…Унтаж байх үед нарийн бие ихэнхидээ физик биеэ орхин аялан оддог. Метафизик чадвар бүхий хүмүүс үүнийг өөрийн хүссэнээр хийж чаддаг. Ийм үзэгдлийг ерөнхийдөө астраль проекц буюу астраль аялал хэмээн нэрлэнэ. Хэрхэн ухамсартайгаар энэ физик биеэ орхих, түүний хил хязгаарын чанадад орших нарийн биеийг ашиглах тухай зааж сургадаг ведийн ба эртний египетийн уламжлал соёлоос эх авсан системүүд бий. Шавь нараа физик биеийн хил хязгаарын чинагш гаргаж, илүү нарийн түвшинд аваачихыг заан сургадаг. Ийм мэт боломжууд нь хүн дан ганц физик биеэс илүү өргөн дэлгэр гэдгийг батлах ба дээд хүчнүүдтэй холбогдоход хэрэглэгддэг бодит олон түвшин бий.

Та нарийн ертөнцтэй холбогдож байгаа нөхцөлд таныг гоо сайхан ба аюул ослын аль аль хүлээж байх болно. Гоо сайхан гэдэг нь нээлт ба үзэгдэл бөгөөд энэ тухай санамжийг та энэ физик ертөнцөд сэрүүн ахуйдаа тээн авч ирэх явдал юм. Аюул гэдэг нь та сөрөг нөлөөлөлтэй тулгарч магадгүйд оршино. Унтаж байгаа эсвэл астраль аялал хийж байгаа хүний ухамсарт нэвтрэх чадвартай олон тооны эерэг ба сөрөг нөлөөлөл бүхий бодгалиуд байдаг. Тэд ихэвчлэн гэр бүлийн гишүүний дүрээр эсвэл ойр дотнын найз нөхрийн дүрээр илэрдэг. Түүнчлэн нарийн түвшинд тухайн унтаж буй хүнтэй үл хүсүүштэй сексийн харьцаанд орох чадвар бүхий бодгалиуд ч бий.

Хий үзэгдлүүд, буг буюу физик биеэ алдсан бодгалиуд нь хүнд сөрөг нөлөөлөл үзүүлдэг. Хий үзэгдэл гэдэг нь физик биемахбодид орох, төрөх боломж нь хаагдмал, амиа хорлолтоос эсвэл аллагаас болж физик бие махбодио цагаасаа өмнө орхисон амьд бодгаль юм. Чухамдаа сүнсний үндсэн мөн чанар нь цэнгэл жаргалд тэмүүлэх явдал учраас нарийн биет тэр бодгаль мэдрэхүйн цэнгэл таашаал хүртэхийн тулд физик биемахбодид орох боломжийг эрж хайж байдаг. Хүний аура буюу гэрлэн бие архи ба мансууруулах бодис хэрэглэсний уршгаар нам давтамжит түвшинд очсоноор тухайн хүн маш хялбараар тийм мэт биемахбодьгүй бодгалиудын хөнгөн зууш болох болно.

Хэрэв та бурханлаг байдлын хувьд нээлттэй бол таны нарийн бие бурханлаг ба сөрөг мөн чанар бүхий бодгалиудын аль алиныг нь өөртөө дуудах онцгой цацрагийг өөрөөсөө бий болгон гаргана. Ингэснээр та ямар ч үзэгдлийг амархан мэдрэх, хүлээн авах онцгой мэдрэмжтэй болох болно. Тэр ч атугай та унтаж байх үедээ ч хүлээн авбал зохих тэр мэдээллүүдийг хүлээн авах ба сэрүүн байх явцдаа санамсаргүйгээр тэрхүү мэдээлэл зааврын дагуу үйл үйлдэх болно. Хэрэв ямар нэг айлдвар илгээлт үнэхээр таны бурханлаг өсөлт хөгжилтөд чиглэгдсэн байх аваас та энэ тухай мартаж болох ба эсвэл түүний утга учрыг ухамсарлахгүй. Гэвч тэрээр ялгаагүй таны ухамсарт нөлөөлөх болно. Ерөнхийдөө эерэг ба сөрөг туршлагууд нь таны бурханлаг хөгжлийн түвшинг тэнсэх “чанарын шалгуур” юм.

ҮЛ ҮЗЭГДЭГЧ БОДГАЛИУДАД ХЭРХЭН НӨЛӨӨЛӨХ ВЭ?

Тодорхой үйлийн тусламжтайгаар унтах үедээ та өөрийгөө сөрөг нөлөөллөөс хамгаалж чадна. Үүний тулд та гэртээ ариун гэгээн хүний зураг хөргийг байрлуулах хэрэгтэй. Учир нь ямар ч эд зүйл тухайн энергиэр цэнэглэгдсэн байдаг. Таны физик биеийг харж, хянаж байлгахын тулд та орныхоо толгой орчимд бурханлаг байдлаар ахиж хөгжсөн бодгалийн зургийг байрлуулах хэрэгтэй. Тухайн хүний түвшин бурханлаг байдлаараа хэдийчинээ төгс байна, төдийчинээ түүний зураг нь хүчтэй байх ба энэ хирээр түүний туслах хүч нөлөө нэмэгдэнэ. Хэрвээ та орныхоо толгой орчимд ариун гэгээн хүний зураг өлгөх аваас сөрөг муу нөлөөлөл бүхий бодгалиуд таны зүүд нойрыг тийм амар бусниулж чадахгүй.

Харь газарт, өөр бусдынд хонож байхдаа ямар ч хоноглох газар нь тэнд амьдардаг хүмүүсийн энергиэр цэнэглэгдсэн байдаг гэдгийг санах хэрэгтэй. Зарим нэг хүмүүс ялангуяа бурханлаг байдлаар өсөж хөгжсөн бодгалиуд зочид буудал, отель, мотель зэрэгт амарч унтаж чаддаггүй. Тэд тухайн байранд шингэсэн ариун бус энергийг мэдрэх ба тэр ч байтугай урьд өмнө нь хэн ч ашиглаж байгаагүй ч. Ийм мэт байр, амьдрах газрыг бурханлаг дуу хөгжмөөр ариусган цэвэрлэж болно. Түүнчлэн та ямар нэг газрыг таны бурханлаг ухаан ухамсарт тохиромжтой болгохын тулд залбирал, бясалгалын тусламжтайгаар эсвэл зүгээр л тэнд бурханлаг зураг байршуулснаар өөрчлөн сайжруулж болно. Хэрэв та орчны байдлыг өөрчлөх ямар нэг зүйл үл хийх аваас хор хөнөөлт нөлөөллөөр дүүрэн тэр өрөөний атмосфер тэр хэвээрээ үлдэх болно.

Хэрэв хэн нэгэн хүн дээр цаг ямагт сөрөг нөлөөт бодгалиуд ирээд байх аваас энэ нь түүний ухамсар бохирдсон гэсэн үг юм. Ийм хүний хувьд бурханлаг тал дээрээ өсөн хөгжих нь зайлшгүй чухал. Сөрөг нөлөөт бодгалиуд цэвэр тунгалаг ухаан ухамсар бүхий хүн дээр хүрч очих дургүй. Энэ нь хархнууд цэвэр цэмцгэр өрөө тасалгаанаас зугадтагтай адил. Ухамсрыг дээр дурдсан аргаар болон бурханлаг дадал практикийн тусламжтайгаар ариусгаж болно. Гэр орондоо янз бүрийн бурханлаг зүйлсийг байршуулах хэрэгтэй. Мөн ямар нэг сөрөг үйл ажил явагдахыг бүү зөвшөөр. Энэ нь та өөрийн гэр орондоо төрөл төрөгсөд, найз нөхдийгөө архи, дарс уух, мансууруулах зүйлс хэрэглэх, тамхи татах, дэмий зүйл ярихгүй байхыг хүсэх явдал юм. Ерөнхийдөө бурханлаг буюу оюунлаг санаа бодол, бурханлаг үйл хэргийн эсрэг чиглэгдсэн бүхнийг хориглох хэрэгтэй.

Хэрэв таны мэдрэмж сайн бол та гаднаасаа байнгад сөрөг нөлөөлөлд автаж байгаа бол та ямагт хар дарж зүүдлэх, эсвэл таны биенд хэн нэг нь нэвтрэх гээд байгааг мэдрэх, ажиглах болно. Энэ нь танд нөлөөлж буй биет хор хөнөөлт, сөрөг санаа бодолтой гэсэн үг хараахан биш юм. Тэд хайр энхрийлэл, дэмжлэг тусламж эрж хайж болох ба эсвэл зүгээр л хүүхэд шиг ааштай, шогч байж болох. Энэ тохиолдолд та эелдгээр, энэрэх сэтгэлтэйгээр таны ухамсарт нэвтрэн орсон тэр бодгальд хандаж, тантай хамт тэрээр энэ ариун газарт бясалгахыг санал болгох хэрэгтэй. Түүнчлэн түүнийг ямар нэг бурханлаг үйл ажиллагаанд татан оролцуулахыг хичээх хэрэгтэй, түүнийг хэрэгтэй зүгтээ хандах тулгуур өг. Хэрвээ та хайр энэрлээр дүүрэн, зөв шударга явдалтай бол чухамдаа та энэхүү сүнснийг тэр эмгэнэлт төлөв байдлаас нь татан гаргаж байгаа юм. Ийм бодгалиудад энэ ертөнцөд бурханлаг амжилт өөд өгсөн дээшлэх, хүрэхийн тулд их хайр, их энэрэл шаардагдаж байдаг. Мөн чанарынхаа хувьд тэд сөрөг чанартай тул айдас хүйдсээс хүч сэлбэн авч байдаг. Бурханлаг дайчин болсон хайр энэрлээр зэвсэглэсэн хүн түүний сүнсийг чөлөөлөх, түүнийг өөр зам мөрд чиглүүлэхийн тулд тухайн бодгалийг ялан гарч чадна.

Джон Фэйвор , Бхакти Тиртха Свами  “Бурханлаг дайчин”

номоос сийрүүлсэн: Балабхадра дас

Бие махбодь ба астраль бие, сүнс

Эртний судар номуудад өгүүлэхдээ хүн энэ физик биемаходиос хамаагүй том хэмээн өгүүлсэн байдаг. Чухамдаа хүн физик ба астраль(нарийн) гэсэн хоёр биетэй.Гэвч хүний жинхэнэ би нь түүний сүнс юм. Эртний ведийн бичээсүүдэд сүнсний хэмжээг үсний үзүүрийн хөндлөн огтлолыг 10 000 хуваасны нэгтэй тэнцэнэ гэсэн байдаг. Сүнс нь зүрхний орчимд орших ба амьдралын жинхэнэ хүч болдог. Физик ба астраль биес нь ердөө л бүрхүүл буюу хувцас төдий агаад энэ хувцсыг сүнс нь материйн ертөнцөд аялан байхдаа өмсдөг. Биднийг хувцсаа солиход буюу нэг биеэ нөгөөгөөр солихыг дахин төрөх гэх ба урьд насны дурсамж сэтгэгдэл нарийн биенд хадгалагдан үлдэж, дараа дараагийн амьдралуудад бид тэднийг өөртөө хадгалсаар явдаг. Унтах үед нарийн бие физик биеэс илүү идэвхитэй байдаг. Бидний зүүд ихэнхидээ урьд урьдны амьдралуудад хураан хуримтлагдсан үйл явдал, дурсамжуудыг агуулсан байна.

Зүүдний дөрвөн төрөл

Зүүдийг шинж тэмдгүүдээр нь олон янзаар ангилж болно. Дөрвөн төрлийн зүүд бий. Нэгт нь, сэтгэл зүйн хүсэл тэмүүллийн үр дүнд үүсэх зүүд. Хэдийгээр бие унтаж байвч мэдрэхүйнүүд урьдынхаараа эрч хүчтэй байдаг. Өөрөөр хэлбэл оюун ухаан урьдынхаа адил мэдрэхүйн өдөөгдлүүдэд нээлттэй байна гэсэн үг. Жишээ нь,  галт тэрэгний дуут дохиог сонсож гэж бодъё. Энэ дохио таны далд ухамсарт нэвтэрмэгц та зүүдэндээ галын машин зүүдлэнэ.

Хоёр дахь төрлийн зүүд нь, далд ухамсарт зүүрмэглэн байх бодол санаагууд биеллээ олох явдал юм. Таны бодож байгаа бүхэн таны далд ухамсарт хадгалагдана. Сэрүүн байх үедээ та энэ санаа бодлуудыг онц анзаарахгүй, тэд нууцлаг байх авч унтах үед буюу ухамсар чөлөөтэй болох үед энэ санаа бодлууд ил тод болж ирнэ. Физик бие унтахад оюун ухааны үйл ажиллагаа үргэлжилж байдаг ба далд нууцлаг санаа бодлууд гарцаа олно. Унтах үедээ та сэрүүн байх цаг мөчид тохиох боломжгүй зүйлүүдийг зүүдлэнэ. Зүүд нь хэдийчинээ та тэр зүйлд автаж шингэсэн байна, танд хэдийчинээ орчин тойрон тань нөлөөлнө тэр чинээгээр танд хурц тод санагдах болно.

Гурав дахь төрлийн зүүд нь, таныг сэрүүн байх үед таны ухамсарт ноёлож байсан тэр сэтгэгдлүүдийг тусгасан зүүд байна. Жишээ нь, хэрэв та байнга л өлсгөлөн байсан гэж бодвол таны зүүдний дийлэнхийг хоол ба хоолны эрэл хайгуулын тухай зүүд эзлэх болно. Барууны орнуудад хүмүүс ихэвчлэн ажил болон сексийн асуудал дээр илүүтэй төвлөрөн боддог. Ийм учраас ажил ба секс тэдний зүүдний ихэнхи хувийг эзэлдэг. Эсрэг хүйстнийхээ хүнийг сонирхогч хүн секс амьдралд нь онцгой байр суурийг эзэлдэггүй хүмүүсийнхээс хамаагүй илүү эротик зүүд зүүдлэдэг. Сэрүүн үеийн бидний санаа бодол зүүдэнд маш хүчтэй нөлөөлөх ба мөн бидний зүүдэнд олон нийтийн мэдээллийн хэрэгслээс авч байгаа мэдээлэл, дүрс хэлбэрүүд онцгой нөлөө үзүүлнэ. Заримдаа бид зүүдэндээ өөрийн гэр бүлийн гишүүдийг зүүдлэх ба энэ нь хэдийчинээ олон удаа зүүдлэгдэнэ, төдийчинээ бидний гэр бүлийн холбоо, мэдрэмж хүчтэй байдаг. Холдон салсан ойр дотны хүмүүс нэг нэгэнтэйгээ зүүдээрээ холбогдох нь олонтоо. Түүнчлэн яг унтахын өмнө та юуны тухай бодно, таны зүүд энэ чиглэл рүү хандах болно.

Дөрөв дэхь төрлийн зүүд нь, үйлийн үр боловсроход туслах ба өөрөөр хэлбэл энэ амьдралдаа бидний даван гарах ёстой тэр хичээлүүд байдаг. Заримдаа зүүдээр хураан хуримтлагдсан карма илрэн гардаг. Сэрүүн байх цагт өнгөрөн гарах ёстой, туулах ёстой байсан нөхцөл байдал цаг хугацааг хэмнэн зүүдээр маш хурднаар өнгөрөн гарна. Зүүд нь мөн хүн ба илүү дээд төрлийн бодгалиудын(сахиусан тэнгэр) хоорондох харилцааны хэрэгсэл болдог. Энэ нь хоёр шалтгаантай ба нэгдүгээрт, цаг хугацаа хэмнэх, хоёрдугаарт нарийн биеэр дамжуулан авсан туршлага, хичээл нь сүнсэнд бүрнээ нэвтрэн орж, урт удаан хугацааны сэтгэгдэл үлдээх явдал юм. ..

Үргэлжлэл бий….

Джон Фэйворс буюу Бхакти Тиртха Свами  “Бурханлаг дайчин”

номоос сийрүүлсэн: Балабхадра дас

Асуулт: Яагаад эмэгтэй хүн Кришнагийн ухамсрыг сонирхох ёстой гэж? Хариулт:  Эмэгтэй хүн биш гэдгээ ухаарах боломжийг олгодог. Хэрвээ өөрийгөө эмэгтэй хүн л гэж бодоод байх юм бол хуурмаг болон мунхаг байдалд байгаа гэсэн үг. Эмэгтэй хүн гэдэг үг нь түр зуурын л энэ махан биеийн  тодорхойлолт юм. Дөч эсвэл жаран жилийн дараа энэ бие махбодь муудаж, хөгширч, устахад дахин Эмэгтэй хүн байхаа болино. Гэхдээ биед залрах амьд оршнол сүнс нь хэзээ ч алга болохгүй. Кришнагийн ухамсар нь сүнс  болон Бүхний Дээд Сүнс, Кришнатай холбогдсон мөнхийн харилцаагаа ойлгож ухаарах  боломжийг олгоно. Хүн төрөлхтөний оюун ухаан нь материаллаг тодотгол болон түр зуурын энэ махан биеийн үзлээс салахад л зориулагдсан.

Асуулт: Эмэгтэйчүүдийн эрх чөлөөний хөдөлгөөний  талаар? 

Хариулт: Дээдийн дээд эрх чөлөө, ангижрал нь Бүхний Дээд Бодгаль руу буцаж явах юм. Дахин төрөх, өтлөх, өвдөх болон үхэхийн зовлонг амсахгүй байх явдал. Эмэгтэйчүүдийн эрх чөлөөний хөдөлгөөн нь зарим талаараа тустай байж болох ч дээдийн дээд зорилгыг агуулаагүй, үл хэрэгссэн байдаг. Гэхдээ Кришнагийн ухамсрын зам мөрөөр явах нь энэ төрөлдөө эрх чөлөө, ангижралыг олж авах боломжийг олгоно.  Кришнагийн ухамсрын хөдөлгөөн нь жинхэнэ утгаараа эмэгтэйчүүдийн Эрх Чөлөөний хөдөлгөөн юм.

 Асуулт: Кришнагийн ухамсар дах эмэгтэй бишрэлтэнгүүдийн эзлэх байр суурь нь юу юм болоо?

Хариулт: Бурханлаг өнцгөөс харахад, эрэгтэй эсвэл эмэгтэй /мөн бусад амьд оршнолууд/  нь нэг ижил түвшинд байдаг. Сүнс нь Кришнагийн хэсэг хэлтэрхий мөн тул бүх сүнснүүд адил. Гэхдээ мэдээж материаллаг, биеийн түвшний өнцөгөөс харахад өөр байдаг нь гарцаагүй.

 Асуулт: Энэ ялгаануудын тухайд?

Хариулт: Кришнад үйлчилж, Кришнагийн ухамсрын хөдөлгөөнийг түгээн дэлгэрүүлэх явцад энэ ялгаа байхгүй болдог. Эрэгтэй болон эмэгтэй бишрэлтэнгүүд Бурханы дүрд бишрэлээ илэрхийлж, мөргөж, цэвэрлэж, хоол хийж, сонирхож буй хүмүүст Кришнагийн ухамсрын талаар мэдээлэл өгдөг. Хүүхэдтэй эмэгтэйчүүд ч бас Кришнагийн ухамсрын талаар бусад бурханлаг эгч дүүстэйгээ хамт түгээн дэлгэрүүлж байдаг. Үнэндээ Бурханлаг ухамсартай хүүхэд өсгөж хүмүүжүүлнэ гэдэг бол гайхалтай үйлчлэл юм.

Асуулт: Гэхдээ эмэгтэйчүүд эрчүүдээс арай дор байдаг гэж сонссон юм байна.

Үнэн үү?

Хариулт: Дээр дурдсанчлан бурханлаг түвшинд ямар ч ялгаа байхгүй. Бхагавад Гитад Кришна: Хэрвээ аль ч  хүйсний хүн надад өөрийгөө даатгаж чадах аваас буцаад Бурханы зүг буцах боломжтой, ялгаа байхгүй гэсэн байдаг. Бурханлаг түвшинд ухаан болон биеийн, дээд болон доод түвшин гэж байдаггүй. Гэхдээ материаллаг ялгаа байлгүй яахав. Эмэгтэйчүүд эрчүүд шиг хүч чадалтай байддаггүй ч гэсэн зөвхөн эх хүн л ариун сүүгээрээ хүүхдээ тэжээн бойжуулж чаддаг биз дээ? Иймээс  мөн чанарынхаа  хувьд эр болон эмэгтэйчүүдийн хувьд ялгаа бий.

Асуулт: Гэхдээ өнөө үед олон хүмүүс энэ саналтай чинь нэгдэхгүй. Энэ  нь танай хөдөлгөөнийг эмэгтэйчүүдийн дунд түгэн дэлгэрэхэд садаа болохгүй юм уу?

Хариулт: Бид хүн бүрт тааруулж гүн ухаанаа өөрчилж чадахгүй. Мөн алдар цуутай болохыг ч чухалчилан үздэггүй. Бид зөвхөн Бурхан Кришнагийн сургаалийг түгээн дэлгэрүүлж байдаг, тэгснээр л хүмүүс үр шимийг нь амсана. Бурханлаг мэдлэгтэй болно гэдэг нь өөрийгөө энэ махан бие биш юм гэдгийг ухаарахаас эхлэнэ. Би эр хүн, би эмэгтэй хүн гэж бодох нь хий хуурмаг байдалд байгаагийн илэрхийлэл юм. Бие нь сүнсний хувцас. Хувцас цагаас цагт үеэс үед хувьсан өөрчлөгдөж, нэг л өдөр үхэл хэмээх зүйлтэй нүүр тулдаг. Гэхдээ биед орших сүнс нь хэзээ ч, ямар ч үед хувиран өөрчлөгддөггүй.

Асуулт: Кришнагийн ухамсар дах эрэгтэй болон эмэгтэй хүмүүсийн харилцааны талаар?

Хариулт: Эр хүн эхнэрээсээ бусад эмэгтэйчүүдийг “ээж” мэт хандаж, харилцаж  байх хэрэгтэй. Иймээс Кришнагийн ухамсар дах эмэгтэй болон эрэгтэйчүүдийн харилцаа шунал тачаал биш, Кришнаг  голдоо тавьсан, харилцан бие биенээ хүндэтгэсэн л харилцаа байдаг. Энэ байхгүй, эрэгтэй эмэгтэй хүмүүс өөр хоорондоо зааг байхгүй харилцах нь уналт доройтолд оруулдаг.

Асуулт: Илүү дотно харилцааны талаар?

Хариулт: Дотно харилцаа гэдэг нь эр хүн эмэгтэй хүнийг хамгаалахыг хэлж буй юм. Бага залуу үед нь эцэг нь, гэрлэсний дараа нөхөр нь , өтөл буурал болсон цагт хөвгүүд нь хамгаалж, харж хандахыг хэлнэ.

Асуулт: Хамгаална гэдгийг юу гэж ойлгох вэ?

 Хариулт: Хий хуурмаг байдал болон уналт доройтлоос хамгаалахыг хэлж буй юм. Энэ л жинхэнэ хамгаалалт. Эцэг, эр нөхөр болон хүү нь бурханлаг зам мөрөөр явж мэдлэгтэй байж, гэр бүлийн гишүүдээ зөв залж чиглүүлж байх хэрэгтэй.

 Бхагавад  – гитад гэр бүлд бурханлаг уур амьсгал үл орших аваас эмэгтэй хүний цэвэр ариун байдал болон үнэнч байдал нь ганхаж, донсолдог. 2 хүйснийхэн хамаагүй ойртож дотноссоноор үр хөндөлт болон хүсээгүй жирэмслэлт бий болдог. Ийм байдлаас л гэр бүл  болон нийгэм тэр чигтээ уналт доройтолд өртдөг. Төгс байдлаараа эр нөхөр нь Бурханд өөрийгөө даатгаж, энэ зам мөрөөр явж, харин эхнэр нь нөхөртөө бүхнээ зориулж байх нь нийгмийн таатай байдлыг болгож чадна.

 Асуулт: Гэхдээ эмэгтэй хүн гэрийн эзэгтэй байхаас илүү зүйлийг хүсч байвал яах вэ?

Хариулт: Энэ бол хувь хүний сонголт, нээлттэй таны тааллаар л болох хэрэг. Кришнагийн ухамсраар явдаг эмэгтэйчүүд дуулж, зохиож, зураг авч, зурж, зааж мөн бүжиглэдэг. Миний бурханлаг дүү Баруун Виржиниагаас гаралтай. Архитектурийн мэргэжилтэй .Одоо  тэрээр нэг асар том сүмийн төсөл дээр ажиллаж, архитектурийг нь хийж байна. Тиймээс өөрийн авьяас чадвараа Бурханд үйлчилэхэд ашиглан зарцуулахад ямар ч саад бэрхшээл байхгүй.

 Асуулт: Эмэгтэй хүн удирдагч болж болох уу?

Хариулт: Жинхэнэ удирдагч гэдэг нь энэ биеэ орхих цагт хэрхэн Бурханы зүг буцах вэ гэдгийг өөрөө биечилэн заадаг хүнийг хэлнэ. Кришнагийн ухамсарт бат бэхжисэн бишрэлтэн нь эрэгтэй эсвэл эмэгтэй юу гэдгээс үл хамаарч удирдагч болж болно. Гэхдээ тэд энэ материаллаг нийгмийн удирдагчидаас давуу байдаг. Материаллист удирдагчид материаллаг зовлонг улам л нэмэгдүүлдэг бол бишрэлтэн хүн эдгээр асуудлыг зогсоож чаддаг. Энэ л жинхэнэ удирдлага юм.

                                                                                     Вишакха – Деви Даси.

 Орчуулж бэлтгэсэн: Т.Цэвэлмаа

Эх сурвалж:

Women In Krishna Consciousness–Questions & Answers