Үндсэн Цэс

Ведийн зурхай

Статистик

0 0 8 0 6 2
Users Today : 21
Users Yesterday : 25
Total Users : 8062
Views Today : 33
Views Yesterday : 33
Сергей Есенин

Эцэж, өтлөөд, шүд нь унасан

Эргэх онууд нь эврэнд нь нуугдсан

Уугим талаар хөөрхий түүнийг

Ууртай тууварчин ороолгож явна

Жижигхэн хулгана булан маажих шиг

Чимээ шуугианд зүрх нь дасалгүй

Цагаан хөлт тугалаа санан

Шаналант тавилангаа энэлэн бодно

Анхны баяр ашиг тусгүй байж

Ачит эхийг хүүд нь өгсөнгүй

Улиасан дорхи хурц гадаснаа

Урьхан салхинд сорлог үс сэвэлзэнэ

Тун удахгүй хүрэнхэн хашаанд

Тугалынх шиг нь тавилан түүнийг хүлээж байна

Хүнд олсоор хүзүүг нь оосорлоод

Хөнөөх газраад хөтлөж одно

Яасан ч харамсмаар, гунигтай, зовлонтойв

Ягуухнаар газарт эвэр нь шигдэв

Сугсарсан өвст цагаахан нуга

Сувданхан шугуйд нь л түүнийг зүүдлэнэ.

Орчуулсан:Балабхадра дас

 

Йада йада хи дхармасйа гланир бхавати бхарата

Абхйуттханам адхармасйа тадатманам сриджами ахам

Шашин шүтлэг унан доройтож, бурхангүй үзэлтнүүд ноёрхох тэр газарт, тэр цагт ай Бхаратын үр удам минь ээ, Би морилон залардаг билээ. Бхагавад-гита 4.7

Бурханы хувилгаадууд дэлхий дээр

Буун залрах үеүд бий

Газрын зовлон халгих цагт

Галваас галавт морилох нь бий

Цаг хугацаа, нөхцөл байдал нь

Залрах дүрийнх нь чанарыг тодруулдаг

Хатуу догшин зөөлөн энэрэлтэйг

Харгалзан үзэж дэлхийд буудаг

Усан галав нөмрөн ирж

Улс амьтан мөхөх цагт

Хөрст дэлхийн хамаг амьтныг

Хөлөгт суулгаж Матсйа аварсан

Сура, асура нар рашаан гаргахаар

Сүүн далайг бүлүүрдэх үед

Сүмер уулын тулгуур болох гэж

Зөөлөн сэтгэлт Курма заларсан

Орчлонгийн далайн гүн ёроолд

Ойчиж унасан дэлхийг аврахаар

Хүчит асур Хираньякшаг дарахаар

Хөндлөн соёот Вараха заларсан

Таван настай бишрэлтэн хүүгээ

Хамаг л аргаар хөнөөх гэж оролдсон

Шулам чөтгөрийн хааныг дарахаар

Чулуун баганаас Нрисимха заларсан

Гурван тивийг булаан эзлээд

Хурмастын суудалд хүчээр суусан

Бали хааны бардам занг

Бяц дарж Вамана заларсан

Хаадын дүрээр дэлхийд бууж

Хамаг амьтдыг зовоож байсан

Ноёдын хувцастай асур нарыг

Номхруулж сөнөөхөөр Парашурам заларсан

Гэргийтэй хүний үүргийг үзүүлэх гэж

Гэмтэй болгоныг даран сөнөөх гэж

Хаан хүний энэрлийг үзүүлэх гэж

Хануманы хайрт Рама заларсан

Цэргийн хүчийг цэгцлэн цэвэрлэх гэж

Цэнгэл жаргалын үндсийг харуулах гэж

Алаг зүрхний хайрыг таниулах гэж

Анхдагч дүрээрээ Кришна заларсан

Тахилга нэрээр амьтдыг хороож

Хишиг нэрээр хэлээ баярлуулж

Ведийн зам мөр гажуудах цагт

Мэхлэх номлолоор Будда заларсан

Сайны гэгээг харагдахаа больж

Шашин соёл доройтох цагт

Цадиггүй амьтсыг устган дарахаар

Цагаан морьт Калки залрана

2013-01-31

Зарим үгсийн тайлбар:

Матсйа-Загас дүрт Бурханы хувилгаан

Курма-Яст мэлхий дүрт Бурханы хувилгаан

Вараха-Бодон гахай дүрт Бурханы хувилгаан

Нрисимха- Хагас хүн, хагас арслан дүрт Бурханы хувилгаан

Вамана- Одой брахманы дүрт Бурханы хувилгаан

Калки- Цагаан морь хөлөглөн бурхангүй үзэлтнийг устган дарахаар Шамбалд залрах Бурханы хувилгаан

 Балабхадра дас

 Джайдева Госвами “Шри Дашаватара стотра” эндээс уншиж болно.

 https://veda.mn/content/view/54/36/

 Бурханы хувилгаадын тухай Шримад-Бхагаватам судрын 1-р дууллын 3-р бүлгийн 6 дахь шүлгээс 26 дахь шүлгүүдийг уншиж болно.

Бурханы бишрэлтний яруу алдар бадартугай !

Бурангуй явдлын уруу намтар сөнөтүгэй !

Хари-н бишрэлтний гэгээн алдар мандтугай !

Хазгай явдлын бараан сүүдэр сөнөтүгэй !

Хаа холын Энэтхэгээс дал гарсан насандаа

Харанхуй далайн чанад дахь Америк орныг зорив

Зүдүү гучуун улмаас тухтай унаанд амжсангүй

Зүтгүүр ачааны хөлөгт арай ядан дайгдав

Аймшигт далай түүнийг амар тайван байлгасангүй

Анхны өдрөөс эхлэн далайн өвчнөөр өвдөв

Арайхийн илаарь болоод хэд хонож байтал

Аюулт зүрхний шигдээс амины хаалгыг тогшив

Найдвар тасарч байтал Бурхан Кришна зүүдлэгдэв

Гайхам сайхан орноосоо хөлгөөр ирж үзэгдэв

Адис өршөөлөө хайрлаад, амь насыг нь хамгаалаад

Алс холын зорилгод нь амжилт, хийморь ерөөв

Ядруу биетэй Бхактиведанта Бурханы санааг таасангүй

Яршигтай хол замыг яах гэж туулж байгаагаа ухаарсангүй

Эцсийн мөчид бүх зүйл Эзний таалалд байдгийг санаж

Эх нутаг Вриндаванаа санаж, нулимстай шүлэг тэрлэв

Арай гэж Америк орны бараа харагдав

Ай хөөрхий гэж, шүтлэгийн сүүдэргүй сүрлэг өндөр орднуудыг хараад шүүрс алдав

Хачин жигтэй, бурханлагийн ойлгоцгүй ийм хүмүүсийг

Харигийн бишрэлтэн болгоно гэдэг ямар хэцүүг шууд мэдэв

Гэхдээ тэр итгэл алдраад зүгээр суусангүй

Гэгээн эзэнд бүхнээ даатгаад урагш зүтгэв

Дөчин дөрөвхөн зоостой байсан нь тухайн үедээ

Дөрөвхөн өдрийн өл залгах мөнгө байсан юм

Хар тамхичид, халаасны хулгайчдын харанхуй дүүргээс

Хамгийн түрүүн хатуухан ажлаа тэр эхлэв

Тэнэмэл голцуу, орон гэргүй эхний шавь нар

Тэнгэрийн ивээлээр ядах юмгүй бий болов

Найрсаг олон шавь нарынх нь зарим нь хөөрхий

Наркотик хэрэглээд мань хүнийг зовоох нь элбэг

Бууж өгсөнгүй тэмцлээ тэр үргэлжлүүлж байлаа

Буман саад шинээр үүсэвч давсаар байлаа

Бхагавад-гитагийн ариун айлдварыг бат номлож

Балмад этгээдүүдийн бараан зүрхийг нэвт гийгүүлэв

Нью-Йоркийн гудамжинд Бурханы ариун нэр алдрыг

Номоор нь дуулж олны нүдийг илт гайхуулав

Харигийн санкиртан барууны оронд анх ингэж

Хаягдал хийссэн Америкийн гудамжнаас эхэлсэн түүхтэй

Шөнийн нойр, амрах цагаа хугаслан байж

Шрути, вед, Бхагаватам, Гитаг орчуулах болов

Дал гарсан буурал насанд даанч ахадсан

Ахар ухаанд амар багтахааргүй ачаа үүрэв

Анхлан эхлээд Бурхан Джаганнатха түүнд олдсон

Ахин дэвжээд өнөөхь шүтээд нь сүмтэй болсон

Дүүрэн дүүрэн сүсэгтнүүд бялхсан олон сүмүүд

Түүний араас бороо орох шиг бий болсон

Таван тивийн түмэн орноор зорчин явж

Тавилангаа цэгцэлж, замаа олох зүгийг заасан

Жаран өнгөрөвч туулсан жим нь улам тодрох

Бамбар мэт гэрэлтэх гал мэт намтраа тэр бичсэн юм

Мунхгийн харанхуйг нар мэт гийгүүлсэн багш минь билээ та

Уналын замыг  гар мэт хаасан багш билээ та

Тамын хаалгыг таг мэт халхалсан багш билээ та

Замыг бэрхийг нүцгэн гараараа засаж өгсөн багш билээ та

Бурханы бишрэлтний яруу алдар бадартугай !

Бурангуй явдлын уруу намтар сөнөтүгэй !

Хари-н бишрэлтний гэгээн алдар мандтугай !

Хазгай явдлын бараан сүүдэр сөнөтүгэй !

2013 он

Балабхадра дас

Шри Кришна-намаштакам

 

Шри Рупа Госвами

 

1

 

Ай аврал энэрлийн дээд Шри Харинам минь ээ!

Алмаз чулуудан гайхам зүүлт мэт

Алтран гялалзах Упанишадууд хүртэл

Бадам мэт Таны ялдам өлмийд

Баясал дүүрэн мөргөн сөгднөм

Ариун судрууд ядрахаа огоорон

Амрах чөлөөгүй Таныг л магтнам

Их йогчид, эрдэмт мэргэд

Гэгээн багш, гэгээрсэн бишрэлтнүүд

Таны өлмийд сөгдөн мөргөж

Дахин, дахин магтан алдрашуулмуу

2

 

Гэгээн мэргэдийн магтан дуулдаг

Гэрэл цацарсан Шри Харинам минь!

Амьд амьтсын ач тусыг бодож

Авиан дүрээр илрэн залрав

Хэрвээ хүмүүн ганц л удаа

Гэхдээ бүр шоолж егөөдөөд

Эрхэм нэрийг уншин дуудваас

Элдэв нүгэл нь устан арилмуй

Ариун гэгээн нэр алдар Таны

Алдар суу дуурьсах болтугай!

 

3

Наран мэт гэрэл цацруулсан

Найрсаг энэрэнгүй Ариун нэр минь ээ!

Нэрний тань туяаны өөдөс төдийг

Нэг л удаа харсан хэн ч бол

Материйн ертөнцийн мунхаглалын харанхуйгаас

Бат лавтай ангижрах болно

Ариун мэдлэгийн үртэс ч үгүй

Адгийн сохорт ч тэр үнэний харааг хайрлана

Таны л ачаар дорд унагсад

Бурханы замд буцалтгүй орно

Энэ ертөнцийн иргэншилт нэгэн тэгэхээр

Эрхэм алдрыг тань дуулж барах уу?

 

4

Өнө удаанаар бясалгал хийгч нь

Мөнхийн гэрлийг харж болох ч

Гашуун жимсээ хэдийнээ өгсөн

Прарабдха-кармагаас ангижирч чадахгүй

Эрт орой хэзээ нэгэнтээ

Эдлэх цэнгэл, зовлонгоор дамжин

Үйлийнхээ хариуцлагыг үүрч эдлэх нь

Төөхөн биений төөрөг ажгуу

Харин Таны ивээлт адислалын

Ганцхан жижиг оч л гэхэд

Прарабдха кармаг шатаан устгадгийг

Баяртайгаар Ведүүд магтан дуулмой

 

5

 

Ай Шри Харинам!

Та минь Агхадамана, Яшоданандана

Нандасуна, Камалаяна

Гопичандра, Вриндаванендра

Пранатакаруна, Кришна гэх мэт олон янзаар

Авиан дүрээр залардаг билээ

Танд дурлах миний хайр

Дахин дахин өсөх болтугай!

 

6

 

Ай Ариун нэр минь ээ!

Та

Шүтээн Бурхан болж нэг залрана

Шүншигт нэрээрээ нэг залрана

Ариун нэр Та Бурхан Шүтээнээс

Адис ивээлээрээ илүү билээ

Учир нь гэвээс Шүтээнд учруулах

Уруу алдсыг Та л цайруулна

Гэгээн нэрний агуу хүчээр

Гэмт алдас хийсэж одно

Дуудан уншигч нь баяраар бялхаж

Дуусашгүй жаргалын далайд умбана

 

7

Ай Ариун нэр Та!

 

Гэрэлт өлмийд тань өөрийгөө даатгасан

Гэгээн бишрэлтнийхээ зовлонг арилгадаг

Үзэсгэлэнт тансаг гэгээн дүр тань

Үнэмлэхүй цэнгэлийн үндэс болдог

Чухам иймээс Та л зөвхөн

Гокулын суугчдын баяр нь байдаг

Алдар суу, амтлаг бүхэн шингэсэн

Ариун өлмийд тань би дахин дахин мөргөмүү

 

8

Ай Кришнагийн Ариун нэр минь ээ!

Та минь

Нарадын винаг хөгөөр бялхуулах

Найрсаг гэгээн хүч билээ

Рашаан далайн амтат давалгааг

Алдаж таслалгүй үржүүлдэг билээ

Өгүүлшгүй адислалаараа Та минь заларч

Өөрт Тань зүтгэх бишрэлийг хайрламуй

 

2013-01-21

 

     Найруулан орчуулсан: Балабхадра дас

 

 

1

 

Никхила-шрути-маули-ратна-мала
Дьюти-нираджита-пада-панкаджанта
Айи мукта-кулайр упасйаманам
Паритас твам хари-нама самшрайами

 

2

Джайа нама-дхейа муни-врнда гейа хе
Джана-ранджанайа парамкшаракрите
Твам анадарад апи манаг удиритам
Нитхилогра-тапа-паталим вилумпаси

 

3

Йад абхасо пй удйан кавалита-бхава-дхванта вибхаво
Дршам таттвандханам апи дишати бхакти-пранайиним
Джана тасйодаттам джагати бхагаван-нама таране
Крити те нивактум ка иха махиманам прабхавати

 

4

Йад брахма-сакшат-крити-нишхапайапи
Винашам айати вина на бхогаих
Апати нама-спхуранена тат те
Прарабдха-кармети вираути ведах

5

Агха-дамана-йашода-нанданау нанда-суно
Камала-найана-гопи-чандра-врндаванендрах
Праната-каруна-кришнав итй анека-сварупе
Твайи мама ратир уччайр вардхатам нама-дхейа

6

Вачйам вачакам итй удети бхавато нама сварупа-двайам
Пурвасмат парам ева ханта карунам татрап джанимахе
Йас тасмин вихитапарадха-нивахах прани самантад бхавед
Асйенедам упасйа со пи хи чаданандамбудхау маджджат

7

Судиташрита-джанарти-рашайе
Рамйа чид-гхана-сукха-сварупине
Нама гокула-махотсавайа те
Кришна пурна-вапуше намо намах

8

Нарада-винодждживана судхорми-нирйаса-мадхури-пура
Твам кршна-нама камам спхура ме расане расана сада

 

Чулуун баганан дотороос илрэн тодорсон бурхан минь

Чин бишрэлт хүүхдүүдээ хамгаалан байдаг бурхан минь

Эрдэнийн чамин зүүлтээр цээжээ гоёсон бурхан минь

Эрхэмсэг үзэсгэлэнт дүрээрээ зүрхэнд залрагч бурхан минь

Харанхуйг сарниагч гэрлээрээ орчлонд нэвчсэн бурхан минь

Хамгийг баясгагч нэрээрээ ертөнцөд алдаршсан бурхан минь

Энрэн нигүүлсэхүйн сэтгэлийг өвөрлөн ирсэн бурхан минь

Эргэх дэлхийн номлолыг засан чиглүүлсэн бурхан минь

Алтлаг шаргал өнгөтэй ариун гэгээн бурхан минь

Амраг хайртын дүрдээ хувилан заларсан бурхан минь

Цагаан морь хөлөглөн ирэх цайлган сэтгэлт бурхан минь

Цадиггүй буруу аашлагчдыг шийтгэн цээрлүүлэх бурхан минь

Бүхний хайрыг татагч чанадад залрах бурхан минь

Бүжиглэн дэгдэх өлмий нь бадамлянхуай бурхан минь

Улиран солигдох эрин галвуудын

Учир зангилаа бурхан минь

 

Сумъяажавын Мөнхсайхан

 

Scroll to Top