Бид тэдэнд прасад өгдөг. Бид тэр ч байтугай адгуус амьтдыг нааш ирж сонсохыг нь хориглодоггүй. Заримдаа тэд бага сага зүйл сонсдог. Сонсоно гэдэг нь сонсох төлөвт оршино гэсэн үг. Бүгд л сонсож чадна. Тэр ч байтугай тэд, Харе Кришна гэж юу болохыг ойлгохгүй байлаа ч хэрэв та Харе Кришнаг чанга дуулах аваас тэр ч байтугай шоргоолж, хорхой шавьжнууд хүртэл аврагдана. Яагаад гэвэл энэ нь сүнслэг авиа чичиргээ учраас. Энэ нь бүгдэд туслана. Яг л гал шиг. Гал нь та хүн байна уу эсвэл хорхой шавьж байна уу адилхан нөлөөгөө үзүүлнэ. Хэрэв та галд хүрэх л юм бол тэр өөрийн ажлыг хийх болно. Үүн шиг Харе Кришна маха-мантра нь трансцендент авиа чичиргээ юм. Бид түүнийг чанга дуулахад түүнийг сонссон хэн ч байсан, тэр нь хүн байна уу, амьтан байна уу, мод байна уу, шавьж байна уу ялгаагүй сонссон л бол ач тусыг нь хүртэх болно. Энэ бол трансцендент авиа чичиргээ юм… Кришна, Бхагавад-гитад, шабдах кхе пауруша-мринам расо ‘хам апсу каунтейа прабхасми шаши-сурьейах. Иймэрхүү байдлаар адгуус амьтад нь “Кришна энд байна” гэдгийг ухамсарладаггүй. Харин хүн бол сат-санга буюу чин бишрэлтнүүдийн хүрээлэлд ирмэгц үүнийг ойлгож чадах болно… Шрила Прабхупада лекцээс, Бомбей, 1973-01-04