Вишну нь материаллаг байгаль руу зүгээр л харц чулуудаад майяад үр тогтоож чадсан. Энэ бол сүнслэг арга… Зүгээр л эгэл жирийн харц илгээснээрээ Дээд Эзэн тоо томшгүй олон амьд бодгалиудыг материаллаг байгалийн хэвлийд бий болгож чаддаг. Брахма-самхитад, Дээд Эзний сүнслэг бие нь маш хүчирхэг тул Түүний биеийн дурын хэсэг, өөр бусад ямар ч хэсгийн үүрэг функцийг гүйцэтгэж чадна хэмээн батлан өгүүлсэн байдаг. Бид зөвхөн гараараа эсвэл арьсаараа хүрэлцэж чадах ч Кришна зүгээр л харц илгээгээд л хүрэлцэж чаддаг. Бид зөвхөн нүдээрээ л харж чаддаг. Бид нүдээрээ хүрэлцэж эсвэл үнэрлэж чадахгүй. Харин Кришна нүдээрээ үнэрлэж чадна, мөн нүдээрээ идэж чадна. Кришнад хоол хүнс өргөхөд бид Түүний хэрхэн идэж буйг харж чаддаггүй. Гэвч Тэр хоол хүнс рүү зүгээр л харц илгээгээд л идэж чаддаг. Бид бүхий л зүйлс нь сүнслэг мөн чанар бүхий сүнслэг ертөнцөд амьдрал хэрхэн өрнөдгийг төсөөлж чадахгүй. Хэргийн учир нь гэвэл Кришна өргөсөн хоолыг иддэггүй гэдэг тухай биш эсвэл Тэр түүнийг идэж байгаа гэж бид төсөөлж байгаа тухайд оршдоггүй. Тэр үнэхээрийн бидний өргөсөн хоол хүнсийг иддэг. Гэвч Түүний хооллолт биднийхээс ялгаатай. Бид бүрэн дүүрэн сүнслэг түвшин өөд өгсөн дээшилсэн цагт бидний хоол хүлээн авах процесс Түүнийхтэй адил болно. Энэхүү түвшинд бидний хэсэг болгон өөр бусад ямар ч хэсгийн үүргийг гүйцэтгэж чадах болно. Шри Чайтанья-чаритамрита, Оршил хэсгээс