Та бүхнийг Дээд Бурханы Бодгаль Шри Кришнагийн газар дэлхийд морилон заларсан өдрийн баярын арга хэмжээнд хүрэлцэн ирэхийг урьж байна. Бурхан Кришна нь 5000 жилийн өмнө залран ирсэн бөгөөд Түүний болон Түүний хувилгаан дүр, аватарууд айлчлан ирэх үйл явцыг нар, мандах жаргахтай зүйрлэсэн байдаг. Өөрөөр хэлбэл өнөөдөр манай энд нар бүтэн өдрийн турш гэрлээрээ гийгүүлж байгаад шөнө болоход уулсын цаагуур шингэн бидний нүдэнд үзэгдэхгүй болдог ч энэ нь нар мөнхөд алга болсон гэсэн үг биш. Тэрээр өөр нэгэн газарт өөрийн гэрэл туяагаар өөр хэсэг газар орныхныг гэрэлтүүлэн гийгүүлсээр байгаа. Үүн шиг бүхий л аватарууд, хувилгаадын эх үндэс болсон Бурхан Кришна нь (кришнас ту бхагаван сваям) манай дэлхийд 5000 жилийн өмнө айлчлан ирсэн бөгөөд одоо өөр нэгэн гаригт Өөрийн мөнхийн тоглоом наадмаа өрнүүлж байгаа. Тэрээр нэг гариг дээр Брахмын нэг өдөр нэг удаа л ирдэг хэмээсэн. Брахмын нэг өдөр нь 4 тэрбум 320 сая жилтэй тэнцэх бөгөөд Тэрээр энэ хугаццаанд нэг удаа манай дэлхийд морилон залардаг гэсэн үг юм. Эндээс бид хэдий Кали эрин буюу Төмөр эринд амьдарч байгаа ч өөрсдийн үнэхээрийн аз завшаантайг ойлгох боломжтой. Та бүхэн баярын үйл ажиллагаанд өөрсдийн биеэр ирж оролцохын зэрэгцээ, баярын үйл ажиллаанд өргөл хандив өргөх боломжтой. Өргөл хандив өргөх нь ямар ач тустай тухай хорт хавдраасаа ангижирсан залуугийн тухай манай группт тавигдсан саяхны нийтлэлээс та бүхэн уншсан байх. Ар бодолгүй өглөг өгөх нь саттвик буюу буяны гунагийн үйл мөн хэдий ч энд өглөг өгөхөд харгалзах гурван хүчин зүйлсийг мөн нэмж дурдах хэрэгтэй. Өглөг өгөхөд кала, деша, патра буюу өглөг өгөх аятай сайн цаг хугацаа, өглөг өгөх газар, өглөг өгөх хүн гурвыг чухалчлан авч үзэх хэрэгтэй. Өглөг өгөхөд Бурханы морилон заларсан өдрүүд онцгой ач ивгээлтэй байдаг. Ийм өдрүүдэд өгсөн өглөг маш ихээр өсөн арвиждаг гэдгийг та бид мэднэ. Тиймээс бидний өргөл болгон өргөсөн өглөг энэ өдрийн үйл ажиллагаанд зориулагдах тул энэ нь бид энэ өдөр өглөг өгсөнтэй адил болж байгаа хэрэг юм. Баярын үйл ажиллагаа  2018 оны 9 сарын 3 нд 100 айлын Барилгын Материалын Их Дэлгүүр буюу хуучнаар Ампер хаусын 6 давхарт 18:00 цагт болно. Харилцах утас: 99086676, 98663058. Хандив хүлээн авах данс: Хаан банк 5077184301. Баатарбилэг