Ангел буюу сахиулсан тэнгэрүүд болон өөр бусад нарийн биет бодгалиуд, жишээ нь хий үзэгдэл, буг гэх мэтийн хооронд ялгаа бий.

Хий үзэгдэл буюу буг нь бие махбодьгүй бодгаль ба дараагийн физик биеэ авч чадаагүй завсрын төлөвт оршин буй амьд амьтан юм. Хэдийгээр хий үзэгдлүүд нь физик бие үгүй ч тэдэнд бие махбодийн цэнгэл таашаалын хүсэл нь үлдсэн байдаг.

Энэ л шалтгаанаар тэд бусдын физик биемахбодид орж, түүнийг ашиглахыг оролддог. Хий үзэгдэл буюу буг нь өөрийн хамгийн сүүлд төрж байсан биеийн тэрхүү зан чанар, менталь буюу сэтгэл зүйн байдлуудыг ерөнхийдөө харуулна. Зальжин, хорт муу санаатай хүний хий үзэгдэлд шилжсэн бие нь энэ хүнийг физик биедээ байх үеийнх шиг тийм муу муухай, таагүй зүйлсийг хүмүүст учруулдаг. Хий үзэгдэлтэй газарт та ямар нэг байдлаар айдсыг мэдрэнэ. Хэрэв таны гэрт, өрөөнд хий үзэгдэл оршин байх аваас та салхи үлээгээд ч байгаа мэт мэдрэмжийг  мэдрэх ба хий үзэгдлийн хүрэлцэх нь хүйтэн сэрүүнийг мэдрэх мэдрэмжийг авч ирнэ.

    Ангелууд буюу сахиусан тэнгэрүүд нь ийм мэт хий үзэгдлүүд шиг төөрсөн бодгалиуд шигээр хүмүүстэй холбогддогүй. Харин тэд онцгой үүрэг даалгаврыг биелүүлж байдаг. Сахиусан тэнгэрүүдээс та адислал, сэрэмжлүүлэг, удирдамж, тэр ч байтугай хамгаалалтыг хүлээн авч болно. Сахиусан тэнгэр нь мэдрэхүйн таашаал ханамж эдлэхийн тулд эсвэл тан руу чиглэсэн ямар нэг сөрөг муу үйлийг хийхийн тулд таны физик биед орохыг оролддоггүй. Сахиусан тэнгэрийн оршин байх нь халуун дулаан, аюулгүй байдал, амар тайван, тав тухтай мэдрэмжийг өгдөг. Сахиусан тэнгэрүүд нь материаллаг орчлонд цаг ямагт хэн нэгэнд туслагчийн үүрэг гүйцэтгэдэг.

   Библиэс та магадгүй сахиусан тэнгэр Авраамын өмнө илэрч, өөрийн хүүгээ хороохоор завдсан түүний гарыг хориглосон тухай мэдэх байх. Мөн бас нэгэн сахиусан тэнгэр Даниилыг идэш болгон ам руу нь шидэхэд арслангийн амыг хаасан байдаг. Мөн бас нэгэн сахиусан тэнгэр Петрыг хорионоос сулладаг. Иоанн Богосвловын Нээлтийн номонд сахиусан тэнгэрүүдийн олон төрөл зүйлийн тухай өгүүлэмж бий. Ариун судар номуудад сахиусан тэнгэрүүд буюу ангелуудтай харилцаж байсан тухай олон тооны ишлэл байдаг.

    Зарим үед туслагч ба сурган номлогч уу тан руу чиглэсэн сөрөг санаа бодолтой хэн нэг бодгаль уу гэдгийг ялган салгахад бэрхтэй. Эдгээр бодгалийн сайн мууг ялгах хамгийн энгийн арга нь тэд буянлаг уу эсвэл цэвэр бус уу гэдгийг тодорхойлох явдал. Буянлаг бодгалиудын хүчин чармайлт нь танд туслахад чиглэгдсэн байдаг. Цэвэр бус гэдэг нь шууд утгаараа бол таны амьдралд ямар нэг бохир муухай зүйлийг авч ирэхийг оролдоно гэсэн үг юм.

    Хэрэв та буянлаг сайн дээд бодгальтай харьцаж байгаа бол энэ боломжийг алдалгүй тэрээр ямар төрлийн сахиусан тэнгэрийн ангид хамаардгийг нь тодорхойлохыг оролд. Зарим нэг сахиусан тэнгэрүүд нь хүүхэд шиг, зарим нь эрэгтэй, эмэгтэй дүр төрхтэй, нөгөө нэг хэсэг нь хүйсгүй гэх мэт. Энэ ялгаа тийм ч чухал бус. Хамгийн чухал нь тэдний өгч буй мэдээлэл ба энэ мэдээллийг хэрхэн ашиглах явдал юм. Түүнчлэн танд ирж буй энэ холбоо харьцаа таны хувьд хор хөнөөлтэй юу ашиг тустай юу гэдгийг ойлгох нь чухал. Хэрэв та өөртөө сөрөг нөхцөл байдлыг авч ирж байгаа бол таны хувьд ийм холбоо харьцаанаас зайлсхийхийн тулд өөрөө өөр дээрээ ажиллах хэрэгтэй. Хэрэв та танд айдас хүйдэс авч ирэх ямар нэг дуу хоолойг сонсох аваас ухамсрын түвшнээ хэрхэн  сайжруулах тал дээр санаа тавих хэрэгтэй гэсэн үг.

    Сахиусан тэнгэрийн бие нь олон өнгөөр солонгорсон, гэрэл цацарсан, долгилон чичирхийлсэн байдаг. Уйтгар гунигтай үед ийм бодгалиуд нь танд амар амгалан, тайван уужуу байдлыг мэдрэх мэдрэмжийг өгнө. Хэрэв хүн үхлийн босгон дээр эсвэл транс буюу гүн бясалгал, эсвэл ком буюу ухаангүй төлөвт байх үед сахиусан тэнгэр сүнсийг биеэ орхих байдалд нь саад хийж болно. Тэрээр тухайн сүнстэй ярилцаж, өөрийн ажил хэргээ дуусгах, энэ ажлаа бичихийн тулд эргэн биедээ орохыг шаарддаг. Ийм мэт үйл явдлууд нь үргэлж болж байсан, ирээдүйд ч болсоор байх болно. Сахиусан тэнгэрүүд нь өнөө цагт ч илэрч харагдсаар байдаг ба ялангуяа хүүхдүүдийг хамгаалахын тулд олонтоо илэрч залардаг. Хүүхдүүд тэднийг харж, тэдэнтэй ярилцах нь бий. Онцгой мэдрэмжтэй зарим хүмүүс мөн сахиусан тэнгэрүүдийг хардаг. Зарим нэг хүмүүсийг сахиусан тэнгэрүүд насан туршид нь дагалдах нь ч бий. Зарим хүмүүст хүндрэл бэрхшээлийг даван туулахад нь туслахын тулд тодорхой мөчлөгт илэрч залардаг. Та бүхний зарим нь Михаил, Гавриил болон өөрсдийн гайхалтай үйлээрээ алдаршсан өөр бусад олон сахиусан тэнгэрүүдийн тухай мэдэх байх. Тэд энэ ба өөр бусад орчлон дээр оршин байх амьд бодгалиудыг хамгаалж, хайр энэрлээр тэдэнд туслаж байдаг. Сахиусан тэнгэрүүд нь заавал нэг орчлонд оршоод байх албагүй. Тэд хаа сайгүй хэсэн аялах онцгой чадварыг эзэмшсэн байдаг.

Үргэлжлэл бий…

Джон Фэйворс буюу Бурханы Адислалт

Бхакти Тиртха Свами “Бурханлаг дайчин” номоос

Бэлтгэсэн: Балабхадра дас

Дээд  Бурханы болоод Түүнтэй холбоотой бүхний тухай уламжлалт ариун гэгээн мэдлэгийн ихэнхи хэсэг нь өнөө цагт олж хүртэхэд хялбар бус ба түүнчлэн өөр бусад олон янзын нэн чухал бурханлаг асуудлуудын талаар хүмүүст тодорхой ойлголт үгүй юм. Жишээ нь, тэнгэрийн орон ба Бурханы хаант улс хэмээх ойлголт байна. Эдгээрийг ялган салгаж ойлгохын тулд бид эхлээд өөрсдийн амьдардаг материаллаг орчлонгийн тухай ярилцъя. Материаллаг орчлонгийн бүтэц зохион байгуулалтыг танин ойлгосноор бидэнд тэнгэрийн орон буюу диваажин гэж юу болох, бурханлаг ертөнц гэж юу болох тухай ойлголттой болно.

ОРЧЛОН ДЭЭРХИ БИДНИЙ ОРОН ЗАЙ

Ведэд өгүүлснээр, манай Дэлхийг оршоон агуулдаг орчлон нь арван дөрвөн гаригийн системээс тогтдог. Гаригс нь дотроо гурван үндсэн ангилалд хуваагдана: дээд гаригууд, дунд гаригс, доод гаригс. Доод буюу тамын гаригс нь ариусч цэвэршихийн тулд буюу их хэмжээний нүгэл хилэнцийнхээ төлөөсөнд шийтгэгдэн цээрлүүлэгдэх газар юм. Дунд гаригст нь манай Дэлхий гэх мэт гаригууд орно. Дээд гаригууд гэдэг нь хүмүүс заримдаа түүнийг Тэнгэр, Диваажин гэх мэтээр нэрлэдэг тэр гаригс юм. Энэ бүх гаригуудын системийн дээр Бурханы хаант улс буюу бурханлаг сүнсний ертөнц оршино. Энэ орон зай нь мөн чанарынхаа хувьд материаллаг бус ба энэ дэлхий ертөнцтэй ямар ч холбоогүй. Шинжлэх ухаан, тоо томшгүй олон ертөнцөс бий ба тэдгээрийн олонхи дээр нь амьдрал бий гэж өгүүлдэг. Манай гариг нь энэ орчлон ертөнц гаригуудын хамгийн жижиг орчлон дээрхи өчүүхэн жижиг тоосны ширхэгтэй адил.

БУРХАНЫ ТӨЛӨӨЛӨГЧИД

Орчлон болгоныг Түүний удирдлаганд нь ажилладаг, материаллаг энергийн илрэл ба үйл хөдлөлийг хянаж байдаг Дээд Бурханы төлөөллүүд удирдан залуурддаг. Эзэн Бурхан өөрөө материаллаг ертөнцийн бүтээл түүний тогтоон барих үйл ажилд шууд байдлаар оролцдоггүй. Энэ асуудлыг сахиулсан тэнгэрүүд гэж нэрлэгддэг Түүний төлөөлөгчид хариуцдаг.

Ийм төлөөлөгчдийн нэг нь Брахма юм. Нэг төрлийн бодгалийг олон улс орон уламжлалд өөр өөрөөр нэрлэдэг. Ведийн уламжалд Брахма нь бүтээгчийн үүргийг гүйцэтгэдэг ба ерөнхийдөө бид бүтээгч функц хариуцагчийг Дээд Бурхан гэж тооцдог. Тэрээр тэнгэрийн гаригуудын зарим нэг хэсгийг нь хянахын зэрэгцээ тэнгэрийн орны дээд гаригт нь оршино. Орчлон болгонд өөрийн гэсэн Брахма байх ба хүмүүс Бүтээгч Бурханы тухай ярьж байх аваас энэ нь чухам үнэндээ Брахмын тухай л ярьж буй хэрэг юм. Олон янзын соёл иргэншилд түүнийг янз янзаар нэрлэдэг. Чухамдаа тэрээр Бурхан биш бөгөөд зөвхөн Бурханы нэрийн өмнөөс ажилладаг.

Брахмын суудлыг Бурханы төлөөлөгч эзлэх ба галав эринээс галав эринд дээд гаригийн системээс эсвэл бурханлаг ертөнцөөс буун заларч ирдэг. Өөр цаг үед энэ суудлыг бараг л зуун хувь төгс бодгальд хариуцуулан олгодог байсан ба түүнд ноёлон захирах хүсэл туйлдаа хүртэл их байдаггүй. Ийм сүнсэнд Бурханы нэрийн өмнөөс бүтээгчийн дүрд тоглох боломж олгогддог ба орчлонгийн материаллаг илрэлүүдийн хэв журмыг сахин хариуцах үүрэг ногддог. Бид бүхэн Брахмын байр сууринд очиж байсан байж болох ч материаллаг энергитэй холбогдсоны уршгаар үүнийгээ дурсан санадаггүй. Магадгүй та бүхнээс зарим нэг нь энэ байр суурийг олон сая амьдралын туршид эзэгнэж байсан байх боломжтой.

Брахмын нас нь 311 триллион 40 сая жил. Энэ нь худлаа мэт санагдаж болох ч та цаг хугацаа орон зайг өөрийн размертай тохирсон хэмжээгээр хэмждэг гэдгээ санах хэрэгтэй. Брахмын амьдрал хэдийгээр маш их дэвшингүй хэдий ч тэрээр мөн л материаллаг бодгаль учраас амьдралынхаа төгсгөлд тэрээр биеэ орхино. 311 триллион жилийн дараа Брахмаг биеэ орхиход энэ орчлон дээрхи бүх оршин буй бүхэн устан үгүй болно. Өөрөөр хэлбэл 4 миллиард жил тутамд дээд гаригсын системийг оруулаад бүх гаригууд устан сөнөдөг. Энэ 4 миллиард жилийн үечлэл дотор 14 хэсэгчилсэн усталтын цикл байдаг. Энэ циклийн туршид зохион байгуулалттай, системтэй бүтээл, оршин тогтнол, усталт болдог. Үүнээс гадна 2 мянган жил тутамд глобаль буюу нийтийг хамарсан томоохон сүйрэл болдог. Яг одоо бид энэ сүйрлийн босгоор даван орж байгаа бөгөөд тун удахгүй энэ босго үе оргилдоо хүрнэ. Та бүхнээс олонхи нь ойртон ирж буй хувьслын процесст өөрийн үүргээ гүйцэтгэхийн тулд энэ гариг дээр ирж төрсөн бөгөөд энэ олж авсан мэдлэг нь таны өөрийнхөө амьдралын зорилгоо танин ойлгох, ирээдүйд хэрхэн хэрэгжүүлэх тухай ойлгоцтой болоход тань туслана. …

ДИВААЖИН ХААНА ОРШИН БАЙНА ВЭ ?

Бид өмнө нь Бурханы хаант улс ба тэнгэрийн орны хооронд ялгаа байдаг тухай хэдийнээ өгүүлсэн. Коран сударт зөнч Мухаммедын буун заларсан тухай өгүүлэмж бий. Тэрээр архангел Гаврийлтай хамт эхлээд тамын гаригаар аялаад дараа нь тэнгэрийн орноор буюу материаллаг гаригуудын дээд хэсэг болох Долоо дахь тэнгэрт хүрсэн байдаг. Түүнээс цааш Гавриил түүнийг даган явж чадаагүй. Зөнч Мухаммед дараа нь тэнгэрийн орны дээр орших Сидратил-Мунтахт өгсөн хүрсэн. Энэ нь Бурханлаг ертөнц бөгөөд Аллахын амьдрах орон юм. Тэнд Мухаммед Аллахтай биечлэн уулзсан байдаг. Архангел Гавриилын хувьд бурханлаг ертөнцөд орохыг зөвшөөрөөгүй. Учир нь тэрээр хангалттай төгс бус. Зөнч Мухаммед өөрийн гайхамшигтай цэвэр байдал, Аллахт үнэнч бишрэлтэйнхээ ачаар Бурханы хаант улсад орох эрхийг олсон.

Тэнгэрийн орны тухай ярих үед бид ерөнхийдөө хүнийг газар дэлхийн бус, цаг зуурын бус жаргал цэнгэл хүлээж байдаг газрын тухай ярьдаг. Ийм ойлголт дэлхий дээр ч дээд гаригийн систем дээр ч байдаг. Хэдийгээр ийм газрыг ерөнхийдөө Диваажин гэж нэрлэдэг ч тэнд Дээд Бурхан оршин амьдардаггүй. Үүнийг сайн санах хэрэгтэй. Библийг уншиж байх үед Эзэн Бурхан тэнгэр ба газрыг бүтээсэн гэдгийг бид мэддэг. Тэгвэл тэнгэрийг бүтээгээгүй байх тэр үед Эзэн Бурхан өөрөө хаана байсан бэ хэмээх асуулт үүсэн гарна. Эндээс логик байдлаар тэнгэрийн орон ба Бурханы орны хооронд ялгаа байна гэсэн дүгнэлтэнд хүрч болно. Тэнгэр нь материаллаг бүтээлийн нэг хэсэг ба харин Бурхан бурханлаг сүнсний ертөнцөд оршино.

Тэнгэрийн оронд хэн хүрч очих заяатай вэ? Хамгийн чухал зүйл бол хүний ухамсар юм. Материаллаг атмосферт нэвт шингэсэн бидний ухамсарт нөлөөлж байдаг гурван үндсэн чанар байдаг. Бидний хүслээс хамаарч энэ чанарууд бидний сэтгэл санаа, бидний үйл ажилд ноёлох нөлөөллөө үзүүлнэ. Энэ чанаруудын хамгийн доод төлөв нь түрэмгийлэл, цэвэр бус байдал, адгуусны дур сонирхол, залхуурал, бусдыг ашиглах хандлага, тэднийг захирах удирдах хандлагатай нөхцөлдсөн мунхаг харанхуй юм.

Үргэлжлэлийг  “Алтан эриний гэгээ” сонины шинэ дугаараас уншаарай.

Джон Фэйворс “Бурханлаг дайчин” номоос орчуулсан: Балабхадра дас

Бомбейд байх хугацаандаа Шрила Прабхупада өөрийн олон жилийн дадал зуршлаа өөрчлөлгүй бараг өглөө болгон шавь нарын хамт Джухугийн элсэн дээгүүр аялан алхдаг байв. Энэ аяллынхаа үеэр тэрээр нутгийн оршин суугчдын нэг, хуучин цэргийн эмч байсан доктор Пательтай харилцан ярилцдаг байлаа.

Сүүлчийн өдөр, Австрали руу нисэхийн өмнө Шрила Прабхупада доктор Пательд өөрийн сүнсний хөгжлийг илүү ахицтай байлгахын тулд бишрэлтнүүдтэй аль болох их харьцаатай байж, сат-санга буюу цэвэр ариун харьцааг өөрийн амьдралын дадал болгохыг зөвлөв:

–         Хэрвээ та бишрэлтнүүдийн хүрээлэл дунд аль болох их цаг хугацааг өнгөрөөх аваас Кришна-катха танд маш аятай таатай байх болно.

–         Тэгвэл энэ сайхан номууд санга болж болно биз дээ?! Энэ ч бас сат-санга шүү дээ, тийм биш гэж үү? хэмээн доктор Патель Прабхупадаас асуув.

–         Тиймээ, тэгэлгүй яахав…

–         Тэгэхээр өглөөнөөс авахуулаад л би танаас сат-санга авдаг. Дараа нь “Бхагаватам”, “Бхагавад-гита”гаас  сат-санга авдаг. Би байнгын сат-санга дунд байна. Гэтэл та намайг үүнийг хийхгүй байна гээд байх юм! – хэмээн доктор Патель инээмсэглэв.

–         Үгүй – үгүй, та юу ярина вэ! Би таныг дүүрчихсэн амьтан гэж хэлээгүй байна. Би л харин өөрийгөө  дүүрчихсэн амьтан гэж тооцож байна. Яагаад гэвэл би таныг сүм рүү явуулж чадахгүй байна шүү дээ. – хэмээн Прабхупада хүлцэнгүйгээр хариу өчив. Ийн хариулахад тэнд байсан бүх хүмүүс инээдээ барьж үл чадан инээмсэглэцгээв.

Доктор Патель ч энэ ёжлолыг ойлгон:

–         Та миний төлөө олон зүйлийг хийсэн. Тэгсэн хэдий ч миний хөлнөөс чангаах ажлаа үргэлжлүүлсээр. Би өөрийгөө тантай хамт байхад үл тохирох нэгэн гэж тооцож байна. Ийм учраас би өөрийн бүх дутагдлаас салж засрах ёстой. Эс тэгвээс би өөрийн харьцаагаар таныг ердөө бохирлох болно…

Энэ яриа их халуун дотно үргэлжилж байлаа. Доктор Патель ч их урам зориг авсан агаад Шрила Прабхупада түүнийг өөрийгөө бурханлаг амьдралд бүрэн даатгахыг итгүүлж дөнгөсөн байлаа:

–         Би жар хүрмэгцээ л үүнийг хийх болно.

Прабхупада мөн л инээмсэглэн:

–         Тэгвэл та бүхэл бүтэн арван таван жилээр хожимдох болно! хэмээн хариулав.

Шрила Прабхупада бурханлаг амьдралын үндсэн сэдвүүд хөндөгдөх үед цаг ямагт хувиршгүй, буулт, эвлэрэл хийдэггүй чанараараа үлддэг байсан юм. Өөрийн бүтээлүүд, шавь нараа сургаж байсан сургаал, хүмүүстэй хийж байсан ярилцлага зэрэгтээ тэрээр бурханлаг буюу сүнслэг хөгжлийн тулд практик үйлчлэл зүтгэл хийгээд бишрэлтнүүдтэй харьцах харьцааны чухлыг дахин дахин онцолдог байсан билээ.

Хари Шаури прабху

“Трансцендент өдрийн тэмдэглэл” номоос.

Бэлтгэсэн: Балабхадра дас