“Өөрийгөө Бурхан гэж нэрлэдэг гуру нарын тухай та юу хэлэх вэ?” – гэж Ваманадева асуулаа. “Хэрэв би өөрийгөө АНУ-ын ерөнхийлөгч Никсон байна гэж мэдэгдвэл та юу хэлэх вэ? Та намайг ерөнхийлөгч гэж хүлээж авах уу? … Үгүй гэнээ ? Яагаад үгүй гэж, хариул даа ?” Ваманадев: Танд тохирох шинж чанарууд байхгүй учраас. Прабхупада: Энэ нь та солиотой биш гэсэн үг. Хэрэв би өөрийгөө би бол Бурхан шүү гэж хэлэхэд та үүнийг маань хүлээж авах аваас үүнийг ямар түвшний солиорол гэх вэ? Энэ нь хоёр талаасаа солиорол юм. Нэг нь өөрийгөө би бол Бурхан шүү хэмээж байхад нөгөөдөх нь түүнийг Бурхан хэмээн хүлээн авч байна. Карлос: Бид нэгдмэл биш гэж үү? Прабхупада: Энэ бол өөр хэрэг. Та ерөнхийлөгч Никсонтой нэгдмэл нэг үү? Карлос: Тиймээ. Бидний хэн хэн нь хүн төрөлтөн. Прабхупада: Ийм хариулт байж болох л юм. Хүн төрөлтөн болсны хувьд бидэнд олон нийтлэг зүйл байгаа л даа. Гэхдээ та өөрийгөө, би бол Ерөнхийлөгч Никсон гэж хэлж чадахгүй биз дээ. Бид олон зүйлээрээ Бурхантай адил боловч бид Бурхан биш. Дээд Эзний хичнээн агуу мөн чанартайг үл мэдэгч нар Түүний агуу байдлын талаар зарлан тунхаглах гэж хичээцгээдэг. Гэвч энэ нь солиорол биш гэж үү? Карлос: Тиймээ, зөвшөөрч байна.   1969 он. Коламбус. Хаягрива дас, “Харе Кришнагийн тэсрэлт” номоос орчуулж бэлдсэн: Балабхадра дас