Сугар нь хайрын гариг юм. Тэрээр мэдрэхүйнүүдийг удирддаг. Амьд бодгаль нь хайргүйгээр амьдарч чадахгүй. Сугар гариг төөрөг зурхай дээр сул байрлалтай байх аваас тухайн хүн өөрийн сэтгэл хөдлөлөө мэдрэмжээ хуваалцаж чаддаггүй. Жишээ нь тэр өөрийн хайрыг хүлээн зөвшөөрч чаддаггүй. Энэ нь түүнд маш амаргүй байх агаад энэ байдал нь түүнийг эвдэж эхлэдэг… Нэг нь хайрыг хүлээн зөвшөөрч чадаж байхад нөгөө нь үгүй. Нэгнийх нь Сугар төөрөг дээр нь хүчтэй байхад нөгөөгийх нь сул байдаг. Өөрөөр хэлбэл тийм хүн өөрийнхөө мэдрэмжийг илэрхийлэн гаргаж чаддаггүй. … Бүхий л зугаа цэнгэл Сугартай холбоотой. Баар, цэнгээний газар, ресторан, дискотек, бүжиг гэх мэт нь бүгд Сугартай холбоотой. Ийм ч учраас Сугарын хүчийг нэмэгдүүлэхийн тулд эмэгтэйчүүдийг бүжгээр хичээллэхийг зөвлөдөг. Тэр хэдийчинээ их бүжиглэнэ, төдийчинээ түүний эмэгтэйлэг байдал хүчтэй болно. Түүнчлэн хэрэв Сугарын хүч нэмэгдэх аваас түүний дааврын үйл ажиллагаа мөн хэвийн ажиллаж эхлэдэг. Тиймээс тэр ч байтугай зарим нэг Сугарын өвчнийг дан ганц бүжгээр эмчлэх боломжтой байдаг. Театр, урлаг нь Сугартай холбоотой. Тайзан дээр юу хийгддэг билээ? Мэдрэмжээ илэрхийлдэг. Энэ тодорхойлолт ёсоор бол сул Сугар бүхий хүн тайзан дээр гарч чаддаггүй. Ведийн зурхайч, сэтгэл зүйч Сергей Серебряковын лекцээс