Говинда дас Кавиража   1. Ай ухаан минь ээ, хүмүүнийг айдас хүйдэсгүй болгодог Нандын хүүгийн бадамлянхуан өлмийд мөргөн залбирагтун. Энэхүү ховор нандин бэлэг болох хүний бие махбодийг хүлээн авсан дээрээ ариун гэгээн бодгалиудтай харьцагтун. Учир нь та тэгж л материаллаг ахуйн далайг гатлан туулж чадна. 2. Би өдөр ч, шөнө ч, халуун хийгээд хүйтэн, салхи болон борооноос болж зовж шаналан амгалан тайван байдлыг үл мэдэрнэм. Түр зуурхны аз жаргалын өчүүхэн дусалхны төлөө би дүүрсэн тэнэг хүмүүст үйлчлэн зүтгэнэ. Гэвч миний бүхий л оролдлого зүтгэл хуурмаг байжээ. 3. Миний бүхий л эд баялаг, залуу нас, нуган үрс, төрөл төрөгсөд надад жинхэнэ аз жаргалыг авч ирж чадах уу? Энэ амьдрал бол бадамлянхуан дэлбээн дээр бөнжигнөн байгаа шүүдрийн дусал мэт билээ. Иймээс чи Бурхан Харигийн бадамлянхуан өлмийд үргэлжид мөргөн залбирч мөн үйлчлэн зүтгэх ёстой. 4. Говинда дас бхактигийн есөн төрлийн үйлэнд өөрийгөө зориулан даатгахыг тэсч ядан хүснэм. Үүнд Бурхан Харигийн яруу алдрын  тухай хүүрнэлийг сонсох, Түүнийг алдаршуулах, Түүнийг тухай дурсан санах, Түүнд залбирал өргөх, Түүний бадамлянхуан өлмийд үйлчлэх, Түүнд/Бурханд/ чин сүсэгт албат байдлаар үйлчэн зүтгэх, Түүнд цэцэг, хүж гэх мэт тэргүүтнийг өргөн мөргөх, Түүнд найзлан нөхөрлөж үйлчлэх хийгээд Түүнд өөрийгөө бүрнээ даатгах эдгээр үйлүүд хамаармуй.   1 бхажахy ре мана   шри нанда-нандана- абхайа-чаранаравинда ре дурлабха манава-жанама сат-санге тарохо э бхава-синдху ре 2 шита атапа бата баришана э дина жамини жаги ре бипхале севину крипана дуражана чапада сукха-лаба лаги’ре 3 э дхана, йаубана, путра, парижана итхе ки ачхе паратити ре камала-дала-жала, живана таламала бхажах хари-пада нŒти ре 4 шравана, киртана, смарааа, вандана, пада-севана, дасйа ре пужана, сакхи-жана, атма-ниведана говинда-даса-абхилаша ре Дууг татах хаяг 4.3Mb mp3 “Ачарйа-вайшнавын дуунууд” номоос орчуулсан Балабхадра дас