesterday : 22
Total Users : 9079
Views Today : 10
Views Yesterday : 63

Бхакти йогийг хэрхэн хэрэгжүүлэх вэ

Одоо би Та бүхэнд бхакти-йогийг бодит байдалд хэрхэн хийж гүйцэтгэх талаар ярья.

Энэ бол онцгой мэдлэг ухаан юм гэдгийг үүнийг анх удаа уншиж байгаа болон, энэ талаар урьд өмнө бага сага сонирхож эхэлсэн хэн бүхэн мэдэх нь чухал. Юуны өмнө – энэ туйлын төгс эрдэм ухаан юм.

Хүн бүхэнд өөрийн гэсэн мэдээллийн талбар байдаг. Хэрвээ Та хэн нэгний мэдээллийн ийм талбарт өөрийн мэдээллээр нэвтрэн орохыг оролдон хандвал тэд хоорондоо эс тохирч, зохицохгүй байдал бий болно. Үүний үр дүнд юу болох вэ? Тэнд нэг ёсондоо “ Тэсрэлт “ бий болно. Еүсүсийг цовдлох үед чухамдаа яг ийм тэсрэлт болсон юм.

Би юуны тухай яриад байна вэ? Эд бүгд тоглоом наргиан биш ээ. Надад, заримдаа лекцийн үед энэхүү тэсрэлтүүдээс зайлсхийхийн тулд инээдэмтэй, наргиантай зүйлс ярих тохиолдол олонтоо гардаг. Ер нь нөхцөл байдал хүндэрч ирэхийг мэдэрмэгцээ элдэв асуудал гаргуулахгүйн тулд шог хошин зүйл ярьж эхэлдэг. Энэ мэдлэг ер бусын учир хүмүүсийн амьдралд тогтсон ойлгоц, төсөөлөл, хэвшсэн заншил , загварыг эрс өөрчилдөг.

Бүгд өөрчлөгдөж эхэлдэг. Энэ нь чухамдаа ухамсарын хувьд өөрчлөлт явагдаж байна гэсэн үг. Иймээс энэхүү мэдлэгт маш нухацтай хандах нь зүйтэй.

Би Та бүхнийг энэ талын мэдлэг ойлгоцтой болонгуутаа өөртөө болон хамт амьдардаг гэр бүлийн хүмүүстээ хөнгөн хуумгай зангаар хандахгүй байхыг хүсэж байна. Энэ мэдлэг нь элдэв асуудал ,тайван бус байдлын шалтаг болж болох учир би заримдаа “Би үүнийг мэдэхгүй“ гэх буюу эсвэл шууд хариулт өгөхөөс зайлсхийдэг. Нилээд хотуудад хийсэн лекцүүдэд , тодорхой хэмжээний мэдлэг ойлгоц бүхий хүмүүс ирж, мэдээллийг тайван сонсож хүлээн аваад өөрсдийн мэдлэгээ улам гүнзгийрүүлдэг. Харин зарим нэгэн хотуудад лекцийн агуулгыг улам гүнзгийрүүлж, нарийн тайлбарлан дэлгэрэнгүй явуулсан боловч хүн бүр үнэнийг сонсож энэ талын мэдлэгийг хүлээн авч сайтар тунгаан бодоход бэлэн биш байсан. Олон хүний хувьд тэсрэлт болж эхэлсэн. Энэ бол маш чухал бөгөөд гүн гүнзгий мэдлэг ухаан юм.

За одоо бхакти-йог гэж юу болох талаар ярья. Бхакти – гэж “чин бишрэлээр зүтгэх” гэсэн утгатай санскрит үг юм. Чин бишрэлээр зүтгэх гэж юуг хэлнэ вэ? Энэ бол Бурханыг хольцоогүй цэвэр, ариунаар , өөр ямар ч сэдэл шалтгаангүйгээр хайрлан, Түүний төлөө зүтгэхийг хэлж байгаа юм. Ийм систем, номлол сургаал өөр хаана ч байхгүй.

Шашны янз бүрийн хэлбэрүүдэд ашиг, олз, шан харамжийн асуудлууд агуулагдаж байдаг бөгөөд хүмүүсийг өөрсдийн хүсэлтээ гүйцэлдүүлэхийг номлож байдаг. Тухайлбал галан биетэй болох, Бурхан Бодгалиас цацрах туяан төлөвт нэгдсэнээр цэнгэн жарагх г.м. Тухайн хүнд цэнгэх жаргахын хүсэл эрмэлзэл байсаар байгаа нөхцөлд цэвэр ариуны талаар ярихын ч хэрэггүй юм.Юуны тулд тэд ид шидийн хүчтэй болох гэж хүсээд байгаа юм бэ? Цэнгэхийн тулд. Юу гэж өөрийгөө би бол Бурхан хэмээн өргөмжлөөд тунхаглан зарлаад байгаа юм бэ? Мөн л цэнгэхийн тулд, бусдыг эрхшээлдээ байлгахын тулд, Яах гэж Бурхантай нэгдэн нийлэх гээд байгаа юм бэ? Өөрөө Бурхан шиг байхын тулд. Энэ бүгдийг ойлгоход маш хялбар. Гэвч Бурханы хязгаарын эрчим нь болох амьд амьтад нь зөвхөн Түүнийг л цэнгүүлэх хувь тавилантай билээ. Энэ бол түүний жинхэнэ жам ёсны зориулалт, заяагдсан хувь тавилан . Амьд амьтан нь би бол Бурхан хэмээн дөвийлгөн өргөмжлөхгүй, Мөн Түүнтэй нэгдэнэ гэлгүйгээр өөрийгөө бүхэлд нь Бурханы төлөө зүтгэхэд зориулж чадсан тэр цагт л сүнстэй юм гэдгээ бүрэн ойлгож мэдрэх болно. Тэр цагаас эхлэн жинхэнэ цэвэр ариун харьцаа бий болно.Иймээс бусад аливаа, тухайлбал , ямар нэгэн хэлбэр төлөвтэй нэгдэх , ид шидийн хүч эсвэл гьяна- буюу философийн янз бүрийн маргаан мэтгэлцээнтэй холбогдсон йогийн системээр хичээллэж буй хүмүүст материаллаг сонирхол маш ихээр агуулагдаж байдаг. Ид шидийн йогч – агаарт нисэх, сансар огторгуйн орон зайг туулж өөр гаригт хүрэх зэрэг материаллаг сонирхолтой байдаг ба орчин үеийн хүн төрөлхтөн энэ төрлийн йогийг эрхэмлэн үзэж бахдан сайшаах болжээ. Гэвч, бхакти-йогийн үүднээс авч үзвэл энэ нь жинхэнэ чин бишрэлтэн биш бөлгөө. Тэр бол материалист ажгуу.Тиймээс ч тэрээр Бурханы тухай Кришнын тухай ярих боловч Түүний албат байхыг хүсдэггүй.Нэгэнт Бурханы албат байхыг хүсээгүы учир түүнд бурханлаг чанар байхгүйн талаар яриад ч илүүц. Энэ хүн материалист хэвээрээ үлдэнэ.Иймээс бхакти-йог нь амьд амьтны үйлийн дээд хэлбэр юм. Мэдлэг ухааны бусад хэлбэрүүд эрт орой хэзээ нэгэн цагт бүгд бхакти-йогд тулж ирнэ.Бурханлаг ертөнцдөө буцаж очихын тулд хүн зөвхөн бхакти-йогоор хичээллэх хэрэгтэй бөгөөд карма-йог, гьяна-йог ид шидийн йог г.м. бусад хэлбэрүүдийг орхих нь зүйтэй юм.

Олон хүмүүс “Аюур-вед”-ийн тухай яриач гэж их хүсдэг. Ямар учраас тэд Аюур-ведийн тухай ингэж их сонирхоцгоох болов? Зөвхөн өөрсдийн бие махбодио бодоцгоосны учир л тэр.Материалистууд зөвхөн бие махбодьдоо л анхаарч “шээсээ уух нь зөв үү, буруу юу?” эсвэл “ мах идэх нь сайн биз дээ” гэх мэтчилэн асуухаас биш сүнсэндээ огтхон ч санаа тавьдаггүй.

Бхакти-йогчид бие организмд нь таагүй нөлөө үзүүлдэг эсэхээс хамааран мах иддэггүй юм биш. Тэд, юу хийж болох, юуг хийж болохгүй гэсэн Бурханы сургаалыг л дагадаг. Ямар их ялгаа байгааг Та бүхэн харж байгаа биз дээ. Бхакти-йогийг эрхэмлэгч нь мах идэх нь организмыг хордуулдаг гэдэг үүднээс түүнийг хүнсэндээ хэрэглэхгүй байгаа юм бишээ. Тэд, Бурхан Кришна “ Чи үүнийг хэрэглэж болохгүй “ гэж заасан учраас л махыг хэрэглэхгүй байгаа юм.

Бхакта нь Бурхан юу гэж айлдсан байнам түүнийг л дагана. Тэд зөвхөн Бурханы сургаалыг дагаж, Түүнийг цэнгүүлэхийг хүсэж байгаагаас биш өөрийн бие махбодио бодоогүй юм. Энд ухамсарын өөр түвшинүүд илрэлээ олж байна. Тухайлбал, нэг нь хувийн дур хүсэл, нөгөө нь чин бишрэл. Энэ бол жинхэнэ бхакти-йог юм. Аливаа үйлийг зөвхөн чин бишрэлийн үүднээс үйлдэнэ. Сайхан бие бялдар, эрүүл мэнд, эд баялаг болон бусад зүйлтэй болохын тулд биш, өөрийн чин бишрэлийг тодруулан илрүүлэхийн тулд: “Бурхан минь, Та үүнийг хүсээгүй учир би үүнийг хийхгүй “ гэдэг.

 “Бхагавад Гита”-д /Хэрвээ Та бүхэн уншиж танилцсан бол/ өгүүлэхдээ: Таалагдах, эс таалагдахаас үл хамааран Аржунай тулалдахаар болдог. Тэрээр тулалдаанд оролцох огтхон ч хүсэлгүй байв. Учир нь эсрэг талд түүний найз нөхөд, гэр бүлийн зарим гишүүд, тэр ч бүү хэл түүний номын Гэгээн багш нь хүртэл байлаа. Тэр бүхий л баялгаас татгалзаж байв. Хэдийгээр Бурхан Кришна : Чи асар баян , өндөр эрх мэдэлтэй хаан болно гэж айлдсан ч тэрээр : Надад хааны эрх мэдэл хэрэггүй, би ойруу явсанч болж байна. Тэдэнд бүгдийг нь өгье гэж хариулдаг. Аржунай бол сурвалжит язгууртай, баатар эр билээ.

Баатарлаг дайчин эр материаллаг зорилгын үүднээс болж өөрийн баримталдаг зарчмуудаасаа хэзээ ч ухардаггүй. Харин вайшья-ууд л ингэж чадна.

Вайшья- мөнгөний төлөө хэнтэй ч тэмцэлдэхээс буцдаггүй хүмүүсийг санскритаар ингэж нэрлэнэ.

Кшатрий- Баатар дайчин эр. Тэд зөвхөн үзэл санааны төлөө л тэмцдэг юм. Тэд өөрсдийн эрхэм дээд зорилго аугаа их үзэл санааныхаа төлөө тулалдахад, тэрч байтугай амь насаа золиослоход ч бэлэн байдаг.

Кали юга-д хүмүүс бараг бүгд барлаг албатын төрөлд төрцгөөх болсон бөгөөд тэд бусдын захиргаанд өөрийн хөлс хүчээ зориулахад дуртай байдаг.

Ведийн кшатрий нь хүч чадал, авьяас билгээ өөрийн ухамсар болон шүтлэг бишрэлтэй нь холбогдсон аугаа их үзэл санаа, шашнаа авран хамгаалахын төлөө зориулдаг.

Кали юга-ын үед хэн ч гэсэн бхакти-йогийн замаар замнаж жапа-бясалгал хийж өөрийгөө аажим аажмаар ариусгаж болно гэж ведийн утга зохиолын гарамгай номч, аугаа их Гэгээн багш Прабхупада олонтоо айлдсан байдаг. Хэрвээ хэн нэгэнд эрэлхэг баатар дайчин эрийн шинж, чадвар байх аваас уг ариусалтын явцад тэрээр жинхэнэ кшатрий хүний шинж төрх, чадавхитай болон тодроно. Ариусаагүй байх үедээ тэр хүн өөрийн хүч чадал, авьяас билгээ чухам юунд, яаж зарцуулахаа мэдэхгүй жирийн л нэг баатар эр болой.

Ведийн вайшья- гэж брахманы соёлыг дэмжиж тусалж байдаг хүмүүсийг хэлдэг. Тэд сайн бизнессменүүд , мөнгө их олдог бөгөөд түүнийгээ ведийн соёлыг түгээн дэлгэрүүлэх үйлсэд зориулж байдаг.

Шудра- гэдэг нь өөрийн “Би”-г биеийн хөдөлмөр , хөлс хүчээрээ илэрхийлдэг хүмүүс юм. Тэд цаг үргэлж биеийн хүчний ажлаараа тусалж байдаг. Тухайлбал, сүм барьж байгуулалцсанаараа ведийн соёлын түгэн дэлгэрэх үйлсэд хувь нэмрээ оруулж байдаг.

Ведийн соёл ийм л байсан байна.

Брахман – нь ведийн соёлын заавар журмыг маш хатуу чанд даган мөрдөхийн зэрэгцээ энэ талаар бусдыг сургадаг хүмүүс юм. Хэрвээ хэн нэгэн Брахман аливаа нэгэн заавар журмыг өөрөө сахин биелүүлэхгүй байвал, тэрээр Брахман биш бөгөөд ямар ч нөхцөлд түүний үгийг сонсох хэрэггүй. Ийм хүнээс сурсан мэдлэг ямар ч үнэ цэнэгүй. Бурхан Будда : “Сахил санваараа дагаж мөрддөггүй хүний үг бол үнэрээ гээсэн цэцэг мэт төдийлөн ач холбогдолгүй “ хэмээн сургасан байдаг. Мөрдвөл зохих дүрэм журмаа өөрөө чанд сахин биелүүлдэггүй хүний мэдлэг нь ямар ч амьгүй хоосон болж үлдэнэ. Энэ шинж чанар Бхакти-йогид онцгой тусгалаа олдог юм.

Энэ дэлхий дээрх бүх зүйлс эрчим хүчний зүй тогтол дээр бий болсон. Бид энерги буюу эрчим агуулж буй нөхцөлд түүнийг дамжуулж болно. Агуулаагүй нөхцөлд түүний тухай хичнээн ярьсан ч дамжигдахгүй. Цэцгийн анхилуун чанар нь тодорхой төрлийн эрчим, үнэр юм. Энэ үнэр нь тодорхой орчинд тархан хэн нэгэнд хүрч үнэртэнэ. Үүнтэй адил хэн нэгэнл чин бишрэл байваас тэрээр бусдыг чин бишрэлд сургаж эхлэх ба тэд ч мөн чин бишрэлтэй болно. Чин бишрэлтэн бус хүн хичнээн гоё сайхан, уран үгээр ярьж байсан ч хүмүүс чин бишрэлтэй болохгүй. Ведийн мэдлэг ухаан чухам л ийм замаар түгэн дэлгэрдэг.Иймээс ведийн эрдэм ухаан бхакти-йогийг бусдад номлох, хүргэх хүмүүс өөрсдөө чин бишрэлтэн байх шаардлагатай.

Бүх зүйлийг өө сэвгүй хийдэг ч огтхон ч чин бишрэлгүй лекторын яриаг сонсох ямар ч утгагүй юм. Энэхүү мэдлэг ухааныг бусдад дамжуулан сургах хүн маань өөрөө чин бишрэлтэн байх нь хамгийн чухал. Иймээс номын Гэгээн багш хүн бүгдийг чанд сахин биелүүлдэг бөгөөд мэдлэг ухаанаа мөн л бүхий л заавар журмыг чанд сахин биелүүлдэг шавьдаа дамжуулдаг юм. Тэр шавь нь бусдад … г.м. Ийм л замаар энэхүү мэдлэг түгэн дэлгэрдэг.

Өөрөө архи, тамхи хэрэглэдэг хүн бусдад тэдгээрийн хор холбогдлын тухай ухуулаад амжилтанд хүрнэ гэж бодож байна уу? Үгүй. Энэ бол утгагүй зүйл. Жапа-бясалгал хийж байгаа хүн бусдыг тийн хийх сонирхолтой болгох боломжтой. Өөрөө хийхгүй байж хэн нэгэнд “хийх хэрэгтэй “ хэмээн хэлэх үр дүн муутай. Бурхан Кришна “Бхагавад Гита”-д : “Сургах хамгийн сайн арга бол өөрөө биеэрээ үлгэр жишээ үзүүлэх” хэмээн айлдсан байдаг. Үүний тулд сургагч хүн их ярих шаардлагагүй. Түүний хэрхэн хийж байгааг сонирхсон хүмүүс хараад мөн л хийж эхлэнэ. Энэ бол бхакти-йог.

Йог гэдэг нь холбоо гэсэн утга бүхий санскрит үг юм. Үнэмлэхүй Үнэнтэй холөох холбоо. Түүний хамгийн дээд төлөвтэй чин бишрэл хайраар холбогдох.

Христ Библьд : “ Өөрийн чин үнэн хайраа миний номлолыг дагаж мөрдсөнөөр илэрхийлэн үзүүл “ гэсэн байдаг. Энэ бол чин бишрэл, Христийн чин бишрэлтэнгүүд буюу түүнд итгэгчид. Хэн нэгнийг Христэд итгэгч мөн эсэхийг, түүнийг Христийн номлолыг хэрхэн дагаж мөрдөж байгаа эсэхээр магадлаж болно. Хэрвээ уг номлолыг дагаж мөрдөлгүйгээр хичнээн лаа асаасан ч, би бол Христэд итгэгч гэж орилж, хашгирч , уйлж байсан ч тэр хүн Христэд итгэгч буюу түүний чин бишрэлтэн биш юм. Энэ бол формализм, эсвэл Фанатизм, эсвэл сентименталист юм.

Бурхан Буддагийн чин сүсэгтэн гэж Түүний сургаал номлолыг хатуу чанд дагаж мөрдөж буй хүнийг хэлнэ.

Харин Аллахын чин бишрэлтэн гэж Коран судрын заалт бүрийг хатуу сахин биелүүлэгч хүн юм.

Энэ байдлыг бүрэн дүүрэн ойлгоогүй байж хүмүүс өөрсдийгөө болон бусдыг ямар нэгэн шашны сургаал номлолыг даган бишрэгч хэмээн үздэг. Чухамдаа Буддын, Христосын, Мусульманы шашны учир утга нь юунд байна вэ? Ведийн сургаалын учир утга нь юундаа байна вэ? Дагаж мөрдөхөд л оршино. Урьд олон хүн коммунист биш атлаа би коммунмст гэж хэлдэг байсан. Мөн одоо олон хүн жинхэнэ ардчилагч биш байтлаа өөрсдийгөө бид ардчилагч хэмээн нэрийдэх болов. Нэрлэнэ, зарлана гэдэг бол жинхэнэ байхаасаа өөр утга агуулдаг. Байх ёстой болохоос байгаа юм шиг байж болохгүй гэсэн цэцэн үг ч байдаг. Бид өөрсдийгөө “ хэн нэгэн “ гэж харуулахыг эрмэлздэг. Гэвч хожим, хэзээ нэгэн цагт энэ нь хуурмаг дүр байжээ гэдэг нь илэрдэг.Иймээс ч бхакти-йогид “мэдсэн зүйлээ л дагаж мөрдөж сурах гэсэн маш чухал заавар байдаг. Хүн, мэдэж сурсан зүйлээ дагаж мөрдөж эсвэл ядахдаа дагаж мөрдөхөөр маш их хүчин чармайлт гаргаж байгаа бол өөрийгөө би бол чин бишрэлтэн юм гэж хэлж болно. Эрихээ ядаж нэг бүтэн тойрог дуустал уншихаар чармайж байгаа хүн ч гэсэн чин бишрэлтэн. Түүний чин бишрэл нь хийх гэж хичээж чармайж байгаад илэрч байна.

Христ ном айлдагч нартайгаа ярилцаж байгаад нэгнээс нь “хувраг хүн, энгийн хүн хоёрын ялгаа юу вэ?” гэж асуужээ. Хариуд нь нэг нь “энгийн хүн бол Бурханд итгэдэггүй, хувраг хувцас өмсдөггүй” гэжээ. Христ инээмсэглэснээ ийн өгүүлжээ: Үгүй. Чи үнэнийг мэдэхгүй байна. Хувраг хүн бол өдөр бүр доошоо унаж, өдөр бүр дээшээ босож байдаг. Өдөр бүр унаж, өдөр бүр босно. Гэхдээ өдөр ирэх тусам унах нь багасаж байнга шахуу босоо байдаг болно. Хэзээ нэгэн цагт хэзээ ч дахин унахгүй болж байнга босоо байх болно. Харин энгийн хүн доошоо уначихаад түүндээ сэтгэл хангалуун хэвтэж байдаг. Ийм л ялгаатай.

Чин бишрэлтэний сүнс нь өөрийн ийн доошоо унасан байдалдаа ихэд зовниж байдаг.Хүмүүс бид заримдаа ямар нэгэн буруу үйлдэл хийчихдэг ч санаа амар явж л байдаг. Бид үүнтэйгээ хэзээ ч эвлэрч болохгүй. Ингэж байж л бид өөрсөддөө чин бишрэлийг хөгжүүлж чадна. Үүнд л Бурханд чин бишрэлээр зүтгэхийн учир оршино. Хүний ухамсар аажим аажмаар дээшилж, алдаа гаргах нь аажим аажмаар багассаар хэзээ нэгэн цагт алдаа гаргахгүй түвшинд хүрдэг. Нийгэмд, бидний дунд хичнээн хүн өөрсдийн алдаа мадагтай амьдралдаа сэтгэл ихэд хангалуун явдгийг харцгаалдаа. Бүгд л сэтгэл хангалуун. Тэд, энэ бүхэн буруу гэдгийг мэдэж тэгж ярьцгаадаг боловч “за яахав, гайгүй биз” гэцгээнэ. Иймээс тэд энэ буруу амьдрал ирээдүйд улам бүр хүндрэнэ гэдгийг ойлгож мэддэггүй.

Чин бишрэлийн аливаа үйл Харе Кришна Маха мантрагаар эхэлж мөн түүгээр өндөрлөдөг. Бид нас барах тэр л агшинд санах гэж Харе Кришна маха мантраг уншдаг. Учир нь хүн амьсгал хураах тэр үедээ өөрийн амьдралд байнга хийж, хутгалдаж байсан зүйлээ л дурсан санадаг байна. Хэрвээ Та бүхэн сексийн тухай байнга бодож, үйлдэж байдаг бол үхэх үедээ зөвхөн энэ тухй л бодох болно. Зуун хувийн баталгаатай. Энэ бол бүхэл бүтэн шинжлэх ухаан. Аюур-ведэд хүний сэтгэл санааны болон бие бялдрын байдлын тухай тодорхой өгүүлсэн байдаг. Хүн юуг их сонирхон оролдоно тийшээ түүний хамаг бодол санаа, эрчим нь ханддаг. Бодол санаа, мэдрэхүй гэж юу вэ? Энэ бол бясалгал. Бясалгал гэж юу вэ? Өөрийн мэдрэхүйгээ ямар нэгэн объект дээр төвлөрүүлэхийг хэлнэ. Хэн нэг нь эмэгтэй хүний тухай бодож байвал тэрээр бясалгаж байна гэсэн үг. Эмэгтэй хүнийг. Үүнд түүний ухаан, бүх мэдрэхүй, тэр ч бүү хэл амьсгал нь хүртэл татагдана. Мөнгө бясалгаж байгаа хүн, “Мөнгө, Мөнгө, Мөнгө” мантраг давтана. Мөнгө, мөнгө, мөнгө. Жорлонд орохдоо хүртэл, энд мөнгө байж магадгүй гэж хайна. Цаг үргэлж мөнгөний тухай бодож, мөнгөний хэнээ тусна. Зөвхөн л “Мөнгө, Мөнгө, Мөнгө…” Мөнгийг л бясалгана. Энэ түүний сэтгэл санаанд давамгайлж байна. Ийм хүн үхэх үедээ юуны тухай бодох вэ? Мэдээж мөнгөний тухай л бодно. Ийм л байдаг шүү дээ.

Саяхан би “гэмт хэргийн Орос орон” гэдэг киног үзлээ. Түүний хэсгээс яривал: 84 настай эмгэн загас худалдаж аваад зуслан руугаа явж байдаг. Гэтэл нэг гаж донтон гарч ирээд эмгэний хэвлий рүү 5 удаа хутгалаад дараа нь хүчирхийлдэг. Тэр этгээд ямар нэгэн юмнаас сэжиг аван зугатаахад эмгэн арай үхээгүй байдаг. Эмнэлэгт очоод үхэхийн өмнө “Миний загас хаана байна вэ?” гэж асуудаг. Би үүнийг яах гэж ярьж байна вэ? Хүмүүс байнга хэрэглэдэг зүйлс, хүнсний бүтээгдэхүүний тухай цаг үргэлж бодож байдаг. Байнга хэрэглэгддэг талх, хиам, архи, загас. Үргэлж энэ тухай бодож явдаг. Дэлгүүрт, дэлгүүрт, дэлгүүрт. Хямд талх, хямд талх, хямд хиам, хямд загас. Үүнд л цаг үргэлж шаргуу анхаарч байдаг учир энэ нь хүний ухамсарт давамгайлж ирдэг. Үхэх цаг үедээ ямар нэгэн ариун дээд зүйлийн тухай бодохын оронд нөгөө л цаг үргэлж анхаарлыг нь татаж уяж байсан зүйлсийнхээ тухай боддог. “Бхагавад Гита”-д Бурхан Кришна : “ Үхэхийн мөчдөө хүн юу гэж бодном, түүнийгээ бие цогцосоо орхисны дараа гүйцэлдүүлмүй” хэмээн айлдсан байдаг. Тэгвэл амьсгал хураах үедээ “Миний загас хаана байна вэ?” гэж асууж байгаа хүн юу болох вэ? Би урьд нь өөрийн танил анчин байсан хүний тухай өгүүлсэн. Юуны учир би энэ бүхнийг ярих болов. Энэ бүхэн ертөнцөд байгаа болохоор л. Бодитойгоор. Гэвч хүмүүс мунхаг харанхуйн харгайгаар энэ бүхнийг ойлгож мэддэггүй. Тэд хэзээ ч нохой , муур эсвэл өөр ямар нэгэн амьтан болохгүйгээр энэ байдалдаа мөнхийн байх юм шиг бодоцгоодог. Гэвч юм бүхэн өөрчлөгдөнө. Бурханлаг амьдралын замд оролгүйгээр, бүх зүйлийг ямар чөө сэвгүй, гэм зэмгүйгээр үйлдсэн ч хэн ч Кармын хариуцлагаас зайлж чадахгүй. Иймд бурханлаг зам бол хүндрэл, бэрхшээлтэй асуудлаас зайлж болох цорын ганц зөв зам юм.

За одоо дууны чичиргээ-жапаны тухай ярья.

Чин бишрэлийн бүх үйлийг жапа-гаар эхлэн мөн жапа-гаар төгсгөдөг.

Юуны учир би нохой болсж төрсөн өвгөн болон загасны тухай түүхийг ярив. Хүн үхэх агшиндаа юу бодож санана, тэр байдалдаа хожим хүрдэг учраас л. “Бхагавад Гита”-д Бурхан Кришна: “Чи намайг байнга санаж дурсаж байхаар өөрийн амьдралыг зохиохыг эрмэлз. Чиний амьдралын гол хэсэг Би байхаар бүхнийг хий. Чи гэр бүлтэй ч байж болно. Юутай ч байж болно. Гагцхүү тэр бүхний төвд Би байхаар хий. Хэрвээ Би чиний ухамсарыг байнга эзэмдэж байвал үхлийн агшинд Би чиний ухаан санаанд орж , тэгснээрээ чи Над руу, гэрлүүгээ буцаж ирэх болно.” Гэж айлдсан байдаг. Юуны тухай бодох ёстой вэ? Бүхний Дээдийн тухай бодсоноор бурханлаг орондоо буцаж очино гэсэн үг. Библьд ийм нэгэн түүх байдаг. Христыг цовдлуулж байхад хүмүүс түүнд туслахын оронд, түүнийг Бурханы хүү мөн батлахыг харахын тулд “Өөрийгөө авраач” гэцгээдэг. Тэр гэнэт толгойгоо өргөж “Элой. Элой.” Гэж хашгирсанаа “Ай Бурхан минь Чамд би өөрийн сүнсээ өгье” гэж хэлдэг. Тэнд байгсад “Өөрийгөө аврахын оронд юунд Бурханы тухай ярина вэ?” гэж гайхацгааснаа “Өөрийгөө авраач “ гэж гуйдаг. Тэр өөрийгөө хэрхэн аврахыг харуулсан боловч хүмүүс үүнийг ер ойлгосонгүй. “Бхагавад Гита”-д хүн үхэх үедээ бодсон зүйлдээ бие цогцосоо орхисны дараа хүрдэг гэж өгүүлсэн байдаг. Христ өөрийгөө хэрхэн аврахыг бодитойгоор харуулжээ. Амьсгал хураах үедээ Бүхний Дээдэд бүхнээ төвлөрүүлэх хэрэгтэй. Бие махбодидоо биш. Бие махбодидоо гэдэг чишь юу гэсэн үг вэ? Дахиад л шинэ бие махбодинд төрнө. Хаашаа ч явахгүй. Дахиад л энэ материаллаг ертөнцийн асуудлууд, бүх шаналал, зовлон. Хүмүүс чинь ийм ухаан муутай юм гэж үү? Тэд түүнийг зүгээр л харж зогсоцгоон, “Өөрийгөө авраач” гэцгээнэ. Харин Христ “Эцэг минь би Танд сүнсээ өгье” гэнэ. Тэд юу ч ойлгосонгүй. Харин хожим түүний ном айлдагчид бүх учрыг тунгаан “Дахин амьдрах” гэж юу болохыг ойлгожээ. Яагаад тэр Бурханы төлөө зүтгэж, түүний сургаал номлолыг дагахыг уриалж байсан бэ? Мэдээж хэрэг, хүмүүсийг Бурханы тухай байнга бодож санаж байх хэрэгтэйг сургахын тулд, мэдүүлэхийн тулд.

Ариун ном шастирууд юуны тухай өгүүлдэг вэ?

Бурхан Кришна “Бхагавад Гита”-д трансценденталь мэдлэгиййн тухай айлдсан байдаг. Дашрамд сануулахад, миний энэ лекцийн материалын эх үндэс болсон “Бхагавад Гита” болон “Шримад Бхагаватам” нь дэлхийн маш олон хэлнээ / 100 орчим/ хөрвүүлэгдсэн. Энэ бол ведийн соёлын сэргэн мандалт юм. Энэ тухай ч урьдчилан хэлсэн байдаг. 500 жилийн өмнө буюу санкью-югад Навадвипа гэдэг газар Бурхан, Шри Чайтаниа Махапрабху нэртэйгээр Бурханы аватарын дүрээр ведийн сургаал, бхакти йогийн номлол үйлиййг сэргээх үүрэгтэйгээр залран ирнэ гэсэн байдаг. Мөн, Түүнийг бурханлаг орондоо буцаж морилсоноос хойш 500 жилийн дараагаар мөн тэндээс Түүний жинхэнэ чин бишрэлтэн манай дэлхийд буун ирж ведийн утга зохиолын дээжис болсон номуудыг англи хэлнээ орчуулна гэж ярьцгаадаг байсан. Энэ номууд дэлхий дахинаа түгэн тархаж, айл бүр судлах болно гэсэн байдаг. Ведийн соёлын сэргэлтиййн энэ үе 10000 /арван мянган/ жил үргэлжлэх бөгөөд Кали-юга дахь “Алтан үе” гэж нэрлэгдэх болно. Энэ бол Гауранги-ийн үүрэг болой. Гаура гэдэг нь Алтан гэсэн утгатай санскрит үг юм. Одон зурхайн тооллоор бол энэ Алтан үе 1896 онд эхэлсэн бөгөөд энэ онд багш шавийн барилдлагааны залгамж хэлхээн дэх аугаа их ачарья Прабхупада энэ дэлхийд буун ирсэн. Бхактиведанта Свами Прабхупада нь энэ номуудыг англи хэлнээ хөрвүүлэхиййн зэрэгцээ бүх тайлбаруудыг хийсэн.

Заримдаа хүмүүс “Бидэнд ямар ч тайлбар хэрэггүй” гэж ярьцгаадаг. Үгүй ээ. Энэ номуудын үнэ цэнэ нь текстэндээ /шүлэг/ ч байгаа юм биш. Хий хоосны хуурмагт бүрхэгдэн төөрөлдсөн одоогиййн хүмүүс бид эдгээр шүлгүүдийг ойлгох ч чадваргүй болсон. Харин өөрийгөө бүрэн ухамсарласан сүнс болох тэрээр энэ шүлэгнүүдэд тайлбар хийж хүмүүс бидэнд зөвөөр ойлгуулахын тулд бурханлаг ертөнцөөс энэ материаллаг ертөнцөд буун ирсэн. Манай лекцэнд ирсэн хүмүүс “Бид урьд нь энэ номуудыг уншихад огтхон ч ойлгохгүй, таалагдахгүй байсан. Харин танай лекцэнд сууж энэ бүхнийг сонсоод тэдгээрийн жинхэнэ амтыг мэдрэх боллоо” хэмээн ярьцгааж байсан. Харж байгаа биз дээ. Эндээс үзэхэд тайлбар шаардлагатай байна. Аугаа их чин бишрэлтэний тайлбаргүйгээр энэ номуудыг ойлгож чадна гэж Та бүхэн бодож байна уу? Прабхупада бол зөвхөн орчуулагч биш . Тэрээр аугаа их чин бишрэлтэн бөгөөд манай дэлхийд Аврагч байдлаар бууж ирсэн юм. Түүнийг Иесүс Христ болон Бурхан Кришнийн өөрийн нь аватаруудтай эн зэрэгцэхүйц адил түвшинд авч үздэг. Ведийн утга зохиол нь, түүнд урьдчилан заагаагүй л бол хэнийг ч Бурханы хувилгаан, аватар буюу аврагч хэмээн үзэж болохгүй гэж сэрэмжлүүлсэн байдаг. Хүмүүс надаас “Та тэр хүнийг юу гэж үзэж байна, энэ хүний тухай юу гэж бодож байна” гэж байнга л шалгааж байдаг Тэд нь ямар ч аватар биш, их л сайндаа гэхэд тэдгээр нь дээд эрэмбийн гаригууд буюу диваажинд бүхнээ төвлөрүүлэх, нүгэлт үйлдэл хийхээс хүмүүсийг хөндийрүүлэх тухай ямар нэгэн мэдлэг ухаан олгохоор тэндээс ирсэн сүнснүүд байдаг.

Бхакти гэдэг нь хайр, чин бишрэл гэсэн утгатай санскрит үг гэдгийг дахин сануулья.

Бхакти-шакти, кама-шакти гэсэн 2 төрлийн эрчимийн тухай ведийн зохиолуудад өгүүлсэн байдаг. Энэхүү материаллаг ертөнцөд амьд амьтан бүрийн амсаж, эдэлдэг, бидний нэрлэдгээр: “ үр хүүхдээ хайрлах, гэр бүлээ хайрлах, улс эх орноо хайрлах…г.м.” энэ бүгд кама-шакти юм. Кама нь сэрэл мэдрэхүйн материаллаг эрчим гэсэн утгыг агуулна. Бхакти – энэ нь зөвхөн цэвэр ариун сүнсний эрчим юм. Иймээс бхакти-йог нь өөрийгөө кама-шакти-аас ангижруулах буюу цэвэрсэж ариусгах процесс юм. Бид энэ харьцааг бүрмөсөн таягдан хаяхгүй ч гэсэн бхакти-н буюу Бурханыг хайрлах хайрын үндсэн дээр харьцаж болно. Тиймээс ч Христыг бхактийн эх үүсвэрийг өгөхөөр ирсэн аврагч маягаар тодорхойлсон байдаг. Христ: “Эхлээд Бурханыг бүхий л зүрхэндээ хайрла. Дараа нь ойр дотныхноо хайрла гэснээс биш эхлээд ойр дотныхноо хайрла” гээгүй. Тэр бүхнийг эхлээд Бурханыг хайрлах хайрандаа төвлөрүүлсэн. Хүн өөрийгөө Бурхантай үнэн хэрэг дээрээ ямар харьцаатайгаа мэдсэн цагт бусад амьд амьтан бүгд л Бурхантай мөн тийм холбоотой бөгөөд Түүнийг хайрладаг болохыг ойлгоно. Тэр цаг үеэс эхлэн хүн бусдыг мөн л хайрлан найз нөхөр , дайсан гэсэн ялгаа гаргахаа болино. Тэр бүгдийг ойлгон уучилж чаддаг болно. Энэ бол маш чухал шинж төлөв юм. Бурхан Кришна “Бхагавад Гита”-д бүхнийг өршөөх, зөөлөн сэтгэл, аскетизм, Ведийг судлах, тайван амгалан байх, өөрийгөө эзэмдэх, бусдаас алдаа дутагдал өө сэв хайхгүй байх …г.м. олон зүйлийг тайлбарласан байдаг. Түүний зэрэгцээ энэ харилцааны мөн чанар , хүн яаж амьдрах, юуг дагаж мөрдөх, ямар философи дээр түшиглэх зэргийг ч тайлбарласан байдаг. Бхакти-йогийн бас нэг шинж төлөв нь хэрвээ хүн бурханыг хайрлан Түүнд чин бишрэлээр зүтгэн бхактын чадавхыг хөгжүүлэн улмаар бурханлаг ертөнцдөө буцан очиж чадваас , зөвхөн үүний учир, түүнтэй үйлийн үрийн хувь тавилангаар холбогдсон өнгөрсөн цагийн зуун үеийн болон ирээдүйн цагийн мөн нэг зуун үеийн сүнснүүд түүнийг дагалдан төрөх үхэхийн тойрог давтагдан үргэлжлэх энэхүү материаллаг ертөнцөөс ангижран бурханлаг ертөнцөд буцан очих хувь тохионо. Бурхан Кришна энэ боломжийг зөвхөн бхакти нарт л хайрласан юм. Иймээс, ведийн системд өндөр хөгжсөн амьд амьтад болох брахман, кшатри тэр ч бүү хэл вайшья нар өөрсдийн гэр бүлд хэн нэгэн нь Бурханы чин бишрэлтэн болж, бхакти-йогоор замнах нь ямар их чухал ач холбогдолтой болохыг мэдэж байв. Тэд, энэ хүндээ бүхнийг зориулан мөнгө, бусад хэрэглэгдэхүүн болон түүнийг энэ замаар тууштай явах бүхий л нөхцөл бололцоогоор хангаж байв. Энэ анхаарлаа зөвхөн эрэгтэй хүнд биш мөн эмэгтэй хүнд ч хандуулж байв. Гэвч энэ нь эмэгтэй хүний хувьд маш их хүнд хэцүү асуудал. Ведийн зохиол сургаалуудад эмэгтэйчүүдийг чин бишрэлтэн хүний эхнэр болон түүндээ үнэнч шудрагаар зүтгэхийг чухалчилсан байдаг. Нөхөр нь чин бишрэлтэн байх хэрэгтэй . Тэрээр өөрийн нөхрийг энэ үйл хэрэгтээ амжилт, дэвшил гаргахад нь бүх талын дэмжлэг үзүүлэх ёстой. Нөхцөл байдал ийм л байв. Тиймээс ч өнөө үед шашны олон системүүдэд эмэгтэйчүүд эрчүүдээс харьцангуй доогуур байр суурь эзэлдэг юм. Энэ бол сүсэг бишрэлийн систем. Бхакти-ийн философийн байр суурь ч үүнтэй ижил. Яагаад? Эрэгтэйчүүд эх хүний сэтгэлийн шинж чанараар нөхцөлдөж, баригдаагүй байдаг. Харин эмэгтэй хүн эх болохгүй бол юу болох вэ? Түүнд янз бүрийн хүндрэлтэй асуудлууд гарч ирдэг. Эмэгтэйчүүд бүр хүүрэд ахуй цагаасаа өөрсдийн оюун бодлыг хэн нэгний дурыг булаах, түүнд үйлчлэх зэрэгт бэлтгэн бясалгаж байдаг. Тэдэнд ямар ч философи зааж байсан, эсвэл тэд өөрсдөө үзэж судалж байсан ч хүндрэл бэрхшээл учирч байдаг. Гэвч зарим эмэгтэйчүүд байгалаас заясан өөр шинжтэй төрдөг. Дур булаам сайхнаас гадна маш их ухаалаг байдаг. Өнгөрсөн амьдралдаа ухаалаг байж чадсан эмэгтэй мөн эерэг үр дүнд хүрч бхакта болон Бурхантай холбоо тогтоон Түүний зүг буюу бурханлаг ертөнцдөө буцан очих боломжийг олж болно. Түүнтэй үйлийн үрийн холбоонд орсон өнгөрсөн болон ирээдүй цагийн зуун үеийн хүмүүс мөн л бурханлаг ертөнцөд буцан очицгооно. Түүнтэй үйлийн үрийн холбоонд орсон өнгөрсөн болон ирээдүй цагийн зуун үеийн сүнснүүд мөн л Бурханы зүг буюу бурханлаг ертөнцдөө буцан очино. Иймээс одоо цагт, энэ Алтан үед бхакти-йогид анхаарлаа онцгой хандуулах нь чухал . Ингэснээр дэлхий дахины хамгийн ухаалаг хүмүүс аврагдах болно. Та ч гэсэн энэ хүмүүсийн нэг нь болох хэрэгтэй.

Одоо би бхакти-йогийн тухай ярья. Үүний тулд эхлээд дуу авианы шинж чанарыг тайлбарлая. “Бхагавад Гита”-д өгүүлсэнээр дуу бол энэ орчлонгийн 11234567890. Бүх зүйл үнэн хэрэг дээрээ дуу авианаас тогтоно. Миний бие мөн Таны бие бүгд дууны чичиргээнээс бүрдэнэ. Гэхдээ би, та бүхнийг миний энэ ярьж буйг хир зэрэг ойлгож байгааг сайн мэдэхгүй байна. Физикийн дуу авианы чиглэлээр ажилладаг хүмүүс бол аливаа зүйл нь тодорхой дуу авианы чичиргээний цогц юм гэдгийг мэднэ. Дуу авианы тусламжтайгаар ямар нэгэн зүйлийг эвдэж ч болно эвлүүлж ч болно. Одоо шинжлэх ухаан энэ тал дээр маш шаргуу ажиллаж байна. Энэ бүхний тухай ведийн ном зохиолд өгүүлсэн байдаг. Энэ мэдлэгийг Бурхан Кришна Өөрөө бидэнд өгсөн6 Харин хүмүүс туршилт хийх замаар явдаг. Гэвч энэ мэдлэгийг туршилтын замаар ойлгож хүлээн авч болохгүй. Бурхан зүгээр шууд өгсөн юм. Одоо бидний энэ санаа , бидний энэ бие бүгд л дуу авиа юм. Бидний үг, бидний сэтгэлийн хөдөлгөөн мөн л дуу. Дуу авиа бол чичиргээ. Чичиргээ бол эрчим, энерги, шакти. Бхакти-йогийн ведийн сургуулийг шакти-паринама-вада эрчим хувиргагч сургууль гэдэг. Эрчимийг хувиргаснаар хүн өнгөрсөн болон одоогийн энэ амьдралдаа, өөрөөр хэлбэл материаллаг ертөнцөд байсан нийт хугацаанд үйлдсэн бүхий л нүгэлт үйлээсээ ангижирч болно. Мөн сайн үйлүүдээ ч саармагжуулж болно. Энэ нь ямар учиртай юм бэ? Бид кармын тухай ярихдаа энэ нь зөвхөн муу зүйл л гэж боддог. Муу зүйл тохиолдвол “Карма” гэнэ. Сайн зүйл тохиолдсон ч энэ нь мөн л карма буюу өнгөрсөн үеийн үйлийн үр гэж ойлгох хэрэгтэй. Харин хүмүүс бид “муу” хэлбэрт байгаа үйлийн үрээс л ангижрахыг эрмэлздэг. Хүн их бага аль нэгэн хэмжээгээр карматай байх юм бол энэ материаллаг ертөнцөд ямар нэгэн биеийг олж дахин төрдөг. Энэ бол маш чухал ойлголт. Өөрөөр хэлбэл, сайн үйл хийнэ гэдэг нь мөн л материаллаг ертөнцөд дахин төрнө гэсэн үг.

Ямар ч үйлийн үргүй үйл гэж байдаг. Өөрөө хэлбэл кармгүй. Түүнийг трансценденталь үйл гэх ба энэ нь бидний материаллаг төсөөлөл, туршилт болон материаллаг ойлголтын хүрээний чанадад оршино. Тэр оршин байна. Энэ бол бодитой бөгөөд бид үүнийг материаллаг ойлгоцын замаар ухамсарлаж, хүлээн авч чадахгүй. Энэ нь шишны сургаалуудад байдаг ойлголт боловч шашин бүр харилцан адилгүй түвшинд авч үздэг. Одоо би та бүхэнтэй ярилцаж байна.Энэ бол трансцценденталь үйл бөгөөд та бүхэн зүгээр л хүлээж аөч байна. Тодорхой трансценденталь учир шалтгаан , зүй тогтоол гэж байдаг. Хэрвээ би энэ ярьж буй зүйлээ нэг жилийн өмнө ярьсан бол та бүхэн огтхон ч хүлээж авахгүй намайг сонсохыг ч хүсэхгүй байх байсан. Харин одоо маш анхааралтай сонсож байна. Харж байгаа биз. Ямар нэгэн хувирал өөрчлөлт явагдаж байна шүүдээ. Ухамсарын өөрчлөлт. Хэрэгцээгүй зүйлээ шатаачихвал хэрэгтэй зүйлс нь үлддэг. Гэхдээ өөр хэлбэрт буюу цэвэр ариун хэлбэрт. Бурхан Кришна Аржунайд “Гал модыг хэрхэн үнс болтол шатаадагтай адил энэ мэдлэг нүгэлт үйлийн үр дагаврыг юу чүгүй болтол шатаана” хэмээн айлдсан гэж “Бхагавад Гита”-д өгүүлсэн байдаг. Та бүхэн энэ лекцэнд өөрсдөө сайн дураараа ирж гурван өдрийн турш маш их хэрэггүй зүйлээ шатааж устгалаа. Тиймээс ч энэ мэдлэгт ихээхэн анхаарал бодолтой хандах болсон. Зарим нь нилээд өндөр түвшинд , зарим доогуур түвшинд байгаалдаа Гэсэн ч яах аргагүй бодит зүйл боллоо. Энэ бол хамгийн эрхэм дээд мэдлэг учраас уг үйл маш богино хугацаанд болж өнгөрлөө. Энэ мэдлэг шатааж устгаад хувиралт өөрчлөлт хийж байна.

За одоо буцаад дууны тухай яриандаа оръё.

Дууны шинж чанар: үг-дуу-чичиргээ

Материаллаг түвшинд , дуугаар хэрхэн эмчилж анагааж, мөн бэртээж гэмтээж, өвчлүүлж болохыг бид мэднэ. Зүрхний өвчтэй хүнд элдэв муу муухай зүйл ярьсаар түүний инфаркт өвчнийг сэдрээж болно. Энэ бол дууны чичиргээ бөгөөд тэрээр өөртөө утгын өнгө, аяс шинж төлөв, дүрслэлийг агуулж байдаг. Жишээ нь: Бид “Нимбэг” гэж ярьцгаадаг. Энэ бол үг. Гэхдээ энэ үгийг сонссон хэн бүхний ам шууд л шүлсээр дүүрч ирнэ. Эндээс үзэхэд үг, дууны чичиргээ нь ямар нэгэн сэтгэл хөдлөл, тодорхой түлхэц өгч байна. Үүнтэй адил материаллаг чичиргээнээс гадна ухамсарын тодорхой түвшинд хүрсэн хүмүүсийг ангижруулахаар материаллаг ертөнц рүү бурханлаг буюу трансцендент чичиргээ ирдэг. Бхакти-йог нь Махамантра гэж нэрлэгддэг трансцендент чичиргээ дээр үндэслэгдсэн. Маха-аугаа их, ман-ухаан, трайа-чөлөөлөх гэсэн утгатай санскрит үг. Ухааныг материаллаг хүсэл, буруу зөрүү төсөөллөөс чөлөөлөх гэсэн утгыг агуулна. Хүсэл таашаалын хувирал, тогтсон ухамсарын өөрчлөлт. Энэ мантра нь материаллаг эрчимийг бхакти-шакти-д хувиргадаг бөгөөд түүний талаар бхакти-йогийн философитой холбоотой холбоотой Пуранууд болон бүхий л трансцендент зохиолуудад тодорхойлон бичсэн байдаг

Махамантра:

 Харе Кришна Харе Кришна Кришна Кришна Харе Харе

Харе Рама Харе Рама Рама Рама Харе Харе

Маха мантраг нас, хүйс, шашин шүтлэг, яс үндэс харгалзахгүй хэн ч уншиж болно. Махамантра-г уншихад гарсан дууны чичиргээ нь хамгийн эхлээд нүглийн клеше-рүү “довтлоно”. Пуран-д бичсэнээр аливаа хүний физик биед 118 үндсэн суваг байдаг. Нас барах үед /бүдүүлэг биеийг орхих явцад/ сүнс нь тухайн хүний ухамсараас шалтгаалан эдгээр сувгуудын аль нэгээр дамжин гадагш гарна. Онцгой их нүгэлтэй хүний сүнс нь өтгөний сувгаар, багавтар нүгэлтэй хүнийх амаар нь гардаг байна. Мөн кханта гэсэн чакра /эрчимийн хүрд/-ны тухай ойлголт байдаг ба энэ нь эгэмний хонхорхойд байрлана. Эрлэгийн элч нар нүгэлт хүний сүнсийг нарийн биеийн хамиаар энэхүү кханта-гаар суга татан гаргаж тамын гариг руу шууд аваачдаг. Иймээс бхакти-йогод кхантамалаг байнга зүүж байх хэрэгтэй гэж үздэг. Энэ нь нэг хэлбэрийн хүзүүний зүүлт бөгөөд кханта чакраг дарж байх шаардлагатай. Түүнийг зөвхөн Энэтхэгийн ариун дагшин газруудад л ургадаг туласи гэдэг модоор хийдэг. Энэ модны тухай ведийн ном судруудад олонтоо бичсэн байдаг. Манай гариг дээр зөвхөн ганц энэ мод л буг чөтгөр болон эрлэгийн элч нарт хүний биенээс түүний сүнсийг сугалж авах боломжийг олгодоггүй байна. Тиймээс бүх бхакта нар энэ кхантамалыг байнга зүүдэг. Энэ цаг үүед бараг бүх хүмүүс нүгэлтэй. Энэ бол тодорхой. Хүн төрөлхтний 99% -нь тамд очино. Учир нь тэд бүгд мах иддэг. Мах идэх нь хэвийн үйл гэж огтхон ч бодож болохгүй. Хэрвээ хүн одоогийн тогтож заншсан байдлаараа үргэлжлүүлэн амьдарсаар байх аваас үхсэний дараа тэрээр тамд очих бөгөөд тэнд өөрийн кармаа дуустал зовох болно. Энэ процессийн тухай ведийн ном судруудад тодорхой тайлбарласан байдаг. Нүглээ дуустал зовсоны дараа л тэрээр үйлдсэн бүх сайн үйлүүдийнхээ нийлбэрт тохирох газарт очих болно. Хүн өөрийгөө хэзээ үхэх, тэр ч бүү хэл хир их сайн үйл үйлдсэнээ ч мэддэггүй учир тамд очиж дээрх хувиралд орохгүйн тулд эгэмний хонхор буюу кханта-г хааж кхантамала-г байнга зүүж явах хэрэгтэй. Энэ бол маш чухал зүйл юм. Ялангуяа нас барах мөчид кхантамала-г хүзүүндээ зайлшгүй байлгах хэрэгтэй. Тэгж гэмээ нь хүмүүс тамд очиж зовохгүй болно. Энэ бол бодит баримт. Тэд зөвхөн энэ гаригтаа л дахин төрөх ба өөрийн кармагаас шалтгаалан доод түвшний амьтны биеийг олж магад. Ямар ч л гэсэн тамын гаригт очиж тарчлан зовохгүй.

Миний дээр ярьсан бүхэн үнэн хэрэгтээ авторитет. Ведийн сургаалд өгүүлсэнээр энэ цаг үеийн /Кали юга/ хамгийн эрхэм чухал зүйл нь Ариун Гэгээн Нэрүүдийг байнга давтан хэлэх явдал юм. Харе Кришна Махамантраг уншиж байгаа нь Ариун Гэгээн Нэрүүдийг давтан хэлж байгаа үйлдэл юм. Нүгэлтнүүд дотроос хамгийн их нүгэлтэй нь ч ядаж ганц удаа чин сэтгэлээсээ Махамантраг хэлэхэд тэрээр үйлдсэн маш их нүглийнхээ үр дагавраас ангижирч чадна. Махамантраг уншихад гарч буй дууны чичиргээ нь кармын клешег дарж устгадаг. Үүнийг санскритаар анартхи гэдэг бөгөөд энэ нь нүгэлт болон сайн үйлүүдийн бүрэлдэж тогтсон хуулбар дүрс, хэв юм. Анартхи нь үндсэндээ нүгэлт үйлүүдээс тогтоно. Ведэд дөрвөн Дхарма-ын тухай өгүүлсэн байдаг . Юга Дхарма? Энэ юу гэсэн үг вэ? Юга- нь үе, Дхарма-нь бүрэн төгс төгөлдөрт хүргэх үйл гэсэн утгатай үг. Кали-югад Харе Кришна Махамантраг давтаж хэлэхээс өөр зам байхгүй. Бурханы зүг буцаж очих ямар ч өөр арга зам байхгүй. 2-р лекц дуусаад бүх хүмүүс явцгаасны дараа нэг эмэгтэй үлдсэнээ: “Би шашнуудын талаар сонирхон орлдож нилээд зүйлийг судалсан. Таны лекцийг сонсоод бүх шашин нь нэг цэгт хүрэх юм байна гэж ойлголоо” гэв. Энэ бол маш том эндүүрэл. Шашин бүр нэг ижил цэгт хүрэхгүй. Тэр эмэгтэй : бүгд л адил төстэй юм байна шүү дээ . Энд ч битгий ал , тэнд ч гэсэн битгий ал гээд бүгд л Бурханы тухай. Би түүнд нэг жишээ ярьсан юм. Бид нисэх онгоцны буудал дээр байна гэж төсөөлцгөөе. Буудлын талбай дээр нисэхэд бэлэн болсон арван онгоц, бүгд ТУ-154 зогсож байна. Энэ нь бүгд нэг чиглэлд ниснэ гэсэн үг үү? Үгүй. Тэд хэдийгээр харахад адилхан боловч. Үгүй ээ. Нисгэгчид нь бүгд ижил формтой, үйлчлэгчид нь ч мөн адил залуухан сайхан бүсгүйчүүд бүгд л цэнхэр өнгийн формтой байгаа нь нэг зүгт ниснэ гэсэн үг үү? Үгүй. Зорчигчдод байгаа билетийг харахад цөм л ижилхэн байгаа нь мөн л бүгд нэг газар очицгооно гэсэн үг үү? Үгүй. Онгоц бүр суусан зорчигчидоосоо хамааран тодорхой чиглэлүүдэд нисцгээнэ.

Шашнуудад диваажин гэсэн ойлголт байдаг. Үйлийн үр дүн нь зөвхөн диваажинд байхаар номлодог шашин ч байдаг. Та бүхэн сонссон байх , диваажин өндөр түвшинд орших материаллаг гаригууд юм. Тэнд материаллаг оршнолын илүү төгс төгөлдөр өндөр түвшин байна. Түүнээс гадна материаллаг ертөнцийн хамгийн дээд гаригууд болох Брахмалок эсвэл Сатьялок-д хүргэхийг эрмэлздэг шашин ч байна. Брахмалок дээр маш төгс төгөлдөр амьд амьтад амьдардаг бөгөөд тэдний амьдралын үргэлжлэх хугацаа нь манай гаригийн тооллоор 15 триллион жил юм. Зарим хүмүүс, бидний 100 жил амьдрахтай харьцуулахад тэнд үнэхээрийн мөнхийн амьдралтай юм гэж ярьцгаадаг. Хүмүүс, гэнэт 15 триллион жил гэхийг сонсоод л тэр шүү дээ. Энэ бол үнэхээрийн маш урт хугацаа. Гэхдээ, хамгийн сонирхолтой нь орчлонгийн төгсгөл болох үед тэнд амьдрал үлдэхгүй бөгөөд тэнд амьдрагсад Брахмын биенд шингэн орж түүнтэй хамт бурханлаг ертөнц рүү буцаж очдог. Энэ бол Христэд итгэгчдийн зарчим. Би Та бүхнийг шашин бүр нэг ижил зорилгын төлөө үйл ажиллагаа явуулдаггүй гэдгийг ойлгосон байх гэж бодож байна.

Одоо чичиргээ гэж юу болохыг тайлбарлая.

Энэ дэлхий дээрх бүх зүйлс чичиргээний үндсэн дээр бий болсон. Миний бие бол чичиргээний тодорхой хэлбэр, иймээс би ийм толгой , иймэрхүү чихтэй , үсний маань өнгө ийм /бүгдийг заав/ – бүгд чичиргээ. Энэ бүгд чичиргээнээс үүссэн эрчимийн цогц юм. Дууны буюу эрчимийн үйлчлэлээр биетүүд агшин зуур алга болон чичиргээний өөр талбайд шилждэг. Тэрээр тэнд оронгуутаа дахин хэлбэржих ба гэхдээ түрүүчийнхээс өөр газарт өөр хэлбэр дүрстэй болно. Жишээ нь: Энэ ном /заав/ бас тодорхой чичиргээ, чичиргээний талбай юм. Түүнийг модноос цаас гарган авч, түүн дээрээ суурь машинаар хэвлэх, тасдах, үдэх гэх мэтээр хийдэг. Энэ үйлдвэрлэл нь өөрөө чичиргээ юм. Гэхдээ удаашруулж сунжруулсан байдалтай. Мөн хоёр шилэн аягийг хооронд нь мөргөлдүүлэхэд ямар нэгэн дуу гарч хагардаг. Энэ бүгд чичиргээний үндсэн дээр болж байгаа хэрэг.

Харе Кришна Махамантраг давтан хэлснээр юуны өмнө өнгөрсөн үеийн нүгэлт үйлийн үрээс ангижрана. Үүнийг анартха-нивритти гэнэ. Мантраг давтан хэлэхэд гарч буй дуу авианы чичиргээний үйлчлэлээр хүний бүх анартхи нь устгаж, ухамсар нь буруур төсөөллүүдээс чөлөөлөгдөж ариусна. Иймээс бхакти-йогийн системийн дагуу зөв үйл үйлдэж, махамантраг чиг сэтгэлээсээ байнга давтан хэлж эхэлсэн хүмүүс архи, тамхи болон бусад хорт муу зуршлаасаа түргэн салдаг, Энэ бол аль эрт амьдралд батлагдсан Би өөрийнхөө тухай болон бусад хэдэн мянган чин бишрэлтэнүүдийн тухай ярьж чадна. Харин хүмүүс маш их гайхцгаадаг. Яаж энэ бүхэн болоод байгаад тэд ойлгодоггүй. Тэд заримдаа энэ бүхний нарийн учрыг нь ойлголгүй зүгээр л итгэж эхэлдэг ба тэгснээрээ тохиолдох аливаа хүндрэл бэрхшээлээс зайлж чаддаг. Ийм учраас л ведийн сургаалд үр дүн сайтай ариусах хамгийн сайн арга гэж тодорхойлсон байдаг. Зарим хүмүүс завилж суугаад янз бүрийн зүйл хийцгээдэг.Нарада Муни гэдэг аугаа их мэргэн аштанга-йог буюу бясалгалын йогийг эдгээр үйлийг биемахбодийн сэрэл мэдрэхүйн цэнгэлд татагдсан хүмүүст зориулагдсан гэж тодорхойлсон байдаг. Тэд сэрэл мэдрэхүйн ямар цэнгэл жаргалыг хүснэ вэ? Тэд ид шидийн хүчтэй болон бүрэн төгс боловсронгуй байдлаар цэнгэхийг хүсэж байна. Дахиад л энд, материаллаг ертөнцөд. Олонд нэртэй, алдартай, нэр хүндтэй аугаа их байхыг, мөн идийн хүчээр дуртай газраа хүрэхийг эрмэлзэж байна. Гэвч энэ бүхэн цөм материаллаг оршнолтой холбоотой билээ.

Зөвхөн бхакти-йогийн аргаар л бурханлаг ертөнц рүү, өөрийн жинхэнэ гэрлүүгээ өөрийгөө болоод ойр дотныхноо буцаан аваачиж чадна. Энэ бол маш чухал шинж чанар. “Ойр дотны хүмүүсээ хайрла” гэдэг нь өөрсдийнхөө төлөө үүнийг хийх боломжийг тэдэнд олгоно гэсэн үг. Бид бүгдийг материаллаг түвшинд ойлгодог учраас “Яах гэж бидэнд тайлбарлах гээд байгаа юм бэ” хэмээн ундууцдаг. “Ойр дотныхноо хайрла” гэдэг хэллэгийг тэд нарч өөрсдөө ухаж ойлгож чаддаггүй. Тэд зөвхөн материаллаг байдлаар л “Бүгдийг тэврээд уруул дээр нь үнсэх” гэж ойлгоно. Үгүй ээ . Энэ бол хамгийн эгэл, болхи материаллаг төсөөлөл. Олонхи хүмүүст хайр- энэ бол секс,тэд “Намайг бүр сайн хайрлаач” эсвэл “Бид бие биенээ ямар удаан хайрлаваа. Бүхэл бүтэн 2 цаг шүү” гэцгээнэ. Энэ хайр мөн гэж үү? Харамсалтай нь хүмүүс үүнийг л жинхэнэ хайр гэж ойлгоцгоодог. Энэ бол хайр биш. Хүмүүс хоорондын харилцааны тухай ухамсарын доод түвшиний төсөөлөл. Үүрэг. Хүндэтгэл.

Иймээс ч “Бхагавад Гита”-д Шрила Прабхупадагийн : амар амгалан, өөрийгөө эзэмдэх, шалтгаангүй хүч хэрэглэх, өглөг өгөх болон бусад маш олон зүйлийн талаар хийсэн тайлбар байдаг. Ихэнх хүмүүс бусдад өглөг өгөн тэтгэнэ гэдэг нь хэн нэгэнд маш их хэмжээний мөнгө өгөхийг хэлдэг гэж боддог . Ариун ном судруудад дээд өглөгийн тухай өгүүлсэн байдаг. Бхакти-йогийн талаархи мэдлэгийг хүмүүст өгөх нь дээд өглөг юм. Эдгээр ном судруудад зөвхөн дээд өглөгийн тухай л агуулдаг болохоос биш ямар нэгэн дунд зэргийн эсвэл жирийн материаллаг өглөгийн тухай өгүүлдэггүй. Мөн тэнд чин бишрэлтэний нэг шинж нь тайван амгалан байдал юм гэсэн байдаг. Бүгд л, хэн нэгэн цаг үргэлж дуугүй гаднаа тайван төрхтэй байгаа хүнийг л бодох байх. Ямар сайхан тайван юм бэ? гэцгээнэ. Тэгвэл тайван амгалан гэж чухам юуг хэлээд байна вэ? Ямар ч үед тогтворгүй байдалд ордоггүй хүнийг тайван амгалан хүн гэдэг. Юм ууж байсан ч, идэж байсан ч, алдаршуулж байсан ч, доромжилж байсан ч, цохиж зодож байсан ч, магтаж байсан ч ялгаагүй тайван л байна. Мөн түүнийг хүндэтгэж байсан ч, гутааж байсан ч, нэр алдар нь мандаж байсан ч, буурч байсан ч, халуунд ч, хүйтэнд ч, зөвхөн чин бишрэлийн үйлээ үйлдэж байдаг. Энэ бол тайван амгалан байдал юм. Тэр өөрийгөө хэн бэ гэдгийг ухамсарладаг учир ямар ч үед тайван амгалан байдлаа алддаггүй. Энэ шинж чанарыг мөн абхая- буюу аймшиггүй гэж нэрлэдэг. Өөрийн мөн чанар буюу “Би бол сүнс” гэдгээ мэддэг учир ямар ч айдас аймшиг түүнийг сандраан түгшээж чаддаггүй. Амьд амьтан бүхний амьдралын утга учир нь чин бишрэлээр үйл үйлдэх явдал бөгөөд ингэснээр тэд тайван амгалан байдлаа хадгалж чаддаг. Өөрийгөө эзэмдэх чанар. Өөрийгөө эзэмдэх гэж чухам юуг хэлнэ вэ? Бид энэ нь ямар нэгэн байдлаар мэдрэлийн системтэй холбоотой байх гэж боддог. Үгүй . Өөрийгөө эзэмдэх шинж чанар нь хүн бүхий л мэдрэхүйгээ Бурханы төлөө зүтгэхэд зориулснаар илэрдэг. Хөл бол зөвхөн үйлчлэх л зориулалттай. Өнөөдөр Та бүхэн энд ирцгээлээ. Одоо Та нарын нүд намайг харж байна. Таны бүх мэдрэхүй чинь энэ мэдлэгийг ойлгож мэдэхэд чиглэгджээ. Үүнийг л өөрийгөө эзэмдэх гэнэ. Дээд зорилгод хүрэхийн тулд хүн өөрийгөө удирдан чиглүүлж байна. Энэ бол өөрийгөө эзэмдэж байна гэсэн үг. Одоо Та бүхэн харцгааж байгаа биз дээ? Энэ тайлбаргүйгээр юуг ч зөвөөр ойлгохгүй байсан. Бүгд материаллаг түвшинд хүлээж авна шүү дээ.

За одоо чин бишрэлээр зүтгэхэд хамгийн чухалд авч үздэг Махамантран тухай яриандаа эргэж орьё.

 “Грихе тхако, ване тхако , сада хари боле дако” гэсэн санскрит шүлэг байдаг бөгөөд энэ нь дараах утгыг агуулдаг. Чи хэн ч бай, гэр бүлтэй ч бай, ойд диян хийгээд сууж буй садху-ч бай ялгаагүй өөрийн бүхий л амьдралын туршид үхэн үхтлээ:

 Харе Кришна Харе Кришна Кришна Кришна Харе Харе

 Харе рама Харе Рама рама Рама Харе Харе

Мантраг байнга уншиж бай. Бодоход энэ нь тун амархан мэт. Та бүхний хэн нэг нь үүнийг хийж үзсэн бол байнга давтана гэдэг бол нилээд амаргүй гэдгийг мэдэрсэн байх. Тиймээс ч зарим хүмүүс Бурханы тухай байнга бодох, ариун гэгээн ном судрууд унших, Харе Кришна Махамнтраг байнга давтан хэлэх үр хүүхдүүдээ чин бишрэлд сурган хүмүүжүүлэх, бхакта болох гэж чармайж байснаас хаа нэгтэй секц дугуйланд явж хөлөө толгой дээгүүрээ давуулах … г.м. дасгал хийж байсан нь амар гэж боддог байх. Гэхдээ бхакти йогоор хичээллэхийн тулд та машин тэргээ орхих, эхнэр хүүхдээсээ холдох, хаа нэгтэй ойд очих шаардлагагүй. Тиймээ хүн ердийн байдалдаа Харе Кришна мантраг давтан хэлж зохицуулах зарчмууд-аскезыг хэрэгжүүлэхэд л болно. “Шримад Бхагаватам”-д өгүүлсэнээр хүний амьдрал зөвхөн аскез хийхэд л зориулагдаж заяагдсан. Аскез гэж юу вэ? Бурханлаг хөгжил дэвшилд хүрэхийн тулд өөрийн сэрэл мэдрэхүйн таашаал, цэнгэлийг хязгаарлан бие махбодийн тааламжтай биш байдлыг сайн дураар бий болгохыг хэлнэ. Брханлаг хөгжил дэвшлийн төлөө, Бурханы төлөө Түүнийг хайрлах үүднээс хийдэг. Христ: “Та нарын намайг хайрлах хайр чинь миний сургаалыг хэрхэн дагаж мөрдөж байгаагаар илрэнэ” гэсэн байдаг. Иймд хэн нь үнэн хэрэг дээрээ Христэд жинхэнэ итгэгч юм, хэн нь Христийг жинхэнээр хайрладаг юм бэ? гэдгийг шууд ойлгож болно.

Сайн цаг ирлээ. Гэхдээ хүн бүхэнд биш. Хувь заяандаа улайран итгэгч /фанатизм/ биш ухаалаг хүмүүс эдгээр мэдээллийг хүлээж авч ойлгож чадна. Харанхуй мунхаг, фанатик хүмүүс төрөлхийн түрэмгий зантай байдаг. Ведийн сургаалд “ухаантай хүмүүс тэнэг мунхаг хүнийг цочроодоггүй” гэсэн утгатай шүлэг байдаг. Мөн “тэнэг мунхаг хүмүүст мэдлэгээ дэлгэж нээсний хэрэггүй” гэсэн сургаал ч байдаг. Чухамдаа хор могойд сүү уулгаж банан жимсээр тэжээсэн ч ялгаагүй хортой хэвээрээ л байдаг. Бүр ч илүү хортой болдог. Үүнтэй адаил мунхаг харанхуй хүмүүст энэ мэдлэгийг тайлж хүргэснээр тэдний уур цухлыг л хүргэх болно. Иймээс мэдлэгийг шүүн тунгааж тохируулах хэрэгтэй байдаг.

 За одоо Махамантраг эрихтэй хавсруулан хэрхэн унших талаар өгүүлье. Ном бүрийн эцэст түүнийг хэрхэн хийх талаар бичсэн бүлэг байдаг. Боломжтой бол худалдан авч болно. Харин эрихүүд нь хоорондоо зангилаагаар тусгаарлагдсан байх ёстой. Энэ нь тодорхой эрчимтэй холбоотой юм. Тэд хоорондоо шүргэлцэж болохгүй. 108 ширхэг эрих байдаг бөгөөд астрологийн процессын үндсэн эрчимүүдийн тоо юм. 109 дэх нь эхлэх цэг. Бусдаас яльгүй том, ялгагдахаар бол сайн. Мантраг унших үедээ эрихийг дунд болон эрхий хурууны завсар хавчуулж өөррүүгээ эргүүлнэ. Дараа нь нааш цааш нь өнхрүүлэн

 Харе Кришна Харе Кришна Кришна Кришна Харе Харе

гэж уншина. Үүний дараагаар эрихээ эргүүлэхгүйгээр хөдөлгөөнгүй хавчиж байгаад

 Харе Рама Харе Рама Рама Рама Харе Харе

гэж уншина. Уншиж дуусмагц дараагийн эрихийг хавчиж дээрхийн адил уншина. 108 дахь эрихийг дуустал уншаад эхлэх цэгийн буюу 109 дахь эрихэнд тулж очмогц эрихээ хавчаастай чигээр нь цагийн зүүний дагуу эргүүлж дахин шинэ тойрог эхлэнэ. Мантраг унших үед долоовор хуруу оролцохгүй бөгөөд түүгээр сөрөг муу эрчим ялгаран гардаг. Йогоор хичээллэж байх үедээ бүх зүйлийг жин тан хийх ёстой. Аар сар яльгүй зүйл гэж байдаггүй. Хэн нэг нь хатха-йогоор хичээллэж байсан бол , тухайлбал гарын аль нэг байрлалыг шальгүй юм хэмээн хамаагүй хийж болдоггүйг мэднэ. Йогд анзааргагүй орхигдуулж болох жижиг, аар саар зүйл гэж байдаггүй. Иймээс бид эрихээ эрхий болон дунд хуруугаар хавчиж эхлээд заавал өөррүүгээ эргүүлэх, мөн нэг тойрог уншиж дуусаад эхлэх цэгийг буюу эрихний толгойг давж гаралгүйгээр цагийн зүүний дагуу эргүүлэх нь маш чухал юм. Мантраг өөртөө сонсогдохуйц чангаар уншиж анхааралтай сайн сонсох хэрэгтэй. Зөв дуудаж унших нь маш чухал.

 Чин бишрэлтэн хүн өдөрт хамгийн бага нь 16 тойрог уншиж байх нь нэн зохистой. Нэг тойрог нь эрих бүр дээр 108 удаа. Хүн бүр шууд л 16 тойрог уншиж чаддаггүй. Дундаж хурдаар уншихад үүнд 2 цаг гаруй хугацаа шаардлагатай. Зарим хүмүүс 2 цагийн хугацаа юу юм бэ?, энэ бол амархан гэцгээдэг. Орчин үеийн амьдралын хэвшмэл зүйлээсээ өдөр бүр 2 цаг татгалзаж, ямар ч заншиж сураагүй зүйл болох мантраг тийм хугацаагаар уншина гэдгийг төсөөлцгөө. Энэ нь одоо үеийн хүмүүст их бэрх. Иймээс ч бхакти-йогд /бхактын шатлал/ сургалтын арга байдаг. Эхлээд өдөр бүр нэг тойрог уншина. Энэ нь ойролцоогоор 10-12 минут үргэлжлэнэ. Хамгийн чухал нь зөв дуудаж түүнийгээ анхааралтай сонсох. Энэ түвшинг шраддхаван буюу ахиц дэвшлтийн нэгдүгээр шатны чин бишрэлтэн гэнэ. Зарим хүмүүс: Би аугаа юм аа шууд л 16 тойрог уншчихлаа гэдэг. Гэхдээ тэд хамгийн чухал нь болох чанарын талыг орхигдуулдаг. Энэ нь хамгийн эрхэм зочноо том сав дүүрэн гүйцэд чанаагүй, дутуу болгосон төмсөөр дайлсантай адил юм. Сав дүүрэн буюу арвин их төмсөөр дайлж байна гэж бодно. Түүний оронд бага чгэсэн бүрэн гүйцэд болгосон, амттай төмсөөр дайлбал эрхэм зочин маань маш амтархан зооглон баярласан талархсанаа илэрхийлэх болно. Мантра уншсанаар бурханлаг эрчимд хандаж байна. Энэ бурханлаг эрчим -чичиргээ нь ухааны болон оюун ухааны түвшинг шууд өнгөрөн ухамсарт үйлчилдэг. Тийм учраас зөв анхааралтай дуудах хэрэгтэй. Ахиц дэвшил гарахын хирээр 2,3,4… тойрог унших бөгөөд энэ үедээ чанарыг онцгой анхаарах нь чухал. Ахиц дэвшил , ариусалтын хирээр бурханлаг улам илүү хүрнэ. Аажим аажмаар дээшилсээр Прабхупада-ашрайа шатанд хүрэх буюу өдөр бүр 16 тойрог уншихын зэрэгцээ зохицуулах 4 зарчмыг хатуу баримталдаг болно.

 Одоо зохицуулах зарчмуудын талаар ярилцья.

 Миний та бүхэнд ярьсан бүхий л зүйлүүд бол аскез буюу “таагүй байдлууд” юм. Хүний бүхий л амьдрал аскез хийхэд л зориулагдсан гэж ярьдаг. Энэ нь бид энэ ертөнцийг үгүйдээ л энэ биеийг орхих үед тооцогддог маш чухал зүйл юм. Зохицуулах 4 зарчим байдаг.

Нэгдүгээр зарчим: Чин бишрэлтэн ямар чнөхцөлд амьтныг алж нядалсантай холбогдон гарсан бүтээгдэхүүн- мах, загас, өндөгийг хүнсэндээ хэрэглэж болохгүй. Зарим хүмүүс цагаан хоол хэрэглэх нь ашигтай тустай гэдэг үүднээс мах хэрэглэдэггүй. Мах идэх нь хортой гэдгийг маш амархан нотолж болно. Та бүхэн Сибирьт ч байна уу, эсвэл өөр газартч байна уу хаана амьдарч байгаа нь чухал биш. Хэрвээ махнаас өөр ямар ч хүнсний зүйл байхгүй бол буруутгах аргагүй. Гэхдээ бүгдэд л цагаан хоол хэрэглэх боломж байдаг. Жишээ нь , би 9 жил орчим цагаан хоол хэрэглэж байгаа, дунджаар нэг жил орчмын хугацаанд бие организм бүрэн дасаж өөрчлөгддөг. Энэ бүхнээс үзэхэд Сибирьт байгаа хүн мах идэхгүй бол үхнэ, хөлдөж үхнэ гэдэг бол архичин хүний … шар тайлах юм өгөөч, өгөхгүй бол бүх юм… гэдэгтэй адил юм. Энэ нь хүний ухаанд оршиж байгаа буруу муу дадал зуршил юм.

Хоёрдугаар зарчим: бүх төрлийн мансууруулах бодисоос татгалзах, архи, тамхи, наркотик, эд бүгдээс холуур явах хэрэгтэй. Чин бишрэлтэн хүн 1 грамм ч архи ууж болохгүй. Зарим нь:… төрсөн өдрийн баяр юм чинь , ганц удаа яадаг юм… гэцгээнэ. Үгүй хүн ер нь архи уух хэрэггүй. Аюурведед тайлбарласнаар 50 грамм архи уухад хүний организмын хамгаалах фон нь шууд суларч сөрөг муу мөн чанар нь идэвхждэг байна. Агшин зуур. Иймээс хүн согтуудаа л муу муухай хэрэг үйлддэг шүү дээ. Согтуу байхдаа хүн алчихаад дараа нь шоронд сууж байхдаа “Яах гэж би ийм хэрэг үйлдэв ээ” хэмээн гасалдаг.

Гуравдугаар зарчим: Бэлгийн амьдрал. Энэ бол хүмүүсийн хамгийн эмзэг асуудлуудын нэг. Зарим нь “хооллгүй байж болно, ундгүй байж болно, энүүнгүйгээр байж болно, тэрүүнгүйгээр байж болно, харин эмэгтэй хүнгүйгээр бол хэзээ ч байж чадахгүй. Ганц ч минут, ганц ч секунт байж чадахгүй” гэцгээнэ. Бэлгийн чадавхи бол хүний бие организмын маш чухал эрчим юм. Бэлгийн амьдралаа буруу, замбараагүй явуулж байгаа хүний ой ухаан муудаж тархины үйл ажиллагаанд нь бэрхшээл учирч эрчим хүчний бүх сувгууд нь буруу, өөрөөр ажиллаж эхлэнэ. Хүн яг л эвдэрсэн машин мэт доголдох болно. Үүнийгээ огтхон ч мэдэхгүй. Уруу, гутруу, мохоо болдог. Иймээс аливаа хүн үрийн шингэнээ хамаагүй зарцуулж болохгүй. Үүний тулд яах вэ? Тодорхой арга замууд байна. Гэхдээ энэ аргыг хэн нэгэн хүн шууд эзэмшиж чадахгүй. Үүний тулд бхактын тодорхой үе шатлалууд байдаг бөгөөд түүнийг аажим аажмаар дамждаг. Хамгийн гол нь хүн бэлгийн харьцаанд албан ёсны эхнэртэйгээ хүүхэдтэй болохын тулд, зөвхөн сайн хүүхэдтэй болохын тулд орох хэрэгтэй. Бэлгийн ажил нь зөвхөн сайн хүүхэдтэй болохын тулд зориулагдсан. Зарим хүмүүс энэ талаар сонирхож “ Сайн хүүхэдтэй болохоо яаж мэдэх вэ ?” гэж асуудаг. Энэ үйл явц, тэрч бүү хэл эрэгтэй хүүхэд үү эмэгтэй хүүхэд үү гэдгийг нарийн зохицуулж болдог. Гэхдээ эдгээр нь бол өөр сэдэв.

Дөрөвдүгээр зарчим: Мөнгө хөрөнгөтэй холбогдсон элдэв заль мэх болон шунал хөдөлгөсөн тоглоомноос зайлсхийх. Казинод орж тоглоогүйл бол энэ зарчим зөрчигдөхгүй гэсэн бодолтой хүмүүс байдаг. Гэтэл олон хүн лотто тоглодог. Энэ нь мөн л шунал хөдөлгөсөн тоглоом. Эдгээр нь нүгэлт үйл бөгөөд хүний шунлыг хөдөлгөж ухамсарыг хүсэл тачаалын гуна-руу хөтлөн түүнийг хэрцгий догшин болгодог. Хөзрийн өр ширнээс болж хүмүүс нэгнийгээ алсан тохиолдог байдаг. Мөрийнөөс болж хүний шудрага зан төрх эвдэрч худалч хуурмаг болдог.

 Эдгээр зохицуулах зарчимууд хүнд ямар нөлөө үзүүлэх вэ?

 Цэвэр ариун байдал, өрөвч нинжин сэтгэл, аскетизм, үнэнч шудрага зан төлөвийг өгнө.

Өрөвч нинжин сэтгэл- амьтан алж нядалсантай холбогдох бүхнээс татгалзах

Аскетизм- ямарч мансууруулах зүйл хэрэглэхгүй байх

Цэвэр ариун байдал- зөв амьдарч , ямарч хууль бус харьцаанд орохгүй байх

Үнэнч шудрага- мөрийтэй тоглоом болон бусад шунал хөдөлгөсөн, буруу үйлдлээр мөнгө олдоггүй байх.

Ёс суртахууны 4 зарчмыг хүн өөртөө ингэж бий болгож,төлөвшүүлж чадна. Гэвч энэ бүхний үндэс нь Харе Кришна махамантраг унших явдал юм. Энэ бол гайхалтай үйл.

 Төгсгөлд нь би ариун цэвэрч байхын ач холбогдлын талаар өгүүлье. Энэ бол ведийн соёл болон йогийн салшгүй хэсэг юм.

 Сахлыг байнга тайрч засан богино, цэвэр байлгах хэрэгтэй. Аюурведед өгүүлсэнээр бүх бохир халдварт өвчний гол үр үндэс нь сахал доор хуримтлагддаг байна. Суганы үсээ тогтмол авч байх хэрэгтэй. Ер нь эрэгтэй хүн жижиг хайч байнга авч явж байх нь зохистой. Хэдийчинээн богино тайрна төдийчинээн сайн. Эрэгтэй хүн хэзээ ч урт үстэй явж болохгүй. Энэ нь түүний эрүүл мэнд болон эрчим хүчний тогтолцоонд муугаар нөлөөлдөг. Эрт дээр цагт кшатрий нар цэрэг дайны зорилгоор ид шидэт хүчний йогийг эрхэмлэн урт үстэй байжээ. Үс нь ид шидийн йогтой тодорхой уялдаа холбооьой байдаг.

Бурханы чин бишрэлтэн бхакта нар нь ид шидийн хүчийг огтхон ч сонирхдоггүй учир тэд үсээ авахуулдаг. Хүн бүр өглөө босоод биеэ савандаж сайн угаах шаардлагатай. Энэ нь мөн л нарийн биетэй холбоотой. Хүн шөнийн цагаар хүний нарийн бие идэвхжин бусад нарийн биеттэй холбогдож тэдгээр нь хүний бүдүүн буюу физик биеийг бохирдуулдаг байна. Тиймээс нойрноос сэрмэгц босч сайн савандаж угаагаад цэвэр хүйтэн усаар зайлах хэрэгтэй. Гурван удаа Харе Кришна Махамантраг уншаад дээрээсээ хувинтай хүйтэн ус асгавал бүр сайн.

Олонхи эмэгтэйчүүд урт үстэй байдаг учир зайлах усаа цээжрүүгээ асгаж болно. Гэхдээ уссар шүршиж норгоод дараа нь сайтар самнах хэрэгтэй. Ямар ч тохиолдолд задгай үстэй явж болохгүй. Энэ бол мунхаг харанхуйн шинж тэмдэг бөгөөд Аюурведийн заалтыг ноцтойгоор зөрчиж байна гэсэн үг. Эмэгтэй хүн зөвхөн унтахын өмнө, нөхрийнхөө дэргэд л үсээ задгайлж болно. Богино үстэй бол бүр сайн биз.

 Унтахдаа толгойгоо зүүн тийш нь харуулах нь маш чухал. Энэ бол ведийн астрологийн асуудал . Толгойгоо зүүн тийш нь харуулан унтаж буй хүн тодорхой хэлбэрийн эрчимийг өөртөө шингээж авдаг.

Нар мандаж буй зүг рүү харж унтах нь нэг ёсондоо йог юм. Үүний яльгүй юм гэж бүү бодоцгоо. Хатуу дэвсгэр дээр унтвал бүр сайн. Зөөлөн дэвсгэр дээр унтана гэдэг нь тав тух буюу тама гуна. Унтсан газарт чинь таны эрчим хүчний фантом буюу хуулбар дүрс нь үлддэг. Бусад амьд амьтан энэ фантомоор дамжин нарийн хэлбэр байдлаар танд сөрөг нөлөө үзүүлж болно. Иймээс унтаж боссоны дараа ор дэвсгэрээ усаар шүршиж орон доогуураа нойтон алчуураар арчих хэрэгтэй. Гэхдээ дараа нь өөрийн биеийг дээр өгүүлсэнээр угаана.

 Йогийн бас нэг чухал зүйл бол биеийн бүх нүх сүвээ цэвэр байлгах нь чухал. Энэ бол цэвэр ариун байдлын йог. Бохир муухай үнэр танар нь элдэв янзын нарийн оршнолыг татаж сөрөг нөлөө үзүүлэх болно.

  Лакшми Нараяна дас “Цаг хугацаанаас ангид орших соёл” цуврал лекцийн хэсгээс товчлон орчуулав.

Эхийн хэвлийдээ залран байгаа Бурхан Кришнад хандан

сахиулсан тэнгэрүүд залбиралаа өргөсөн нь

Камса хаан зөвхөн Йаду, Бходжа болон Андхака удмынхныг болон Шурасена хааны эзэнт гүрнийг түрэмгийлэн эзэлсэн төдийгүй бусад бүхий л демон хаад Праламба, Бака, Чанура, Тринаварта, Агхасура, Муштика, Аришта, Двивида, Кеша, Дхенука болон Путана шуламтай холбоо сүлбээ тогтоосон. Тэр цаг үед Джарасандха Магадха (одоогийн Бихар муж улс)  мужийн хаан байв. Ийнхүү Камса Джарасандхагийн ивээлийн доор өөрийн чадварлаг бодлогын ачаар тухайн цаг үеийнхээ хамгийн хүчирхэг хаант улсыг байгуулан бэхжүүлэв.

Тэрээр хамгийн хүчирхэг нь болох хүртлээ Банасура болон Бхаумасура зэрэг хаадтай холбоотой болж хэлхээ сүлбээгээ өргөжүүлэн тэлсэн. Тэгээд дараа нь Кришнагийн төрөх ёстой Йаду удмынхны эсрэг ихээхэн дайсагнасан үйл ажиллагаагаа явуулж эхэллээ.

Камсагийн мөрдөлт мөшгөлтөнд нэрвэгдсэн Йаду, Бходжа болон Андхака удмын хаад Куругийн, Панчалагийн болон Кекайа, Шалва, Видарбха, Ниршадха, Видеха болон Кошала зэрэг янз бүрийн улс орнууд руу аврал эрэн зугатахаас өөр аргагүй болсон. Ийнхүү Камса Йадугийн хаант улс, мөн тэрчлэн Бходжа болон Андхакагийн улс гүрнүүдийн нэгдэл нягтралыг эвдэн бутраасан бөгөөд тэгснээрээ тухайн цаг үедээ Бхарата-варша гэж нэрлэгдэж байсан өргөн уудам газар нутгийн хэмжээнд хамгийн хүчирхэг байр суурьтай болсон.

Камсаг Деваки болон Васудева нарын зургаан хүүхдийг бүгдийг нь дараалан хөнөөх үед түүний олон найз нөхөд хийгээд төрөл төрөгсөд нь энэхүү аймшигт үйлээ зогсоон болихыг гуйж байв. Гэсэн ч эцэстээ тэд бүгдээрээ Камсагийн хамсаатан болцгоосон.

Девакиг долоо дахь удаагаа жирэмслэхэд Кришнагийн бүрэн хувилгаан дэлгэрэл дүр Ананта түүний хэвлийд орсон. Деваки баяр хөөр болон энэлэл шаналалаар дүүрэв. Хэвлийд нь Бурхан Вишну залран байгааг ойлгосон болохоор тэр баяр хөөрөөр дүүрч байв. Гэвч үүний зэрэгцээ хүүхдийг нь хорвоод мэндлэнгүүт л Камса хөнөөнө гэдгээс болж тэр гашуудан шаналж байлаа. Камсагийн зүгээс учруулж байгаа хэрцгийлэл харгислалын уршгаар Йадугийнхан эмгэнэлт байдалд орсон учраас Бурханы Дээд Бодьгалын энэрэл нигүүлсэл оргилон бялхаж Өөрийн Йогамайа буюу дотоод эрчимдээ илрэн тодрохыг зарлиг болов. Кришна бол орчлонгийн Эзэн, ялангуяа онцгойлон Йаду удмынхны Эзэн билээ.

Йогамайа бол Бурханы Бодьгалын дээд эрчим. Бурханы Дээд Бодьгал янз бүрийн эрчмүүдтэй гэж Ведэд өгүүлдэг. Парасйа шактир вивидхаива шруйате. Энэ бүх янз бүрийн эрчмүүд нь гадаад болон дотоод үйл хөдлөл хийдэг бөгөөд Йогамайа энэ бүх эрчмүүдийн дээдийн дээд нь. Кришна Йогамайадаа, үргэлжид баярын гоёл чимэглэлээ зүүсэн байдаг хийгээд мянга мянган сайхан үнээд  бэлчээрлэн байдаг Враджабхумийн газар нутаг Вриндаванад илрэн тодрохыг зарлигдсан. Вриндаванад, Нанда хаан хийгээд Йашода хатны гэрт Васудевагийн эхнэрүүдийн нэг болох Рохини амьдардаг байв. Зөвхөн Рохини ч биш, мөн Йаду удмынхны өөр олон гишүүд  Камсагийн харгис хэрцгий зан авираас айж эмээн зугатаж бүхий л орон даяар сарнин нуугдсан байв. Тэр бүү хэл тэдний зарим нь уулын агуйд хүртэл орогнон амьдарч байлаа.

Иймээс Бурхан Йогамайад: “Деваки, Васудева хоёр Камсагийн шоронд хоригдож байгаа. Одоо Миний нэг бүрэн хувилгаан дэлгэрэл дүр Шеша Девакигийн хэвлийд орон заларсан байгаа. Шеша-г Девакигийн хэвлийгээс Рохинигийн хэвлийд шилжүүлэн байршуул. Үүнийг гүйцэтгэсний чинь дараа Би Өөрөө бүхий л эрчмүүдийнхээ хамтаар Девакигийн хэвлийд залран орох болно. Тэгээд Би Деваки болон Васудева нарын хүү нь болон мэндлэнэ. Харин чи Вриндаванад Нанда болон Йашода нарын охин нь болон төрөх хэрэгтэй.” гэж айлдсан.

Чи Надтай нас чацуу, дүү минь болон төрөх учраас газар дэлхийн бүх хүмүүс чамд хүндэтгэлээ илэрхийлэн  мөргөж хүж, зул, цэцэг болон янз бүрийн бэлэг өргөлүүд өргөж байх болно. Ингэснийх нь хариуд чи мэдрэхүйн таашаал ханамж эдлэх гэсэн тэдний хүслийг шууд биелүүлж байх хэрэгтэй. Материаллаг дур сонирхол бүхий хүмүүс  чамд Дурга, Бхадра-кали, Виджайа, Вайшнави, Кумуда, Чандика, Кришнаа, Мадхави, Канйака, Майа, Нарайани, Ишани, Шарада болон Амбика гэж нэрлэгдэх янз бүрийн хувилгаан дэлгэрэл дүрүүдэд чинь хүндэтгэлээ илэрхийлэн мөргөж байх болно.”

Кришна Йогамайа нар газар дэлхий дээр ах дүү хоёрын дүрээр буюу дээдийн дээд засгийг Баригч хийгээд дээдийн дээд засаг байдлаар илрэн тодорсон. Хэдийгээр засгийг баригч болон засаг хоёрын хооронд хурц тодоор илрэх ялгаа байдаггүй ч засаг нь засгийг агуулж, түүний эрхийг Баригч-д үргэлжид захирагдаж байдаг. Материалистууд засагт буюу эрчимд хүндэтгэл үзүүлдэг бол трансценденталистууд засгийг буюу эрчмийг Агуулагч буюу Баригчийг бишрэн хүндэтгэдэг. Кришна бол дээдийн дээд засгийг Баригч буюу эрчмийн Эх булаг, харин Дурга бол энэхүү материаллаг ертөнцийн хүрээ хязгаарын доторх дээдийн дээдийн засаг. Гэхдээ ведийн цаг үед хүмүүс засгийг Баригч-д ч тэр, мөн засагт өөрт нь ч тэр бишрэл хүндэтгэлээ илэрхийлдэг байсан. Вишну болон Дургад, тэр бүү хэл заримдаа хоёуланд нь хамтад нь бишрэл хүндэтгэлээ илэрхийлдэг мянга мянган сүмүүд байдаг. Засагт, өөрөөр хэлбэл Дургад буюу Кришнагийн гадаад эрчимд бишрэл хүндэтгэлээ илэрхийлж байгаа хүн  материаллаг янз бүрийн үр дүнд маш амархан хүрч байж болох ч трансценденталь түвшинд дээшлэн хүрэхийг хүсэж байгаа хүн бол  Кришнагийн ухамсарт, засаг Баригч—Кришнад бишрэл хүндэтгэлээ илэрхийлэхэд өөрийгөө зориулах ёстой.

Бурхан мөн Йогамайд Өөрийн бүрэн хувилгаан дэлгэрэл дүр Ананта Шеша-г Девакигийн хэвлийд залран байгаа талаар айлдсан. Тэрээр Рохинид маш ихээр татагдаж түүний хэвлийд шилжигдэн залрах учраас  Түүнийг Санкаршана гэж нэрлэх бөгөөд Тэрээр бүхий л бурханлаг хүчний  эх булаг (бала) байх болно. Түүний ач тусаар амьдралын дээдийн дээд баяр баясалд (рамана) хүрч болно. Иймээс энэхүү бүрэн хувилгаан дэлгэрэл дүр  Ананта мэндэлснийхээ буюу илэрч тодорсоныхоо дараагаар Санкаршана эсвэл Баларама гэж нэрлэгдэх болно.

Упанишад-уудад найам атма бала-хинена лабхйах гэж өгүүлдэг. Энэ шүлэг нь: “Баларамагийн өршөөл нигүүлслийг хүртэж чадаагүй хүн өөрийгөө бүрэн нээж танин мэдэхүйн дээдийн дээд түвшинд хүрч чадахгүй.” гэсэн утгыг агуулдаг. Бала  гэдэг нь бие махбодийн хүч тэнхээ гэсэн үг биш. Бие махбодийн хүч тамирын тусламжтайгаар бурханлаг төгс төгөлдөрт хэн ч хүрч чадахгүй. Баларамагийн буюу Санкаршанагийн цутган хүртээх бурханлаг хүчийг хүртсэн байх хэрэгтэй. Ананта буюу Шеша бол бүхий л гаригуудыг янз бүрийн байрлалд тогтоон барьж байдаг хүч юм. Материалистууд энэхүү тогтоон баригч хүчийг  таталцлын (гравитацын) хууль гэж нэрлэдэг. Гэвч үнэндээ бол энэ нь Санкаршанагийн эрчмийн илрэл тодрол юм. Баларама буюу Санкаршана бол бурханлаг хүч буюу бурханлаг номын анхдагч багш. Тийм учраас мөн Баларамагийн хувилгаан дүр Нитйананда Прабху бол бурханлаг номын анхдагч  багш юм. Бурханлаг номын багш бол бурханлаг хүчийг хүртээгч—Бурханы Дээд Бодьгал Баларамагийн элч төлөөлөгч. Бурханлаг номын багш бол Кришнагийн өршөөл нигүүлслийн илрэл тодрол юм гэж Чаитанйа-чаритамрита-д батлан өгүүлдэг.

Бурханы Дээд Бодьгалын айлдвар зарлигийг сонсоод Йогамайа Түүнийг баяр цэнгэл, цог жавхлантайгаар тойрсон ба дараа нь Түүний айлдвар зарлиг ёсоор энэхүү материаллаг хорвоод мэндэлсэн. Бурханы бүхийг чадагч, төгс хүчит Бодьгал Шешаг Девакигийн хэвлийгээс Рохинигийн хэвлийд шилжүүлэн зөөж оруулах үед хоёр эмэгтэй мөн йога-нидра гэж нэрлэгддэг Йогамайагийн ид шидэт нөлөөн доор орсон байлаа. Энэ явдал болж өнгөрөхөд хүмүүс Девакигийн долоо дахь жирэмслэлт зулбачихлаа гэж бодсон. Баларама эхлээд Девакигийн хүү байдлаар илрэн тодорсон боловч  Рохинигийн хүү байдлаар төрөхөөр түүний хэвлийд ийнхүү шилжигдэн заларсан. Энэ явдал болсоны дараагаар цэвэр чин бишрэлтэнгүүддээ Өөрийн бүхий л эрч хүчээ хайрлан хүртээхэд хэзээ ямагт бэлэн байдаг Бурханы Дээд Бодьгал Кришна бүхий л бүтээлийн Эзэн дүрээрээ Васудевагийн ухаанд морилон орлоо. Үүнтэй холбогдуулан, Бурхан Кришна эхлээд Васудевагийн цэвэр ариун зүрхэнд илэрч тодорсон хийгээд дараа нь Девакигийн зүрхэнд шилжин заларсан гэдгийг хэлэх хэрэгтэй. Тэрээр Девакигийн хэвлийд бэлгийн хавьтлын замаар үр хөврөл хэлбэрээр ороогүй. Бурханы Дээд Бодьгал Шри Кришна Өөрийн ойлгож ухаарахын аргагүй эрчмийн хүчээр Өөрийн таалж байгаа тэр л байдлаараа илэрч тодорч чаддаг. Тийм учраас Түүний хувьд илрэн тодрохын тулд ердийн материаллаг замаар, бэлгийн хавьтлын үр дүнд эмэгтэйн хэвлийд орж үр тогтон жирэмслүүлэхийн шаардлага байхгүй.

Бурханы Дээд Бодьгалын дүрийг зүрхэндээ тээж байх үедээ Васудева эгэл жирийн хүн тэсвэрлэхийн аргагүй хийгээд түлж шатаам туяа цацруулан байгаа нар лугаа туяаран байлаа. Васудевагийн цэвэр ариун зүрхэнд морилон заларсан Бурханы дүр бол Кришнагийн анхдагч дүрээс ялгаагүй. Бурханы дүр хаана ч илэрч тодорсон байсан тэр газар орон бүрийг, ялангуяа зүрхийг дхама гэж нэрлэдэг. Дхама нь Кришнагийн зөвхөн дүрүүдэд төдийгүй, мөн Түүний нэр алдарууд, Түүний шинж чанарууд болон Түүний Өөрийн нь (Бодьгалын) зүйлсэд ч гэсэн хамааралтай. Учир нь юу вэ гэвэл, энэ бүгд нэгэн зэрэг илрэн тодордог.

Тэгээд Бурханы Дээд Бодьгалын мөнхийн дүр бүхий л эрчмийнхээ хамтаар Васудевагийн ухаанаас Девакигийн ухаанд яг л жаргаж байгаа нарны туяа цацраг дорно зүгээс урган гарч байгаа тэргэл саранд шилжин ордог шиг орон заларлаа.

Бурханы Дээд Бодьгал Шри Кришна  Васудевагийн биеэс Девакигийн биед морилон орсон. Тэрээр эгэл жирийн амьд оршнолуудын хязгаарлагдмал оршихуйн чанадад оршдог. Кришна хаана залран байна, тэнд Түүнтэй хамт Нарайана зэрэг бүрэн хувилгаан дэлгэрэл дүрүүд, мөн Нрисимха, Вараха зэрэг өөр бусад хувилгаан дүрүүд нь залран байдаг гэдгийг ойлгох хэрэгтэй. Тэд бүгдээрээ материаллаг оршихуйн нөхцөл байдалд үл захирагдан, түүний чанадад оршдог. Деваки ийнхүү бүхий л бүтээлийн учир шалтгаан, хэн ч үл эн зэрэгцэх буюу үл давтагдах цорын ганц  Бурханы Дээд Бодгалын залрах өргөө боллоо. Девакигийн дотор Үнэмлэхүй Үнэн залран байлаа, гэвч тэр Камсагийн шоронд хоригдож байгаа учраас түүнийг халхлагдан далдлагдсан гал эсвэл буруугаар ашиглагдсан мэдлэгтэй зүйрлүүлж болох байв. Эргэн тойрон нь ханаар хүрээлэгдэх эсвэл хувин саван дотор асаж байгаа гал төдийлөн сайн харагддаггүй. Үүнтэй адилаар, хортой буруугаар ашиглагдсанаасаа болоод хүн төрөлхтөнд ач тус үл үзүүлэх мэдлэгийг үнэ цэнэтэйд тооцдоггүй. Деваки Камсагийн ордны шоронгийн хананы цаана хоригдож байсан болохоор түүний трансценденталь гоо сайхныг хэн ч харж чадахгүй байв. Тэрхүү трансценденталь гоо сайхны эх булаг нь түүний хүлээн авч хэвлийдээ тээн яваа Бурханы Дээд Бодьгал билээ.

Гэхдээ Камса охин дүүгийнхээ трансценденталь гоо сайхныг анзаарч мэдсэн бөгөөд Бурханы Дээд Бодьгал Шри Кришна түүний хэвлийд морилон оржээ гэсэн дүгнэлтэнд шууд хүрсэн. Тэр урьд өмнө нь хэзээ ч тийм гайхамшигтай үзэсгэлэн гоо төгөлдөр харагдаж байгаагүй. Ямар нэгэн онцгой гайхамшигтай зүйл түүний хэвлийд байна гэдэг нь Камсад тодорхой болсон. Тэгээд Камса тайван бус болж айдас хүйдсээр дүүрлээ. Түүнийг ирээдүйд хөнөөх ёстой  Бурханы Дээд Бодьгал одоо ирчихсэн байна гэдгийг лавтай мэдсэн. Тэгээд Камса бодож эхэлсэн: “Девакиг одоо яах вэ?Тэр хэвлийдээ Вишну буюу Кришнаг тээж яваа нь эргэлзээгүй хэрэг. Тэгэхлээр Кришна сахиулсан тэнгэрүүдийн гуйлтыг биелүүлэхээр ирсэн нь тодорхой болж байна. Би одоо шууд Девакиг хөнөөлөө ч гэсэн Түүнийг зогсоож чадахгүй.” Вишнугийн таалал төлөвлөгөөнд хэн ч хориг саад тавьж чадахгүй гэдгийг Камса маш сайн мэдэж байв. Бурханы хуулийг гажуудуулж өөрчлөх  нь боломжгүй гэдгийг оюунлаг хүн бүр ойлгодог. Демонуудын зүгээс ямар ч хориг саад тавьж байсан Түүний таалал төлөвлөгөө биелэгдэх л болно. Камса цааш үргэлжлүүлэн: “Хэрвээ би Девакиг одоо алах аваас Вишну дээдийн дээд тааллаа бүр ч догшин ширүүнээр биелүүлэх болно. Девакиг яг одоо ална гэдэг хамгийн адгийн үйлдэл болно. Хэн ч өөрийн нэр алдараа гутаахыг хүсдэггүй, ийм хүнд хэцүү аюултай нөхцөл байдалд орсон байсан ч тэр ялгаагүй. Хэрвээ би Девакиг одоо хөнөөх аваас энэ нь  миний нэр төрд хор хүргэх болно. Деваки бол эмэгтэй хүн, миний ивээл дор байдаг. Түүнээс гадна тэр жирэмсэн. Би түүнийг хөнөөх аваас миний сайн нэр алдар, миний сайн үйлүүдийн үр дагавар болон амьдрах нас минь бүгд үгүй болно.” хэмээн бодсон.

Мөн тэрээр цааш үргэлжлүүлэн эрэгцүүлэн бодсон нь: “Хэтэрхий харгис хэрцгий хүн бол амьд ахуй үедээ ч үхсэнтэй адил байдаг. Харгис догшин, зэрлэг балмад хүнийг амьд ахуй үед нь ч гэсэн хэн ч хайрладаггүй, мөн үхсэнийх нь дараа ч гэсэн түүнийг бүгд л харааж зүхдэг. Тэр өөрийгөө бие махбодьтойгоо адилтган үздэгээсээ болоод уналт доройтолд орж тамын хамгийн түнэр харанхуй хэсэгт унадаг.”  Девакиг хөнөөх эсэхээ Камса иймэрхүү байдлаар тунгаан бодож бүхий л сайн муу талуудыг нь нягт нямбайгаар дэнсэлж үзэв.

Эцэст нь Камса Девакийг шууд хөнөөлгүй гарцаагүй ирэх ирээдүйг хүлээхээр шийдсэн. Гэхдээ л түүний ухаан Бурханы Бодьгалын эсрэг үзэн ядалт, дайсагнасан бодолд автсан байлаа. Тэрээр хүүхдийг гармагц л Девакийн бусад хүүхдүүдийг хөнөөж байсан шигээ шууд хөнөөнө гэж найдан бодсоор төрөхийг нь тэсвэртэйгээр хүлээв. Ийнхүү Бурханы Дээд Бодьгалыг үзэн ядахын далайд живсэн тэрээр сууж, зогсож, явж, унтаж, идэж, ажиллаж, амарч ер нь юу ч хийж байсан Кришнаг болон Кришнагийн тухай бодож эхэлсэн. Түүний ухаан Бурханы Дээд Бодьгалын тухай бодлоор, тэр зөвхөн Кришнаг буюу Вишнуг өөрийнхөө эргэн тойронд шууд бус байдлаар харж чадахаар тэгж дүүрсэн байлаа. Түүний ухаан Вишнугийн тухай бодолд ийнхүү автан умбаж байсан хэдий ч харамсалтай нь түүнийг чин бишрэлтэн гэж хүлээн зөвшөөрч болохгүй. Учир нь, тэр Кришнагийн тухай дайсан байдлаар бодож байсан. Аугаа чин бишрэлтэнгүүд мөн л Кришнагийн тухай  бодолд байнгад автан умбадаг, гэхдээ тэд Кришнагийн тухай үзэн ядалтаар биш, харин хайр дүүрэн боддог. Кришнагийн тухай эерэгээр буюу хайр дүүрэн бодно гэдэг бол Кришнагийн ухамсар, харин Түүний тухай сөргөөр буюу үзэн ядсан байдлаар бодно гэдэг Кришнагийн ухамсар биш.

Энэ үед Нарада зэрэг аугаа мэргэд хийгээд өөр бусад олон сахиулсан тэнгэрүүдийг дагалдуулан Брахма бурхан  болон Шива бурхан нар Камсагийн ордонд үзэгдэж харагдалгүйгээр нэвтрэн орлоо. Тэд, чин бишрэлтэнгүүдийг баяр хөөрөөр дүүрэн бялхуулдаг хийгээд хүсэл эрмэлзлийг нь биелүүлдэг шилдэг сонгомол залбиралуудаа өргөн Бурханы Дээд Бодьгалыг магтан алдаршуулж байлаа. Юуны түрүүнд тэд, Бурхан Өөрийн амлалт айлдвараа үргэлж биелүүлдэг тухайд баяр хөөрөө дуу шуутайгаар илэрхийлсэн. Бхагавад Гита-д өгүүлсэнчлэн, Кришна энэхүү материаллаг ертөнцөд зөвхөн, зөв үйлтэнгүүдийг хамгаалах хийгээд нүгэлтэнгүүдийг цээрлүүлэхээр морилон бууж ирдэг. Тэр ингэж амладаг. Бурхан энэхүү амлалтаа биелүүлэхээр морилон бууж ирэн Девакигийн хэвлийд заларсан байгаа гэдгийг сахиулсан тэнгэрүүд ойлгож мэдсэн байв. Бурхан энэхүү зорилгоор морилон бууж ирсэнд тэд маш их баяр хөөр болж байсан учраас Түүнийг сатйам парам буюу дээдийн дээд Үнэмлэхүй Үнэн гэж магтан нэрлэж байв.

Хэн бүхэн л үнэний хойноос эрэл хайгуул хийдэг. Энэ бол амьдралын гүн ухааны хэлбэр. Дээдийн дээд Үнэмлэхүй Үнэн бол Кришна гэдгийг  сахиулсан тэнгэрүүд бидэнд мэдэгдэж  байна. Кришнаг бүрнээ ухамсарласан хүн Үнэмлэхүй Үнэнийг таньж мэдэж чадна. Кришна бол Үнэмлэхүй Үнэн. Харьцангуй үнэн нь мөнхийн цаг хугацааны  бүхий л үе шатуудад үргэлж үнэн байж чаддаггүй. Цаг хугацаа нь өнгөрсөн, одоо болон ирээдүй гэсэн гурван үе шатанд хуваагддаг. Кришна бол өнгөрсөн, одоо болон ирээдүй үед үргэлж үнэн байдаг. Дээдийн дээд  цаг хугацааны удирдлага захиргаанд байдаг материаллаг ертөнц дэх бүх зүйлс нь өнгөрсөн, одоо болон ирээдүй үеийн эрхшээл доор оршдог. Харин Кришна бүтээлийн өмнө угийн л оршин байсан. Бүтээл илэрч тодорсон үедээ Түүний дотор,  Түүнд тулгуурлан оршдог. Харин энэхүү бүтээл устаж сүйрэн төгсгөл болох цагт Кришна цаашид хэвээр оршсоор байна. Иймээс Тэр бол ямар ч нөхцөл байдлын үед Үнэмлэхүй Үнэн. Хэрвээ энэхүү материаллаг ертөнцөд ямар нэгэн үнэн байх аваас тэр нь дээдийн дээд Үнэн Кришнагаас гаралтай. Энэхүү материаллаг ертөнцөд ямар нэгэн эрхэм сайхан зүйл оршин байх аваас түүний эх булаг нь Кришна. Энэхүү материаллаг ертөнцөд ямар нэгэн алдар цуу байх аваас  түүний эх булаг нь Кришна. Энэхүү материаллаг ертөнцөд ямар нэгэн хүч байх аваас түүний эх булаг нь Кришна. Энэхүү материаллаг ертөнцөд ямар нэгэн цэцэн мэргэн ухаан хийгээд мэдлэг байх аваас  тэрхүү мэдлэг хийгээд эрдэм ухааны эх булаг нь Кришна болой. Иймээс Кришна бол бүхий л харьцангуй үнэний эх булаг.

Энэхүү материаллаг ертөнц нь шороо, ус, гал, хий болон огторгуй гэсэн үндсэн таван элементүүдээс тогтдог бөгөөд тэд бүгдээрээ Кришнагаас гаралтай. Материалист эрдэмтэд эдгээр  таван элементүүдийг материаллаг илрэл тодролуудын учир шалтгаан гэж үздэг. Гэхдээ  эдгээр элементүүдийг бүдүүн хийгээд нарийн төлөв байдалд нь Кришна бүтээдэг гэдгийг тэд мэддэггүй. Энэхүү материаллаг ертөнцийн хүрээ хязгаарын дотор оршин байгаа амьд оршнолууд нь Кришнагийн хязгаарын эрчимд хамаарагддаг. Илэрч тодорсон бүхэн бол Кришнагийн дээд болон доод гэсэн хоёр эрчмийн хослол гэж Бхагавад Гита-гийн долоодугаар бүлэгт тодорхой өгүүлдэг. Амьд оршнол бол Түүний дээд эрчим, харин үхмэл материаллаг элементүүд нь Түүний доод эрчим. Илэрч тодроогүй, идэвхгүй төлөв байдалдаа бол бүгд Кришнагийн дотор оршдог.

Сахиулсан тэнгэрүүд материаллаг илрэл тодролуудын чанар, учир утгын талаар хэлэлцэнгээ Бурханы Бодьгалын дээдийн дээд дүр Кришнад бишрэл хүндэтгэл дүүрэн залбиралуудаа үргэлжлүүлэн өргөж байлаа. Материаллаг илрэл тодрол гэж юу вэ? Тэр бол модтой төстэй юм. Мод хөрс шорооноос ургадаг. Үүнтэй төстэйгөөр, материаллаг илрэл тодролын мод нь материаллаг мөн чанарын хөрс шороонд ургадаг. Цаг нь болохоор модыг огтлон унагадаг учраас материаллаг илрэл тодролыг мөн модтой зүйрлүүлдэг. Модыг санскрит хэл дээр врикша гэдэг. Врикша гэдэг үг нь эцэстээ огтлогдон унагагддаг тэр гэсэн утгатай үг. Ийм учраас материаллаг илрэл тодролын энэхүү модыг Үнэмлэхүй Үнэн гэж үзэж болохгүй юм. Цаг хугацаа материаллаг илрэл тодролд нөлөөлдөг, тэгвэл Кришнагийн бие мөнх. Кришна энэхүү илрэл тодролын өмнө нь ч оршин байсан, Тэрээр түүний оршин байгаа үед мөн л оршиж байна, түүнийг устаж үгүй болсоны дараа ч Тэрээр мөн л оршсон хэвээр байх болно.

Материаллаг мөн чанарын хөрсөнд үндэслэж ургасан материаллаг илрэл тодролын модны жишээг мөн Катха-упанишадад өгүүлдэг. Энэхүү мод нь аз жаргал болон зовлон шаналал гэсэн хоёр хэлбэрийн үр жимсийг өгдөг. Бие махбодийн модон дээр амьдрагсад нь хоёр шувуутай төстэй юм. Нэг шувуу нь бол Кришнагийн тухайн газар буюу бие махбодид залрах төлөв—Дээд Сүнс (Параматма гэж нэрлэдэг), харин нөгөө шувуу нь тухайн бие махбодийг аван төрсөн амьд оршнол буюу сүнс. Амьд оршнол нь материаллаг илрэл тодролын үр жимсүүдийг иддэг. Тэр заримдаа аз жаргалын үр жимсийг, заримдаа зовлон шаналалын үр жимсийг иддэг. Харин нөгөө шувуу нь өөрөө өөртөө дүүрэн ханамжтай байдаг тул аз жаргалын эсвэл зовлон шаналалын эдгээр үр жимсийг идэхийг сонирхдоггүй. Бие махбодийн модон дээрх нэг шувуу нь үр жимсийг тоншин идэж байхад нөгөө нь зүгээр л түүнийг ажиглаж суудаг гэж мөн Катха-упанишадад өгүүлдэг. Энэ модны үндэс гурван тийшээ салаалан сунан үргэлжилдэг. Энэ нь модны үндэс материаллаг мөн чанарын цэвэр ариун, хүсэл тачаал болон харанхуй мунхагийн гэсэн гурван гуна-д оршдог гэсэн үг юм. Үндэс нь тархаж сунаснаар мод ургаж том болдог шиг хүн материаллаг мөн чанарын гурван гунуудтай шүргэлцэн холбогдсоныхоо үр уршгаар материаллаг оршихуйд оршин байх хугацаагаа ихэсгэж уртасгадаг. Энэ модны үр жимснүүд нь шашин ном, материаллаг хөгжил цэцэглэл, мэдрэхүйн таашаал ханамж эдлэхүй болон эцэст нь ангижрахуй гэсэн дөрвөн янзын амттай байж болно. Амьд оршнол материаллаг мөн чанарын гурван гунуудтай яаж холбогдсоноосоо хамаараад шашин номын янз бүрийн төрлүүдийн, материаллаг хөгжил цэцэглэлийн янз бүрийн төрлүүдийн, мэдрэхүйн таашаал ханамжийн янз бүрийн төрлүүдийн болон ангижралын янз бүрийн төрлүүдийн амтыг амталж мэдэрдэг. Үнэндээ бол материаллаг ертөнц дэх аливаа үйл бүр нь харанхуй мунхаг байдалд үйлдэгддэг. Гэхдээ гурван янзын гунууд байдаг болохоор зарим үед харанхуй мунхагийн гуна нь цэвэр ариун эсвэл хүсэл тачаалтай  холилддог. Эдгээр материаллаг үр жимсний амтыг таван мэдрэхүйгээрээ амталж мэдэрдэг. Бидний мэдлэг хүртдэг мэдрэхүйн таван эрхтэн нь зовж шаналах, хий хуурмаг байдалд автах, доройтон муудах, үхэх, өлсөх болон цангах гэсэн зургаан янзын саваа модоор цохиулж саваадуулж байдаг. Энэ материаллаг бие махбодь буюу материаллаг илрэл тодрол нь арьс, булчин, мах, чөмөг, яс, өөх болон салай гэсэн долоон давхаргаар бүрхэгдэн хучигддаг. Энэ мод нь шороо, ус, гал, хий, огторгуй, ухаан, оюун болон эго гэсэн найман салаа мөчиртэй. Бие махбодид есөн хаалга үүд байдаг: хоёр нүд, хамрын хоёр нүх, хоёр чих, ам, бэлгийн эрхтэн болон шулуун гэдэс. Мөн бие махбодид прана, апана, удана, вйана, самана  болон өөр бусад гэсэн хийн арван урсгал байдаг. Модон дээр суугаа хоёр шувуу нь дээр тайлбарласанчлан, хэрэг дээрээ бол амьд оршнол болон тухайн бие махбодид залран байгаа Бурханы Дээд Бодьгал юм.

Бурханы Дээд Бодьгал Кришна бол энд тодорхойлон өгүүлсэн материаллаг илрэл тодролын анхдагч учир шалтгаан, үндэс юм. Бурханы Дээд Бодьгал Өөрийгөө өргөжүүлэн дэлгэрүүлж  материаллаг мөн чанарын гурван гунуудыг удирдан залдаг: Вишну цэвэр ариуны гуна-г, Брахма хүсэл тачаалын гуна-г, Шива харанхуй мунхагийн гуна-г тус тус хариуцан удирдан залдаг. Брахма бурхан энэ илрэл тодролыг хүсэл тачаалын гунаар бүтээдэг бол Бурхан Вишну түүнийг цэвэр ариуны гунаар тогтоон барьдаг, харин  Шива бурхан энэ илрэл тодролыг харанхуй мунхагийн гунагийн тусламжтайгаар устгадаг. Бүхий л бүтээл нь эцсийн дүндээ бол Бүхний Дээд Бурханы дотор амирлан байдаг  буюу Түүнд тулгуурлан оршин байдаг билээ. Тэр бол бүтээхүйн, тогтоон барихуйн болон устган сөнөөхүйн учир шалтгаан. Бүхий л илрэл тодрол устан үгүй болохдоо нарийн хэлбэртээ орж Бурханы эрчим байдлаар Бүхний Дээдийн бие дотор  амирлангуйг олдог.

Сахиулсан тэнгэрүүд залбиралаа: “Харин одоо, Бүхний Дээд Бурхан Кришна энэ илрэл тодролыг тэтгэж, тогтоон барихын төлөөнөө илэрч тодрохоор зэхэж байна.” хэмээн үргэлжлүүлэв. Үнэндээ бол ганц л, дээдийн дээд учир шалтгаан байдаг. Гэвч материаллаг мөн чанарын гурван гунад төөрөлдөн мунхарсан төдийлөн оюунлаг бус хүмүүс нь материаллаг ертөнцийн илрэл тодролын  янз бүрийн шалтгаанууд байдаг гэж боддог. Тэгвэл оюунлаг хүмүүс нэг л учир шалтгаан байдаг, тэр нь бол Кришна гэдгийг  мэддэг. Үүнийг Брахма-самхита-д: сарва карана каранам  буюу “Бурханы Дээд Бодьгал Кришна бол бүх учир шалтгааны учир шалтгаан.” гэж батлан өгүүлдэг. Бүтээхүйн бүрэн эрхт хариуцагч нь Брахма, харин Кришнагийн  хувилгаан дэлгэрэл дүр Вишну тогтоон барихыг, харин устгаж сүйрүүлэх үйл явцыг мөн л Кришнагийн  дэлгэрэл дүр болох Шива хариуцдаг.

“Ай Бурхан минь ээ” хэмээснээ сахиулсан тэнгэрүүд цааш үргэлжлүүлсэн нь: “Таны мөнхийн бодьгал дүрийг ойлгоно гэдэг бол маш хүнд бэрх билээ. Ер нь бол хүмүүс  Таны жинхэнэ дүрийг ойлгох чадваргүй байдаг, иймээс л анхдагч, жинхэнэ, мөнхийн дүрээ ямар байдгийг нээн харуулахаар Та Өөрөө морилон бууж ирдэг билээ. Хүмүүс Таны янз бүрийн хувилгаан дүрүүдийг ямар нэг байдлаар ойлгодог боловч өөрсдийнхөө дунд яг л тэдний нэгэн лугаа  байх хоёр мутар бүхий Кришна—мөнхийн дүрийг тань ойлгож ухаарах нь тэдэнд маш хүнд бэрх болой. Таны энэхүү мөнхийн дүр чин бишрэлтэнгүүдэд үргэлж өсөж нэмэгдэх трансценденталь баяр хөөрийг бэлэглэж хүртээж байдаг бол  чин бишрэлтэн бусчуудын хувьд маш аюултай билээ.” Бхагавад Гита-д өгүүлсэнчлэн, Кришнагийн дүр садху нарын хувьд бүхий л баяр цэнгэлийн нь эх булаг, паритранайа садхунам. Харин тэр л Кришна демонуудын хувьд маш аюултай. Учир нь, Тэрээр тэднийг хөнөөн дарахаар морилон бууж ирдэг. Иймээс Кришна нэгэн зэрэг чин бишрэлтэнгүүдийнхээ аугаа их баяр цэнгэлийн учир шалтгаан, мөн демонуудын аймшигт айдас хүйдсийн учир шалтгаан болж байдаг.

“Ай бадамлянхуа мэлмийт Бурхан минь ээ, Та бол  цэвэр— цэвэр ариуны эх булаг. Самадхи түвшинд хүрсэнээр буюу өөрөөр хэлбэл Таны бадамлянхуа өлмийг бясалгасан хийгээд тэгснээрээ Таны тухай бодолд гүн автан умбаснаар материаллаг мөн чанарын бүтээсэн харанхуй мунхагийн өргөн их далайг тугалын турууны мөрний хонхорт тунасан усны хэмжээтэй адил болгон багасгасан аугаа мэргэд олон байдаг. Бясалгалын зорилго бол ухаанаа Бурханы Бодьгалын бадамлянхуа өлмийнөөс эхлүүлэн Түүнд хандуулахад оршдог. Бурханы бадамлянхуа өлмийн талаар зүгээр л бясалгаснаар олон аугаа мэргэд  материаллаг оршихуйн зах хязгааргүй өргөн их далайг хүндрэл бэрхшээлгүйгээр гэтлэн туулсан.

“Ай Өөрөөсөө Гэрэлтэгч  минь ээ, Таны бадамлянхуа өлмийн трансценденталь завин дээр суун харанхуй мунхагийн далайг туулан гаталсан аугаа гэгээнтэнгүүд тэр завийг  аваад явдаггүй билээ. Завь эрэг дээрээ хэвээр байсаар байна.” Сахиулсан тэнгэрүүд энд маш сайхан зүйрлэлийг ашиглаж байна: “Завь хэрэглэн гол гаталж байгаа хүнийг нөгөө эрэгт хүрэхэд завь мөн л  түүний хамт тэр эрэгт очсон байна. Тэрээр завийг хэрэглэн зорьсон эрэгтээ хүрсэн байхад нөгөө эрэг дээр үлдэгсэд яг тэр л завиар голыг мөн гатлана гэж яаж байж болох юм бэ? Энэхүү хүнд хэцүү асуултын хариулт болгон сахиулсан тэнгэрүүд залбиралдаа, завийг ерөөсөө авч яваагүй, түүнийг огт хэрэглээгүй, завь эрэг дээрээ урьдын хэвээр үлдсэн гэж өгүүлж байна. Иймээс нөгөө эрэг дээр зогсож байгаа чин бишрэлтэнгүүд материаллаг мөн чанарын далайг мөн туулан гаталж болно. Учир нь, цэвэр чин бишрэлтэнгүүд далайг гатлахдаа завийг авч явдаггүй билээ. Цэвэр ариун чин бишрэлтэнг завинд ойртон ирэхэд л материаллаг харанхуй мунхагийн өргөн их далай тугалын турууны мөрний хонхорхой дахь шалбаагийн төдий хэмжээтэй болтлоо багасан  жижгэрдэг. Иймээс чин бишрэлтэнгүүд нөгөө эрэгт хүрч очихдоо завийг хэрэглэдэггүй, тэд ганцхан жижигхэн алхам хийгээд л далайг гаталдаг. Ариун гэгээнтэнгүүд бүх болзолт сүнснүүдийг бүрнээ энэрэн нигүүлсэж байдаг учраас завь Бурханы бадамлянхуа өлмийн дэргэд үргэлжид хэвээр үлддэг. Түүний бадамлянхуа өлмийн талаар ямар ч цагт бясалгаж болох бөгөөд материаллаг оршихуйн аврага том далайг ингэж л гаталдаг.

Бясалгал гэж ухаан бодлоо Бурханы бадамлянхуа өлмийд төвлөрүүлэхийг хэлдэг. Бадамлянхуа өлмийнүүд нь Бурханы Дээд Бодьгалыг заадаг. Имперсоналистууд Бурханы бадамлянхуа өлмийг хүлээн зөвшөөрдөггүй учраас  тэд бясалгалынхаа объектоор ямар нэгэн бодьгал бус зүйлийг сонгодог. Хоосон эсвэл бодьгал бус зүйлийн талаар бясалгагчид нь мунхагийн харанхуйг гэтэлж чадахгүй гэж сахиулсан тэнгэрүүд тов тодорхой тайлбарлаж байна. Тийм хүмүүс өөрсдийгөө ангижралд хүрсэн гэж зүгээр л хийсвэрлэн боддог. “Ай бадамлянхуа мэлмийт Бурхан минь ээ, Таны бадамлянхуа өлмийг үл бясалгацгаах учраас тэдний оюун нь цэвэр ариун бус.” гэж сахиулсан тэнгэрүүд хэлж байлаа. Бодьгал бусыг баримтлагчид нь  хэдийгээр бодьгал бус Брахманыг ухаарах түвшинд түр зууртаа дээшлэн хүрэх боломжтой ч иймэрхүү эс тоомсорлож үл хайхрах байдлынхаа уршгаар материаллаг болзолт амьдралд дахиад л унацгаадаг. Бодьгал бусыг баримтлагчид хүнд бэрх тэвчил хатамжлалыг үйлдсэний дүнд Брахманы туяанд, өөрөөр хэлбэл бодьгал бус Брахманы оршихуйд уусан ордог. Гэхдээ тэдний ухаан нь материаллаг бузраас ангид биш. Тэд зүгээр л бодол сэтгэхүйн материаллаг хэлбэрийг үгүйсгэхийг оролдсон хэрэг. Энэ нь тэднийг ангижиралд хүрсэн гэсэн үг хараахан биш. Энэ л учраас тэд унацгаадаг. Бхагавад Гита-д өгүүлсэнчлэн, бодьгал бусыг баримтлагч нь эцсийн зорилгоо ухаарахаас өмнө хүнд хэцүү тэвчил хатамжлалыг туулах ёстой. Мөн Шримад Бхагаватамын эхэнд өгүүлсэнчлэн, Бурханы Дээд Бодьгалын чин бишрэлийн албанд зүтгэлгүйгээр кармын үйлийн хүлээснээс чөлөөлөгдөн ангижирах нь боломжгүй юм. Бурхан Кришна Бхагавад Гита-д ингэж л айлддаг, үүнийг аугаа мэргэн Нарада  Муни Шримад Бхагаватамд баталдаг, энд үүнийг сахиулсан тэнгэрүүд мөн л хэлж  баталж байна: “Таны чин бишрэлийн албанд хайр дүүрэн үл зүтгэх аваас танин мэдэхүйн дээдийн дээд зорилгыг ойлгохгүй, мөн Таны өршөөл нигүүлслийг ч хүртэж чадахгүй билээ.”

Бодьгал бусыг баримтлагчид нь өөрсдийгөө ангижиралд хүрсэн гэж зүгээр л хийсвэрлэн бодож байдаг. Үнэндээ бол Бурханы Бодьгалын талаар өчүүхэн ч мэдрэмж, ойлголт төсөөлөл тэдэнд байдаггүй. Кришна материаллаг ертөнцөд морилон бууж ирэх үедээ материаллаг бие махбодийг авдаг гэж тэд боддог. Өөрөөр хэлбэл тэд Кришнагийн трансценденталь биеийг анхаарч ажиглаж мэддэггүй. Бхагавад Гита-д мөн энэ талаар батлан өгүүлдэг: аваджананти мам мудхах. Бодьгал бусыг баримтлагчид нь  материаллаг хүсэл тачаалаа ялан дийлсэн хийгээд ангижралын түвшинд дээшлэн хүрсэн байлаа ч дахин унадаг. Тэд зөвхөн мэдлэгийн төлөөнөө л мэдлэг хүртэхэд өөрсдийгөө зориулаад, Бурханы чин бишрэлийн албанд үл зүтгэх аваас хүссэн зорилго, үр дүндээ хүрч чадахгүй. Тэдний хүрэх зүйл нь гэвэл тэдний өөрсдийн нь гаргаж байгаа хүчин чармайлт, туулж эдэлж байгаа хүндрэл бэрхшээл нь  л байхаас өөр юу ч биш. Бхагавад Гита-д тодорхой өгүүлсэнчлэн, Брахманыг ухаарах явдал бол бүх зүйл биш. Брахманыг ухаарах явдал нь  материаллаг дурлан татагдахуй болон эс дурлан татагдахуйгаас ангижирахуйн баяр хөөрийг олох хийгээд санаа зовиургүй, амгалан тайван төлөв байдалд хүрэхэд л тус нэмэр болно. Гэхдээ энэ түвшингөөсөө цааш  ахиц дэвшил гарган чин бишрэлийн  албанд хандан зүтгэж эхлэх хэрэгтэй. Брахманыг ухаарахуйн түвшинд дээшлэн хүрсэнийхээ дараа чин бишрэлийн албанд зүтгэж байгаа хүн Бурханы Дээд Бодьгалтай үргэлжид хамт байхаар бурханлаг оронд хүрч очиж болдог. Энэ бол чин бишрэлийн алба зүтгэлийн үр шим, ач тус. Бурханы Дээд Бодьгалын чин бишрэлтэнд бодьгал бусыг баримтлагчдад тохиолддог шиг материаллаг түвшинд буцаад доошлон унах аюул хэзээ ч нүүрлэдэггүй. Чин бишрэлтэн нь бүдэрсэн байлаа ч гэсэн Бүхний Дээд Бурхантай хайрын холбоогоор холбогдсон хэвээр үлддэг. Чин бишрэлийн албанд зүтгэх зам мөр дээр нь  түүнд янз бүрийн саад тотгор учирч тохиолдож байж болох ч тэрээр тиймэрхүү саад тотгорыг айдас хүйдэсгүй, чөлөөтэйгээр даван гарч чаддаг. Тэрээр Кришнаг бишрэн Түүнд өөрийгөө даатгасан болохоор Кришна түүнийг үргэлж хамгаалдаг гэдэгт итгэлтэй байдаг. “Миний чин бишрэлтэн хэзээ ч ялагддаггүй.” гэж Кришна Бхагавад Гита-д амлан айлддаг.

“Ай Бурхан минь ээ, Та энэхүү материаллаг ертөнц дэх бүхий л амьд оршнолуудын ач тус, сайн сайхны төлөө анхдагч,  мөнхийн хийгээд цэвэр— цэвэр ариуны дүрээрээ морилон бууж ирж байгаа билээ. Таныг ийнхүү морилон заларч илрэн тодорч байгаагийн ач тус, ивээлийг ашиглан Бурханы Дээд Бодьгалын буюу Таны мөн чанар хийгээд Таны дүрийг амархан ойлгох боломж тэдэнд бүгдэд нь олдож байна. Нийгмийн амьдралын дөрвөн хэвшилд хамаарагдагчид (брахмачари, грихастха, ванапрастха болон  санньяси нар) нь Таны илрэн тодрохуйгаас ач тусыг хүртэж болох билээ.

Ай аз жаргалын охин тэнгэрийн эр нөхөр Бурхан минь ээ, Танд чин бишрэлтэйгээр үйлчлэн зүтгэж байгаа чин бишрэлтэнгүүдэд бодьгал бусыг баримтлагчдад тохиолддог шиг хүрсэн дээд байр сууринаасаа тэгж унах аюул нүүрлэдэггүй. Таны өмгөөлөл хамгаалалын доор оршин байгаа Таны чин бишрэлтэнгүүд ангижралд хүрэх зам мөр дээр нь байнгад саад тотгор учруулахаар майа-гийн зүгээс илгээгдэгчдийн толгой дээгүүр даван гарч чаддаг. Ай Бурхан минь ээ, бүхий л амьд оршнолууд Тантай нүүр нүүрээрээ учран золгож Таныг шууд харж, Танд бишрэл хүндэтгэлээ илэрхийлж,  бичээсүүдэд зааж зөвлөсөн байдгийн дагуу ведийн зан үйл, ид шидийн бясалгал болон чин бишрэлийн алба зүтгэлийн тусламжтайгаар Танд өргөл өргөж байгаасай хэмээн тэдний сайн сайхан, ач тусын тулд л Та Өөрийн трансценденталь дүрээрээ морилон буун ирж илрэн тодордог билээ.

Ай Бурхан минь ээ, Та, Таны талаарх мунхаг ойлголт төсөөллийн аливаа хэлбэрийг ул үндсээр нь зайлуулж чадах хийгээд мэдлэг болон цэнгэл жаргалаар дүүрэн бялхах мөнхийн трансценденталь дүрээрээ морилон заларч  илрэн тодордоггүй бол хүмүүс бүгдээрээ л Таны талаар өөрсдөө эрхшээл нөлөөн доор нь оршин байгаа материаллаг мөн чанарын тухайн тэр л гуна-даа таарч нийцсэн байдлаар цэцэрхэцгээх байх байсан.”

Кришнагийн илрэл тодрол нь Бурханы Дээд Бодьгалыг санаанаасаа хийсвэрлэн зохиож бодох хийгээд  дүрслэх гэсэн бүхий л оролдлогод хариулт өгдөг. Хүн бүр эрхшээл нөлөөлөл доор нь оршин байгаа материаллаг мөн чанарын тэр л гунадаа таарч нийцсэн тийм л байдлаар Бурханы Дээд Бодгалыг ойлгож төсөөлдөг. Брахма-самхита-д өгүүлсэнчлэн, Бурхан бол хамгийн ахмад бодьгал. Иймээс шашны зарим бүлэглэлүүдэд Бурхан бол маш хөгширсөн байх ёстой гэсэн ойлголт байдаг бөгөөд, тэгээд ч тэд Түүнийг маш их өтөлж хөгширсөн байдлаар дүрсэлдэг. Гэхдээ мөн тэр л Брахма-самхита-д үүнийг яг эсрэг байдлаар тайлбарладаг: Тэрээр бүхий л амьд оршнолуудаас ахмад хэдий ч  цэцэглэн өсөж байгаа залуугийн мөнхийн дүртэй. Үүнтэй холбогдон Шримад Бхагаватамд хэрэглэгддэг яг тухайлсан үг нь: вигйанам агйанабхидапамарджанам. Вигйанам гэдэг үг нь “Бурханы Бодьгалын трансценденталь мэдлэг” гэсэн утгыг агуулдаг. Вигйанам нь мөн “бодитойгоор бүрэн нээж танин мэдсэн мэдлэг”-т хамаарагддаг. Трансценденталь мэдлэгийг  багш шавийн барилдлагааны залгамж холбооны  дээрээс доош уламжлан дамжих замаар хүртэх хэрэгтэй. Яг л Брахма бурхан Брахма-самхита-гаар Кришнагийн тухай мэдлэгийг цааш уламжлуулсан шиг. Брахма-самхита бол вигйанам. Учир нь, түүнийг Брахма трансценденталь туршлага, арга замаар бүрэн нээж таньж мэдсэн бөгөөд  ийнхүү бүрэн нээж таньж мэдсэнээрээ тэр трансценденталь орон дахь Кришнагийн цэнгээн наадам хийгээд дүрийг тодорхойлон өгүүлж чадсан. Агйанабхида гэж  “ямар ч төрлийн цэцэрхийллийг няцааж болох тэр зүйл” гэсэн утгатай үг. Харанхуй мунхагт оршин байгаа хүмүүс Бурханыг өөрийнхөө санаагаар төсөөлж боддог. Тэдний янз бүрийн ойлголт төсөөллөөс хамаараад заримдаа Түүнд дүр  байдаг, заримдаа дүр байдаггүй. Гэхдээ Брахма-самхита дахь Кришнагийн тодорхойлолт бол вигйанам— Брахма бурханы цааш дамжуулсан хийгээд Шри Чаитанйагийн хүлээн зөвшөөрсөн, эрдэм ухааны, бодитойгоор хэрэгжсэн буюу бүрэн нээж танин мэдсэн мэдлэг. Үүнд ямар ч эргэлзээ байхгүй. Шри Кришнагийн дүр хэлбэр, Шри Кришнагийн лимбэ, Шри Кришнагийн биеийн өнгө— энэ бүгд цөм үнэн бодитой. Вигйанам нь хийсвэр, цэцэрхийллийн мэдлэгийн бүхий л хэлбэрийг үргэлжид ялдаг гэж энд өгүүлж байна. Иймээс Та Өөрийн жинхэнэ дүр төрхөөрөө, Кришна дүрээрээ морилон заларч илрэн тодордоггүй байсан бол  агйанабхида (хийсвэр цэцэрхийллийн мэдлэгийн мунхаг байдал)-г ч тэр, мөн вигйанам-ыг ч тэр ойлгож ухаарах нь боломжгүй хэрэг байх байсан. Агйана-бхидапамарджана— Таны илрэл тодролын ач тусаар л харанхуй мунхаг хүмүүсийн хийсвэр цэцэрхийллийн мэдлэг няцаагдан дарагдаж, Брахма бурхан зэрэг эх сурвалжуудаас хүртсэн  бодитойгоор хэрэгжүүлсэн жинхэнэ мэдлэг түгэн дэлгэрэх болно. Материаллаг мөн чанарын гурван гунуудын эрхшээл нөлөөн доор оршин байгаа хүмүүс нь эдгээр гунууддаа  таарч тохирсон байдалтайгаар өөрсдийн Бурханыг дүрслэн бодож бий болгодог. Энэ л учраас Бурханы тухай янз бүрийн ойлголт төсөөллүүд байдаг. Гэхдээ Та морилон заларч илэрч тодорсоноороо Бурханы жинхэнэ дүрийг нээн хүртээдэг.”

Бодьгал бусыг баримтлагчдын гаргадаг хамгийн том алдаа нь тэд, Бурханы хувилгаан дүр илэрч тодрохдоо цэвэр ариуны гуна дахь материаллаг бие махбодийг авдаг гэж үздэгт оршдог. Үнэн хэрэгтээ бол Кришнагийн буюу Нарайанагийн дүр нь аливаа материаллаг ойлголт төсөөлөлд трансценденталь байдаг. Тэр бүү хэл, бодьгал бусын онол номлолын хамгийн аугаа төлөөлөгч Шанкарачарйа: нарайанах паро `вйактат буюу материаллаг бүтээл нь материйн бодьгал бус илрэл тодрол— авйакта-гаар буюу илэрч тодроогүй төлөв байдалдаа байгаа материйн цогцоор өдөөгддөг, гэхдээ Кришна ямар ч үед энэхүү материаллаг ойлголт үзэл бодолд трансценденталь байдаг гэж хүлээн зөвшөөрсөн билээ. Энэ нь Шримад Бхагаватамд шудха-саттва (трансцендент) гэсэн үгээр илэрхийлэгддэг. Тэр цэвэр ариуны гунад хамаарагддаггүй, харин түүний дээр оршдог. Тэр бол трансценденталь— мэдлэг хийгээд цэнгэл жаргалаар дүүрэн, трансценденталь мөнх төлөвт оршдог.

“Ай Бурхан минь ээ, Та янз бүрийн хувилгаан дүрүүдээрээ илэрч тодрохдоо янз бүрийн нөхцөл байдлаас хамаараад янз бүрийн нэр алдар хийгээд дүр төрхийг авдаг. Та бүхнийг татдаг учраас Кришна— энэ бол Таны нэр. Мөн трансценденталь гуа сайхнаас тань болж  Таныг мөн Шйамасундара гэж нэрлэдэг. Шйама гэж “бараг хар гэмээр бараан” гэсэн утгатай үг, гэхдээ Таныг мянга мянган хайрын бурхдаас  илүү гуа үзэсгэлэн төгөлдөр буюу кандарпа-коти-каманийа гэж ярьдаг. Таны арьсны өнгийг бараан үүлтэй зүйрлүүлдэг ч гэсэн Та трансценденталь хийгээд үнэмлэхүй учраас Таны гуа сайхан хайрын бурхан Купидоны сэтгэл татсан дүрээс хэмжээлшгүй  илүү хүчтэйгээр татдаг. Говардхана толгойг өргөсөн болохоор Таныг заримдаа Гиридхари гэж нэрлэдэг. Нанда Махараджа,  Васудева, Деваки нарын хүү нь болж илэрч тодорсон учраас Таныг мөн заримдаа Нанданандана,  Ваасудева эсвэл Девакинандана гэж нэрлэдэг. Бодьгал бусыг баримтлагчид нь Таныг материаллаг ажиглагчийн байр сууринаас авч үздэг учраас  Таны олон нэр алдар хийгээд дүр хэлбэрүүд нь тус бүрдээ үйл ажиллагааны хийгээд шинж чанарын тодорхой нэгэн хэлбэрт таарч тохирсон байдлаар өгөгддөг гэж үздэг.

Ай Бурхан минь ээ, Таны үнэмлэхүй мөн чанар, Таны үнэмлэхүй дүр хэлбэр хийгээд Таны үнэмлэхүй үйлүүдийг  ухаан бодлын цэцэрхийллийн замаар хэн ч ойлгож чадахгүй. Чин бишрэл дүүрэн бялхах албанд тань зүтгэхэд л өөрийгөө зориулах хэрэгтэй, зөвхөн тэгсэн цагт л Таны үнэмлэхүй мөн чанар, трансценденталь дүр хэлбэр, нэр алдар болон шинж чанарыг тань жинхэнээр нь ойлгож ухааран танин мэдэж болно. Үнэндээ бол Таны бадамлянхуа өлмийд үйлчлэн зүтгэхийн зарим нэгэн амтыг амталж мэдэрсэн зөвхөн тийм хүн л Таны трансценденталь мөн чанар, хэлбэр дүр болон шинж чанарыг ойлгож чадна. Бусад нь бол сая сая жилийн туршид үргэлжлүүлэн цэцэрхийлж байсан ч  Таны жинхэнэ байдлыг тун өчүүхэн төдий хэмжээгээр ч ойлгож чадахгүй билээ.” Өөрөөр хэлбэл, Бурханы чин бишрэлтэн бусчууд нь Бурханы Дээд Бодьгалыг ойлгож чадахгүй. Учир нь юу вэ гэвэл, йогамайа-гийн хаалт гивлүүр Түүний жинхэнэ дүрийг тэдний хараанаас далдалдаг. Бурхан үүнийг Бхагавад Гита-д батлан айлддаг: нахам пракашах сарвасйа. “Би Өөрийгөө бүгдэд хийгээд хэн бүхэнд харуулдаггүй.” Кришна газар дэлхийд морилон илэрч тодрох үедээ Курукештрагийн тулааны талбар дээр заларсан хийгээд Түүнийг хэн бүхэн харж байсан ч Тэр бол Бурханы Дээд Бодьгал гэдгийг хүн бүр ойлгоогүй билээ. Гэхдээ Түүнийг тэнд залран байх үед тулаанд амь эрсэдсэн хэн бүхэн материаллаг боолчлолын уяа хүлээснээс бүрэн ангижирч бурханлаг ертөнцөд дээшлэн хүрч очсон.

“Ай Бурхан минь ээ, бодьгал бусыг баримтлагчид болон чин бишрэлтэн бусчууд нь Таны нэр алдар болон Таны дүрийн утга, чанар нэг буюу Таны нэр алдар болон дүр адил гэдгийг ойлгодоггүй.” Бурхан үнэмлэхүй учраас Түүний нэр алдар болон Түүний жинхэнэ дүр хоёрын хооронд ялгаа байдаггүй. Харин материаллаг ертөнцөд бол ямар нэгэн зүйл хийгээд  түүний нэр хоёр нь өөр хоорондоо ялгаатай байдаг. Манго жимс “манго” гэдэг үгнээс ялгаатай. “Манго манго манго” гэж зүгээр л давтан хэлснээр манго жимсний амтыг мэдэрч чадахгүй. Тэгвэл Бурханы нэр алдар болон дүрийн хооронд ялгаа байдаггүй гэдгийг мэддэг  чин бишрэлтэн Харе Кришна, Харе Кришна, Кришна Кришна, Харе Харе/Харе Рама, Харе Рама, Рама Рама, Харе Харе-г давтан хэлдэг буюу уншдаг бөгөөд ингэснээрээ Кришна үргэлж түүнтэй хамт байгааг ухаардаг.

Бүхний Дээдийн тухай үнэмлэхүй мэдлэгт ахиц дэвшлийг төдийлөн гаргаж амжаагүй байгаа хүмүүст зориулан Бурхан Кришна Өөрийн трансценденталь цэнгээн наадмаа нээн дэлгэрүүлдэг. Бурханы тоглоом наадмын тухай зүгээр л бодсоноороо тэд түүнээс боломжтой бүхий л ач тусыг хүртэж чадна. Бурханы трансценденталь нэр алдар болон дүрийн хооронд ялгаа байдаггүй учраас Түүний трансценденталь цэнгээн наадам нь Түүний дүрээс мөн л ялгаагүй. Төдийлөн оюунлаг бус хүмүүст (эмэгтэйчүүд, ажилчид болон худалдаачид зэрэг) зориулан аугаа мэргэн Вйасадева Махабхарата-г туурвисан. Энэ бүтээлд Кришнаг болон Түүний янз бүрийн үйлүүдийг тодорхойлон өгүүлдэг. Махабхарата-д түүхэн үйл явдлуудыг өгүүлдэг бөгөөд Кришнагийн трансценденталь цэнгээн наадмуудыг үзэж судалснаар, тэдний тухай сонссоноор, мөн тэдний тухай бодож дурссанаар төдийлөн оюунлаг бус хүмүүс ч гэсэн аажмаар цэвэр чин бишрэлтэнгийн түвшинд мөн дээшлэн хүрч болдог.

Кришнагийн трансценденталь бадамлянхуа өлмийн тухай бодолд үргэлжид автан байдаг хийгээд Кришнагийн бүрэн ухамсартайгаар чин бишрэлийн албанд тасралтгүйгээр зүтгэж байгаа цэвэр чин бишрэлтэнгүүдийн тухай, тэд материаллаг ертөнцөд оршсоор байна гэж огт бодох ёсгүй. Бие махбодь, ухаан болон үйлээрээ Кришнагийн ухамсарт үргэлжид зүтгэн байгаа хүнийг одоогийн энэ бие махбодидоо оршин байгаа ч гэсэн ангижирсан гэж үзэх хэрэгтэй гэж Шрила Рупа Госвами тайлбарласан. Үүнийг мөн Бхагавад Гита-д батлан өгүүлдэг: Бурханы чин бишрэл дүүрэн албанд зүтгэж байгаа хүн материаллаг ертөнцийг хэдийнээ ардаа орхисон буюу материаллаг түвшингээс хэдийнээ дээшлэн гарсан байдаг.

Кришна чин бишрэлтэнгүүддээ, мөн чин бишрэлтэн бусчуудад ч гэсэн амьдралын жинхэнэ зорилгыг ухаарч танин мэдэх боломжийг хүртээх гэж илрэн тодордог. Чин бишрэлтэнгүүд нь Түүнийг шууд харах хийгээд Түүнд бишрэл хүндэтгэлээ итлэрхийлэх боломжийг хүртдэг. Энэ түвшинд хараахан хүрч амжаагүйчүүд нь  бүгдээрээ Түүний өрнүүлдэг цэнгээн наадмыг таньж мэдэж авах хийгээд тэгснээрээ мөн тэр түвшинд дээшлэн хүрэх боломжийг хүртдэг.

“Ай Бурхан минь ээ, ай дээдийн дээд Удирдан залагч минь ээ, Таныг газар дэлхий дээр морилон заларч илрэн тодрох цагт Камса болон Джарасандха мэтийн демонууд бүгд дарагдан аз жаргал хийгээд амар амгалан байдал эргэн тогтох болно. Таныг газар дэлхий дээгүүр алхахад Таны  улан дээр байдаг далбаа, сэрээ болон аянгын дүрс бүхий  мөрийг  бадамлянхуа өлмий тань үлдээх болно. Ингэснээрээ Та газар дэлхийд ч, мөн эдгээр мөрүүдийг харж байгаа тэнгэрийн гаригуудын бидэнд ч ивээлээ хайрлан хүртээж байгаа хэрэг болно.”

“Ай Бурхан минь ээ,” хэмээснээ сахиулсан тэнгэрүүд  залбиралаа цааш үргэлжлүүлэв: “Та бол төрдөггүй, иймээс Та Өөрийгөө трансценденталь цэнгээн наадмаараа баясгах гэж л ирдэг гэдгээс өөр Таны илрэн тодрохуйн учир шалтгааныг бид олохгүй байна.” Бурханы илрэн тодрохуйн учир шалтгааныг Бхагавад Гита-д тайлбарласан байдаг ч (Тэрээр чин бишрэлтэнгүүдээ хамгаалах хийгээд демонуудыг дарах гэж морилон бууж ирдэг) угтаа бол  Тэр чин бишрэлтэнгүүдтэйгээ баяр хөөр дүүрэн учран золгох гэж л морилон бууж ирдэг болохоос биш демонуудыг хөнөөн дарах гэж биш. Материаллаг мөн чанар өөрөө ч гэсэн демонуудыг хөнөөн дарж чадна.” Материаллаг мөн чанарын үйлдэл хийгээд хариу үйлдэл нь  (бүтээл, өрнөл болон устал) өөрөө л аяндаа болж явагддаг. Харин Таны чин бишрэлтэнгүүдийн хувьд гэвэл тэд зүгээр л Таны ариун гэгээн нэр алдраас аврал ивээлийг олсноор хангалттай хэмжээгээр хамгаалагдсан байдаг. Учир нь Таны ариун гэгээн нэр алдар болон Таны Бодьгал хоёр нь өөр хоорондоо ялгаагүй билээ.” Чин бишрэлтэнгүүдээ хамгаалах болон демонуудыг хөнөөхийн төлөөнөө Бурханы Дээд Бодьгал Өөрөө заавал морилон бууж ирэхийн хэрэггүй билээ. Тэр бол Түүний гол үйл хэрэг биш. Тэр зөвхөн Өөрийн трансценденталь баяр хөөр, цэнгэл жаргалын улмаас л морилон бууж ирдэг. Түүний илрэн тодрохуйд өөр учир шалтгаан гэж байж чадахгүй.

“Ай Бурхан минь ээ, Та Йаду удмынхны шилдэг нь болон илрэн тодорч байна. Бид Таны бадамлянхуа өлмийд бишрэл хүндэтгэл дүүрэн хийгээд хүлцэнгүйгээр залбиран мөргөнөм. Та Өөрийн энэ дүрдээ илрэн тодрохоосоо өмнө мөн загасны, бодонгийн, морины, яст мэлхийн, хунгийн дүрээр, бас Рамачандра хаан, Парашурама болон өөр бусад олон дүрээр илрэн тодорсон  билээ. Та зөвхөн, чин бишрэлтэнгүүдээ хамгаалах гэж л илрэн тодорч байсан билээ. Иймээс Бурханы Дээд Бодьгал дүрээрээ илрэн тодорч байгаа одоогийн энэ илрэл тодролын үедээ мөн л биднийг гурван ертөнцийн хаана ч гэсэн дээрх дүрүүдтэйгээ адилаар  хамгаалах хийгээд амар амгалан амьдрахад минь саад тотгор болж байгаа бүхнийг зайлуулж өгөөсэй гэж Танаас хүсэн гуйнам.

Эрхэм Деваки ээж минь ээ, таны хэвлийд Бурханы Дээд Бодьгал Кришна Өөрийн бүхий л бүрэн хувилгаан дэлгэрэл дүрүүдийн хамтаар  залран байна. Тэр бол бидний сайн сайхны төлөө морилон бууж ирэн илрэн тодорч байгаа Бурханы анхдагч Бодьгал билээ. Иймээс та Бходжагийн хаан—ахаасаа айж эмээхийн хэрэг байхгүй. Таны хүү— Бурханы анхдагч Бодьгал Кришна зөв сайн үйлтэй Йаду удмынхныг хамгаалахаар ирж байна. Бурхан зөвхөн Өөрөө морилон бууж ирж байгаа юм биш, Түүнийг мөн Түүний шууд бүрэн хувилгаан дэлгэрэл  дүр Баларама дагалдаж байна.”

Камса бүх хүүхдүүдийг нь хөнөөсөн учраас Деваки ахаасаа маш их айж байлаа. Тэр Кришнагийн тухайд сэтгэл маш их зовж байв. Вишну Пурана-д өгүүлсэнчлэн, Девакиг тайвшруулахаар бүхий л сахиулсан тэнгэрүүд эхнэрүүдийн хамтаар түүн дээр байнгад зочлон ирж Камса хүүгий нь хөнөөнө гэж айхын хэрэггүй гэж хэлж ярин сэтгэлийг нь засаж байв. Түүний хэвлийд заларч байгаа Кришна зөвхөн газар дэлхийг нөмөрсөн хүнд хэцүү зовлонгоос нь ангижруулах гэж биш, харин юуны өмнө онцгойлон Йаду удмынхны хүсэл сонирхолыг хамгаалах, мөн мэдээжийн хэрэг Деваки болон Васудева нарыг аврахаар морилон бууж ирсэн. Кришна Васудевагийн ухаанаас Девакигийн ухаанд шилжин орсоны дараагаар одоо түүний хэвлийд заларч байна. Иймээс бүхий л сахиулсан тэнгэрүүд Кришнагийн ээж Девакид хүндэтгэлээ илэхийлж байна.

Бурханы трансценденталь дүрд ийнхүү бишрэл хүндэтгэлээ илэрхийлсэнийхээ  дараагаар Брахма болон Шива тэргүүтэй сахиулсан тэнгэрүүд бүгд тэнгэрийн гаригууд дээрх өөр өөрсдийн орон тийш одоцгоолоо.

 

Мөнхийн цэнгэл жаргалын эх булаг номын “Эхийнхээ хэвлийд залран байгаа Бурхан Кришнад  сахиулсан тэнгэрүүд залбиралаа өргөсөн нь.” нэртэй хоёрдугаар бүлэгт Бхактиведантын хийсэн тайлбар ийнхүү өндөрлөлөө.

 

Мөнхийн мэргэн цэцэн Ведийн эрдэм ухаан

Ведийн сургаал нь орчин үеийн  материалист эрдэмтдийн  хүлээн зөвшөөрсөнөөр  манай гаригийн хамгийн  эрт дээр үеийн  сургаал номлол юм. Тухайлбал, Риг-Ведийн  анхны сурвалж нь МЭӨ 6500 жилийн үед, дээр нь 2000 жилийг  нэмбэл, нийлээд  8500 жилийн өмнө бий болсоныг баталж байгаа юм. Гэтэл Ведийн өөрийн нь бичээс  5000 жилийн өмнө бичигдсэнийг тодорхойлж байгаа юм. Харин энэ цаг үеийг хүртэл  брахма-шабдын  хэлбэрээр буюу брахмануудын хүрээнд амаар дамжин ирсэн байна.

Брахман  гэдэг нь  оюун ухааны хувьд гэгээрсэн   хүмүүсийн дээд хүрээ юм. Энэхүү  брахманууд  нь  тодорхой авьяас чанарыг эзэмшсэн бөгөөд  ведийн бүх сургаалыг  зөвхөн нэг удаа  сонсоод л цээжлэх чадвартай байжээ.  Орчин цагт бид энэ чадвараа алдсан бөгөөд бага хэмжээний текстийг ч амархан цээжлэх чадваргүй болжээ.

Та бүхэн  ийм цээжлэх  ойтой /феномен/  гоц хүмүүсийг  их үнэлдгийг  мэдэх байх. Жишээлбэл, бүтэн хэвлэлийн хуудас бичлэгийг  2-3 удаа  уншаад бүх үсэг, тэмдэгт, цэг, таслалыг хүртэл цээжлэх чадвартай  хүмүүсийг феномен  буюу гоц ойтой гэж үздэг. Харин  эрт дээр  цагт эдгээр чадваруудыг  хүмүүс язгуур, давхаргаараа  агуулж байсан бөгөөд  тэднийг  брахманууд   гэж нэрлэж байжээ.Мөн эдгээр бүтээлүүд нь 5000 жилийн өмнө одоо нэгэнт үгүй болсон  санскрит хэл дээр бичигджээ. Ведийн зохиол бүтээлүүдийн баталж байгаагаар  ертөнц дахинд  пракрит, санскрит, пайша  гэсэн үндсэн гурван  хэлний төрөл  мөнхөд  оршиж байсан байна.Эрт дээр цагт пракрит хэлээр  тэнүүлчид болон хар ажилчид ярилцдаг байжээ.  Санскрит  нь ведийн талын мэдлэг ойлголт бүхий хүмүүсийн хэл байв. Ведийнсургаалыг баримталдаг хүмүүсийг  ария  гэж нэрлэдэг байсан бөгөөд  үүнтэй уялдан  арийн соёл  гэсэн ойлголт гарч ирсэн байна. Хэлний гуравдахь төрөл пайшасаар  доод амьд амьтад болох хий үзэгдэл, буг, чөтгөрүүд … ярилцдаг болно. Маш олон төрлийн амьд амьтад байдаг бөгөөд  энэ лекцийн явцад тэр тухай мөн өгүүлэх болно. Ингээд ертөнцөд хэлний гурван төрөл байдаг  бөгөөд тэдгээр нь мөнхөд оршино гэдгийг  бид ойлголоо.

Одоо та бүхэнд  ведийн утга зохиолын  охь, бурханлаг амьдралын  цагаан толгой болсон бүтээлээс нэгэн шатлал шүлэг  хэлье. Энэ бүтээлийг  санскритаар “Бхагавад Гита” гэдэг бөгөөд  орчуулбаас “Бурханы дуулал” гэсэн нэртэй  болно.

“Манай гаригийн  тооллоор  олон мянган эрин  Брахмын нэгэн өдөртэй  тэнцэнэ. Шөнө нь ч  мөн л удаан  үргэлжлэнэ. Материаллаг ертөнцийн оршин тогтнох нь хязгаартай. Энэ нь давтан үргэлжлэх хугацааны кальпаар  хэмжгдэх болно. Кальпа  гэж  манай материаллаг ертөнцийг  бүтээгч бурхан Брахмын нэг өдрийг хэлнэ. Харин Брахмын нэг өдөр нь  дөрвөн  юга  бүхий мянган  үеэс тогтоно. Юга  гэдэг нь Сатья, Трета, Двапара  болон Калийн  эринг тэмдэглэж байгаа болно. Сатья юга-д  шашин шүтлэг, үнэнч чанар, мэргэн ухаан хамгийн ихээр цэцэглэн мандаж байх ба харанхуй бүдүүлэг, элдэв гажиг зэм буруу, шалиг завхайн тухай асуудал байдаггүй. Энэ эрин нь 1 сая 728 мянган жил үргэлжилдэг юм. Трета юга-д  эндүү, алдаа мадаг, гэм буруутай зүйл  бий болж эхэлнэ. Энэ эрин 1 сая 296 мянган  жил үргэлжлэнэ. Двапара юга-д  сайн чанарын болон шашны уналт бүр ихсэж гэм буруутай, муу зүйл газар авах бөгөөд энэ эрин нь 864 мянган жил үргэлжлэнэ. Харин төгсгөлд нь Кали юга залгах бөгөөд  энэ нь 432 мянган жил үргэлжлэнэ. Энэ эринд гай гамшиг, аюул зовлон,  нүгэлт үйлээр дүүрэн байхын зэрэгцээ бурхангүйн үзэл газар авч  хүмүүс нь доройтолд орно. Энэ эринд дээрх муу шалтгаануудын улмаас хүмүүс  урд эринүүдэд агуулж байсан  ведийн мэдлэгээ гээх болно.” гэжээ.

Ведийн сургаал  нь энэхүү материаллаг  ертөнцийн болон  түүний оршин тогтнохуйн үндэс   болсон  бурханлаг мөн чанар болон бурханлаг ертөнцийн зүй тогтолыг тайлбарласан байна. Ведийн сургаалын баталгаагаар бол энэ  орчлонгийн  хүмүүс нь материаллаг мөн чанар бүтээгдсэн үеэс эхлэн шууд бий болжээ. Материаллаг орчлонгийн  хамгийн анхны амьд амьтан нь Брахма  юм. Хүмүүсийг сармагчингаас гаралтай гэсэн орчин үеийн үзэл баримтлал нь хүлээн зөвшөөрөгдөхгүй нь.  Ведийн сургаалын энэ  үүднээс  бол хүн хөгжлийн явцад сармагчингаас бий болсон  гэх нь санаанаасаа зохиосон  дэмий зүйл бөгөөд санскритаар  авидья  буюу  хуурмаг  явдал болмой. Цаг хугацааг үндсэн дөрвөн  эринд хуваах ба эдгээр нь  дивь-юга  гэсэн үеийг бүрдүүлнэ. Өөрөөр хэлбэл  дивь-юга  нь дөрвөн эрин буюу  Сатья,Двапара, Трета, Кали  гэсэн дөрвөн  югаас  тогтоно.  Дээр өгүүлсэнээр  дивь-югын  хамгийн сүүлийн  эрин болох  Кали-югад   энэ орчлонг хамарсан  доройтол болно. Жилийн хавар, зун,  намар, өвөл гэсэн улирлын цаг хугацаатай зүйрлэж болно. Хүмүүс ,ер нь  амьд амьтад  өвөлд дуртай биш бөгөөд  энэ үед тэдний ихэнх үйл ажиллагааны эрч хүч сулардаг. Ведийн сургаалд материаллаг  орчлон нь дэлхийн тооллоор  311 триллион 40 миллиард жил оршин тогтнохыг заасан байна. Энэ нь манай орчлонг удирдан бүтээгч Брахмын 100 жилтэй тэнцэх юм. Тэр бол бидний оршин байгаа орчлонг бүтээгч юм. Энэхүү амь амьтан нь  бодитойгоор, бүр биднээс ч илүү бодитой оршин байдаг. Харин бид өөрсдийн  доройтлын улмаас түүний бодит  оршнолыг үгүйсгэх болжээ. Дахин хэлэхэд дээрх дөрвөн эрин энэхүү урт хугацааны туршид давтагдан үргэлжлэнэ. Энэ бүх үеүүдэд хүн байнга оршин байна. Иймд  ведийн соёл нь Сатья, Двапара, Трета  гэсэн  гурван югын  турш байсан нь тодорхой. Харин 432 мянган жил үргэлжлэх  Кали югад хүмүүс ведийн мэдлэгээ алдаж,  өөрийн гарал үүсэл, соёл , ахуй амьдралын зорилго болон үндсээ дамлан худалдаж эхэлжээ. Энэ нь  зөвхөн Кали югад болно.  Мөн ведийн сургаалд  энэ үед хуурамч номлол сургаал гарч ирнэ гэсэн байдаг. Хүмүүс доройтолд орохын хирээр  хэрэгцээтэйгээ уялдуулан  боломжит бүх номлол  сургаалыг өөрсдөө зохион гаргах болно.  Энэ зохиомол сургаал номлол нь  Калийн  эриний бүх төрлийн шашин, философийн гол үндэс болох бөгөөд  тэдгээр нь өөр эриний шашин, философи тэр үед байсан зорилго, бодлогод үндэслэгдэх юм. Энэ гурван эриний турш хүмүүс тодорхой практикын хүрээнд  бурханд чин бишрэлээр зүтгэж Түүний  зүг  эргэж очдог.  Хэн үнэн зөв хэлбэрийн үйлдлээс татгалзваас  кармын хуулийн дагуу  муу төрөлд, муу газар, муу бие болон бусад муу төрөлтний заяаг авах байдлаар  Калийн  эрин хүртэл амьдрана. Упанишад-  гэдэг сударт  Калийн  эринд хамгийн үл бүтэх этгээдүүд амьдрана гэжээ. Эндээс  үзвэл бүх хүмүүс, бид бүхэн өнгөрсөн эринүүдэд  мөн л амьдарч байжээ. Бид өнгөрсөн бүх эринүүдэд  тодорхой дүрэм журам, сургаал зааврын дагуу үйл үйлдэхээс татгалзаж байсан байна.

Иймд бид Калийн  эрин буюу  одоог хүртэл  энэ материаллаг ертөнцөд амьдарч, санскритаар самсара  гэх төрөлт-үхэлт ээлжлэн үргэлжлэх орчлонгийн хүрээнд үлджээ. Ведийн сургаалын үзлээр бол төрөх , өвчлөх, үхэх нь хуурмаг зүйл юм. Харин амьд амьтад нь өөрийн жинхэнэ  мөн чанарын хувьд  бурханлаг, өөрөөр хэлбэл сүнс бөгөөд  төрөлт үхэлтийн  орчлонгоос ангижрах ёстой.

Кали югын  үед Исус Христ Бурханы аврагчийн дүрээр ирж   “воскресение” буюу “дахин амилах, сэхээрэх” тухай ярих болно. Хүмүүсийн ихэнх нь “воскресение” бол амралтын өдөр гэсэн ойлголттой байдаг. Харин энэ  нь философийн “дахин амилах, сэхээрэх” гэсэн   тогтолцоот үзэл юм. Хүмүүс  пасхи буюу улаан өндөгний баярын үеэр өндөгийг тогшин  “Христос сэр, Үнэнийг бий болгох” тухай ярьж яагаад үүнийг хийж байгаагаа төдийлөн ойлгож мэддэггүй. Тэд ууж идэж, дуулж наргицгаах боловч, чухам юу хийж байгаагаа, энэхүү философийн гүн учир утгыг ойлгодоггүй. Өндөгийг шараар будаж “орчлонгийн алтан өндөг” гэж нэрлэцгээдэг. Орчлон гэдэг нь ведийн сургаалын үзлээр бол  зууван дугуй гадуураа бүрхүүлтэй  бөгөөд  өндөг шиг хэлбэртэй юм. Хэн энэ орчлонгийн бүрхүүлээс гарч чадна тэр  үүрд мөнхийн чанарт хүрнэ. Библьд: “Тэнд амьдрал мөнх байх болно” гэж өгүүлсэн байдаг. Энэ дахин амилах зарчим нь  библийн үнэн мөн гэдгийг иш үндэс болгон  хүн тодорхой практик арга замаар  хүрч болохыг сургадаг. Библьд  “Өөрийн зүрх сэтгэлээсээ Бурханыг хайрла, ойр дотныхноо хайрла,  бүү худал ярь, бүү хулгай хий…” гэсэн байдаг. өөрөөр хэлбэл тодорхой сургаалыг дагаснаар амьд амьтад нь өөрсдийн нүгэлт үйлийн үр дагавраас  ангижран салж, улмаар  кармаас ариусан аврагдаж болно. Чухамдаа  энэхүү аврах үүрэгтэйгээр бурханлаг  ертөнцөөс  ирсэн хүмүүсийг  Аврагч гэж нэрлэдэг. Энэ бүх номлогч, аврагчдыг  манай дэлхийд ирэхээс бүр өмнө  тэдгээрийн тухай  ведийн ном сударт  тодорхойлон бичсэн байдаг.  Бидний энэ сэдэв нь  шашин ба философийн   нэгдэлтэй холбоотой учир зарим үндсэн зүйлсийг   дурьдах нь зүйтэй гэж үзэж байна. Ведийн сургаалд Бхавишья пуран гэж нэрлэгдсэн бүлэг байдаг. Санскритаар  бхавишья  гэдэг нь  ирээдүй гэсэн утгатай бөгөөд  өөрөөр хэлбэл  энэ  пуранд Кали югын турш,  цаашилбал  кальпын  төгсгөл хүртэл  бий болох, айсуй яваа үйл явдлыг  урьдчилан өгүүлсэн байдаг. Тэнд бичихдээ: Кали югын  эхэн үед  /5000 жилийн өмнө  Кали  югын  эрин эхэлсэн бөгөөд астрологийн өөрчлөлт болж  соёл иргэншлийн шинэ үе эхэлсэн/  2500 жил өнгөрөхөд хүмүүс бүрэн доройтолд орж оюун санааны хувьд мөхөлд хүрч ведийн үзэл санаанаас хөндийрөх болно.  Шашин бүрэн хэмжээгээр уналтанд орж, гай барцад, муу үйл газар авах үе ирнэ. Тэр үед Бурхан Өөрийн  Аватар  буюу Бурхан Буддагийн дүрээр буун ирж  Гайа  хэмээх хязгаар газар   Анджаны  хүү байдлаар тодроно. Тэрээр шашны үйл, сургаал номлолыг жинхэнэ  ёсоор баримтлагчдад  дайсагнагчдыг хууран төөрөгдүүлж тэдний доройтлыг  зогсоон ведийн сургаалыг аажим аажмаар дахин сэргээх зорилготой ирнэ. Түүний үндсэн зарчим нь ахимса /хүч үл хэрэглэх/ болон нирван  юм.  өөрөөр хэлбэл дахиад карма ба реинкернаци /дахин төрөлт/-ийн зүй тогтоолыг болон кармын  янз бүрийн түвшний тухай  тайлбарлана. Пуран сударт  өгүүлсэнээр  түүний дараа  Энэтхэгийн нэгэн хаан  Митти  бясалгалын болон дотоод чичиргээнүүдийн   замаар  Гималайн орон зайн 2-р түвшинд  хүрч чадна. Ведийн сургаалын  батламжаар  бол Гималайд 3 түвшинтэй. Бид бүхэн  3 хэмжээст ойлгоцтой учир зөвхөн   тэр чадвартаа л илрэх Гималайг харж чадна. Гэвч түүнээс ч олон хэмжээс байна. Ведийн үзлээр бол цаг хугацаа, орон зайн  64 хэмжээс  байдаг байна. Мэдрэмжийн чадвар нь  нилээд хөгжсөн  хүмүүс өөрөөр хэлбэл карм сайтай хүмүүс  нэлээд ариуссан байдалтай байдаг тул  Гималайн 2-р түвшинг  буюу орон зайн хоёр дахь түвшинг   ойлгож,  хүлээн авч чадна. Бүр илүү ариуссан нь  гуравдугаар түвшинг хүлээн авч ойлгоно. Бид дэлхийн  хамгийн өндөр цэг бол Эверест гэж үздэг. Гэтэл дунд буюу  хоёр дахь түвшингийн Гималай нь далайн түвшинээс  16800 метр өргөгдсөн байдаг байна. Махарадж Митти  нь энэхүү дунд Гималайд  очиж, гэрэлтсэн цагаан хувцас бүхий  садху   буюу Бурханы чин бишрэлтэнтэй  уулзаж ярилцах болно.  Митти  түүнээс: “Чи хэн бэ? Садху  юу?” гэж асуухад  тэрээр “Би бол Деваас төрсөн  Бурханы хүү байна. Би энэ дэлхийд млеччх-үүдэд шинэ шашныг номлож, Калийн  эринийн доройтлыг зогсоохоор  бууж ирлээ” гэж хариулах ёстой. Санскритаар хэл хэлвээс: “ Иша путра мам веди кумари гарбхи самбавам”. Иша- нь Бурхан,  путра- хүү, веди- вед буюу мэдлэг, кумари-  Дева, гарбхи-  жирэмсэн, самбам- хүн төрөлт гэсэн үг болно. Бүгдийг нийлүүлбэл дээр өгүүлсэнчлэн “Би бол бурханы хүү болно” гэсэн үг юм. Энэ бол  мөхөл доройтлын үе, Калийн  эрин дэх хоёрдахь үүрэг буюу  Иесус Христын үүргийн тухай  урьдчилан хэлсэн явдал юм.

Мөн тэнд цааш нь хэлэхдээ “Тун удалгүй харанхуй мунхагийн  гуныг  удирдан зохицуулагч бурхан  Шива  нь Бурханы Дээд Бодгаль-Нарайнанаас ухамсарын 5 дахь түвшиний  хүмүүст зориулсан  фанатик практикийн шашин номлол бий болгох үүрэг авна. Тэгээд  Шива бурхан нааш нь манай дэлхий  рүү өөрийн албат Вайталаг  илгээнэ. Вайтала-  гэдэг нь “гэрийн хаан” гэсэн утгатай үг. Тэдгээр нь үнэхээр оршин байна. Энэ нь орчин үеийн сэтгэлгээтэй бид бүхнийг гайхашрал, балмагдалд оруулах боловч ведийн мэдлэгтэй хүмүүст  энэ бүгд нь бодитойгоор оршин байна. Ингээд Шива  бурханы зарлигаар Вайтал нь манай дэлхийд бууж ирэх бөгөөд түүнд “Чиний нэр бол Пророк” гэж хэлсэн байна. Та бүхэн Пророк буюу “Лүндэн буулгагч” гэж хэн болохыг сайн мэднэ. Тэр яг л Лүндэн буулгагч шиг орж ирэх бөгөөд  Шива  бурхантай тодорхой шашны чиглэлд тохируулан бие хүнээр дамжуулан тогтмол  холбоо барьж байдаг. Тухайлбал мусульманы шашинд түүнийг Джабриел, Католик шашинд Габриель гэж нэрлэдэг.

Энэ номлолын дараа Юга-санкхи-н  /Кали юга-нь  астрологийн тодорхой  үеүүд болох   санкхи-д хуваагдана. Анхны санкхи  буюу хүмүүсийн бүрэн доройтлын үе 5000 жил үргэлжлэнэ./  төгсгөлд Бхарат / Орчин үеийн Энэтхэг. Эрт цагт зөвхөн Бхарат  л байсан. Иймээс ведийн сургаалд  Бхаратын  тухай л өгүүлдэг/-ын   нутаг дэвсгэр Навадвип /энэ нь одоогийн Энэтхэгийн нутаг дэвсгэр болно/-д Бурхан Өөрөө Өөрийн алтан  аватар буюу  Шри Чайтаниа Махапрабху-ын дүрээр  Харинамасанкиртан-ыг номлох үүрэгтэйгээр  бууж ирэх юм. Энэ бол ведийн соёлын  сэргэн мандалтын эхлэл юм. Цаашилбал, орчин үеийн тооллоор 1896 онд Юга-санкхийн  үе дуусгавар  болох бөгөөд  ведийн соёл сэргэн мандах “Алтан үе”  эхлэх юм. Энэ үед бурханлаг ертөнцөөс Бурханы аугаа их  чин бишрэлтэн манай газар дэлхийд буун ирж ведийн сургаалыг гурван санскрит  үеэс бүтэх айн-климен-шанг хэл дээр  номлол болно. Энэ нь одоогийн англи хэл бөгөөд яваандаа бүх дэлхийн хэл болно гэжээ. Тэнд бас бага хэмжээний тодотгол байх бөгөөд  усыг вота гэж нэрлэх нь ватер  гэсэн санскрит үгтэй нийлнэ. Мөн энэ айн-климен-шанг  хэл дээр раговар  буюу нарны өдрийг сандэй  гэж нэрлэнэ гэсэн байдаг. Цааш  өгүүлэхдээ, ведийн сургаал  дэлхий дахинд түгэн дэлгэрч хүмүүс технологоос татгалзах ба  энэ “Алтан үе” 10000 жил үргэлжлэнэ гэжээ. Энэ философи үндсэн хоёр судар номтой бөгөөд  тэдгээоийг “Бхагавад Гита”, “Шримад Бхагаватам”  гэнэ.Э д өгүүлэхдээ, Бурхан болбоос Дээд Бодьгал бөгөөд аливаа  амьд амьтан нь трансценденталь /туршилтын гадна байх орчин/ бурханлаг ертөнцөд Түүний мөнхийн албат байх  ба Түүнд  жинхэнэ чин бишрэл, харйаар зүтгэх бхакти-йог  хэмээн нэрлэгддэг номлол байна. Йог нь холбоос гэсэн санааг илэрхийлэх санскрит үг юм.  Бид одоогийн цаг үед буддын, мусульманы, христосын шашны номлол сургаалыг мэдэх бөгөөд  тэдгээр нь бүгд л Үнэмлэхүй Үнэнтэй холбогдохыг зорьдог билээ. Хэрвээ бид христосын шашны тухай санскрит ухагдахуунаар ярьвал энэ нь мөн л йог юм. Учир нь тэд  эхлээд Иесустай, дараа нь түүгээр дамжуулан  Үнэмлэхүй Үнэнтэй холбогдохыг орлдож байгаа юм. Энэ бол йог бөгөөд тэдэнд  үүнийг хэрэгжүүлэх тодорхой  номлол буюу практик арга зам байдаг. Ведийн сургаалд, тэдний эдгээр практик арга замууд ямархуу байх, тэдгээр нь хэрхэн сулран доройтох, тухайлбал Кали югын нөлөөгөөр  Буддын философи хэрхэн  доройтох, өөрчлөгдөх тухай ч өгүүлсэн байдаг.

Ведийн сургаалд ухамсарын таван түвшний тухай  бичсэн байдаг. Өөрөөр хэлбэл  дэлхий дахинд ухамсарын  эдгээр түвшингүүд байнга байжээ. Энэ түвшин бүрийн  ойлголтонд харгалзсан  тодорхой философийн номлол, урсгалууд /сургуулиуд/ байдаг. Одоо энэ түвшинүүдийн тухай ярья. Ухамсарын нэгдүгээр түвшинг амьтны ухамсарын түвшин буюу анумайа гэнэ. Анумайа  гэж зөвхөн идэж уухын  түвшинг хэлэх бөгөөд, хүний ухамсар нь  хоол унд, хүнс тэжээлийн хүрээнд л эргэлдэнэ. Хоол унд  л байж байвал бүх юм сайн сайхан, байхгүй бол хэцүүдэж зовж шаналах болно. Энэ түвшингийн хүмүүс үүнээс өөр юу ч сонирхохгүй.  Өөрөөр хэлбэл бүх зүйлд  хоол тэжээлийн  хүрэлцээ хангалттай эсэх үүднээс хандана. Хүнс тэжээл хүний амьдралын  утга учир болж буй энэ түвшин хамгийн доод түвшин. Хүн хэзээ  энэхүү  хүнс тэжээлийн  асуудлаа шийдвэрлэсэн цагт эрүүл энх байж, урт удаан амьдрах хүсэл төрөх буюу амьдралынхаа үргэлжлэх  хугацааны талаар санаа тавьж эхлэх болно. Тэдний дунд  аль болох  урт наслаж удаан амьдрах асуудлыг хөндсөн  философи, сургаал, урсгал аяндаа бий болно.Иймэрхүү  категорийн нэг нь  хатха-йог  байж болно. Энэ бол хоёр дахь түвшин  бөгөөд  амьтны  анумайагаас  арай дээгүүр ба  пранамайа  гэж нэрлэгддэг. Прана- гэдэг нь санскритаар амьдралын агаар /хий/ гэсэн утгатай. Энэ хүмүүс урт удаан  амьдралын тухай санаа зовж эхлэхдээ тодорхой сувиллын  хоол хэрэглэх ба  бүхнээ урт наслах, маш  эгэл аргаар жаргалаа үргэлжлүүлэхэд зориулна. Тэдэнд мөн л тодорхой  философи, шашны номлол байдаг. Тухайлбал, Орос дахь хамгийн анхны олонд мэдрэгдсэн жишээ бол  П.К.Иванов юм. Хүмүүс өөрийн бие организмаа эрүүлжүүлэх зорилт тавина. Ведийн сургаалаар бол аливаа  өвчин эмгэг нь нүгэлт үйлийн  үр дагавар байдаг. Энэ нь ойлгомжтой. Шүдний өвчинөөс  эхлээд ханиад томуу г.м.  Ведийн сургаалд хүн өөрийн өнгөрсөн үед үйлдсэн нүгэлт үйлийн үр дагавраас тодорхой  аскезын  замаар ангижирч болохыг заасан байдаг. Аскез  гэдэг нь  хүн амьдралын турш өөрийгөө ямар нэгэн  физик таагүй нөхцөлд  байлгахыг хэлнэ. Хүмүүс   хоол хүнс, эрүүл мэнд, секс болон өөрийгөө  хамгаалахаас гадна өөр зүйлд анхаарч, өөрөөр хэлбэл “тэнд юу болж байна вэ?” гэх мэтийн асуудалд анхаарлаа  хандуулж эхлэх гуравдахь түвшинг  маномайа  гэнэ…

Жишээ нь сүүнээс сүүн бүтээгдэхүүн  буюу тараг хоормог, ээдэм, тос, бяслаг  зэргийг гаргаж авдаг. Харин сүүний талаар  юу ч дурдахгүй  бол  эд бүгд өөр өөр төрлийн бүтээгдэхүүн. Тэдгээрт нэгэн төрлийн  эх үндэс байхгүй гэж ойлгох болно, Үүний адил ведийн сургаал нэг мэдлэг л  оршин байна гэж сургадаг. Дэлхий дахинд нэг мэдлэг, нэг  шашин, нэг л Бурхан байдаг. Харин амьд амьтад болох бидний доройтлоос  хамааран  Түүнийг хувьсгах шаардлага бий болсон юм.  Амьд амьтдад ахиц дэвшил гаргах боломж олгохын  тулд, үнэн байдлыг тэдний хүлээн авч чадах  түвшинд хүртэл өөрчлөн хувиргах шаардлагатай болсон. Дээр өгүүлсэнээр, материаллаг ертөнцөд амьд амьтад нь гурван гунын нөлөөн доор оршдог. Эдгээр гунуудын  төрөлөөс хамааран шашин философийн бүхий л боломжит  номлол сургаалууд бий болсон. “Бхагавад Гита”-д өгүүлсэнээр  “Харнхуй мунхаглалын  гуна-д  байгаа хүн өвөг дээдсээ, шунал тачаалын  гуна-д  байгаа нь хэн нэгэн  аугаа их бие хүнийг, буяны  гуна-д  байгаа хүн  хагас бурхадыг шүтдэг. Харин материаллаг ертөнцийн буяны  гунаас  ангижран дээш гарч чадсан хэн бүхэн Дээд Бурханы Бодгалийг шүтэн биширдэг.” Ведийн сургаалын үзэж байгаагаар  амьд амьтан бүхэн  бурханлаг мэдлэгтэйгээр энэхүү материаллаг ертөнцөд ирдэг байна. Энэхүү мэдлэг нь  амьд амьтан бүрийн  зүрхэнд оршдог бөгөөд бузардахын хирээр багасаж, ариусахын хирээр  дахин сэргэж байдаг. Өөрөөр хэлбэл  амьд амьтан нь  бурханлаг ертөнцөөс мөнхийн байдал, мэдлэг, жаргал цэнгэлийг агуулсан буюу анандамайа-н  түвшинд ирдэг. Тэд бурханлаг зарчмуудаасаа хир зэрэг гажуудсанаас хамааран янз бүрийн  шашин философиуд бий болжээ. Амьд амьтадыг материаллаг ертөнц рүү чухам юу  ингэж татна вэ?  Тэдний Бурханаас хамааралгүй, ангид цэнгэж жаргах хүсэл. Ведийн сургаалд  биднийг / чухамдаа сүнсийг/  яагаад энд, материаллаг ертөнцөд унасаныг нарийн тайлбарласан байдаг. Дээрх хүсэл нь  Бурханы хүслээс ангид гадуур юм. Энэ бол атаархал, жөтөөрхөл.Амьд амьтан нь өөрөө Бурхан болж болох нь уу  гэж туршихаар шийдсэн хэрэг. Энэ бол огт боломжгүшй зүйл юм. Тэд Бурхан шиг  болохыг оролдож хэдийчинээн  их зүтгэж чармайх аваас материаллаг ертөнцийн кармын зүй тогтолцоонд улам бүр зууралдан төөрөлдөх болно. Нарада-Пурана нэртэй сударт Бурхан сургахдаа:”Би энэ материаллаг ертөнцийг, түүнд орсон тэнэгхэн амьд амьтад Надаас тусдаа  жарган цэнгэхийг эрмэлзэн, өөрсдийн нүгэлт амьдрал, үйлийнхээ үр дагаврыг амсаж, төөрөгдөн улмаар энэ  материаллаг үйлдэлдээ бүрэн урам хугарч итгэл алдаад Бхакти-йогийн  дагуу Надад  жинхэн чин бишрэлээр  зүтгэх замд  оруулахын тулд  бүтээсэн ба улмаар мөнхийн байдал, мэдлэг болон цэнгэл жаргалын ертөнцдөө буцаж ирэхийгхарах юм.” гэжээ. Ведэд хоёр ертөнцийн тухай  бичсэн байдаг нь нэг нь бурханлаг трансцендент ертөнц, нөгөө нь материаллаг ертөнц болно. Одоо бид бүхэн материаллаг ертөнцөд оршин байна. Тэгэхлээр бурханлаг ертөнц гэж бас байх нь. Библьд “Бурханы эзэмшил”ийн тухай бичсэн байдаг. Энэ эзэмшил үнэхээр оршин байх ба, хэрвээ тэрвээр огт оршдоггүй байсан бол  түүний тухай  юу ч  ярихгүй байсан байх билээ. Хэн ч , ямар ч тохиолдолд түүнийг үл орших тухай  ярьж хэлэлцэж чадахгүй. Энэ бол  оршин байх зүй тогтоол . Бид үл орших зүйлийн тухай маргалдаж чадахгүй, Жишээлбэл, бид Бурхан байна уу,  байхгүйн тухайн  ярьдаг. Хэрвээ бид ямар нэгэн  анхдагч эх үндэс / субстанц/-ийн тухай ярьж байгаа бол  тэрээр оршин байх нь гарцаагүй. Хэрвээ тэрээр огтхон ч оршин байдаггүй байсан бол  бидэнд тэр тухай ярилцах ухаан төрөхгүй нь мэдээж. Энэ бол маш энгийн философи.Гэвч энэ эринд хүмүүс ихээхэн доройтолд орсон тул Бурхан байгаа байхгүйн тухай сөргөлдөцгөөх болсон. Хэрэв бид  “Бурхан байхгүй” гэж үзээд  түүнийгээ баталбаас  энэ нь Бурхан байгаа  гэдгийн  шууд баталгаа  нь болно. Орчин үед хүмүүс  Бурхан байгаа  байхгүй гэдгийг хүндээр хүлээж авч  байгаа юм.   Үүнийг энгийнээр авч үзвэл  “эцэг нь гэртээ  байгаа” ба “эцэг нь гэртээ байхгүй” гэдэгтэй адил юм. Хэрэв бид  “эцэг гэртээ байгаа” буюу “эцэг гэртээ байхгүй” гэж ярих нь  тухайн эцэг гэртээ байхгүй ч  гэсэн ер нь эцэг  бол байгаа гэсэн  санаа бодитойгоор оршиж байна. Хэрэв тэр огт оршоогүйсэн  бол  бид эцэг нь гэртээ байгаа эсэх тухай  ер ярихгүй  байхсан билээ. Бид материализмын тухай их ярьдаг. Маркс, Ленин нар  гарч ирээд…”Бурхан гэж байхгүй…шашин мунхруулагч хар тамхи мөн” гэсэн байдаг. Мунхаг биш  хэсэг нь, тухайлбал сэхээтний  давхарга өөрсдөө төөрөлдөж “Бурхан байхгүй,хаачиж орхив оо” гэж гайхацгаах болсон. Бурхан яагаад  байхгүй гэж? Яагаад гэвэл Түүнийг хүлээж авах  ашиггүй. Хэрэв Түүнийг хүлээж авахад хүрвэл Түүний номлол сургаалыг дагах хэрэг гарч  тогтсон амьдралын хэв маягаа өөрчлөхөд хүрнэ. Бид жаргаж цэнгэхийг хүсч байдаг. Жишээлбэл хүмүүс тамхи татах нь хортой гэдгийг мэдсээр байвч татсаар байдаг. Яаагаад тэр вэ? Цэнгэхийг хүсч байна. Хүмүүс архи  их уудаг. Ямарч архичин, хэн ч байсан гэсэн,”Тиймээ, би өөрийн гэр  бүлдээ хичнээн ч их гай төвөг учруулав даа” гэж ярьцгаадаг. Тэд бүр согтуу байхдаа бүгдийг ойлгож байдаг. Тэд хүүхдүүдээ хэрхэн зовж байгааг, гэр бүл салж сарниж байгааг мэдэж байсан ч үргэлжлүүлэн архиа уусаар л байдаг. Эдгээр нь тэдний өнгөрсөн үйлийн уршиг мөн. Өнгөрсөн үйлтэй холбогдсон энэхүү “шидмэсэн холбоо”-г таслахын тулд  хүнийг ариусгах хэрэгтэй. Ариусаагүй  хүн ямарч  хэлхээ холбоог тасалж чадахгүй. Ямар ч сэтгэлийн хүч байхгүй. Тийм ч ойлголт тэдэнд байдаггүй. Хүч гэдэг юу юм бэ? Хүч бүх л юманд  үнэмлэхүй байдлаар оршин байдаг. Зарчмын хувьд хүмүүс бид бүгд адилхан. Бид түүнийг чухам хааш нь чиглүүлж байна вэ? гэдэгт учир нь байдаг. Хэн нэг нь “Надад сэтгэлийн ямар ч тэнхээ алга”  гэж ярьдаг нь  гагцхүү түүнийг  хааш нь ч чиглүүлэхийг хүсэхгүй байгаад  оршино. Чиглүүлж, дайчлахыг хүсэхгүй байна. Та бүхэн санаж байгаа байх.Архийг талоноор өгдөг үе байлаа. Би хүмүүсийн хатуужил тэсвэрийг гайхдаг юм. Тэд йогчид л гэсэн үг. Гадаа хасах  гучин градусын  хүйтэнд хаашаа ч дулаацахаар явахгүй дөрөв таван  цагийн турш  дугаарлан  зогсож байлаа. Тэдний чих гар нь хайрагдаж байсан ч зогссоор л байсан. Өөрсдийн дур, мэдрэмж, хэрэгцээг хангах  ямар их хүсэлтэй  байсан нь тодорхой. Ямар их тэвчээр хатуужил гаргаж байсан нь илт. Харин тэдэнд  “2 цаг лекц сонсож энэ сэдвээр бага ч гэсэн мэдлэг олж аваач” гэвэл  тэд  “хэрэггүй ямар ч зав, хүч алга” гэж хэлнэ. Яагаад хүч алга гэж . Учир нь тэд мэдрэмжээ үүнд зориулахыг хүсэхгүй байна.Тэдэнд аскетизм бол үнэхээр байна. Сэтгэлийн хүч байна. Харин тэр голдрилд л чиглүүлэхгүй байна. Харин өөрийн хувийн зүйлд  эсвэл өөр  материаллаг цэнгэл жаргалын тулд бол аскетизм, сэтгэлийн хүч, оюуны хүч, физик хүч илэрч, улмаар зориг тэвчээр авхаалж самбаа, юу л бол юу байна.

 Лакшми Нараяна дас “Цаг хугацаанаас ангид орших соёл” цуврал лекцийн хэсгээс товчлон орчуулав.

Дахин төрөл  олох ба Кармын хууль

 

 Өнөөдөр би Та бүхэнд “Бхагавад Гита” болон “Шримад Бхагаватам” зохиолуудаас зарим нэг шүлгийг сонирхуулъя .”Бхагавад Гита ” бол бурханлаг амьдралын цагаан толгой юм.Энэ зохиолыг олон эрдэмтэд сайшаан үзэж гүн ухааны ихэд алдаршсан аугаа суурь шастир гэж хүлээн зөвшөөрдөг .Альберт Эйнштейн өөрийн бүхий л нээлт , бүтээлүүдээ энэхүү шастир дээр тулгуурлан хийж байсан байна. Л.Н.Толстой мөн л энэ бүтээлийн нөлөөн дор “Дайн ба Энх ” алдарт романаа туурвисан юм.Энэ тухай өгүүлсэн олон гар бичмэл тэдний өдрийн тэмдэглэлүүдэд хадгалагдан үлджээ.

Нобелийн шагнал  гардан авах ёслолын ажиллагаан дээр Эйнштейнээс үг хэлэхийг хүсэхэд , тэрээр эхлээд , “Би юу гэж хэлэхээ мэдэхгүй байна ” гэснээ өөртөө авч явсан “Бхагавад Гита”- г гаргаж ирээд :”Би бүх хүмүүст энэ номыг уншихыг зөвлөж байна. Энэ бол орчлон ертөнцийн Библи судар юм. Хэрвээ Та өөрийгөө эрдэмтэн гэж хүндэтгэн  үздэг л  бол “Бхагавад Гита”-ын гүн ухааныг  зайлшгүй танин мэдсэн байх ёстой.”  хэмээн  хэлжээ.  Алдар цуутай олон хүмүүсийн  хэлсэн үг ч байдаг. Гэвч бид  хаалттай, хязгаарлагдмал орчинд мэдээллээс  салангид тасархай оршиж байсан тул зөвхөн сүүлийн жилүүдэд л энэ талаар бага сага мэдэж эхлэж байна.

Кармын хууль гэж юу вэ? Энэхүү ухагдахуунд ойртуулахын тулд би  Та бүхэнд “Бхагавад Гита”-гаас хэдэн шүлэг  толилуулъя: “ Хүн хуучин хувцсаа тайлж хаяад шинэ хувцас өмсдөг шиг  сүнс нь  хуучин буюу хэрэггүй болсон биеэ орхиод шинэ биеийг хүлээж авдаг. ( Өчигдөр нэгэн эмэгтэй   бурханлаг мэдлэг гэж юу болох тухай асууж байсан. Бурханлаг мэдлэг- Энэ бол  сүнсний   тухай  мэдлэг ухаан юм. Бид материйн тухай  асар ихийг мэддэг атлаа  сүнсний тухай  огт юу ч мэддэггүй. Сүнсний тухай мэдлэггүй байна гэдэг бол үнэн хэрэгтээ  өөрийнхөө тухай мэдэхгүй байна гэсэн үг.)  Сүнсийг ямар ч багаж хэрэгслээр зүсэж, огтлож, хэрчиж болохгүй, галд шатааж, усанд норгож уусгаж, салхиар хатааж үл болно. Энэхүү бие даан орших сүнсийг цавчиж, уусгаж , хатааж,  шатааж  үл болно. Тэрээр  үргэлж, хаа сайгүй, өөрчлөгдөлгүй, хөдлөлгүй, мөнхөд оршиж байдаг юм. Хэн төрнөв  тэр үхэх нь зайлшгүй. Үхсэний дараа  заавал дахин төрнө. Ийм учраас  уй гунигт бүү авт, өөрт оногдсон үүргээ л гүйцэтгэ.”

Тэгэхээр энд өгүүлж буй зүйлс  кармын хууль ба  дахин төрөл олох хуультай холбоотой болж байна. Кармын хууль.  Карма гэдэг нь үйл гэсэн утгатай  санскрит үг юм.  Карма буюу үйлийг  гурван түвшинд  ангилдаг.

Кармын нэгдүгээр түвшин- Энд ямар ч үйл байж болно. Жишээ нь: Би гараа өргөлөө  гэхэд  түүнд  зайлшгүй  карма хэрэгтэй болдог. Үүнийг л кармын нэгдүгээр түвшин гэнэ.

Кармын хоёрдугаар түвшин- Энэ нь учир шалтгаан ба үр дагаврын  холбоо бүхий хууль юм. Одоо гэдэг нь  өнгөрсний үр дагавар,  ирээдүйн шалтгаан юм. Бид одоо юуг хүлээж авч байна, түүний шалтгаан нь өнгөрсөнд байна, одоо юуг хийнэ түүгээр  бидний ирээдүй тодорхойлогдоно. Энэ бол кармын хоёрдугаар түвшин юм.

Кармын гуравдугаар түвшин- Энэ нь кармын хуулийн нөлөөнөөс ангижрах гэсэн үг. Хүмүүс  заримдаа кармын хоёрдугаар түвшинд л хүрч очдог. Буддизм зөвхөн кармын хоёрдугаар түвшинг л танин мэдэж  чадна.  Тиймээс ч тэд сайн төрөл болон  сиддхи хэмээх  зүйлийг сонирхож байдаг.  Сиддхи- энэ нь  ид шидийн хүч,  түүний төгс төгөлдөр байдал юм.  Тухайлбал: левитаци, экстрасенсори, телепортаци г.м.

Кармын гуравдугаар түвшинг  хамгийн гол түвшин гэж үздэг. Учир нь, хэрвээ Та кармын нөлөөнөөс ангижрах  энэ  гуравдугаар түвшинд  хүрч очоогүй л бол бүрэн  сүйрэх болно. Хувь тавиландаа хэт улайран итгэх үзэл буюу фатализм нь  Нострадамус  хүнд юу тохиолдохыг зуун хувь  урьдчилан зөгнөн хэлдэг байсантай адил зүйл юм.

Ямар ч хүний  амьдралыг  түүний  анартхи, клеше, дүр төрхөөр нь   бүрэн тодорхойлж болно. Клеше- энэ нь шалтгаан үр дагаврын холбоо бүхий  кармын хуулийн хоёр дахь түвшний ойлголт юм. Та амьд амьтан болгоны  хийж байсан  зүйлсийн  хуулбар дүрс, ул мөр  нь хадгалагдаж байдаг  тодорхой астраль субстанц руу нь орж ямар ч хүний  урьд  өнгөрсөн үйлүүдийг мэдэж болно. Өөрөөр хэлбэл одоо хийж буй үйл нь  хуулбар дүрс, ул мөрийг бий болгодог. Та өөрийн мэдрэхүйн чадварын тусламжтайгаар буюу астрологийн тодорхой тооцоологдсон замаар  түүнд орж болох боловч  үүнд  мөн сайн карма хэрэгтэй болно.

Ведийн утга зохиолд өгүүлэхдээ хүмүүсийн  амьдралд гэр бүлийн , улс орны  эдийн засгийн , оюуны , ёс суртахууны гэх мэт  материаллаг хямралууд тохиолдоод ирэхээр  ид шидийн зүйлд татагдаж эхэлдэг бөгөөд энэ нь мунхаг харанхуйн түвшинд хамаарах үйл хэмээжээ.Хүмүүс материаллаг амьдралд бүрэн итгэл алдраад ирэхээрээ ид шид болон йогоор оролдож эхэлдэг.Энэ бол нухацтай бус алхам юм.Ведийн утга зохиолд тийм хүнийг бүү сонгож ав, харин улс орон ямар ч байсан , өөрөө ямар байр суурьтай , ямар ч амьдралтай байсан Туйлын Үнэнийг эрж хайдаг хүнийг л сонго гэжээ.Хэн нэг хүний элэг бөөр нь өвдөх хараа муу дүлий байх зэрэг нь шалтгаан үр дагаврын холбоо бүхий кармын хоёр дахь түвшинд хамаарна.Аливаа хүний эмнэлгийн картыг авч үзэх буюу эсвэл түүний бие организмыг тодорхой судалсны үндсэн дээр урьд өмнө нь тэр хүн ямар , ямар нүгэлт үйл үйлдэж байсныг нь багцаалан тодорхойлдог шинжлэх ухааны салбар ч байдаг.Одоо үед өөрөөрөө бахарахаж , сайрхдаггүй хүн нэгээхэн ч байдаггүй .Учир нь хүн болгон өөрийгөө урьд өмнө жаахан ч гэсэн сайн хүн байсан эрдэмтэн мэргэдийн замаар биш ч гэлээ сайн сайхан хүн байсан гэж  дөвийлгөдөг.Гэтэл  энэхүү Калийн  эринд тун бага сайн хүн  тун ч бага сайн хүн байдаг байна.Хүн болгон өөрийгөө хамгийн шилдэг нь , хамгийн сайхан хэмээн тооцдог бөгөөд энэ нь өөрийн тухай хуурмаг төсөөллийн нөлөөнөөс үүсэлтэй. Худал хуурмаг гэдэг нь өөрийгөө чухам хэн бэ? гэдгийг үл мэдэх атлаа өөрийгөө ийм , тийм хэмээн бодох юм.”Санагдах биш байх хэрэгтэй ” гэсэн Ведийн нэг мэргэн үг байдаг.Хүн болгон  л  шашин шүтдэг,өгөөмөр, сайн хүн болж харагдахыг хичээдэг боловч үнэн хэрэгтээ тэд ямар нэгэн дүрэм журам сургаал номлолыг дагадаггүй , түүнийг амьдралдаа хэрэгжүүлдэггүй.Тэд зөвхөн сайхан харагдаж байх алдар хүндтэй байхыг л хүсэж байдаг зэрэг нь кармын хуулийн хоёр дахь түвшинтэй холбоотой юм.Кармын хууль гэдгийг ойлгохын тулд тодорхой механизмд хандах хэрэгтэй.Зарим хүмүүс : “Христийнхэн бидэнд карма байдаггүй.Харин Буддынхэн л карматай.Тэдэнд карма байгаа болохоор тэдэнд л карма үйлчилнэ , харин бидэнд үйлчлэхгүй” гэж ярьцгаадаг.Тэгэхээр би Ведийн мэдлэг гэдэг бол сүнс , сансар огторгуй , байгалийн хуулийн тухай мэдлэг юм гэдгийг онцлон хэлэхийг хүсэж байна.Энэ мэдлэг бол ямар нэгэн тодорхой шашны үзэл  ч биш, мөн ямар нэгэн үндсэрхэх үзэл ч биш юм.Улам ойлгомжтой болгохын тулд дахин хэлэхэд (Хүмүүс  заримдаа “Бидэнд кармын хууль үйлчлэхгүй , бидэнд дахин  төрөл байхгүй” гэж ярьцгаадаг) энэ хуулиуд бол сансар огторгуй ба байгалийн хуулиуд юм гэдгийг давтан хэлье.Бид “христийнхний хамрын шуухинаа ”, “буддынхны хамрын ханиад ” гэж яриагүй . Харин ингэж гажуудах нь хүмүүсийг нэгтгэдэг.Гэвч бид , бидний буддист , христ, марксист-ленинистээс үл хамаарах ямар нэгэн хууль байгааг баттай ойлгож байгаа юм.Тэгэхээр  яг  энэ нь кармын хууль  юм.Энэхүү хууль бол материаллаг ертөнцийн хэн ч зөрчишгүй хууль юм. Дахин төрөл олох хууль ч мөн адил.Та арав амьдарна гэж хэлж чадах уу? (Нэгэн шашны урсгал хүн арван удаа амьдарна гэж өгүүлсэн байдаг.Мөн христийн нэгэн урсгалынхан хүн болгон нэг л удаа амьдардаг гэж ярьцгаадаг, хэн нэгэн  хүн 3, хэн нэг нь 7 удаа амьдарна гэж ярьдаг гэх мэтийн янз бүрийн наймаачлах үзэл байдаг бөгөөд үүнийг маномайа гэдэг ).Харин хамгийн төвийн хууль бол кармын хууль юм.

Би хүмүүст ялангуяа гэр бүлээрээ “Шримад Бхагаватам”-ын 3-р дууллын 3-р ботийг уншихыг зөвлөдөг.Энэ ботид амьд амьтас орчлонд хэрхэн мэндэлдэг, эхийн хэвдийд хэрхэн өсөн бойждог, эхийн хэвлийд байхдаа юуг ойлгон мэдэрч байдаг, хэрхэн юуг сонсож байдаг , юуг хэрхэн үйлдэж байдаг тухай тодорхой өгүүлсэн байдаг. Мөн  кармын хууль ба  тэнэн бэдрэгч амьд амьтас, амьд амьтсын кармын үйлийн тухай ч өгүүлсэн байдаг. ( Кармын үйл гэдэг нь материаллаг үйл гэсэн үг.) Хэрвээ Та  бурханлаг  үйл  үйлдэж байвал Таныг кармын  гуравдугаар түвшинд оршин байна  гэж болно.  Христос:  “Хулгай бүү хий, худлаа бүү ярь, Бурханыг л хайрла” гэж хэлсэнээрээ  тэр  хүмүүсийг юунаас аврах гэсэн юм бэ? Хэрэв хүмүүс ажил, үйлээ бурханлаг төлөвлөгөөтэйгөөр  хийхгүй л болбоос үхэх-төрөхийн тойрог болон карматаййгаа байнга холбоотой байсаар байна. Өөрийн урьд өмнөх нүгэлт үйлүүдийнхээ нөлөөнөөс ангижрахад  дэм болохуйц  бурханлаг эрдэм ухааны олон салбарууд байдаг байна. Гүн гүнзгий, няхуур нямбай хийх тусам урьдын тэр нүгэлт үйлүүдийн нөлөөнөөс  бүр ч түргэн найдвартай  ангижирдаг байна. “Бхагавад Гита”-д : “Түлээ галд үнс болтол шатдагийн адил, энэхүү мэдлэг ухаанаар  урьд өмнө хийсэн нүгэлт үйлийн үрийг  шатаан устгаж болно.” гэсэн нэгэн шүлэг байдаг. Мөн  Бурхан Кришна Аржунад: “Чи бүр нүгэлтний дундах хамгийн их нүгэлтэн нь байлаа ч гэсэн энэхүү трансценденталь мэдлэгийн хөлөг онгоцон дээр  гараад ирсэн  цагт үхэх-төрөхийн далай дундуур амжилттай туулан гарах болно.” хэмээн өгүүлсэн байдаг. “Шримад Бхагаватам”-ийн 3 дугаар дууллын 3 дугаар ботид : “ Амьд амьтадын кармын үйл нь  түүний материаллаг ухаан ба  мэдрэхүйн эрхтэнтэй зохицсон ээлжит биеийг нь бий болгодог.”   Гэж өгүүлсэн байдаг. Бидний ухаан ба мэдрэхүй, бидний урьд өмнө хийж байсан үйлүүдтэй тохирч байдаг. Тиймээс бид бүгд   харилцан адилгүй ухаан, мэдрэхүйтэй байдаг. Хэрвээ бид ихээхэн нүгэлт үйл үйлдэж байсан бол  зарим зүйлийг ойлгохын сацуу заримыг нь үл ойлгох тодорхой хэмжээний  ухааныг хүлээн авах байсан. “Амьд амьтадын кармын үйл нь түүний материаллаг ухаан, мэдрэхүйн эрхтэнтэй зохицсон ээлжит биеийг бий болгодог. Амьд амьтад өөрийн үйлийн тодорхой шатны үрийг амсаж  эдэлж дуусахад  бүх зүйл төгсгөл болох бөгөөд үүнийг үхэл хэмээн нэрлэнэ.” Өөрөөр хэлбэл бид бараг бүхий л амьдралын туршид урь өмнө хийж байсан үйлийн үрийг  амсаж эдлэж байгаа билээ.  ”Дараагийн шатны үйлийг хүлээн авч эхлэхийг  төрөлт гэж нэрлэнэ.” Эрт цагаас  амьд амьтад нь орчлонгоор тэнэн бэдэрч нэг биеэс нөгөө биед, нэг гаригаас нөгөө гаригт  шилжин амьдарсаар явна. Үүнд нь төгсгөл гэж байхгүй. Амьд амьтадын энэхүү тэнэн бэдрэх үйлийг  ведийн  утга зохиолд  тодорхой бичсэн байдаг. Худал хуурмагийн эрчим хүч майа-д  сэтгэл нь татагдсан амь амьтадын  материаллаг эрчим хүчээр  бүрдсэн  материаллаг биен тэрэгтэйгээ энэ орчлонгоор тэнэн төөрсөөр явна. Материаллаг байдал- энэ бол тасралтгүй ээлжлэх үйл ба түүний үр дагавар юм. Энэхүү  үйлийн гинжин хэлхээ ба  түүний үр дагаврын  нэг л амьдрал нь гэхэд  тэр чигээрээ  тасралтгүй үргэлжлэх киноны хальс гэсэн үг. Хүүхэд орчлонд мэндлэнэ  гэдэг нь  түүний үйлийн  шинэ үе эхэлж байгаа хэрэг юм. Хөгшрөх ба үхэх нь  кармын материаллаг үйлийн ээлжит циклийг дуусгаж байгаа юм. Нэгэн  улс оронд , нэг газарт, нэгэн ижил  цаг хугацаанд энэ дэлхийд мэндэлсэн боловч ядуу ба баян гэр бүлд  төрдөг кармын ялгаатай байдлыг Та бид бүгд мэднэ. Зөв сайн үйлийг хийж байсан бол  баян, буянтай гэр бүлд, нүгэлт үйл хийж байсан болбоос  гэр оронгүй тэнүүлчин юм уу эсвэл  ажилчин, бурхангүйчүүдийн гэр бүлд төрдөг. Биеэ сольж байгаа   нь үйлийнхээ талбарыг сольж байгаа хэрэг юм. Жишээ нь: хүүхэд өсөөд идэр залуу болмогц хүүхэд ахуйдаа тоглож байсан  тоглоомоо  залуу хүний ажил үйлээр сольдогтой адил юм. Амьд амьтадын ямар  биенд төрөхийг  түүний  урьд өмнөх карма нь тодорхойлдог. Энэхүү процессын талаар  олон мянган жилийн тэртээд бичигдэн үлдсэн ведийн утга зохиолд өгүүлсэн байдаг.

Урьд өмнө хийж байсан үйлээс нь  хамаарч  хүн бүрт харилцан адилгүй ухаан, харилцан адилгүй оюун ухаан , харилцан адилгүй мэдрэхүй заяагдсан байдаг. Урт наслах – энэ нь буянт үйлийн үр дагавар , богино наслах – энэ нь нүгэлт үйлийн үр дагавар юм.Энэ Калийн эринд хүн дунджаар 100 наслах ёстой боловч одоо 100 насалдаг хүн ховорхон байдаг.Үндсэндээ хүмүүс их эрт үхэж байгаа юм.Ямарваа нэг гэмт хэргийн улмаас эсвэл амиа хорлон үхэж буй хүмүүсийн сүнс удаан хугацааны туршид буг  буюу хий үзэгдэл болдог.Тэд энэ ертөнцөд үлдээд мэдрэхүйн цэнгэл болон орогнох газар хайж байдаг.Бүх буг бологсод өөрийгөө бүрэн дурсан мэддэг бөгөөд тэд аймшигтайгаар зовж шаналж байдаг.Тэд урьд өмнө бүдүүлэг биетэй байхдаа мэддэг байсан бүхий л хаяг, утасны дугаар , паспортын номер зэргийг санаж байдаг.Бугийн зовлон нь энэ хатуу шийтгэл  эдэлж байгаа хүний зовлонгоос зуун мянга дахин их байдаг.Тэрээр сэтгэлзүйн болон ухамсрын түвшиндээ бүрэн дарагдсан байдаг.Ялангуяа тэр бидний энэ амьдралд уягдсан байдаг болохор өөрийн төрөл төрөгсөдөө харж байдаг боловч харилцаж чаддаггүй.Тэр өөр ертөнцөд байгаа . Тэр ертөнц нь бугийн ертөнц юм. Тэд хүчээр л бүхнийг хийж байдаг. Учир нь энэ ертөнцөд хүчтэй ба хүчгүй буг гэж байдаг.Энэ ертөнц дэх бүх амьтас нь буг л болохооор энд өнгөлөг аятай зүйл гэж байдаггүй.Тэд нүгэлт үйлийнхээ эрхээр зовж байдаг.Кармын хууль нь материаллаг үйл бүхий бүх субстанцын түвшинд үйлчилдэг ба бурханлаг амьдралд ороогүй ямар ч хүн кармын саварт бүрэн атгагдсан байдаг.Та ямар ч үйл хийсэн тэр нь танд буцаж  ирдэг.Та хэн нэгний талаар муугаар бодвол хэн нэг нь таны талаар муугаар бодох болно.Та хулгай хийсэн бол та хулгайд юмаа алдана.Та хэн нэгнийг алсан бол таныг бас хэн нэг нь алах л болно. Та юу л хийнэ тэр бүгд танд буцаж ирнэ.Нэгэн номын багшаас(Оросод ирсэн) нэг хүн Чикатилогийн гоц чадварын тухай асуужээ.Тэр хариулахдаа: “Би яг таг хариулж чадахгүй .Би та нарын яриад байгаа”гүйцэтгэгч ”дүрд тэр хүнийг үзэх ёстой.Кармын хуулийн хувьд “гүйцэтгэгч” ба “шийтгэгч” гэж байдаг.Гүйцэтгэгч нь шууд шийтгэгч категорит хамаардаг.Хэрэв бид ямар нэгэн үйл хийсэн бол тэр хүн биднээс заавал хариугаа авна гэсэн үг биш гэхдээ бид ямар нэгэн зүйл хийсэн бол  нэгэн цагт яг түүн шиг зүйл ирэх л болно”.Кармын хуулийг мэдэхгүйн улмаас хүмүүс тун ч олон муу үйлийг хийдэг бөгөөд сайн болон муу үйл бүр буцаж ирдэг гэдгийг ойлгодоггүй.Зарим хүмүүс яагаад ямар нэг байдлаар гажуудсан муу төрлийг хүлээж авдаг юм бэ?

Бидний организм хосгүй нандин зүйл юм.Учир нь биеийн эрхтэн болгоныг тодорхой нэг сахиулсан тэнгэр захирч байдаг бөгөөд энэ материаллаг ертөнцөд 33 сая хагас бурхан байдаг.Эдгээр нь бүдүүлэг материаллаг биетэй ч мэдрэхүйн аугаа чадварыг эзэмшсэн байдаг.Тэд үзэгдэхгүй болж, янз бүрийн амьтдад хувилж , хаашаа ч шилжиж чаддаг.Тэд бидний мэдрэхүйн эрхтэнүүдийг захирахын зэрэгцээ материаллаг ертөнцийн тодорхой хуулиудыг удирдан залж байдаг.Хараа нь муу хүмүүс  урьд нь гал руу нулимсан , хог хаясан , шээсэн , галын дөлийг хуруугаараа унтраасан гэх мэтээр Нарны бурхантай хүндэтгэлгүй харьцсанаас болсон юм.Ведийн сургаалд гал, ус, хүмүүстэй болон байгальтай хэрхэн харьцах талаар дэлгэрэнгүй өгүүлсэн байдаг.Дүлий, хэлгүй, элэг,бөөр, 12 нугалаа гэдэсний өвчин гэх мэт бүхий л өвчин карматай холбоотой.Ямар ч өвчин тухайн хүнийг ямарваа нэг нүгэлт үйлдэж байсныг заадаг буюу нүгэлт үйлийн уршиг нь тодорхой нэг физик гажуудлааар илэрдэг.Иймээс ч энэ Калийн энэ эринд сайн сайхан эрүүл мэндтэй хүнийг бараг олохгүй буй за. Үндсэндээ хүмүүс бүгд ямар нэг асуудлаас болж зовж байдаг.Хүмүүс өөрсдийгөө их сайн мэтээр боддог боловч үнэн хэрэгтээ тэд тун ч олон үл бүтэх үйлийг хийж байжээ.Нэгдүгээрт тэд Калийн эринд төрөхөөр заяагдсан.Мөн Ведийн сургаалд хамгийн их нүгэлт хүмүүс төрдөг газар орны тухай өгүүлсэн байдаг.Ихэнх нүгэлт амьд амьтад хаана төрдөг, ямар үндэстэн дунд , ямар ард түмний дунд төрөх тухай тайлбарласан байдаг.Мөн энэ кармын нөлөөнөөс хэрхэн ангижрах талаар өгүүлсэн байдаг. Хүн одоо ямар үндэстэн , ямар шашинтай болж төрсөн нь түүний урьд төрлийнх нь хүсэл ба үйлтэй холбоотой гэдгийг сайтар ойлгох ёстой.Ведийн сургаалд  хүний амьдралын хэлбэрийг олж төрсөн л доошоо унах болно хэмээжээ.Хүнээс өөр амьд амьтан түүнтэй адил уналтанд ордоггүй. Зөвхөн хүн. Ийм болохоор хүний үйл болгон нь  хариуцлагатай бөгөөд ялангуяа  тэрээр кармын нөлөөн доор оршиж байгаа юм.  Христос Библид өгүүлэхдээ: “Хорт муу үйлийг хэн үл хийнэв, тэр хорт муу үйлд үл автана.” хэмээжээ.  Өөрөөр хэлбэл , тэрээр кармын хуулийн тухай буюу муу үйл хийгээгүй бол түүнд муу үйл ирэхгүй талаар ярьсан байна. Харин номын багш буюу  бурханлаг түвшинд  ойр байгаа  хүн л  бусдын  аливаа нэг нүгэлт үйлийн нөлөөллийг өөр дээрээ хүлээн авч чаддаг.  Христос хүмүүсийн элдэв хүндрэлтэй асуудлуудыг өөр дээрээ татан авсан болохоор түүнийг цовдлон алсан байна. Харин бусдын аливаа   хүндрэлтэй асуудлыг өөртөө хүлээн авахын тулд  тухайн хүнд тодорхой мэдлэг ба  чадвар байх ёстой.  Хэрвээ Та   үүнийг хийж чадахгүй бол  нэг бол  шууд  төөрөгдөлд орох эсвэл  өөрийн кармын хүчит эрчим хүчинд  самгардан яг тэндээ үлдэх болно.  Ингээд үүний дараагаар  Таны  хүндрэлтэй бүх асуудлууд эргэн сэргэж, бүхий л зүйл тэр түвшин ба байдалд шилжих болно. Нэгэн сайхан жишээ байдаг. Нэгэн номын багш карма гэж юу байдгийг  хүмүүст ойлгуулахын тулд   жижиг бөмбөлөг үлээх  байдлаар үзүүлсэн. Тэр бөмбөлгийг Та энд байхад нь авах гэж орлдох юм бол  тэр  өөр газарт шууд үлээгдээд очно. Тэнд байхад нь авах  гэхээр  хуруунуудын чинь завсраар үлээгдээд гарчихна. Энэ  нь л кармын хууль юм. Та кармаасаа   ямар нэгэн онцгой чадварын тусламжтайгаар  ангижирч чадахгүй. Хэрвээ Та бурханлаг түвшинд хүрээгүй бол  энэ хууль яг таг  тодорхой хугацаанд үйлчлэх л болно. Кармын 4 түвшин байдаг.

Нэгдүгээр шат: Тухайн нөхцөлд  өөрийн  тухай мэдсэн  мэдлэгийг  прарабдха карма гэдэг. Өөрөөр хэлбэл  одоо  ямар байдалтай байгаагаас чинь  Таны урьд төрөлдөө хэн байсныг тодорхойлж болно.

Хоёрдугаар шатыг апрарабдха-карма гэдэг. Энэ нь  илрээгүй үйлийн шат юм. Ирээдүйд Таныг юу хүлээж байгааг хэн ч мэдэхгүй.

Гуравдугаар шатыг рудха-карма гэж нэрлэдэг. Энэ бол нахиа юм.Амьд амьтад ямар нэг зүйл болох гээд байгааг зөнгөөрөө мэддэг. Мэдрэхүйн нилээд чадвартай зарим хүмүүс  ямар нэг зүйл болох  гэж байгааг урьдчилан мэдэж чаддаг. Жишээ нь: Нэгэн хүн  хоргүй хавдраар өвчилж эхлэх үедээ  өөрт нь ходоод нь өвдөөд байгаа мэт  санагддаг байжээ. Эмчид очихоор эмч түүнд  “Таны бүх зүйл хэвийн байна.” Гэдэг байжээ. Гэтэл жилийн дараа дахин очиход, эмч түүнд: “Өө, Танд жижигхэн хортой хавдар бий болжээ.”   Гэсэн байна. Ингээд л хүнд бөөн түгшүүр авчирчих  жишээтэй.

Дөрөвдүгээр шатыг биджа-карма  гэдэг. Энэ нь апрарабдха-кармын түвшинд ирдэг буюу урьд өмнө нь хийж байсан буюу  одоо хийж байгаа нүгэлт үйлийн үр үндэс юм.Бид урьд нь маш олон үйлийг үйлдсэн боловч түүнийхээ шийтгэлийг хүлээж аваагүй байна.Хүн төрснөөсөө хойш нэг ч хүнд муу үйл хийгээгүй байхад түүнийг алчихдаг.Бүр хэнд ч муу муухай үг хэлээгүй байхад тэрээр ракаар өвчлөөд үхчихдэг.Ганц ч муу үйл үйлдээгүй хөхүүл байх үедээ газар хөдлөлтөнд өртчихдөг.Яагаад ийм зүйлс тохиолдоно вэ?  Түүнд  биджа-карма байжээ.Тэр нүгэлт үйлийн үр үндсийг тарьж суулгаснаас одоо тэр нь ургаж гүйцэн өөрөөр хэлбэл нүгэлт үйлийн үрийн ургацыг хураан авах цаг нь болжээ.

Калийн эриний хүмүүсийн гайхалтай нэг онцлог нь тэд энэ амьдралдаа хийсэн үйлийнхээ 30 хувийг  мөн энэ насандаа хүлээн авдагт оршино.Өөрөөр хэлбэл карма хурдан үйлчилнэ гэсэн үг юм.Энэ нь амьд амьтдыг сайн ба муу зүйлийн учрыг хурдан ойлгож аваасай гэсэн Бурхны онцгой өршөөл юм.Учир нь урьд өмнөх эринүүдэд хүмүүс тухайн төрөлдөө хийсэн үйлээ дараа төрөлдөө л хүлээж авдаг байжээ.Ямар ч физикч хүн энерги хадгалагдах хуулийг мэднэ.Үйл –энэ нь тодорхой санаа ба тодорхой энергийн хэлбэр юм.Хүн шалтгааныг устгаснаар үр дагавраас зайлж болох буюу үр дагавраараа ажиллаж болно гэж боддог.Шалтгааныг устгахгүйгээр үр дагавартай тэмцэх нь тэнэг хэрэг юм.Энэ нь цоорхой завинаас усыг шанагаар утгаж асгадагтай адил зүйл юм.Хэн усыг хурдан шавхаж гаргана тэрээр хэсэгхэн хугацаанд амсхийдэг.Гэвч завины цоорхойгоор ус дахиад л дүүрнэ.Дахиад л хутган асгах хэрэгтэй болно.Энэ бол үр дагавартай нь тэмцэж буй хэрэг  юм.Үр дагавартай тэмцэхээсээ өмнө эхлээд учир шалтгааныг нь арилгах хэрэгтэй.Христос Библид яагаад “Бурхныг чин зүрхнээсээ хайрла,хулгай бүү хий,худлаа бүү хэл, бүү завхайр, бүү залил ” гэсэн юм бэ? Тэр эхлээд учир шалтгааныг арилгаад дараа нь кармаас нь ангижруулах залбирал , мөргөл , зан үйлийг зөвлөсөн байна.Хэрвээ хүн нэг нүгэлт үйл хийчихээд сүмд очоод байвал тэр нь тун тэнэг зүйл болно.юу ч сайхан болохгүй.Хүмүүс: залбирч мөргөөд л байхад яагаад үр дүн гарахгүй байгаа юм бэ? Сүмд очоод л байх юм, очоод л байх юм, гэтэл бид цаг үргэлж л  зовж шаналсаар байх юм.Яагаад энэ вэ? гэж асуудаг.Учир нь , шалтгаан алга болоогүй байхад хүндрэл бэрхшээлийг зайлуулах санаа ч байж таарахгүй.

Ведийн сургаалд   таван шалтгаан байдаг гэж өгүүлжээ.Таван клеше. Зөвхөн тав.Үүнтэй харгалзан   ухамсрын таван түвшин, таван махбод , таван хуруу байдаг.Мөн хуруу болгонтой тодорхой нэг махбод зохицдог.Иймээс ч бидний нэг гарт 6 эсвэл 7 хуруу байдаггүй.Харин ямар нэгэн гажуудал байх аваас, тухайлбал хоёр толгойтой эсвэл нэг нүдтэй төрөх зэрэг нь  мөн л карматай холбоотой.Энэ таван шалтгаан буюу клеше-г панча кроша гэдэг.Панча нь тав, кроша нь амьд амьтдын устгавал зохих учир шалтгаан гэсэн утгатай.Энэ учир шалтгаануудыг хэн мэдэж чаднав тэр Библи,Коран, бусад хэрэгцээтэй бүхий л зүйлийг ойлгож чадна.Ведийн эрдэм ухааныг эзэмшиж чадсан тэр хүн бусад шашны тухай тэдний сургаал номлолыг бүрэн ойлгож чадна.

Ведийн мэдлэг ухаангүйгээр юуг ч ойлгож чадахгүй.Сохор итгэлээр л амьдрах болно.Сохор итгэл гэдэг бол фанатизм ба сентиментализм юм.Энэ нь их аюултай.Тэгэхээр мэдлэг бол зайлшгүй хэрэгтэй.

Таван шалтгаан. Нэгдүгээр шалтгаан  хамгийн чухал нь  бөгөөд эндээс бүх зүйл бий болдог буюу энэ нь атеизм –бурхангүй үзэл юм. Хамгийн муу карма, хамгийн нүгэлт үйлийн  инөлөө бол атеист буюу  бурхангүй  үзэлтэн байх явдал юм. Ведийн сургаалд өгүүлсэнээр  Бурханд хэн үл итгэнэв тэр  асар их нүгэлт үйлийг үйлдэж байгаа юм хэмээжээ. Бурхангүй үзэлтэнгүүдээс  бөгтөр, сохор, хялар гэх мэтийн хүмүүс    илүү сайн карматай. Тэд  энэ дэлхийд  оршин байх чадвараа алдаад шууд л  доод  эрэмбийн гаригууд руу унах болно. Атеизмийн нөлөөгөөр бий болсон нэгэн  клеше-г авидъя   гэж нэрлэдэг. Энэ нь  мунхаг харанхуй гэсэн утгатай үг юм. Бурхангүй үзэлтэн байна гэдэг нь  мунхагийн харанхуйд  буюу авидъя-д байна гэсэн үг.  Библид: “Бурханыг чин зүрхнээсээ хайрла” гэсэн нь  атеист байхаа боль гэсэн утгатай. Авидъя-гийн нөлөөгөөр хоёрдугаар  клеше  бий болдог буюу  санскритаар түүнийг асмита буюу аханкара гэж нэрлэдэг. Энэ нь хуурмаг “Би”  гэсэн үг юм. Би бол энэ  бие,  би тийм үндэстэн, тийм эх оронтой, тийм шашин шүтдэг, энэ миний хүү, энэ миний эх, энэ миний эцэг, төрөл төрөгсөд гэж  мунхаг харанхуйн улмаас өөрийгөө  бодохыг асмита  гэдэг. Хүн өөрийгөө биеэ гэж бодоод зөвхөн биеийнхээ шаардлага, хэрэгцээг хангахыг  эрмэлзэж, хүсч байдаг. Амьдралын зорилго нь  уух, идэх, наргиж цэнгэх, зугаацах гэх мэт байдаг. Ийм хуурмаг “би”-г л аханкара  гэдэг. Энэхүү хуурмаг нөлөөллийн улмаас  бүхий л дайн дажин, үндсэрхэх үзэл,  элдэв хүндрэл бэрхшээлүүд бий болдог юм. Авидъя ба асмтиа-гийн нөлөөгөөр гуравдугаар шалтгаан  буюу  рага  бий болдог. Энэ нь  материаллаг аз жаргал болон түүнд хүрэх арга замуудад тэмүүлэхийг хэлдэг. Материаллаг аз жаргал гэж юу вэ? Мэдрэхүйн цэнгэл,  эд баялаг,  эрх мэдэл, нэр хүнд, алдар цуу,  ид шид гэх мэт. Амьд амтад үүнрүү л тэмүүлдэг.  Христос Библид өгүүлэхдээ: “Энэ газар дэлхий дээр  хөрөнгө  бүү хураа , харин тэнгэрт л хураа. Учир нь тэнд Таны гэр орон бий. Энэ газар дэлхий дээр Таны хөрөнгийг хулгайчид хулгайлаад авчихна. Бүх л зүйл тань газар дэлхий дээр л үлдэнэ. Тиймээс Танд энд юу ч  байгаад хэрэггүй юм.” Бурханлаг амьдралд ор. Бурханд үйлчлэх нь Таны өдөр тутмын хангалттай талх болно.

Авидъя, асмита, рага-гийн  нөлөөгөөр  бүх зовлон, бэрхшээлүүдэд нэвт шингээстэй байдаг дөрөвдүгээр шалтгаан буюу двеша  гэж нэрлэгддэг шалтгаан үүсдэг.Двеша-нь зовлонгийн  хуурмаг үндсийг үзэн ядах гэсэн утгатай.Амьд амьтад нь энэ бүх зовлон нь хөршөөс эсвэл эцгээс , эсвэл гуйлгачин эхээс минь болсон гэж боддог.Тэд энэ зовлон бэрхшээлийг бусдаас хайдаг.Би ийм оронд төрсөн болохоор л аз жаргалгүй байна гэж боддог.Үүнийг л зовлонгийн хуурмаг үндсийг буруугаар үзэн ядахыг хэлнэ.Хэн нэг нь нэг хүнийг үзэн ядахаараа “Бүх мусульманууд миний дайсан ” гэдэг .Зарим мусульманчууд “Бүх христийнхэн миний дайсан” гэдэг .Энэ бол буруу үзэн ядалт юм. Зовлон бэрхшээл нь шашнаас, засаг төрөөс, цаг уураас, гариг ертөнцөөс шалтгаалан бий болж байна гэж хүмүүс  бодох нь мунхаг зүйл юм. Учир нь түгшээгээд , зовоогоод байгаа тэр зүйлийн шалтгаан нь чи өөрөө юм.Чи нүгэлт үйлийг хийсэн болохоор тийм нутагт, тийм байранд, тийм хөрштэй, тийм эрүүл мэндтэй амьдарч байгаа юм. Тэгэхээр чи хэнийг үзэн ядах ёстой юм бэ?Чиний нүгэлт үйлийн үр дагавраар ирсэн тэр зүйлийг үү? Үгүй.Чи нүгэлт үйлээ үзэн  ядах ёстой.Ведийн сургаалыг ойлгоогүй л бол нэг ч шашны сургаал номлолыг гүн гүнзгий ойлгох боломжгүй бөгөөд тэр ч бүү хэл чи тухайн шашны шүтлэгтэн байсан ч гэсэн.

Сүүлчийн тав дахь шалтгааныг санскритаар абхиннивеша  гэж нэрлэдэг бөгөөд энэ нь урьд төрлөөс энэ төрөлд дамжин ирсэн хүсэл ба зуршил гэсэн утгатай. Зарим нялх  хүүхэд шууд хөгжим руу зүтгээд байдаг.Тэгэхээр нь хүмүүс “Пөөх, тэр төрөлхийн авъастай юм” гэж ярьцгаадаг.Түүнд тэр авъяас хаанаас заяагаа вэ? Та бүгд юу гэж бодож байна вэ? Тэрээр уг авьяассаа урд төрлөөсөө  дамжуулан авчээ. Урьд нь тэр энэ чадвараа өмнөх төрөлдөө хөгжүүлж байжээ. Одоо тэр энэ авьяасаа  цааш нь хөгжүүлэх боломжтой болж байгаа юм.  Бидний  авьяас гэж нэрлээд байгаа  энэ бүх шинж чанар,  дадал чадвар  бол  урд төрөлдөө  хөгжүүлж байсан  үйл юм. Бидний хүсэл ба тэмүүлэл урд төрлөөс уламжлагдан ирсэн зүйл юм.  Одоо гэдэг бол өнгөрсний үр дагавар, ирээдүйн шалтгаан билээ. Бидний ирээдүйн шалтгаан гэж юу вэ? Хэрвээ бид  энэ тухай мэдээд өөрийгөө өөрчлөх  юм бол  прарабдха-карма, апрарабдха-карма, рудха-карма, биджа-кармаг  хүлээж авахгүй бөгөөд  урд төрөлдөө суулгасан  нүгэлт үйлийнхээ үр үндсийг устгаж болох юм. Зовлон, бэрхшээлээс зайлах  тодорхой арга замтай болохын тулд  мэдлэг оршдог.Яагаад мессийг Аврагч гэж нэрлэсэн юм бэ? Учир нь тэрбээр хүмүүсийг , өөрсдийнх нь бий болгосон аймшигт ирээдүйгээс аварсан юм.Хүний хэрхэн юуг үйлдэж байгаагаар нь түүний ирээдүйг нь тодорхойлж ч болдог байна.Будда бурхан : “Та нар яагаад авралыг эрэхгүй байгаа юм бэ? Энэ дэлхий тэр чигээрээ шунал хүслийн галд автаж байна.Бүх хүмүүс  эд хөрөнгө , алдар хүнд , мэдрэхүйн цэнгэл , эрх мэдэл , ид шидийн зүйлсүүдэд татагдаж тэмүүлцгээж байна.Гэтэл та нар яагаад энэ аймшигт түймрээс чөлөөлөгдөхийг хүсэхгүй байгаа юм бэ? Амьд амьтдын дайсан болсон үхэх, төрөх , өтлөх, өвлөх хэмээх харахгүй байгаа тийм хүн тэнэг хүн биш гэж үү? ”  хэмээн өгүүлсэн байна.Хүн санскритаар  нирван  гэж нэрлэгдэх үхэх, төрөхийн тойргоос ангижирах хэрэгтэй.Христос воскресени буюу би дахин амилна  хэмээн өгүүлсэн бөгөөд тиймээс ч хүмүүс нэг нэгэнтэйгээ өндгөөр шидэлцэн: “Христос дахин амилсан , үнэхээр дахин амилсан ” гэж ярилцацгаадаг.Воскресени гэж юу гэсэн үг вэ ? . Христос мөн л өндөг мэт энэ орчлонгоос ангижирах буюу нирванд хүрэх тухай ярьжээ.

Ведийн  сургаалд өгүүлснээр бол өндөг мэт энэ орчлонгоос ангижирна гэдэг нь мөн л үхэх , төрөхийн тойргоос ангижирах гэсэн утгатай гэж өгүүлжээ.Өөрийнхөө бүхий л   нүгэлт үйлийг унтраан бөхөөнө гэсэн үг.Энэ бэрхшээл , хүндрэлүүд алга болоогүй байтал  ухаан муутай хүмүүс элдэв сайхан зүйлд найдсаар байдаг.Нөгөө цоорхой завинаас ус авах тухай жишээг сана л даа.Хутгаж аваад л байдаг, буцаж  дүүрээд  л  байдаг.Энэ бол инээдтэй зүйл юм.Хүн  бүхий л амьдралынхаа туршид өөрийнхөө хувийн карматай тулалдаж байдаг.Тиймээс ч тэр үргэлж завгүй байдаг юм.Учир нь тэр яагаад ингэж өдөр шөнөгүй байнга хүндрэл , бэрхшээлтэй тулалдаж байгаагийнхаа шалтганыг ойлгоогүйд байгаа юм.Энэ хүндрэлүүдийг арилгахын  тулд  тэр өөрөө юу ч хийгээгүй болохоор энэ нь ойлгомжтой зүйл юм.Ийм янзаараа л байгаад байх аваас ирэдүйд нь түүнийг бүр ч олон бэрхшээл угтан авах болно.

Мэдрэхүйн онцгой чадвар бүхий олон амьд амьтас байдаг.Мөн материаллаг энэ орчлонд амьдран оршиж буй ямар ч хүний эзэмшин авч чадах гоц найман чадвар бий.Гоц чадвар буюу ид шид гэж юу вэ? Гипноз, телепати, одоо , өнгөрсөн , ирээдүйг зөгнөн мэдэх  гэх мэтийн маш  олон ид шидийн зүйл байдаг тухай дээр өгүүлсэн билээ. Саяхан  АНУ-д астральны гэмт хэргийн тухай  хуулийн төслийг хэлэлцсэн. Түүнд  астральны алуурчдыг захиалан  эрүүгийн хүнд гэмт хэрэг үйлдсэн хүмүүсийг  тушаадаг. Үнэн хэрэгтээ  ямарч амьд амьтныг асральны хэлбэрээр алж болно. Бусад гариг эрхэсийн тухай , өөр олон проекцийн тухай хомс мэдлэг бүхий хүмүүс  астральны байдлаар хүнийг яаж алж бололхыг мэддэггүй. Астральны алуурчинд тодорхой мөнгө төлж  захиалаад тухайн гэмт хэрэгтнийг устгуулдаг байна. Тухайн гэмт хэрэгтнийг унтаж байхад нь  алж болдог байна.  Материаллаг түвшний ямар ч шинж чанар бүхий гэмт хэрэгтэн байсан. ..

Лакшми Нараяна дас “Цаг хугацаанаас ангид орших соёл” цуврал лекцийн хэсгээс товчлон орчуулав

Кришна Бурханы морилон залрахуй

 Газар дэлхий дээр хаанчилж байсан хаад манай гариг— дэлхийн дааж тэсвэрлэх хир хэмжээнээс хэтэрсэн их цэргийн хүчинг хуралдуулсан тийм цаг үе байлаа. Тэдгээр хаад бол үнэн хэрэгтээ хааны хувцас өмсгөл бүхий демонууд байсан. Тэр цаг үед дэлхий бүхэлдээ тайван бус байдалд орсон тул газар дэлхийг удирдан захирагч охин тэнгэр Бхуми тэдгээр хаадын зүгээс өөрт нь учруулж байгаа аюул занал, гай зовлонгийн талаар мэдүүлэхээр Брахма тийш зорин одов.

Бхуми үнээний дүр хэлбэрт хувирч ороод  нүдэндээ дүүрэн нулимс цийлэгнүүлсээр Брахма-гийн өмнө хүрч очив. Тэрээр маш их гунигтай байсан бөгөөд өөрийгөө нь өрөвдөх сэтгэлийг түүнд төрүүлэхийн тулд уйлж байлаа. Газар дэлхий дээрх гай зовлонтой хүнд хэцүү байдлын талаар түүнээс сонсоод Брахма тэнгэрийн сэтгэл маш ихээр  зовж эхлэв. Тэгээд тэр Шри Вишнугийн залран байгаа сүүн далайг зорихоор шууд шийдсэн. Шива тэнгэр тэргүүтэй бүхий л сахиулсан тэнгэрүүд түүнийг дагалдсан. Мөн Бхуми ч гэсэн тэдэнтэй хамт явлаа. Сүүн далайн эрэг дээр ирээд Брахма тэнгэр өнө эртийн нэгэн цагт газар дэлхийг живэхээс аврахаар бодон гахайн трансценденталь дүрээр илэрч тодорсон Бурхан Вишнугийн таалалд нийцүүлэхээр залбиран гуйж эхэллээ.

Ведийн мантра-нуудын  дунд Пуруша-сукта гэж нэрлэгддэг нэгэн онцгой мантра  байдаг. Ер нь энгүүндээ бол сахиулсан тэнгэрүүд Бурханы Дээд Бодьгал Вишнуд энэхүү мантра-г уншин бишрэл хүндэтгэлээ илэрхийлдэг. Үүнтэй холбогдуулан гариг бүр дээрх түүнийг захиран байдаг сахиулсан тэнгэр нь тухайн гариг дээр тайван бус байдал газар авах үед энэ орчлонгийн дээд захирагч Брахма тэнгэрт хандаж болдог гэж ойлгох хэрэгтэй. Харин Брахма тэнгэр өөрөө Бүхний Дээд Бурхан Вишнуд ханддаг, гэхдээ шууд бус байдлаар, сүүн далайн эрэг дээрээс залбиран гуйж дуудаж. Энэ орчлонд Шветадвипа гэж нэрлэгддэг нэгэн гариг байдаг бөгөөд түүн дээр сүүн далай оршдог. Манай гариг дээр давстай усан далай байдагтай төстэйгөөр бусад гаригууд дээр янз бүрийн төрлийн далайнууд байдаг гэж ведийн бичээсүүдэд өгүүлдэг. Жишээ нь, нэгэн дээр нь сүүн далай байхад өөр нэгэн дээр нь тосон далай, өөр хаа нэгтээ бас нэгэн дээр нь архин далай гэх мэт болон өөр бусад далайнууд байдаг. Тэгэхлээр Бурханы Дээд Бодьгал Кширодакашайи Вишнугийн таалалд нийцэж өршөөл нигүүлслийг нь хүртэхийн тулд сахиулсан тэнгэрүүд ер нь бол Пуруша-сукта залбиралыг уншдаг байна. Тэрээр сүүн далайн мандал дээр залран хажуулж байдаг болохоор  Түүнийг Кширодакашайи Вишну гэж нэрлэдэг. Тэр бол Бурханы Дээд Бодьгал бөгөөд энэ орчлон дахь бүхий л хувилгаан дүрүүдийн эх булаг юм.

Тэгээд сахиулсан тэнгэрүүд бүгдээрээ Пуруша-сукта  залбиралыг уншсан, гэвч тэд ямар ч хариу соёрхол хүртсэнгүй. Тиймээс Брахма тэнгэр өөрөө бясалгалд автан умбасан бөгөөд ингэснээр тэр  Вишну Бурханы айлдвар илгээлтийг хүлээн авсан. Дараа нь тэр түүнийг бусад сахиулсан тэнгэрүүдэд дамжуулав. Энэ бол ведийн мэдлэгийг хүртдэг систем. Бурханы Дээд Бодьгал ведийн мэдлэгийг эхлээд Брахмад зүрхээр нь дамжуулан нээн хүртээсэн. Энэ талаар Шримад Бхагаватамын эхэнд дурьдсан байдаг: тене брахма хрида- ведийн трансценденталь мэдлэгийг Брахма зүрхээрээ хүртсэн. Мөн энэ тохиолдолд ч гэсэн, Бурхан Вишнугийн илгээсэн айлдварыг зөвхөн Брахма л ойлгож хүртэж чадсан, тэгээд дараа нь  сахиулсан тэнгэрүүдийг тэр айлдварын дагуу үйл ажиллагаанд нь даруйхан оруулахын тулд түүнийг тэдэнд дамжуулсан. Бурханы айлдвар илгээлт нь дараахь зүйлийг агуулж байлаа: Бурханы Дээд Бодьгал Өөрийн дээд хүчирхэг эрчмийн хамтаар газар дэлхий дээр нэн даруйхан морилон бууж  ирэх бөгөөд  демонуудыг хөнөөн дарах хийгээд чин бишрэлтэнгүүдээ авран хамгаалах үүргээ биелүүлэхээр уг гариг дээр залран байх үед нь  сахиулсан тэнгэрүүд Өөрт нь туслахаар мөн тэнд байх ёстой. Бурханы тун удахгүй зохих цаг хугацаанд төрөх Йаду удмынхны дунд тэд мөн төрөхөөр одооноос  шууд бэлтгэж эхлэх ёстой.

Бурханы Дээд Бодьгал Шри Кришна Өөрөө Васудевагийн хүү болон морилон бууж ирсэн билээ, харин үүний  өмнө нь Бурханыг миссээ буюу үүрэг зорилгоо биелүүлэхэд нь дэмжиж туслахаар  бүхий л сахиулсан тэнгэрүүд эхнэрүүдийн хамтаар газар дэлхий дээр ач буянтай янз бүрийн гэр бүлүүдийн удам угсаанд төрөхөөр бууж ирцгээсэн. Энд хэрэглэгдэж байгаа тат-прийартхам гэдэг үг нь сахиулсан тэнгэрүүд Бурханыг цэнгүүлэхээр газар дэлхий дээр бууж ирцгээх ёстой гэсэн утгатай юм. Өөрөөр хэлбэл, амьдралаа зөвхөн Бурханыг цэнгүүлж баясгахын төлөөнөө л зориулж байгаа амьд оршнол бол сахиулсан тэнгэр юм. Түүнээс гадна, Кришнагийн бүрэн хувилгаан дүр—сая сая толгой тэргүүнүүдээ сунган дэлгэж орчлонгийн бүхий л гаригуудыг тогтоон барьж байдаг Ананта Бурхан Кришнаг морилон залрахаас өмнө мөн л морилон залрана гэдгийг сахиулсан тэнгэрүүдэд айлдсан байв. Мөн бүхий л болзолт сүнснүүдийг илбэдэгч майа буюу Бурханы гадаад эрчим нь Бүхний Дээд Бурхан Кришнагийн таалал хүслийг биелүүлэхээр газар дэлхий дээр илэрч тодрох болно гэдгийг мэдэгдсэн байв.

Бурхан Вишнугийн энэхүү айлдвар илгээлтийг бүх сахиулсан тэнгэрүүд болон Бхуми-д дамжуулсан хийгээд тэднийг таатай ялдам үгсээрээ тайтгаруулсаныхаа дараагаар орчлонгийн бүх хүн амын дээд өвөг болох бүхий л праджапати нарын эцэг Брахма тэнгэр өөрийн залран суудаг орон дээдийн дээд материаллаг гариг— Брахмалока тийшээ буцан одлоо.

Йаду удмынхны тэргүүн Шурасена хаан Матхура орныг (Матхура дүүргийг), мөн Шурасена гэсэн нэрээр алдаршсан нутгийг захирдаг байв. Шурасена хаан Матхурад засаг төрийнхөө хэргийг захиран явуулдаг байсан учраас энэ хот бүхий л Йаду удмын хаадын нийслэл болсон. Мөн энэ удмынхан маш их ач тустай, буянтайгаараа ялгардаг байсан хийгээд тэд Шри Кришна Дварака-д мөнхөд залран байдаг шигээ Матхура-д мөнхөд залран байдаг гэдгийг мэддэг байсан учраас энэхүү хот Матхура нь Йаду удмынхны нийслэл болсон.

Шурасенагийн хүү Васудева Девакитай гэрлэлээ. Хурим найрын ёслол өндөрлөмөгц Васудева залуу эхнэрийн хамтаар гэртээ харихаар сүйх тэргэндээ суулаа. Девакигийн эцэг Девака охиндоо маш  их хайртай байсан бөгөөд түүнд ихээхэн хэмжээний инж өгч мордуулсан. Түүний инжинд тухайлбал, алтан чимэглэл бүхий хэдэн зуун сүйх тэрэг орсон байв. Уграсенагийн хүү Камса охин дүү Девакигаа баярлуулах гэж Васудевагийн тэрэгний жолоог өөрөө авч залан гэрлэсэн хосыг гэрт нь хүргэж өгөхөөр замдаа гарав. Ведийн уламжлалаар бол бүсгүйг нөхөрт гарах үед нь ах нь охин дүүгээ болон хүргэнээ  гэрт нь хүргэж өгдөг заншилтай. Шинэхэн гэрлэсэн охин төрсөн эцгийн гэр орноо орхин явахдаа бүү гуниглаасай гэж ах нь түүнийг хадам эцгийн нь гэрт хүргэж өгдөг. Девакагийн охиндоо өгсөн инжинд алтан гирляндаар чимэглэсэн дөрвөн зуун заан, тансаг гоёл чимэглэл бүхий  арван таван мянган морьд болон  нэг мянга найман зуун сүйх тэрэг орсон байлаа. Түүнээс гадна, охиныг нь дагалдан очих ёстой  үзэсгэлэн гоо хоёр зуун охидыг тэр шилж сонгосон байв.       Энэтхэгт одоог хүртэл уламжлагдан мөрдөгддөг дүрэм журмаар бол кшатрийа хүн гэрлэхэд эхнэр нь болж байгаа бүсгүйгээс нь гадна түүний найз нар болох хэдэн арван охид хааны гэрт хамт шилжин очдог. Хатныг дагалдагч эдгээр охидыг хэдийгээр албат үйлчлэгчид гэж нэрлэдэг ч үнэн хэрэгтээ тэд бол  түүний найз нар юм. Энэ тогтолцоо буюу журмыг өнө эртний цагаас хэрэглэж заншсан бөгөөд наад зах нь 5000 жилийн өмнө Шри Кришнаг морилон залрахын өмнөх цаг үе хүртэл уламжлалтай. Иймд Васудева эхнэрийн хамтаар мөн үзэсгэлэн гоо хоёр зуун охидыг гэртээ авчиржээ.

Баярт үйл явдлыг нь хөгжөөн сүйх тэргэндээ суугаад явж байгаа хосод зориулан хөгжмийн янз бүрийн зэмсгээр тоглолт хийж байв. Дун, бүрээ, бөмбөр болон их бөмбөрийн дуу сонсогдож байсан бөгөөд тэд бүгдээрээ нэгдэн нийлээд таатай сайхан ая эгшгийг гаргаж байлаа. Хурим найранд оролцогсод баяр хөөр дүүрэн байв. Ингээд Камса сүйх тэргийг залан, тэнгэрээс гэнэт нэгэн нууцлагдмал дуу хоолой өөрт нь хандан: “Камса! Чи бол жинхэнэ тэнэг хүн байна. Чи охин дүү болон хүргэнийхээ сүйх тэргийг тэдний найм дахь хүүхэд нь  чамайг хөнөөнө гэдгийг мэдэхгүйгээр жолоодон явж байна.” гэж хэлэх хүртэл нь хөгжилтэй хийгээд эвтэй найрсагаар явж байлаа.

Камса Бходжа удмын Уграсенагийн хүү. Түүнийг Бходжа удмын бүх хаадын дундаас демоны шинжийг хамгийн ихээр агуулсан нь гэдэг. Тэнгэрээс зөгнөж хэлэхийг сонсмогцоо л тэр шууд л Девакийг үсдэж аваад цавчин алахаар илдээ суга татан гаргалаа. Камсагийн үйлдлийг хараад Васудева хирдхийн цочсон боловч харгис хэрцгий, ичгүүр сонжуургүй хадмаа зөөлрүүлэхийн тулд үнэмшилтэй хийгээд бодлоготойгоор: “Эрхэм хадам Камса минь ээ, та бол Бходжа удмынхны хамгийн алдартай хаан билээ. Таныг эрэлхэг зоригтой дайчин хийгээд аугаа хаан гэдгийг хэн бүхэн мэднэ. Өөртэйгөө төрсөн дүүгийн холбоотой эмэгтэйг, тэр тусмаа хуримын нь өдөр хөнөөхөд ч бэлнээр ингэж их уурлаж яаж чадаж байнаа? Үхэхээс та юунд нь ингэж их айгаа вэ? Таныг төрөхтэй  хамт  үхэл чинь мөн хамт төрсөн. Та төрсөн тэр өдрөөсөө л үхэж эхэлсэн шүү дээ. Та одоо хорин таван настай байх. Энэ чинь та хэдийнээ хорин таван жилийн туршид үхэж байгаа гэсэн үг. Минут тутамд, секунд тутамд та үхэж байгаа. Тэгэхлээр, үхлээс юунд нь ингэж их айгаад байгаа юм бэ? Эцсийн эцэст, үхэл бол зайлшгүй зүйл. Та өнөөдөр эсвэл зуун жилийн дараа ч үхэж мэднэ. Гэхдээ л үхлээс тойрч мултарч чадахгүй. Түүнээс айхын хэрэг байна уу? Үнэндээ бол энэхүү бие махбодийн мөхөл устлыг л үхэл гэдэг. Таны одоогийн энэ бие махбодь үйл хөдлөл хийхээ болин зогсож материаллаг мөн чанарын таван махбодьтой холилдон нийлмэгц энэхүү бие махбодийн доторх амьд оршнол өөр бие махбодийг авдаг. Авч байгаа тэрхүү шинэ бие махбодийн хэлбэр нь хүний эдүгээгийн амьдралдаа үйлдсэн хийгээд тэдгээрээс шалтгаалан гарах үр дагавруудаас хамаардаг. Үүнийг нэг хөлөө урагш нь зөөж тавингаа хөл нь бат бөх газар гишгэсэн байна гэдэгт итгэлтэй болсон үедээ нөгөө хөлөө өргөн байгаа хүнтэй зүйрлүүлж болохуйц. Сүнс үүнтэй адил төстэй байдлаар   нэг бие махбодиос нөгөөд шилжин ордог. Эсвэл нэг мөчрөөс нөгөө мөчир тийш болгоомжтойгоор мөлхөн гарч байгаа төөлүүр хорхойг хар л даа. Амьд оршнол яг ингэж л дараагийн удаад авах бие махбодийн нь тухай асуудлыг дээд хүчний зүгээс шийдвэрлэсэн зөвхөн тэр цагт л бие махбодио сольдог. Амьд оршнол материаллаг ертөнцөд болзолдож  нөхцөлдсөн байдалд оршин байгаа цагт  материаллаг бие махбодийг дахин дахин аван төрөх ёстой болдог.  Түүний авах дараагийн бие махбодь нь түүний энэ амьдралдаа үйлдсэн үйлүүд хийгээд тэдгээрийн үр дагавруудад таарч нийцэн байгалийн хуулиудын дагуу олгогддог.

Бидний одоогийн бие махбодь бол бидний зүүдэндээ авдаг бие махбодьтой төстэй юм. Унтаж байх үедээ зүүдэндээ бид  ухаандаа янз бүрийн бие махбодиудыг бүтээж  бий болгодог. Урд өмнө нь үзэж харсан, жишээ нь алт, уул нурууд гэх мэт олон зүйлийн зураг дүрсүүд бидний дурсамжинд хадгалагдан үлдсэн байдаг болохоор зүүдэндээ эдгээр хоёр зураг дүрсүүдийг нийлүүлэн алтан уулыг бүтээж бий болгодог. Заримдаа бид тэнгэрт нисэж байна гэж зүүдэлдэг. Энэ үедээ бид өөрсдийн жинхэнэ бие махбодийнхоо  талаар бүрмөсөн мартдаг. Бид материаллаг бие махбодиудаа яг л ингэж  сольдог. Бид шинэ бие махбодь авахаараа хуучин бие махбодийнхоо тухай мартдаг. Зүүдэндээ бид янз бүрийн хэлбэрийн бие махбодиудыг бүтээж тэдэнтэйгээ холбогддог боловч сэрэнгүүтээ л тэдгээрийг бүгдийг нь мартчихдаг. Үнэндээ бол материаллаг бие махбодиуд нь бидний ухааны л бүтээл болохоос өөр юу ч биш юм. Гэхдээ одоо бол бид урьд өмнөх бие махбодиудынхаа талаар санадаггүй.

Бидний ухаан маш тогтворгүй мөн чанартай. Заримдаа тэр ямар нэгэн зүйлийг хүлээж авсанаа хэсэгхэн хугацааны дараагаар түүнийгээ хэрэгсэхээ больдог. Мэдрэхүйн таашаал ханамжийн таван объект буюу өөрөөр хэлбэл хэлбэр, амт, үнэр, дуу чимээ болон хүртэхүйн объекттой холбогдсон ухаан үргэлж л ямар нэгэн зүйлийг нэг бол хүлээн зөвшөөрч эсвэл үл хэрэгсэн голж байдаг. Ухаан ийм байдлаар мэдрэхүйн таашаал ханамжийн объектуудтай  харилцан холбоонд ордог бөгөөд амьд оршнол ямар нэгэн тодорхой хэлбэрийн бие махбодийг авахыг хүсэх аваас түүнийгээ дараа нь авдаг. Тэгэхлээр, бие махбодь бол материаллаг мөн чанарын хуулийн дагуу олгогддог бэлэг юм. Амьд оршнол нь материаллаг  бие махбодийг авдаг ба энэхүү бие махбодийнхоо хэлбэрээс хамаарсан таашаал ханамж эдлэх эсвэл зовж шаналахаар материаллаг ертөнцөд дахин төрдөг хэрэг. Ямар нэгэн тодорхой хэлбэрийн бие махбодьгүй л бол бид өмнөх амьдралаасаа өвлөн авсан ухааны дур хүсэл хандлагадаа таарч тохирсон байдлаар таашаал ханамж ч эдэлж чадахгүй, зовж шаналж ч чадахгүй. Авч байгаа бие махбодийн маань хэлбэр нь үхэх цаг үе дэх бидний ухааны төлөв байдлаас хамаардаг.

Нар, сар, одод зэрэг гэрэлтэгч гаригууд нь гхи  буюу шар тосон эсвэл усан далайнуудад тусдаг. Тусгал дүр зураг нь шингэний хөдөлгөөнөөс хамааран мөн хөдөлдөг. Сарны дүрс туссан ус хөдлөх үед сар мөн хөдөлж байгаа юм шиг санагддаг, гэвч үнэн хэрэгтээ бол хөдөлгөөнгүй байгаа билээ. Үүнтэй төстэй байдлаар амьд оршнол нь ухааныхаа үйл ажиллагааны улмаас бие махбодийн янз бүрийн хэлбэрүүдийг  авдаг. Гэхдээ үнэндээ бол тэрээр тэдгээр авч байгаа бие махбодиудтай ямар ч холбоо хамааралгүй. Гэвч майа-д илбэдэгдэн хий хуурмаг байдлын нөлөөн доор оршин байгаа амьд оршнол нь өөрийгөө  тэрхүү тодорхой хэлбэр бүхий бие махбодьтой холбоотой гэж боддог. Сүнс ийм л байдлаар болзолт оршихуйд баригдан үлддэг. Амьд оршнол, жишээлбэл хүний бие махбодид оршин байх үедээ тэрээр хүний нийгэмд хамаарагддаг, тодорхой нэгэн улс оронд харьяалагддаг, эсвэл тодорхой нэгэн газар нутагтай холбоотой гэж боддог. Тэрээр өөрийгөө энэ бүгдтэй ийнхүү адилтган үздэг бөгөөд ингэснээрээ өөрт нь угтаа бол огтхон ч хэрэггүй дараагийн бие махбодийг авахаар бэлтгэдэг хэрэг. Иймэрхүү дур хүслүүд хийгээд ойлголт төсөөлөлүүд нь янз бүрийн бие махбодийг авахын учир шалтгаан болдог. Гэвч материаллаг мөн чанарын хий хуурмаг нөлөөлөл нь амьд оршнолыг авч байгаа ямар ч бие махбодьдоо ханамжтай хийгээд өөрийгөө түүнтэй машид дуртайгаар адилтган үздэг байхаар тийм хүчтэй билээ. Иймээс би таныг ухаан хийгээд бие махбодийнхоо тулгалт тушаалд дийлдэн автахгүй  байхыг гуйж байна!”

Ийнхүү Васудева шинэхэн гэрлэсэн охин дүүдээ  атаат зан авио бүү гаргаач, түүнийг бүү үзэн ядаач хэмээн Камсагаас гуйж байна. Хүн бусдад атаат зан авир гаргах ёсгүй. Атаат зан бол, хүн энэ амьдралдаа ч тэр, мөн дараагийн амьдралдаа  Йамараджагийн (үхлийн дараа шийтгэл оноодог сахиулсан тэнгэр, эрлэгийн хаан) өмнө очин шүүгдэх үедээ ч тэр аймшигтай айдас хүйдсийг эдэлж туулахын учир шалтгаан болдог. Васудева Девакигийн нэрийн өмнөөс Камсад хандан, тэр бол түүний охин дүү хийгээд мөн энэ бүхэн түүний хуримын өдөр— онцгой баяр хөөр аз жаргалтай өдөр нь болж байна гэдгийг сануулсан. Дүү нараа өөрийн төрсөн хүүхдүүд лугаа анхааран санаа тавьдаг байх ёстой. “Түүнээс гадна ийм үйл үйлдэх нь маш аюултай.”  хэмээн Васудева хадам ахдаа анхааруулахын зэрэгцээ “Хэрвээ та түүнийг хөнөөх аваас эрхэм дээд нэр төрөө гутаан алдах болно.” гэж хэлсэн.

Васудева Камсаг сургаал номлолын үгээр ч, мөн философийн учир баримтаар ч нотлон тайвшруулахыг оролдож байсан ч  Камса демонуудтай нөхөрлөдөг учраас түүнийг зөөлрүүлж чадахгүй байлаа. Тэр маш дээд байр суурьтай хааны гэр бүлд төрсөн хэдий ч демонуудтай нөхөрлөдөг учраас ямагт демоны шинжтэй хэвээр байв. Демонууд сайн зөвлөгөөг огтхон ч сонсдоггүй. Тэрээр ёс суртахууны сургаал зааврыг хичнээн ч ярьж хэлж өгч байсан ямар ч ач тус болдоггүй  засаршгүй хулгайчтай төстэй юм. Яг л үүн шиг, демоны эсвэл атейст мөн чанартай хүн сайн сургаал номлолыг, ямар ч эх сурвалж үндэслэл нотолгоотой байсан ялгаагүй ойлгож хүлээн авна гэж үү? Сахиулсан тэнгэрүүд болон демонуудын ялгаа үүнд оршдог. Ач тустай сайн сургаал номлолыг дуртайяа хүлээн аван түүний дагуу амьдрал үйлээ зохион явуулахаар чармайн байгаа хүнийг тэнгэрлэг хүн буюу сахиулсан тэнгэр гэж нэрлэдэг. Харин ийм сургаал зааврыг даган баримтлах чадваргүй хүн бол демон юм. Камсаг тайвшруулах гэсэн  оролдлого чармайлт нь бүтэлгүй болсоны дараагаар Васудева эхнэр Девакигаа яаж хамгаалах талаар өөрөөсөө асууж байлаа. Ямар нэгэн аюул шууд нүүрлэж тулгараад байгаа үед оюунлаг хүн тэрхүү аюулаас аль болохоор зайлсхийж мултран гарахыг чармайх ёстой. Бүхий л оюунлаг хичээл чармайлтаа дайчлаад ч аюултай нөхцөл байдлаас гарч чадахгүй байх аваас үүнд түүний буруу гэж байхгүй. Өөрт оноогдсон үүргээ биелүүлэхийн төлөөнөө хүн боломжтой бүхнээ хийх ёстой, гэхдээ түүний оролдлого чармайлтууд бүтэмжтэй болж чадахгүй байх аваас энэ нь түүний буруу биш.

Васудева эхнэрийнхээ тухайд ингэж бодсон: “Ямар ч л гэсэн эхлээд Девакигийн амийг л аврах нь нэн чухал. Харин хожим хүүхдүүд төрөх аваас тэднийг яаж аврахаа сүүлд бодъё.” Тэр мөн цааш нь: “Дээд хүчний таалал, хүчийг ойлгож ухаарахын аргагүй байдаг болохоор ирээдүйд бидний дундаас Камсагийн бодож байгаачлан түүнийг хөнөөх хүүхэд гарах аваас тэр цагт Деваки ч тэр, мөн хүүхэд ч тэр аврагдах болно. Харин одоо бол Девакигийн амийг л яаж ийж байгаад аврах хэрэгтэй.” гэж бодож байлаа.

Ойн түймрийн дүрэлзэн асаж байгаа галын дөл дараагийн удаад аль модыг бүрхэн ноцож яаж шатаахыг хэлэх аргагүй байдаг шиг амьд оршнол тодорхой нэгэн бие махбодьтой ямархуу байдлаар харьцаанд орж холбогддогийг яг таг тодорхой хэлэх аргагүй. Түймэр гарах үед заримдаа галын дөл салхинд хөөгдөн нэг модыг алгасан өнгөрч дараагийн модыг ноцож авах нь ажиглагддаг. Үүнтэй адилаар хүн өөрт оноогдсон үүргээ маш нягт нямбай, сүжиг бишрэлтэйгээр биелүүлж байж болох ч дараагийн амьдралдаа ямар хэлбэрийн бие махбодийг авахаа мэдэх нь түүний хувьд маш хүнд бэрх байдаг. Махараджа Бхарата өөрийгөө бүрэн нээж танин мэдэхүйд хүрэхэд зориулагдсан үүргээ үнэнчээр биелүүлж байсан ч янзаганд түр зуурхан төдий хугацаанд татагдсаны улмаас дараагийн амьдралдаа бугын бие махбодийг аван төрөх ёстой болсон билээ.

Эхнэрийнхээ амийг хэрхэн аврах талаар бодож боловсруулаад Васудева хэдийгээр Камса нүгэлтнүүдийн дундаас хамгийн их нүгэлтэн нь байсан хэдий ч түүнд маш их хүндэтгэлтэйгээр хандлаа. Васудева шиг хамгийн их ач тустай, зөв үйлтэй хүн зарим үед Камса шиг тийм их гэм нүгэлтэй, буруу явдалтай хүнд найр тавих хэрэг гардаг. Ийм зүйл дипломат яриа хэлэлцээний  үед гарч байж болно. Васудева сэтгэл гүнээ зовж байсан хэдий ч гаднаа бол хөгжилтэй царай гаргаж байв. Тэрээр Камсагийн харгис хэрцгий, догшин зан авирыг мэддэг байсан учраас ичгүүрээ алдсан түүнд ингэж хандсан хэрэг. Васудева Камсад: “Эрхэм хүндэт хадам ах минь ээ, дүүгийн чинь зүгээс танд ямар ч аюул занал учруулаагүй гэдгийг тунгааж бодож үзэхийг гуйя. Та тэнгэрээс зөгнөж хэлсэн дуу хоолойг сонссон болохоор айж эмээж байна. Гэхдээ танд тэрхүү аюул заналыг дүүгийн чинь одоохондоо төрүүлээгүй байгаа хүүгийн зүгээс учруулах ёстой гэсэн. Бидний дундаас ирээдүйд хүү төрөх эсэхийг хэн мэдэх билээ. Энэ бүгдийг анхааран үзэх аваас одоохондоо бол аюулгүй байна гэдгийг та ойлгож мэдэх болно. Дүүгээсээ бол та айж эмээх ямар ч шалтгаан  байхгүй. Түүнээс хөвгүүд төрөх аваас тэд бүгдийг би танд өгөхөө амлаж байна. Тэр үед нь та шаардлагатай арга хэмжээгээ аваарай.” гэж хэлэв.

Камса Васудевагийн тангараглан хэлж байгаа үгийн үнэ цэнийг  мэдэж байлаа. Түүнээс гадна тэр Васудевагийн гаргаж өгүүлсэн учир баримтанд итгэж үнэмшсэн учраас төрсөн охин дүүгээ юун түрүүн хөнөөхөө болихоор шийдсэн. Васудевагийн санаа маш ихээр амарч хөнгөрөн Камсагийн гаргасан шийдвэрийг магтав. Ийм байдалтайгаар тэр гэртээ буцаж харьлаа.

Цаг хугацааны явцад Васудева болон Деваки нарын дундаас найман хүү нэг охин төрсөн. Эхний хүүгээ төрсөний дараагаар Васудева хэлсэн үгэндээ үнэнч байж тэр даруйд нь Камсад аваачиж өгсөн. Васудева бурханлаг дээд шинж чанар болон үнэнч байдлаараа алдартай байсан бөгөөд тэрээр энэхүү нэр алдраа  хадгалахыг хүссэн. Шинэ төрсөн хүүгээ өгөх нь Васудевад маш хүнд хэцүү байсан бол Камса харин түүнийг баяртайгаар авч байлаа. Гэхдээ Васудевагийн байдлыг хараад өрөвдөх сэтгэл түүнд бага ч гэсэн төрж байв. Энэхүү үйл явдал нь маш их үлгэр жишээ болохуйц. Васудева шиг аугаа сүнсний хувьд үүргээ үл биелүүлэхээс өөр тийм хүнд хэцүү, эмзэг хөндүүр зүйл гэж байдаггүй. Васудева шиг номч мэргэн хүн өөрийн үүргээ тээнэгэлзэлгүйгээр биелүүлдэг. Нөгөө талаас Камса мэтийн демон ямар нэгэн жигшүүрт булай үйл үйлдэхээ хэзээ ч орхиж, умартдаггүй. Ийм учраас ариун гэгээн хүн амьдралын ямар ч хүнд хэцүү нөхцөл байдлыг тэсвэрлэж чаддаг; номч мэргэн хүн таатай нөхцөл байдлыг хүлээлгүйгээр өөрийн үүргээ биелүүлдэг; Камса мэтийн адгийн хүн ямар ч нүгэлт үйлийг үйлдэж чаддаг; харин чин бишрэлтэн бол Бурханы Дээд Бодьгалыг цэнгүүлэхийн төлөөнөө бүхнээ зориулахад бэлэн байдаг гэж ярьдаг.

Васудевагийн хийсэн үйлд Камса сэтгэл ханамжтай байв. Васудеваг хэлсэн үгэндээ хүрсэнд тэр маш их гайхсан. Таатай байдал хийгээд өрөвч сэтгэлийг хослуулан байж тэрээр дараахь үгийг хэлсэн: “Миний эрхэм Васудева минь ээ, надад энэ хүүгээ өгөхийн хэрэггүй. Түүний зүгээс надад аюул занал учруулахгүй. Деваки та хоёрын дундаас төрөх найм дахь хүү л намайг ална гэж би сонссон. Ямар ч шаардлагагүй байж энэ хүүхдийг авч салгахын хэрэг надад байхгүй. Чи хүүгээ аваад явж болно.”

Ингээд Васудева эхний хүүгийнхээ хамтаар гэртээ буцаж харив. Васудева Камсагийн үйлдэлд баярлаж байсан ч түүнд нэг л итгэж өгөхгүй байлаа. Учир нь Камса бол мэдрэхүйгээ эзэмдэн захирч чаддаггүй буюу тогтворгүй, туйлбаргүй нэгэн билээ. Итгэл бишрэлгүй хүн хэлсэн үгэндээ үнэнч байж чаддаггүй. Мэдрэхүйгээ эзэмдэн захирч удирдан залж чаддаггүй хүн өөрийн гаргасан шийдвэртээ баттай байж чаддаггүй. Аугаа улс төрч Чанакйа Пандит: “Дипломат хүн болон эмэгтэй хүнд хэзээ ч бүү итгэж найд.” гэж хэлсэн байдаг. Мэдрэхүйн таашаал ханамж эдлэхэд тэсгэлгүйгээр автах хүн хэзээ ч үнэнч шудрага байж чаддаггүй, түүнд итгэж огтхон ч болохгүй.

Энэ үед аугаа мэргэн Нарада Камсагийнд ирсэн. Васудеваг өрөвдөх сэтгэл Камсад төрсөн хийгээд эхний хүүг нь буцааж өгсөн гэдгийг Нарада мэдсэн байлаа. Нарада Бурхан Кришнагийн морилон залрахуйг аль болох хурдасгахыг хүссэн. Тэрээр Камсад: “Вриндаванагийн бүхий л оршин суугчид— Нанда Махараджа, бүх малчид болон тэдний эхнэрүүд, малчин охид, мөн нөгөөтэйгүүр Васудева, түүний эцэг Шурасена болон Йаду удмын Вришнигийн гэр бүлийн бүх гишүүд Бурханы морилон залрахуйд бэлтгэж байна.” гэж мэдээлсэн. Эдгээр гэр бүлүүдэд төрсөн байгаа  сахиулсан тэнгэрүүд болон  сайныг хүсэгчид, найз нөхдүүдээсээ бүгдээс нь болгоомжтой байж тэднийг анхааралдаа авахыг Нарада Камсад сануулсан. Камса, мөн түүний найз нөхөд болон зөвлөгчид нь бүгд демонууд байв. Демонууд сахиулсан тэнгэрүүдээс үргэлж айж эмээдэг. Сахиулсан тэнгэрүүдийг янз бүрийн гэр бүлүүдэд төрсөн гэдгийг Нарадагаас ийнхүү дуулж мэдээд Камса маш их сонор сэрэмжтэй боллоо. Сахиулсан тэнгэрүүд хэдийнээ бууж ирээд төрсөн болохоор  Бурхан Вишну мөн тун удахгүй морилон бууж ирэх ёстой гэдгийг тэр ойлгосон. Тэгээд тэр хүргэн Васудева болон охин дүү Деваки хоёрыгоо тэр даруйдаа барьж аван шоронд хорив.

Энэ шоронд, төмөр гинжээр гинжлэгдсэн Васудева Деваки хоёр жил бүр хүү төрүүлж байсан ба Камса тэдний шинээр төрсөн хүү бүрийг Вишнугийн хувилгаан дүр гэж бодон хөнөөж байв. Тэр найм дахь хүүгээс онцгой ихээр айж байсан ч Нарадаг ирсэний дараагаар хүүхдүүдийн хэн нь ч Кришна байж болох юм гэсэн дүгнэлтэнд хүрсэн. Иймээс Васудева Деваки нараас төрсөн бүх хүүхдүүдийг хөнөөх нь зүйтэй гэж үзсэн.

Камсагийн энэ үйлдлийг ойлгох нь хүнд бэрх биш. Хааны гэр бүлийн хүмүүс эрх мэдэлд шунан дурлах хүсэл зорилгоо биелүүлэх үүднээс эцгээ, ах дүү нараа эсвэл гэр бүлийнхнээ бүгдийг нь, мөн найз нөхдөө хөнөөж байсан жишээ дэлхийн түүхэнд олонтоо байдаг. Демонууд эрх мэдлийн төлөөх жигшүүрт булай шунал хүслээсээ болж хэнийг ч  алж хөнөөж чаддаг болохоор үүнд гайхаад байх зүйл огт байхгүй.

Нарадагийн өршөөл нигүүлслээр  өмнөх амьдралынхаа тухай  мэдэх завшаан Камсад олдсон. Тэрээр өмнөх амьдралдаа Каланеми нэртэй демон байсан хийгээд түүнийг Шри Вишну хөнөөсөн гэдгийг сонсож мэдсэн. Бходжа угсааны гэр бүлд төрсөн тэрээр Йаду удмынханд үхэл сүйрэл учруулах дайсан нь болохоор шийдсэн. Кришна энэ удамд төрөхөөр болсон учраас Камса Кришна өөрийг нь урьдах амьдралд нь хөнөөсөн шигээ хөнөөх байх гэдгээс маш ихээр айж байлаа.

Түүний эцэг Уграсена бол Йаду, Бходжа болон Андхака удмынхны хамгийн хүчирхэг хаан учраас тэр юун түрүүнд эцгээ шоронд хорьсон. Мөн дараа нь Васудевагийн эцэг Шурасенагийн эзэнт гүрнийг эзлэн авсан. Тэгээд өөрийгөө энэ бүх улс гүрнүүдийг захирагч хаан хэмээн өргөмжлөн зарлав.

 

“Мөнхийн цэнгэл жаргалын эх булаг” номын “Бурхан Кришнагийн морилон залрахуй” нэртэй нэгдүгээр бүлэгт Бхактиведантагийн хийсэн тайлбар ийнхүү өндөрлөлөө.

 

Scroll to Top