-Рами, би таны зөвлөгөө бүхий бүх л нийтлэлүүд, номуудыг тань уншсаан. Таныг би хаашаа чиглүүлэх гээд байгааг тань мэдэж байгаа ч миний тухайд яг одоогийн байдлаар гүн ухаанчлаад байх цаг биш болоод байна. Миний биед хавдрын сэжигтэй онош илэрсэн. Сэтгэл зүйч эмч маань намайг хүчтэй антидепрессант ууж эхлэхийг зөвлөсөн. Миний хүсэх зүйл гэвэл…

-Хүлээгээрэй, хүлээгээрэй. Таны бүх үгүүд, асуултууд тань, би хүсч байсан, надад, би хүсэхдээ гэх мэтчилэн үгүүдээр эхлээд байна. Таны бүхий л үг болон бодол санаа тань “би” ба “миний” хэмээх үзлийг тойрон эргэлдэж байна. Таны хийж байгаа бүхэн зөвхөн өөрийнхөө төлөө байна. Эдгэхийн тулд та залбир, ариун газарт зочлон оч. Сайн цалин хөлстэй ажил ол.

Мөн хэн нэгэнд та баяр баясгаланг авч ирж байв уу? Хэн нэгнийг та аз жаргалтай болгож байв уу?

-Гэхдээ би бүхий л талаараа цэвэр ариун болж байгаа. Энэ нь дэлхий дахинд ч ач тустай, – хэмээн тэрээр бардмаар мэдэгдэв.

-Дэлхий ертөнцийн талаар би мэдэхгүй ч таны ойр дотнын хүмүүсийн хувьд та маш том толгой өвчин нь. Та сүүлийн хэдэн жилүүдэд ямар нэг сайн үйлийг хийсэн үү? Зөвхөн өөрөө өөр дээрээ төвлөрч, зөвхөн өөрийнхөө төлөө амьдрахаа боль. Асрамжийн газар дахь өвчтэй хүүхдүүдийг очиж асар, хөрш айлуудаасаа настай, ганцаардмал хүнийг олж, түүнийг арчлан халамжилж, олон нийтийн газар дахь хог хаягдлыг цэвэрлэ…

Ганцхан энэ тухайгаа хэнд ч бүү ярь. Бүх дэлхий чамд өртэй юм шиг нүүрэндээ “баас”  түрхсэн юм шиг алхахаа боль. Бусдыг сонсож, бусдыг ойлгож сур. Онол танд хангалттай болсон, одоо явж, ямар нэг физик бодит үйл хийж эхлэ, – хэмээн би түүнд хэлэв.

Хэд хоногийн дараа над руу түүний ээж нь утасдаж, хүү нь гэнэтийн байдлаар гэгээрэн гэрэлтэж байгаад баяр хөөртэйгөөр бас халуун дотноор талархал илэрхийлэв. Хэдэн сарын дараа би семинар сургалт хийхээр тэдний хотод нисэж очсон юм. Семинар эхлэхийн өмнө тэр над руу гэрэл цацруулан дөхөж ирээд, бэлэг өгч, халуун дотноор талархал илэрхийлсэн юм. Тэгээд, зөвлөгөө авсныхаа дараа амьдралдаа анх удаа бурханлаг трансын төлөвт орсон хэмээн ярив. Энэ үйл явдал нь супермаркетад нэгэн настай эмэгтэйн мөнгө нь хүрэлцэхгүй байхаар нь мөнгө өгөх үед болжээ. Түүнчлэн хүүхдийн асрамжийн газарт анх удаа очсоныхоо дараа нэгдүгээр давхрыг нь угааж, хүүхдүүдэд йогийн хичээл заасныхаа дараа тэрээр бурханлаг трансад орж, хэдэн цагийн турш уйлсан аж.

Түүний хувьд эмч, сэтгэл зүйчид рүү очоод байх ямар ч шаардлага байхгүй. Өнгөрсөн долоо хоногт шинжилгээнийх нь хариу гарсан бөгөөд сэжиглэгдэж байсан хорт хавдар нь бүрмөсөн алга болсон байлаа.

Энэ бүхнийг ойлгож, хүлээн аваад та яг л болзол нөхцөлгүй хайрын хувилгаан мэт амьдарч эхлэ. Үглэх зэмлэхээ талархлаар соль. “Энэ хүнээс, энэ нийгмээс юу авчихаж болох билээ?” хэмээн боддог ухаан санааны асуултаа “Эргэн тойрондоо би юу өгч чадах билээ? Тэдний амьдралыг би яаж аз жаргалтай болгож болох билээ? Тэднийг яаж хайраар цэнэглэх билээ?” гэсэн асуултуудаар соль. Өөр дээрээ, зөвхөн өөрийнхөө асуудлууд дээр төвлөрдгөө боль.

Ведийн зурхайч, сэтгэл зүйч Рами Блектийн “Аз жаргал, эрүүл мэнд, амжилтад хүрэх 10 алхам. Төгс хүн болох өөртөө зааварчлах гарын авлага” номоос бэлтгэсэн: Балабхадра дас

Нэгдүгээр түвшин – үл хайхрах.

Хамгийн доод түвшний, алдас доромжлол бүхий сонсолт: “Чи миний хувьд сонин биш. Үүнийгээ ч чамаас нуухгүй. Чи бол миний хувьд хэн ч биш”. Энэ тохиолдолд холбоо харилцаа үүсгэх боломжгүй гэдэг нь ойлгомжтой.

Хоёрдугаар түвшин – Үзүүлбэрийн.

“Мэдээж хэрэг, иймэрхүү янзтай байгаагаа таньд үзүүлэх нь надад ичгэвтэр л байна. Таныг доромжлоод байгаагаа ойлгож байна л даа. Гэхдээ би ядаж л сонсож байгаа юм шиг харагдаж байгаа биз дээ. Таныг дуустал нь тэвчнээ. Тэгээд та эндээс арилаад өг”. Энд мөн л харилцаа үүсэхгүй.

Гурав дахь түвшин – сонголттой сонсолт.

“Таны ярьж байгааг би сонсож байнаа. Гэхдээ би өөрт хэрэгтэйгээ л сонсоно. Үлдсэн нь миний чихний хажуугаар өнгөрнө. Таны надад хэлэх гээд байгаа зүйл чинь надад сонин биш. Гэхдээ би өөрөө өөртөө ямар нэг зүйлийг хүлээгээд авчихаж чадна”.

Өвчтөн сэтгэл зүйч эмч дээр ирэв.

-Эмчээ, миний эргэн тойронд бөөн асуудал. Тэр ч байтугай өчигдөр зах руу очтол…

-Тийм ээ… Зах руу юу ? Тэнд төмс ямар үнэтэй байна?…

Сонголттой сонсолт гэдэг нь хүн өөрийн хүссэнээ л сонсохыг хэлэх ба бүгдийг нь сонсохгүй гэсэн үг юм.

Үүний дараа-  анхааралтай сонсох.

Та бүгдийг анхааралтай сонсох ба гэвч бүгдийг өөрөө өөртэйгөө адилтгана. “Хэрвээ минийх шиг бол зөв, үгүй бол буруу”. Та дараа нь өөрийн үзэл бодлоо нөгөө хүнд нялзаахын тулд сонсоно. Анхааралтай сонсолтод өөрийн гэсэн дутагдал байдаг. Гэвч анхаарамж байгаа нь сайн хэрэг ба тэрээр ямар нэг зүйлийг ойлгож чадна гэсэн үг.

Тавдугаар түвшин нь хамгийн дээд түвшин. Мэдэрч сонсох. Та тухайн хүний ярьсан бүхнийг мэдэрч сонсохыг хэлнэ.

Яагаад бид энэ түвшний сонсолтоос татгалздагийг хэлэх үү? Би та бүхэнд тайлбарлая. Яагаад гэвэл энэ нь туйлын эрсдэлтэй. Ямар нэг асуудал проблемын нөлөөнд орж болзошгүй байдаг.

Жинхэнэ мэдэрч сонсоно гэдэг нь өөрийн хөл дээрээ бат зогсохыг хэлнэ. Ийм учраас бусдад туслаж чадна! Мэдлэгийн байр суурь ийм. Ийм тохиолдолд таны сонсолт маш хүчирхэг болно.

Чайтанья чандра чаран дас (Александар Хакимов)

Орчуулж бэлдсэн: Балабхадра дас

Апокалипсисын шатанд үлдсэн буюу диваажингаас хөөгдөгсдийн шатанд гацсан хүмүүсийн хэд хэдэн төрөл анги байдаг.

Нэг дэхь ангилалд нь, Амиа Хорлогч нар ордог. Өөрөөр хэлбэл хүн, өөрийнхөө хэд наслахыг хүссэнээрээ шийдэж болно гэж боддог аваас буюу амиа хорлосноор тухайн хүн өөрийн нарийн биедээ хэдий чинээ амьдрах ёстой байсан төдий хугацаагаар үлддэг. Хэрэв хувь тавилангаараа тэрээр далан нас наслах ёстой байсан ба гучин таван насандаа жишээ нь тэр бодлогогүй үйлдлийг хийсэн аваас үлдсэн гучин таван жилийг тэрээр тэрхүү нарийн биедээ оршин өнгөрүүлэх болно гэсэн үг юм. Үүнд сайн зүйл огт үгүй бөгөөд учир нь бидэнд байдаг мөнөөхь хэрэгцээ шаардлагууд хүслүүд мөн түүнд үлдсэн байдаг. Өлсөх мэдрэмж, цангах мэдрэмж зэрэг нь бүдүүлэг биемахбодьтой холбоогүй.

Бүдүүн физик биемахбодь нь ухаанаас үүсэлтэй хүслүүдийг хангах боломжийг өгч байдаг. Өөрөөр хэлбэл хүсэл байдгаараа л үлдсэн байдаг.Гэтэл хүслийг хангах боломж чадвар нь үгүй болсон. Ийм учраас мөнөөхь хүн өлсөх, цангах гэх мэтийг амсаж мэдрэнэ гэсэн үг. Үүнийг хий үзэгдэл, буг чөтгөр, сүнс гэх мэтчилэн нэрлэдэг бөгөөд тэд шинэ бие хайн үүгээр түүгээр хэсүүчилж байдаг. Тийм боломжууд тэдэнд байдаг. Хэрэв амьд хүний сэтгэлийн хүчний төв буюу Сахасрара чакра сул байх аваас өөр амьд бодгаль түүний биед нэвтрэн орооод, түүнийг ашиглах боломжтой байдаг. Үүнийг орчин үеийн сэтгэл зүйн ухаанд шизофрен эсвэл нэг хүн хоёр болох үзэгдэл гэх бөгөөд өөрөөр хэлбэл нэг биеийг хоёр амьд бодгаль хуваан ашиглахыг хэлж буй. Тэд биеийн эзнийг хянаж, захирахыг хичээж байдаг. Энэ төвийн эрчим сулрах хамгийн гол шалтгаан энэхүү нэгэн төрлийн өвчлөлийн урьдач нөхцөл нь хар тамхи, мансууруулах зүйлсэд донтох явдал байдаг. Өөрөөр хэлбэл хар тамхичид, архичидын энэхүү төв нь бусдаас илүүтэй сул болсон байдаг.

Сэтгэл судлалын эмнэлэгт нэгэн энгийн жишээг өгүүлсэн байдаг. Нэг америк хүний биед нэгэн зэрэг өөрөөс нь гадна хорин гурван бодгаль амьдарч байсан тухай. Тэрээр залуухан хөвгүүн байсан бөгөөд ихэвчлэн нэгэн хэвийн хайхрамжгүй эсвэл сэтгэл гутралын төлөвт оршин байдаг байсан ба ухаан орох болгондоо буюу өөрөө өөртөө ирэх болгондоо амиа хорлох гэж оролддог байж. Ийм учраас эдгээр хорин гурван бодгаль нь түүнийг зүгээр л унтаа төлөвт байлгаж байдаг байсан ба түүний биеийг тэдний өөр өөрсдийн боломжит тийм функциональ байдлаар харгалзан хуваадаг байжээ. Тэдний дунд нэгэн хулгайч охин байсан бөгөөд тэрээр цоож цуургыг маш чадварлагаар онгойлгож чаддаг байв.

Хар даа.  Бүдүүн биенд тодорхой чадвар оршдог байлаа гэхэд энэ чадвар нь юутай холбоотой байх вэ? Нарийн биетэй холбоотой байна. Амьд бодгаль биеийг удирдаад эхлэмэгц цоожийг онгойлгоход шаардагдах тийм чадвар нь шууд гараад ирж байна. Эсвэл жишээ нь, ямар нэг тулааны урлаг, бөхөөр хичээллэдэг байсан бол энэ нь мөн л адил. Хэрэв тэд байриа сольвол тэрээр тулаанч(мөнөөхь л биед) болж гарч ирэх бөгөөд тэр биеэр маш чадварлагаар тулалдах болно.

Ийм учраас амиа хорлогч нар нь хоёр дахь шатны нарийн биед түгжигдсэн ангилалд хамаарах ба хувь тавилангар оноогдсон хугацаагаа тийн дуусгах учиртай байдаг. …

…Долоо дахь ангилал. Үр хөндөлтийн үр дүнд. Амьд бодгалиудад сонгох эрх чөлөө байдаг нь үнэн. Эцэг, эхчүүдээ (үр хөндүүлэхээр шийдсэн) тэд хэдийнээ сонгосон. Бид, тэдний эцэг, эхээ сонгодоггүй гэж ярьж буй аваас энэ нь огт үнэнд үл нийцнэ. Яагаад гэвэл шинэ төрөл бүрийн өмнө, шинэ бие авахын өмнө бид хувь тавилангийн найруулсан жүжгийг хүлээн авдаг. Өөрөөр хэлбэл бид боломжуудыг олж харах ба гэр бүлд нь төрөхийг хүссэн эцэг, эхээ сонгодог. Ийм учраас бид эцэг, эхээ өөрсдөө сонгодог. Гэтэл бид эцэг, эхээ сонгоод удаагүй байтал ээж нь үр хөндүүлжээ. Тэгэх аваас мөнөөхь амьд бодгаль дахин төрөх шинэ боломжийг хүлээх шаардлагатай болно. Магадгүй тэндээ түгжигдэж болно. Хэрэв үр зулбах аваас тэнд өөр механизм үйлчилнэ. ..

Чухамхүү яагаад хүн энэ шатанд гацдаг вэ? Хүн хүний амьдралын хэлбэрийн үнэ цэнийг үл ухамсарлах аваас энэ шатанд гацдаг.

Хүний амьдралын хэлбэр нь маш ховор гэж ярьдаг шүү дээ… Төсөөл дөө. Сахиулсан тэнгэрүүд очерлож дугаарлан зогсож байдаг хэмээх яриа байдаг. Та бүхэн тиймэрхүү яриа сонсож байсан уу? Өнөөгийн энэ цаг үед, Кали югад дээд гаригийн системээс амьд бодгалиуд Газар дэлхий дээр төрөх гэж дугаарлан зогсож байдаг. Яагаад гэвэл Газар дэлхий дээр маш энгийнээр ашиглах боломжтой тодорхой маш гайхамшигтай боломжууд өнөө үед бий билээ. Өнөөгийн энэ цаг үед маш хурднаар бурханлагаар өсч хөгжих боломжтой. Олон тооны дэвшилтэт бодгалиуд энэхүү боломжуудыг ашиглахын тулд нааш ирсээр буй.

Хүний төрөл бол бэлэг юм. Хүний бие бол Бурханыг хайрлах хайрыг маш хурднаар хөгжүүлэх боломжийг олгодог шилдэг боломж юм. Ганц амьдралдаа үүнийг хийчих боломжтой.

Ведийн сэтгэл зүйч Койновын лекцээс орчуулж бэлдсэн: Балабхадра дас