“Хэрэв ямар нэг хар өнгөтэй амьтан өмнүүр тань гүйж өнгөрөх аваас(нохой, муур ялгаагүй) зогсохтун. Хэрэв та машинтай явж байсан бол гэнэт өмнүүр тань муур гүйгээд гараад ирсэн бол … яагаад тэр таны машины өмнүүр гүйж гарсан хэрэг вэ? Зогс. Харин та “Ямар өлзий билэггүй юм бэ? Түй түй, бузар бүхэн надаас холуур!” гэж шивших хэрэггүй. Ингэх хэрэггүй. Зүгээр л түр зогсоод 5 аас 10 минут хүлээ, зүгээр л зогсоод. Яагаад тэр вэ? Яагаад гэвэл танд, “Зогс, цаанаас чинь Камаз ирж явна” хэмээн хэлж байгаа хэрэг. Эсвэл өөр ямар нэг зүйл тохиолдох ёстой ч юм уу. Өөрөөр хэлбэл цагийн тоолол явагдаж эхлэлээ, та ямар нэг таагүй нөхцөл байдалтай тулгарах ёстой болжээ гэсэн үг. Ийм шинж тэмдгүүд нь, “Цаашаа яваад хэрэггүй, түр зогсож бай” хэмээн танд хэлж байгаа хэрэг билээ.  Та зогслоо, математикийн тооцоолол алдагдлаа. Тэгээд зам замаа хөөлөө гэсэн үг. Та үүнийг шалгаж болохгүй. Харин зүгээр л зогсоод үлдсэн нь дээр. Та, цаашаа юу болохыг, ямар үйл явдал учран тохиохыг мэдэхгүй. Гэхдээ шинж тэмдэг гарч ирлээ. Нимитта-шастра нэртэй эрдэм ухааны салбар байдаг. Тэнд шинж тэмдгүүдийн талаар өгүүлсэн. Хэрэв биеийн зүүн тал шалтгаангүйгээр чичрэх аваас эсвэл  зүүн нүдний зовхи татах аваас … Хэрэв бүхэл бүтэн долоо хоног татсан аваас энэ нь ямар нэг чигийг зааж буй. Эмчлэх хэрэгтэй гэсэн үг. Энэ нь аль хэдийнээ өөрөө өвчин юм. Харин ямар нэг байдлаар чичирч байвал, энэ нь эрэгтэйчүүдийн хувьд таагүй муу, эмэгтэйчүүдийн хувьд таатай сайн шинж тэмдэг юм. Эсрэгээр эмэгтэйчүүдийн хувьд баруун тал чичрэх аваас энэ нь таагүй муу шинж тэмдэг. Сар ба Нар. Хэрэв хэн нэгний алга загатнах аваас дараа нь мөнгөтэй болдог доо? Учир нь энэ хэсэг бол Лакшмигийн хэсэг газар. Ийм ч учраас Энэтхэгт эмэгтэйчүүд алгаа улаанаар буддаг, гоёдог. Учир нь Лакшмигийн эрчим тэнд байдгаас тэр юм”. Ведийн зурхайч, сэтгэл зүйч Сергей Серебряковын лекцээс орчуулж бэлдсэн: Балабхадра дас