Үндсэн Цэс

Ведийн зурхай

Статистик

0 6 2 8 1 9
Users Today : 116
Users Yesterday : 284
Total Users : 62819
Views Today : 123
Views Yesterday : 331
Spread the love

Атаархалтай тэмцэхийн тулд дайсныхаа нүүр царайг таних хэрэгтэй. Өөрөөр хэлбэл өвчний шинж тэмдгүүдийг мэддэг байх ёстой. Нэгдүгээрт, тэр оршин байна гэдгийг тодорхойлох. Хоёрдугаарт, би бол тийм үл бүтэх амьтан гэж өөрийгөө зүхэх, шүүмжлэх, бодох хэрэггүй. Энэ нь буруу. Та түүнийг илрүүл. Тэр тэнд сууж байна.Тэгэхээр нэгэн үзүүрт сэтгэл зорилготойгоор үүнтэйгээ ажиллаж эхлэ. 

Атаархлаас ангижрахын тулд бусад хүмүүсийн энэ бүх эд баялгийн цаана тэдний хувь тавилан байдаг гэдгийг ойлгох хэрэгтэй. Харин таны хувь тавилан ийм хэмээн. Та хувь тавилангийн эрх мэдлийг хүлээн зөвшөөрмөгц түүний ард Бурхан л үлдэх бөгөөд бусад нь бүгд өөрөө аяндаа алга болно. Зүгээр л таныг дотроос тань өдөөн хатгаад байх юу ч үлдэхгүй. Эсрэг тохиолдолд та цаг үргэлж, “Би ч мөн тийм байдлыг хүсч байна. Би тэднээс юугаараа дутуу юм?” хэмээн шаардах болно. Цаг ямагт энэ мэдрэмж нь таныг дотроос тань мэрэх болно. Тийм болохоор амьдралыг үзэх үзлээ өөрчлөх хэрэгтэй. Урьд өмнө нь тэр хүмүүс ямар нэг сайн зүйлүүд хийсэн, ойлгож байна уу? Тэд сайн зүйлийг хийсэн, тэгээд үр дүнг нь хүлээж авсан.

Бид бусдын зовлонд баясах ёсгүй. Эдгээрийг эн тэнцүү харах хэрэгтэй.

Ойлговол зохих гурав дахь зүйл. Энэ бүхэн дуусна гэдгийг зүгээр л ойлго. Бүгдийн бүх зүйл. Бүгд дуусна. Бид бүгдээрээ эндээс нүцгэн буцна. Үнэн хэрэгтээ тэдэнд тэр зүйлс байхгүй гэсэн үг. Хэрэв байсан бол тэд түүнийгээ үхэхдээ өөртөө хамт аваад явна. Шошготой ирсэн, шошготой буцна. Бидэнд харьяалагддаг бүх зүйл тэр. Атаархалтай тэмцэнэ гэдэг нь эдгээр зүйлийг ойлгох явдал юм. Тэгээд л гүйцээ.

Ведийн зурхайч, сэтгэл зүйч Сергей Серебряковын лекцээс бэлтгэсэн: Балабхадра дас

Spread the love

Бурханд үйлчилнэ гэдэг нь бараг л залбиралтай адил. Нэгэн залуу намайг Питерт лекц уншиж байх үед над руу дөхөж ирээд өөрийн түүхээ ярьж өгсөн юм. Ажил дээр нь түүнд олон том бэрхшээлүүд байж л дээ. Тэгээд тэр залуу сүмд очжээ. Хавар цаг байж. Тэнд очоод тэр, танайд ажилламаар байна гэжээ. Гэлэнмаа ч юм уу үйлчлэгч эмэгтэй ч юмуу хэн нэг эмэгтэй түүнд цэцгийн мандалд цэцэг тарих хэрэгтэй байгаа тухай хэлжээ. Тэр залуу ч хэлсэн ёсоор нь хаа сайгүй цэцэг тарьсан байна. Тэрээр тэнд бүтэн өдөржин ажиллажээ. Энэ ажилд тэрээр өөрийн амралтын бүх өдрөө зориулжээ. Дараа нь мөнөөхь эмэгтэй түүн дээр ирж, хийсэн ажлыг нь хараад “Чиний амьдралын бүх зүйл сайхан болноо” хэмээжээ. Гэтэл үнэхээр ч хэд хоногийн дараа түүний ажил дээр байсан бүх асуудлууд нь шийдэгдсэн байна. Бурханд үйлчлэх нь ингэж л үйлчилдэг.

Хэрэв хүн Бурханд үйлчлэх ямар нэг үйлчлэлийг өөр дээрээ авсан бол түүний хувь тавилан, төөрөг зурхай гээд та юу гэж л нэрлэнэ, тэр бүхэн бүтэн хүчээрээ үйлчлэхээ больдог. Бурханд үйлчлэх үйлчлэл хүчижэхийн хирээр хувь тавилангийн нөлөөлөх нөлөө төдийчинээ буурдаг. Яагаад гэвэл хэрэв та Түүнд үйлчилвэл Тэр танд үйлчилдэг. Бурхантай холбоотой хувийн харилцаа тогтож буй нь тэр юм.

Жишээ нь, ерөнхийлөгчийн хүү болон эгэл жирийн оюутан хоёр байлаа гэе. Тэд хоёулаа л оюутан. Тэгвэл хэнд нь сурахад илүү хялбар байх вэ? Мэдээж, ерөнхийлөгчийн хүүд. Яагаад гэвэл түүнд ерөнхийлөгчтэй харьцах хувийн харьцаа байгаа болохоор тэр. Ерөнхийлөгчийн хувьд тэр зүгээр нэг оюутан биш, мөн хүү нь. Үүн шиг хүн Бурханд үйлчлэн зүтгээд ирэхэд Бурхантай холбоотой хувийн харилцаа тогтдог. Хууль дүрмүүд энэ тохиолдолд хоёрдугаарт тавигддаг.

Аюурведийн эмч, сэтгэл зүйч Олег Торсуновын “Өөрийгөө албадан инээмсэглүүл” лекцээс, Санкт-Петербург. 2017.10.17

Орчуулж бэлдсэн: Балабхадра дас

Spread the love

Сугар төөрөг зурхай дээр нь хүчтэй хүмүүс ямаршуу харагддаг вэ? Нэгдүгээрт тэд маш удаан хугацаанд залуу харагддаг. Яагаад тэр вэ? Яагаад гэвэл Сугар нь залуу насыг бэлэглэдэг. Тэрээр өөртөө Санживани эрчмийг шингээсэн байдаг. Ведэд өгүүлснээр, залуу байхыг хүсэгч нар нь Сугар гаригт мөргөх хэрэгтэй хэмээсэн. Үүнтэй холбоотой тусгай зан үйлүүд бий. Сугар нь мөнхийн залуу нас, гоо сайхныг бэлэглэдэг. Жишээ нь, Людмила Гурченко гуйа байна. Тэр 75 настай. Гэвч өөрийгөө яг л залуухан эмэгтэй шиг авч явдаг. Үүнийг анзаарсан уу? Та бүхэн түүнийг хөгшин эмэгтэй гэж лавтай хэлэхгүй.

Сугар нь залуулаг сэтгэл зүйг өгдөг. Мөн тэр ч байтугай биемахбодь удаан хугацаанд өтлөж хөгширдөггүй. Ийм учраас бүхий л сугарынхан залуу сайхан харагддаг.

Сугарын эмэгтэйчүүд бөөрөнхийдүү биетэй, үлгэр жишээ гадаад төрхтэй, тачаангуй. Тэднээс Сугарын эрчим цацарч байдаг. Уруул, нүд нь маш мэдрэмтгий, хилэн арьстай, буржгар үстэй. Хэрэв үс төрөлхөөсөө буржгар бол энэ нь төөрөг зурхай дээр Сугар нэн хүчтэй байна гэсэн үг юм.

Сугар нь хаадын гариг бөгөөд сугарын хүмүүс гоо сайхан, эд баялаг, тансаг амьдралд хүчтэй татагддаг.

Сугарын эрчүүдийн хувьд мөн л адил. Тэд маш загварлаг, маш гоо зүйн мэдрэмжтэй хүмүүс байдаг. Хууз сахал, ооч сахал, живэр сахал зэрэг нь нэн дэгжин зохицсон байдаг. Д.Артаньян бол Сугарын эрэгтэйн нэгэн хэв шинж. Сугарын эрчүүд зангиа зүүх болон албан  ёсны хувцас зэрэгт дургүй… Хүчтэй Сугар бүхий эрчүүд нь шунал тачаал ихтэй ба маш гоё ярьдаг.

Ведийн зурхайч, сэтгэл зүйч Сергей Серебряковын лекцээс

Spread the love

Хэрэв та ядуу гэр бүлд төрсөн бол энэ нь танд пунья дутагджээ гэсэн үг. Пунья гэдэг нь буянт үйлийн нөөц гэсэн утгатай.

Тэгэхэр юуг юуны түрүүнд хийх хэрэгтэй вэ? Хэт их газар хагалаад хэрэггүй. Харин буянт үйлүүдийг хийж эхлэх хэрэгтэй гэсэн үг. Өөрөөр хэлбэл аз хийморийг хүлээн авах буяны банкыг бий болгох. Хоёрдугаарт, ямар боловсрол мэдлэг танд дутагдаж байгааг олж мэдэх. Өөрөөр хэлбэл мэдлэг боловсрол олох. Үргэлжид юунаас эхлэх хэрэгтэй байдаг вэ? Тэвчлээс, буянт үйлүүдээс эхлэх хэрэгтэй. Дараа нь боловсрол. Гурав дахь шатнаас л хөдөлмөрлөх ажил эхлэнэ. Гэвч хүмүүс юунаас эхлэдэг вэ? Газар хагалахуйгаас. Тэд, “Одоо би сөхөрч унатлаа газар хагалах болно. Тэгж л мөнгө олох болно” хэмээн боддог. Гэвч юу болохыг нь та ажиглаарай: ямар нэг нөхцөл байдал үүсэн бий болж, таны мөнгө урсаж эхлэнэ. Өөрөөр хэлбэл, таны хянаж чадахгүй тэр зүйлийг аз хийморь гэдэг. Аз хийморьтой болохын тулд буянт үйлүүдийг хийх хэрэгтэй. Ийм учраас бизнес эхлэхийн өмнө таны зүрх сэтгэлд хэдийчинээ буян байгаа вэ гэдгээ мэдэх ёстой.

 

Ведийн зурхайч, сэтгэл зүйч Сергей Серебряковын лекцээс бэлтгэсэн: Балабхадра дас 

 

Spread the love

Нарийн биед зан чанар оршиж байдаг. Нарийн бие гэж юу болохыг ойлгох нь хүмүүст маш хүнд. Бид нарийн биедээ амьдарч байдаг. Чухамхүү тэнд л бид оршин амьдардаг. Харин физик биед биш. Физик бие бол зүгээр л машин. Түүн дээр бидний нарийн бүтцэд болсон бүх өөрчлөлтүүд ойн тусдаг. Нарийн бүтэц гэдэг нь тэгвэл юу вэ? Энэ бол бидний сэтгэл зүй юм. Энэ бол бидний ухаан, бидний мэдрэхүйнүүд, бидний бодол санаанууд юм. Бид бүхий л цаг үед бодол санаан дотроо амьдарч байдаг. Энэ нь амьд бодгалийг хучиж байдаг бүрхүүл юм. Сүнс буюу санскритаар атма, жива гэж нэрлэгддэг зүйл нь зүрхний орчимд орших арван төрлийн агаарын урсгал дунд хөвж байдаг. Тэрээр өөрийн эрчмээр бидний биеийн хэсэг бүрд, бидний организмын эс бүрд нэвчин ордог. Үүний ачаар л бид энэхүү бие маань амьд байна гэдгийг мэдэрдэг.

Сүнсний эргэн тойронд оюун ухаан оршино. Бидний үзэл бодол бол сүнсний функц мөн. Оюун ухааны эргэн тойронд мэдрэхүйнүүд ухааны(сэтгэл) хамт оршдог. Матрёшка хүүхэлдэй ийн бий болдог. Энэ бүхэн нь амьдралын агаар урсаж байдаг нади сувгаар нэвчдэг. Заримдаа бидний чих шуугидаг даа. Энэ нь бидний амьдралын агаар маш идэвхитэй байна гэсэн үг. Хэрэв та чихээ дарвал та тэр нэгэн авиаг сонсох болно. Харин хэрэв нэгэн сайхан өдөр та түүнийг сонсохгүй байх аваас гурван өдрийн дараа гэхэд та нас нөгчинө гэсэн үг юм. Сушумна нь төв суваг. Хэрэв чихэнд шуугих чимээ үл сонсогдох аваас праны урсгал хөдөлгөөн үгүй болжээ гэсэн үг юм…. Зарим хүн шөнө босоод, түүний бие тэртээд хэвтэж байхыг мэдэрч хардаг. Дараа нь буцаад биедээ ордог. Санамсаргүй байдлаар биеэсээ гарсан тохиолдлууд ч олон. Жишээ нь, ухаан алдах үед. Хүн ухаан алдаж унаад, энэ үед биеийнхээ гадна гарч болдог. Зарим хүн клиник үхлийн үед эсвэл мэс заслын дараа эсвэл наркоз буюу унтуулах тарилга хийлгэсний дараа зарим нь өөрийн биеэ хажуунаас нь харсан нь ч байдаг. Ийм хүмүүс маш олон. Тэд чухам юу болоод байгааг ойлгодоггүй. Огт юу ч ойлгодоггүй, үүнээсээ болж цочролд ордог. Өөрөөр хэлбэл эндээс үзвэл хүн физик биегүйгээр амьдарч чадах нь гэсэн үг.

Хэрэв хүн ямар нэг зүйл хийгээд хамаг ухаан нь түүнд чиглэсэн байх аваас түүний бүх ухамсар нь тийшээ чиглэдэг. Тэр ч байтугай тэрээр өвдөлт ч мэдрэхгүй байх боломжтой. Өөрөөр хэлбэл энэ нь физик бие бол ердөө машин бөгөөд биднээс тусдаа бие даан ажилладаг машин гэдгийг илэрхийлж буй. Нарийн бие бол бидний сэтгэл санааны цар хүрээ юм. .. Ийм учраас сэтгэцийн өвчнүүдийг эмээр эмчилдэггүй. Яагаад гэвэл юу өвдсөн байх нь уу? Сэтгэл нь өвдсөн байх нь. Харин тэд биеийг нь эмчилдэг. Тархи нь сэтгэл санааны үйлийн тусгал байдаг. Тэгээд л гүйцээ.

Ведийн зурхайч, сэтгэл зүйч Сергей Серебряковын лекцээс

 

Scroll to Top